Поиск по сайту: 
 

Архив
 май 
 2022 
пн вт ср чт пт сб вс
      1
2345678
9101112131415
16171819202122
23242526272829
3031     

 
 

 

Указы Главы РМ

Мордовия Республикань Оцюнять


 

Мордовия Республикань Оцюнять

Указоц
 
В.И.Шараповонь колга
Мордовия Республикать Конституциянц 68 статьянц 10 пунктонц мяльс сявозь мярьгондян:
1.Российскяй Федерациянь Культурань министерствать мархта согласиять коряс путомс Владимир Иванович Шараповонь Мордовия Республикань Культурань и туризмань министркс.
2.Указсь сувай вийс эстокиге подписандамдонза меле.
Мордовия Республикань
Оцюнясь                                                В.Д.ВОЛКОВ.
Саранск ошсь,
2013 кизонь 11 январьста,
4—УГ№-сь.
 
 
 
Владимир Шарапов минь республиканьконь культурнай отраслясонза содаф кода театрализованнай представлениянь, тяконь мархта, торжествань, конат лемтьфт Победать юбилейс, спортивнайста якамать коряс Миронь кубкать панжеманцты, мокшэрзянь народть Российскяй государствань нароттнень мархта ладязь эрямаснон 1000 кизонь праздновандамати, «Шумбрат, Финно-Угрия!» международнай фестивалень  гала-концерт-тненди, региоттнень етксотненди—«Пластиковая ворона», республиканскяйхненди—«Шумбрат, Мордовия!» и лия массовай представлениянь постановщик мекольдень комсь кизотнень.
Шачсь 1967 кизонь 9 январьста, рабочаень-крестьянонь семьяса. Аделазе Саранскяй общеобразовательнай 30№ средняй школать  и техник-механик специальностть коряс машиностроительнай техникумть. Воздушно-десантнай войскаса службанц аделамда меле, поступась тонафнема Московскяй культурань институтть Рязанскяй филиалозонза. Получамок театральнай режиссеронь диплом, Саранскяйса лама киза вятезень «сцена движениять» и постановочнай мастерствать Республиканскяй культурань и искусствань колледжса, ульсь директоркс Республиканскяй народнай творчествань кудса. 1998 кизоста сявомок вятезе Мордовскяй госфилармониять видеса режиссерско-постановочнай отделть. 2008 кизоня сонь путозь филармонияти директоркс.
Эсь творческяй трудонц инкса казьф «Касы поколениять патриотическяй воспитандаманксонза путксть инкса»    РФ-нь Президентть медальса, «РМ-нь искусствань Заслуженнай деятель» лемса, кафксть—республикань Госпремияса и РМ-нь Правительствать Почетнай грамотанц мархта.
Рьвяяф, рьвац работай логопедкс идень садса, церанза-кафтасне—Н.П.Огаревонь лемса Мордовскяй госуниверситетонь Архитектурно-строительнай институтонь студентт.
 
17.01.2013 №2

 

Мордовия Республикань Оцюнять


 

Мордовия Республикань Законць


 

Мордовия Республикань Оцюнять

УКАЗОЦ
 
2012-це кизоня Мордовия Республикаса эряфкшу ломанень месячникть етафтоманц колга
Эряфкшу ломаттнень социальнай статусснон касфтоманкса, республикать созидательнайста виияфтоманкса синь опытснон и сатфксснон няфтеманкса и эряфкшу ломанень Международнай шить мяльса кирдезь, мярьгондян:
1.Азомс Мордовия Республикаса 2012 кизонь    1 октябрьста сявомок 31 октябрти молемс эряфкшу ломанень месячник.
2.Мордовия Республикань Правительствати азф месячникть пингста анокламс тяфтама мероприятият:
Правовой, медицинскяй и социальнай лезксонь максомась;
ётка пингонь культурнай мероприятият: васедемат, чествованиянь илятть, выставкат, конкурст, кинонь няфнемат, театральнай спектакльхть, экскурсият, спортивнай пялькстомат;
эряфкшу ломаттнень мархта работань цебярь опытть няфнемац-азонкшнемац.
3.Мярьгомс муниципальнай образованиянь администрациятненди, сембе формань собственностень предприятиянь оцюнятненди, общественнай объединениятненди етафтомс эряфкшу ломаттненди благотворительнай мероприятият.
4.Тя Указсь сувай вийс эстокиге подписандамдонза меле.
 
Мордовия  Республикань
Оцюнясь                                            В.Д.ВОЛКОВ.
 
Саранск ошсь,
2012 кизонь
21 сентябрьста,
285—УГ№-сь.
 
27.09.2012 №38

 

Российскяй Федерациянь Президентть


 

Мордовия Республикань Оцюнять Указонза


 

Мордовия Республикань Оцюнять

УКАЗОНЗА
 
С.А.Кирдяпкинонди «Мордовия Республикань Почетнай гражданин»
почетнай лемонь максомать колга
Оцюдонга оцю спортивнай сатфксонкса и международнай аренаса Мордовия Республикать славанц кеподеманкса максомс
«Мордовия Республикань Почетнай гражданин» почетнай лем
Сергей Александрович Кирдяпкинонди—Лондонца кизонь XXX Олимпий-скяй налхкоматнень эса спортивнай якамать коряс Олимпийскяй чемпионти.
 
Мордовия Республикань
Оцюнясь                                        В.Д.Волков.
 
Саранск ошсь,
2012 кизонь
20 августста,
245—УГ№-сь.
 
* * *
В.М.Чегинонди «Мордовия Республикань Государственнай премиянь лауреат»
лемонь максомать колга
Республикаса физическяй культурать и спортть виияфтомаса оцюдонга оцю заслугатнень инкса и Олимпийскяй налхкоматнень эса сяськиень и призеронь анокламанкса максомс
«Мордовия Республикань Государственнай премиянь лауреат» лем
Виктор Михайлович Чегинонди—«Центр олимпийской подготовки Республики Мордовия по спортивной ходьбе В.М.Чегина» дополнительнай образованиянь государственнай бюджетнай учреждениянь главнай тренерти, Саранск ошсь.
 
Мордовия Республикань
Оцюнясь                                         В.Д.Волков.
 
Саранск ошсь,
2012 кизонь
20 августста,
250—УГ№-сь.
23.08.2012 №33

 

Мордовия Республикань Оцюнять В.Д.Волковонь

ПОЗДРАВЛЕНИЯЦ
2012 кизонь Олимпийскяй налхкоматнень эса сяськити
Сергей Александрович Кирдяпкинонди
Седи ваксста поздравляндате Тонь и тренерцень Виктор Михайлович Чегинонь золотань медалень сатоманкса Лондонца Олимпийскяй налхкоматнень эса!
Тон сяськоть спортивнай якамать коряс инь стака и престижнай 50 вайгяльбень дистанцияса. Стака пялькстомаса Тон няфтеть воляши, мастерши и тактикас коре маштомоши. Аф ужяльдемок эсь пряцень и путомок сяськомати лама вий, тон тага весть куцеть оцю спортивнай текшненди, сатомок Россияти и Мордовияти пяк эрявикс золота Олимпийскяй налхкоматнень эса.
Эсь сатфкснень мархта Тон путоть оцюдонга оцю путкс спортивнай якамать коряс школаньконь славанц касфтоманцты, сембе мирса Российскяй спортть авторитетонц кемокстаманцты. И минь надиятама, што Тонь сяськоматне нинге инголет.
Куцемок инь оцю мировой пьедесталти, Тон сякокс ответственностень марязь малаткшнят эрь од соревнованиятненди. Инксот таколдсть, кирдезь Тонь ширецень сядот тежянь соотечественник сембе странаста, мала ломаттне, землякне. И Тонь сатфксне—тя оцю праздник сембонди, кие Тейть верондай, кие учи од сяськомат.
Седи ваксста арьсян Тейть кеме шумбраши, паваз, благополучия и од сяськомат минь Мордовияньконь, минь странаньконь—Россиять лемс!
 
2012 кизонь Олимпийскяй налхкоматнень эса сяськити
и сиянь медалень сатыти
Елена Лашмановати и Ольга Каниськинати
Кельгома Елена Анатольевна и Ольга Николаевна. Седи ваксста позравляндатядязь тинь и тренеронтень Виктор Михайлович Чегинонь Лондонца 2012 кизонь Олимпийскяй налхкоматнень эса цебярьдонга цебярь выступлениянтень инкса!
Тинь кафтонь-крдань сяськоманте сатф стакадонга стака спортивнай тюремаса, коса тинь няфтесть сембе цебярь спортивнай ширентень, няфтесть воляшинь виентень, характеронтень и маштомошинтень. Кеняртьфти, што дистанциянь васенце метраста сявомок тинь кемоста моледе васенцетне, няфтемок тянь мархта, што тинь инь лац аноклафне и инь виихне.
Тинь сяськоманте нинге весть няфтезе, што спортивнай якамать коряс мордов­скяй школать лаца аш сембе мирса, и тинь сяськоманте путсь оцю путкс Олимпийскяй налхкоматнень эса Российскяй сборнайть медалень копилказонза. Тячи тинь спортивнай и ломанень качествантень инкса маряй гордость сембе странась. Арьсян, Олимпийскяй налхкоматнень эса тинь цебярь выступлениянте максы вийхть од спортсметтненди массовай и профессиональнай спортса од сатфксонь сатомаса.
Тинь сатфксонте сатовсь спортсметтнень и тинь главнай наставниконтень В.М.Чегинонь руководстванц ала тренеронь командать лац и профессиональнайста путф работаснон вельде.
Тинь нинге весть няфтесть, што Мордовия Республикань олимпийскяй подготовкань Центрась ащи афкуксонь чемпиононь кузенцякс, а Саранскяйсь—спортивнай якамать коряс мировой столицакс.
Арьсян теенть кеме шумбраши, сатфкст, благополучия и удаласт сембе ушетксонте!
16.08.2012 №32

 

Мордовия Республикань Оцюнять


 

 
 
 

 
НОВОСТИ

Зубово-Полянскяй райононь оцюнясь В.А.Поршин:«Эрь тевсонк васенце вастса ащи ломанць!»

Зубова Полянась васенцеда лятфневи 1680 кизоста сявомок Керенскяй засечнай чертань служилай ломаттнень Зубофнень фамилияснон коряс, синь тя ширеса азорхтольхть. Лемть омбоце пяльксоц пачфни, што тяса кужель, вирьса шуфттнень эзда ароптф вастоль. Сире пинкнень тияк ётнесть Шацк-Спасск алашань кись, Зубова Полянань почтовай станциясь. Машина кить строямста посёлкась вишкста кассь. Тяниень пингть Зубово-Полянскяй районца улихть оцю предприятият, конат лезнихть виияфнемс марнек Мордовиять экономиканц. Кепотьксонди, «Плайтерра» фанерань нолдай компаниясь и Вышинскяй деревообрабатывающай комбинатсь. Лама киза Зубова Поляна посёлкаса ноляй электроннай оборудования «Радиодеталь» заводсь. Оцю тефт тиендихть наказамань ётамань учреждениятне. Пцтай эрть эса улихть стамань цехт, шуфтонь и металлонь обработкать коряс производства. Аф кржа рабочай васта максси «Талина» компаниясь, кона мольфти районца аграрнай бизнес. Инголи моли технология мархта ня предприятиятне сявондихть работама сембе ширде аноклаф, квалифицированнай ломатть, сянкса зарплатавок пандыхть цебярь.
 
 

Корреспондентоньке аф кунара васьфнесь Зубово-Полянскяй райононь оцюнять Владислав Алексеевич Поршинонь мархта и кизефнезе, кода Мордовиянь инь оцю районца ётафневихть эряфс национальнай проекттне.

12.05.2022  № 18
 
 
 
 

МОРДОВИЯНЬ ОЦЮНЯСЬ ПОЗДРАВЛЯНДАЗЕНЬ ВЕТЕРАТТНЕНЬ

Шуваланяста, 5 майста, Артём Здунов васетькшнесь Мордовиянь ветеранскяй активть мархта. Васедемаса примасть участия республикань райононь ветеранскяй организациянь председательхне и члеттне.

 

Тяддень мартста организацияти топодсь 35 киза. Мордовиянь Оцюнясь азозе, што Ветеранонь советть оцю значенияц регионца, сон путни сатомшка оцю путкс од поколениять воспитандаманцты. Корхтафоль памятниконь тиемать коряс Военно-историческяй обществать мархта марстонь работать и Сурскяй рубежень строяйхненди музеень панжемать колга.

 

«Кда аф тинь советонте, тейнек улель стака ламоц важнай задачатнень пяшкодемста. Башка мяль тячи, конешна, эряви шарфнемс од ломаттнень воспитандамаснонды, сянди, мезе тиендеви школатнень эса. Интернетса лама аф видексонь информацияда, конань вельде ули кода тиемс кальдяв од ломаттненди, сяс кадондомс мялень апак шарфтт тя категориять аш кода»,—мярьгсь Артём Здунов васедемать панжемста.
 

12.05.2022  № 18
 

СЕДИЕНЬ ТАКОЛДОМА И ОЦЮ КЕНЯРДЕМА КАННИ ТЕЙНЕК 9 МАЕНЬ ШИСЬ!

Победань шиня Саранскяйса и Мордовиянь райоттнень эса ётафтовсть мероприятият, конат лемтьфтольхть 1941-1945 кизотнень Великай Отечественнай войнаса Сяськомать 77 кизонь топодеманцты.

 

Саранскяйса Победань площадьса ётафтовсь торжественнай митинг. Ся кизонь пелькс событиянь участникненди и свидетельхненди сюконяма, сяськиень поколенияти спасибань азома, сембонь сятнень лятфтама, кит тяни ашет мархтонк, сашендсть ошеряйхне и Мордовиянь столицань инжихне.

 

Торжественнай митингть панжемста Мордовиянь Оцюнясь Артём Здунов поздравляндазень пуромфнень странаньконь историяса Великай шить мархта: 

 

«77 кизода тяда инголе Советскяй народсь аралазе родной Отечестваньконь,  нолдазе воляс фашизмать  эзда ламоц странатнень и нароттнень. Республикасонк шачф-касф ломаттне тиендсть героень тефт сембе фронттнень эса: Брестскяй крепостть араламста, Москуть, Ленинградть, Севастопольть инкса ащемста, Сталинградть ала и Курскяй дугать лангса тюремста, Украинань, Белоруссиянь союзнай республикатнень и сембе Европать воляс нолдамста. Тылонь труженикне, аф ваномок ашушить и вачашить лангс, сатнезь Победать станокнень ваксса, паксяса, Сурскяй рубежса и госпитальхнень эса. Марса аватнень и сире ломаттнень мархта тылса стакат-сталмот кирдсть шабатне. Вечнай толть ваксса минь сюконяфнесаськ пряньконь сембонь сятнень лятфтаманкса, кие ашезь мрда войнаста, кие эреклафнезе народнай хозяйствать войнада меле. Сембось тя тиф минь инксонк, шабаньконь, сяськиень сай пингонь поколениятнень инкса!»

 

 
12.05.2022  № 18
 

«Бессмертный полк России» ООД-ть Мордовия Республикань региональнай отделениянц штабонц руководителец Н.А.КРУЧИНКИН: «ТЯДДЕ "БЕССМЕРТНЫЙ ПОЛК" ШЕСТВИЯСЬ КАРМАЙ АСЬКОЛЯМА МАРНЕК СТРАНАТЬ ЭЗГА!»

05.05.2022  № 17
 
 

Касы коронавируснай инфекцияса сярядихнень лувкссна

29 апрельста ётафтовсь коронавируснай инфекциять инголдаманц и келемоманцты кить персеманц коряс региональнай оперативнай штабть  заседанияц. Сонь работасонза примась участия Мордовиянь Оцюнясь Артём Здунов.

 

«Коронавируснай инфекцияса урмаськодомать мархта тефне Мордовияса ашесть полафта—300-та лама пациент пчксихть ковиднай госпитальхнень эса. Ваномс, штоба Маень праздникнень пингста массовай пуромксне афольхть ара урмаса сярятькстыхнень лувксснон касомаснонды туфталкс»,—мярьгсь регионть руководителец.

 

МР-нь Правительствать Председателенц заместителец Галина Лотванова азондсь эпидемиологическяй  тяниень пингонь ситуациять и коронавируснай инфекциять эзда населениять вакцинациянц мольфтеманц колга.

 

Ётай недялять коряс 19 процентта кассь госпитализированнайхнень лувкссна, сяда лама арась стационарса пчкафневи идьта. Коллективнай иммунитетсь кирсь и тячиень шити сон арась 52,7 процент.

 

05.05.2022  № 17
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин