Оцюняньконь предложениянзон шназень странань премьерсь В.В.Путин
28 мартста Мордовиянь Оцюнясь Н.И.Меркушкин Воронежса тись выступления агропромышленнай комплексть виияфтоманц и тундань-паксянь работатнень етафтомаснон коряс Всероссийскяй совещанияса.
Совещанияса, конань етафтозе Россиянь Правительствать Председателец Владимир Путин, ванонтфтольхть горюче-смазочнай материалса, минеральнай удобренияса, видьмоса, техникаса и эрявикс финансовай ресурсса велень хозяйствань производительхнень обеспечендамаснон коряс кизефксне. Тядде Россиянь агропромышленнай комплексть виияфтоманкса федеральнай бюджетсь нолдай пцтай 170 миллиард цалковай.
Мордовиянь Оцюнять мархта лихтьфтольхть предложеният велень хозяйствань предприятияса кредитованиянь системать коряс. Тяконь мархта, корхтамась мольсь 2010 кизонь засухать эзда зиянц повф территориятненди и хозяйстватненди шумотнень кирьфтамаснон колга. Тя проблемась важнай Россиянь региононь ламоц хозяйстватненди. Дополнительнай кредитнай сталмотнень инкса, конат лиссть 2010 кизонь аномальнай засухать сюнеда, ламоц хозяйстватнень эса эвондакшнихть сталмот од кредитнай займатнень мархта тяддень тундань апак лотксек работатнень обеспечендаманкса. Максови лезкс аньцек ся хозяйстватненди, конат ванфтозь, арьсезь и ответственностень марязь малаткшнихть кредитованиянь кизефксненди.
Стане жа Мордовиянь Оцюнясь Н.И.Меркушкин кеподезе Россиянь АПК-нь предприятиятненди удобрениятнень доступнайшиснон коряс и сатфксонь сатнезь работай велень хозяйствань товаропроизводительхнень удобрениянь рамамста ширеснон кирдемаса проблемать.
Н.И.Меркушкин азсь предложения Россиянь региоттнень эса велень хозяйствань производствать бюджетнай и налоговай стимулированиянц коряс. Эста, мзярда регионца велень хозяйствань производствать уровенец и пяльксоц стакаста люпштай региональнай бюджетть лангс, тя аф максы курокста решандамс странаса велень хозяйствать виияфтоманц коряс задачать и лисемс международнай рынкатненди.
Ульсь отмечаф сяда аф казямста разнай региононь и велень хозяйствань производительхненди малаткшнемать эрявиксшиц. Н.И.Меркушкин сувафтсь предложения аф фкя лаца велень хозяйствань производительхненди и региоттненди, конат ащихть разнай климатическяй поясса, малаткшнемать колга. Стане жа ульсь отмечаф предприятиятненди, коса разнай почвась качествас и структурас коре, аф фкя лацонь малаткшнемать эрявиксшиц.
Разнай климатическяй зонаса работась азови карьхцнень уровеньцнон, продукциять себестоимостенц лангс и, мекпяли, ломаттнень эряфонь уровеньцнон лангс. Тяконь лаца жа трудонь и ресурсонь карьхцямста Кубаньца и Ставропольскяй крайса урожайсь ули сяда оцю Россиянь север ширеть коряс. Миронь вии аграрнай странатнень эса налогонь и кредитонь режимсь сявондеви мяльс кельме климат мархта территориятненди. Тяфтама малаткшнематне аш кода сувафнемс практикас Россияса.
Стане жа Мордовиянь Оцюнясь корхтась социальнай сферать аф фкя лаца вииякшнеманц кирьфтаманц коряс, муниципальнай велень территориятнень эса ломаттнень эряфонь уровеньцнон, коса работайхть велень хозяйствань предприятиятне, и ся территорияса, коса аш велень хозяйствань предприятият, законодательнай мератнень эрявиксшиснон колга.
Совещаниять пингста Мордовиянь Оцюнять сембе предложениянзон ширесна киртьфтольхть Россиянь Правительствать Председателенц В.Путинонь и Россиянь Правительствать Председателенц васенце заместителенц В.Зубковонь мархта.
Эсь выступлениясонза Н.И. Меркушкин сувафтсь дополненият Россиянь Правительствать мархта пуроптови велень хозяйствать виияфтомаса 2013-2020 кизотненди государственнай программати. Велень хозяйствать виияфтомаса государственнай программаса кармай ванондовома велень хозяйствань техникать, агролизингть, велеть социальнай виияфтомац. Программаса оцю мяль шарфтови велеса эряма вастонь строямати и инфраструктурань объект-тненди, васендакиге—ки лангонь инфраструктурати.
Воронежса Мордовиянь Оцюнясь Н.И.Меркушкин васетькшнесь Россиянь Правительствать васенце вице-премьеронц Виктор Зубковонь, Россиянь велень хозяйствань министрть Елена Скрынникть, экономическяй развитиянь министрть заместителенц Андрей Клепачень мархта.
Республикань велень хозяйствань предприятиятнень финансовай ширеснон кирдемаснон коряс кизефкснень Мордовиянь Оцюнясь ванондозень Россиянь финансонь министрть заместителенц, агропромышленнай комплексть курирующаенц Александр Новаконь, Россельхозбанк правлениять председателенц Дмитрий Патрушевонь и «Росагролизинг» ОАО-ть генеральнай директоронц Валерий Назаровонь мархта.
05.04.2012 №13
Ётай недялять Саранскяйса етафтовсь оцю ила—Шачема кялень ши. Национальнай театрать залоц пяшксель ломаньда. Тяза пуромсть сят, кит кельгсазь родной кяльснон, пичедихть сонь инксонза и лама тиендихть сонь сяда тов виияфтоманксонза.
4 апрельста Саранскяень 90№ идень садикса етась Мордовиянь дошкольнай общеобразовательнай учреждениянь тонафтыхнень еткса «Лучший педагог этнокультурного общеобразовательного учреждения» конкурсть очнай туроц. Заочнай турсь ульсь 21 мартста. Конкурсть аноклазь и етафтозь Мордовия Республикань Образованиянь и Национальнай политикать коряс министерстватне, Финно-угорскяй народонь культурань Поволжскяй центрась.
90№ садонь иднятне, и мокшэрзятне, и русне, кштисть и морасть, ефси мелавнят шарондсть мокшень нарядснон мархта. Меле стирнятне-церанятне оцю мяльса примасть участия эрь педагогть тонафтомань программасонза, коза сувафтфтольхть мокшэрзянь ярхцамбялень пидемась-анокламась, стамась-кодамась, мокшетнень и эрзятнень сядонгольдень эряфснон лия ширензон няфтемасна. Тяда меле кочкафтольхть сяськихне. Васенце вастсь максфоль кафта тонафтыхненди: Лямбирень 3№ идень садонь педагогти Н.В.Салмовати и Краснослободскяень «Солнышко» идень садонь воспитательти В.Н.Лемяскинати. Ляды участникненди максфоль «Лучший педагог этнокультурного общеобразовательного учреждения» конкурсонь лауреатонь лем.
17 мартста республиказонк рабочай васедема мархта сашендсь Российскяй Федерациянь Государственнай Думань депутатсь, «Единая Россия» партиянь Генеральнай Советонь членць «Всероссийская Федерация школьного спорта» ООФСО-ть президентоц, фигурнайста курькснемать коряс колмонь-крдань Олимпийскяй и кемонь-крдань Миронь чемпионкась И.К.Роднина.
7 мартста Саранскяйса И.М.Яушевонь лемса Оперань и балетонь театраса етась Авань международнай шити лемтьф торжественнай пуромкс, конань пингста Мордовия Республикань Оцюнясь Н.И.Меркушкин седи ваксста поздравляндазень залу пуромф аватнень малаткшни праздникть мархта:
Тя шиня республикань Оцюнять Н.И.Меркушкинонь кядьста получазь казнетнень инь сатфксуфне. Тяфта, национальнай культурать виияфтомаса оцю путксонкса Мордовия Республикань культурань Заслуженнай работниконь Почетнай лемть сатозе Старошайговскяй райононь Лемдяй велень мокшавась М.И.Бике-евась. Мария Ивановна ламотненди содаф сюреса сермадомань маштомошинц мархта. Эсь кядьса серматф авань костюмонза, алянь панаронза, мазы пряруцянза, нардаманза и карксонза аф весть няфнефтольхть ламоц выставкатнень эса и фалу салсесть мяль, сатнесть грамотат и диплопт. Мастерицась эрь работанцты путнесы седиень лямбонц. Прясонза фалу шарыхть од мяльхть тя или тона узорть квалма.
2004 кизоня Афиныса, Олимпийскяй налхкоматнень шачема масторса, сон тиезе сянь, мезсь вестенге ашезь удала тиемс ингольдень Советскяй Союзонь и Россиянь спортсметтненди. Юрий Борзаковский сяськсь 800 метрас ласькомань дистанцияса и арась тя видть коряс васенцекс Россияста Олимпийскяй чемпионкс. Тяда инголе тя дистанцияса сяськондсть аньцек африканскяй странань спортсметтне, конат, кода содаф, мирса лувондовихть инь виикс. Афкукс, сонь сяськомац 2004 кизонь Олимпиадаса ульсь оцю казнекс сембе Россиянь спортонь кельгихненди. Башка гордость марятама инксонза минь, мокшэрзянь масторонь ломаттне, сяс мес юронза тястоннет, Мордовияннет. Тядяц Старошайговскяй райононне, аляц Рузаевскяй районцта. Аф кунара минь корреспондентоньке васьфнесь и корхнесь сембе мирти содаф легкоатлетть, Олимпийскяй чемпионть, ламоксть Европань и миронь чемпионть, Россиянь спортонь Заслуженнай мастерть Юрий БОРЗАКОВСКЯЕНЬ мархта.
сёрмады редакцияв Сире Шайгавонь эряфкшу ломанць Шишкановась
Исяк, 18 апрельста, Саранскяйса етась Мордовия Республикань Государственнай Собраниять видеса од ломанень Общественнай палатать заседанияц, конань вятезе Мордовия Республикань Государственнай Собраниять Председателенц заместителец Р.З.Аширов.
16-17 апрельста Мордовияса ульсь Российскяй Федерациянь Президентть видеса идть праванзон коряс Уполномоченнайсь П.А.Астахов.
Арась цебярь койкс етафнемс лямбе васедемат лия регионца эряй мокшэрзятнень мархта. Етай недялять Самарскяй областьса концерт мархта ульсть Мордовиянь содаф артисттне.
Васенце секретсь: водендада ката лефкскя ся пингть, мзярда кудсь аф кадондови шава.
1-10 апрельста Российскяй Федерациянь Спортонь, туризмань и од ломанень политикань министерствась марса од ломаттнень тевснон коряс Федеральнай агентствать мархта етафтыхть «Поезд молодежи» волонтерскяй акция. Пуроптыенза путнихть инголест задача мольфтемс странань населениять еткса эряфонь шумбра коень пропаганда, шарфнемс од ломаттнень мяльснон волонтерскяй тевти, водендамс синь донорскяй движенияти. Акцияса примайхть участия 14-30 кизоса од ломаттне: школьникне, студенттне, од специалисттне. Сембоц волонтерскяй акциясь пуропни 15 тежянть малава ломань. Акциянь поездть маршрутоц тяфтама: Москусь—Саранскяйсь—Ульяновскяйсь—Казанць—Самарась—Саратовсь—Волгоградсь—Сочись—Воронежсь—Москусь.
9 апрельста, Москуву рабочай якаманц пингста, Мордовия Республикань Правительствать Председателец Владимир Волков етафтсь важнай рабочай васедемат.
"Мокшень правдати"-90
Тячи аш кода аф няемс сянь, кода мокшэрзянь краеньке моли-аськоляй касомань-вииямань киге. Сембонь минь пяк пара мялезонк, мес мекольдень кизотнень ламода кемокстась сон экономическяй ширде и лиссь васенце васттненди Российскяй Федерацияса. Лама тиендеви и социальнай ширде. Аф стак тячи республиканьке путневи примеркс лиятненди. Да и сонць ся фактсь, што мекольдень кизотнень странань лидероньке В.В.Путин ветексть ульсь Мордовияса, пяк ламонь колга корхтай.
И вов сянкса, штоба шнамс странасонк стабильностти и касомати-вииямати водендаф курсть, кирдемс В.В.Путинонь ширенц, 5 мартста Саранск ошень Ледовай дворецть инголи площадти пуромкшнесь республиканьконь сембе уженянзон эзда сисем тежяньшка ломань. Тяса кайгсть патриотическяй морот, вармать каршеса либордсть «Единай Россиять» флагонза. Лозункнень, транспаранттнень эзда луфтама: «Минь—Путинонь инкса!», «Минь сяськоме!», «Слава Россияти!».
Избиратель ялгась, мук 30 минута и пяшкотьк эсь гражданскяй долгцень! Тя эряви странати, тя эряви Мордовияньконди, тя эряви эстейть, иттненди, унокненди. 4 мартста ульхтяма марса сембе Россиять мархта.
4 мартста—Россиянь Президентонь кочкаматне
Ётай недялять ульсь Н.П.Огаревонь лемса Мордовскяй государственнай национальнай исследовательскяй университетть ученай Советонц расширеннай заседанияц, конань работаса примась участия Мордовия Республикань Оцюнясь Н.И.Меркушкин. Тяда башка, тясотольхть институтонь директорхне, факультетонь декаттне, кафедрань заведующайхне, вузть видеса общественнай организациятнень руководительсна. Корхтамась мольфтевсь МГУ-ть 2011 кизоста работань итогонзон колга. Тяда башка, азфтольхть вузть задачанза Россиянь Президентть Д.А.Медведевонь Федеральнай Собранияти Посланиянц и Мордовиянь Оцюнять Н.И.Меркушкинонь республикань Государственнай Собранияти Посланиянц положенияснон эряфс етафтомаснон коряс.
