Поиск по сайту: 
 

Архив
 июль 
 2022 
пн вт ср чт пт сб вс
    123
45678910
11121314151617
18192021222324
25262728293031

 
 

 

Религия

12 ИЮНЬЦТА—ТРОЙЦЯСЬ


 

Ольга КУГАППИ: «КАТК БИБЛИЯНЬ ЛУВОМАСЬ АРАЙ ЦЕБЯРЬ КОЙКС ТИНЬ ЭРЯФСОНТ!»

Библиясь—масторлангса лама кяльс инь ётафневи книгатнень эзда фкясь. Финно-угрань кяльхненди ётафтоманц лангса покоди Финляндиянь Хельсинки ошса Библиянь ётафтомань институтсь.

 

Мокшекс Библиять ётафнемонза ушедсть 19 векть омбоце пялестонза. Ся пингоня лиссть Матфеень эзда Евангелиясь (1879 к.), Лукань эзда Евангелиясь (1891 к.) и Иоаннонь эзда Евангелиясь (1901 к.). Тяда меле мокшень кяльсь ламода полафтовсь, сяс эрявсь ушедомс Библиять одукс ётафтомац тяниень мокшень кяльса. 1990 кизотнень васенцекс тя тевти кярьмодсь Валентина Ивановна Мишанина. Сон ётафтозень Идень Библиять, Лукань эзда Евангелиять, Апостолонь тефнень и Павелонь кой-кона сёрманзон. Сондедонза башка тя тевса оцю путкссна О.Е.Поляковонь, А.Н.Келинать, А.П.Феоктистовонь и лиятнень. Тяфта, марстонь вийса 2016 кизоня лиссь мокшень кяльса Од Соткссь, коза аф кржа вий путсь и мокшень стирсь Ольга Кугаппи.

 

Тячиень шити ётафтф марнек Од Соткссь и Ташта Сотксть кой-кона книганза. 2020 кизоня мокшень кяльса лиссть Ташта Сотксть кафта книганза: Моисеень васенце книгац «Ушедомась» («Бытие») и Моисеень омбоце книгац «Лисемась» («Исход»). 2021 кизоня лиссть «Соломононь валмуворксонза» («Премудрости Соломона») книгась. Тяниень пингть ётафтыхть Псалматнень эса.
 

 

 
07.04.2022 №13

 

УШЕДСЬ ВЕЛИКАЙ ПОСТСЬ


 

МОРДОВИЯНЬ РУКОВОДИТЕЛЬСЬ МАКССЬ ОЦЕНКА САРАНСКЯЙ И МОРДОВСКЯЙ ЕПАРХИЯНЬ ОД ЛОМАНЕНЬ ПРАВОСЛАВНАЙ СЛУЖЕНИЯНЬ ПРОЕКТТИ

МР-нь Оцюнять аф лама пингс тевонзон тиендисна Артём Здунов 7 майста ванозень Мордовскяй митрополиянь      кой-кона          объекттнень и митрополитть Зиновиень мархта ванозь республикаса межнациональнай и межконфессиональнай согласиянь ванфтомань, обществаса духовностть кемокстаманц, митрополиянь общественнай организациятнень мархта тевонь вятемать коряс кизефкснень.

 

 
Башка мяль шарфтсть ся тевонь вятемати, кона водендаф, васендакиге, семьять, тядяксшить и идькс пингть ширеснон кирдемаснонды. Артём Здунов «Женщины за жизнь» благотворительнай фондть руководителенц Наталья Москвитинать мархта содафтсть проекттнень мархта, конат ётафневихть эряфс од ломанень православнай служениянь линиять коряс. Лятфтасаськ, Саранскяйса епархиальнай управлениять базаса вятьсыне тевонзон     ПФО-са Синодальнай од ломанень отделть координационнай центрац, тя центрать инициативанза водендафт социальнай ширде лафчста аралаф категориянь ломаттнень ширень кирдемаснонды. МР-нь Оцюнять аф лама пингс тевонзон тиендиснонды няфтезь, кода тяса работайхть иттнень-инвалиттнень мархта: кодама занятият ётафнихть, кодама социализациянь методикат атнайнятненди нолявихть тевс, кода лезнихть синь тядяснонды-аляснонды. Тяфта жа тяса ули евангельскяй лувондомань клуб и «Трезвый Саранск» клуб. Центрань координаторсь Ольга Зеткина пачфтезе республикань  руководительти клубонь участникнень эняльдемаснон аф ётафнемс Ошень шиста Советскяй площадьса пивной фестиваль. Артём Здунов кирдезе тя мяльть ширенц, што тяфтама мероприятият аф мярьгондевихть ётафнемс общественнай васттнень эса, коза сашендыхть итть—тя аф ся примерсь, конань лангса воспитандамат сай пингонь поколениятне.

 

14.05.2021 №18

 

Старецсь Феофан

Макаровскяй монастыри, кона ащи Саранскяйть эзда аф ичкоздень вастса, фкявок шис аф лотксихть сашендомда паломникне. Монастырть территорияса калмаф старецсь Феофан, мирса Владимир Даньков. Сонь  калма марнянц малас пуромкшнихть тёжятть ломань, эняльтькшнихть пчкафтомс урмаснон или пяшкодемс кодамовок мяльснон. Корхтайхть, старецсь, кода и  шиса улемстонза, мзярдовок киндивок аф атказакшни, а ломаттне мушендыхть тяста пчкама коль сяда и сяда сидеста.
 

—Тячи сань батюшкати   Феофанонди афи лувови мзяроцеда ни,—азозе Макаровскяй монастырень прихожанкась Марина Акимова.—Аф сатнихть валхне азомс кодама благодать и сетьмоши получсян тяса улемдон меле. Старецсь шистонза ульсь пяк пара вайме ломанькс, сембонь кулхонкшнезень и сембонди лезнесь. Теенза тянивок сашенды лама ломаньда странань эрь кодама уженяста. Тейне сон лезни куломдонза мелевок. Вов аф кунара цёразе аварияс угадясь, больницяса мярьгсть,  што шиса аф ляды, а мон эрь шиня сашендонь батюшкати Феофанонди озондома, эняльдень лездомс… и сон лездсь. Цёразе ушедсь саворне пчксема, врачне мярьгсть, што тяфтама травматнень пингста тя афкуксонь чуда.
Пчкафты старецть колга историясь ушедсь пяк кунара. Шачсь отец Феофан 1935 кизоня Пензенскяй областьса, Башмаковскяй райононь Орловка веленяса. Аляц коммунистоль, а тядяц верондай ломанель, мезть старандась максомс идензондывок. Васенце духовнай наставникокс цёраняти ульсь отец Григорий, кона кемокстазе Шкайти верондаманц и тонафтозе Владимиронь каннемс крёз. Весть, тумок кудснон эзда 30 вайгяльбень вастс, храму Башмаковка вели, Володя лядсь тоса работама алтарникокс 20 кизос. Сяльде тусь Каменный Брод вели и  эрясь тоса 12 киза. А мзярда панжевсь Санаксарскяй Рождество-Богородичнай монастырсь, ётась тоза. Санаксарскяй монастырьса кафта кизода меле теенза максфоль    Феофан лемсь и сяльде Саранскяй и Мордовскяй Митрополитсь Варсонофий прважазе сонь Чуфаровав Свято-Троицкяй монастырть эреклафтома. Тяса и ушедсь старецть содафшиц. Тяза сайхне азонкшнесть батюшкать пчкафты виенц колга лиятненди, сят—колмоцетненди. 2004 кизоня, монастырть эреклафтомда меле, отец      Феофан ётась Макаровскяй Иоанно-Богословскяй алянь монастыри. Тяни тя обительть содасазь аф аньцек  Россияса, но и эздонза ширеса. Батюшкати ингольцекс сашендыхть нльне Америкаста и  Германияста.
Старецть Феофанонь седиса фалу палсь оцю кельгома кажнайти, кие сашендсь  теенза. Сон най седи вакска примсезень паломникнень и прихожаттнень пичефксснон-ризфснон мархта.
Фкя шиста старецсь пчкафнесь сядот ломань. И нльне эста, мзярда стакаста урмаськодсь, ашезь лотксе лезнемда теенза сайхненди. Мярьгондсь, што паломникнень мархта корхнемста сонь эвондакшнихть виенза эрямс. Эряфста тумань пингонц старецсь содазе инголенди. Несколька кизода тяда инголе монастырень фкя прихожанкать мархта корхнемста батюшкась лятфтась ломаттнень колга, конат тушендыхть эряфста Очижиста. Лувондови, што синь повондыхть Божий царствати. Старецсь мярьгсь, што сонга туй лия эряфс Очижинь недялять. Но аф тядде, кле, а мзярошка кизода меле.
Тячи панихидатне и литиятне Феофанонь калма марнянц лангса ётафневихть эрь шиня, мезьда меле ломаттне лядондыхть, палсесазь крёзть и эняльтькшнихть кажнайсь сонценнеть колга.
Россиянь эрь кодама уженяста тёжятть верондай ломанць мярьгондихть спасибазь: «Батюшкась Феофан лездсь!» Ня валхнень азонкшнесазь васенце иднять шачемста, стака урмань пчкафтомста и стак тов. «Кда ни шиста улемстонза лезнесь, эста тона светса валня, шять, азы инксонк»,—мярьгондихть Феофанонь калма марнянц лангс сашендыхне.
Материалть аноклазе
О.Евдокимова.
29.04.2021 №16

 

Ушедсь Великай постсь


 

Иерейсь Олег КЛИМКИН:«ЭРЬ НАРОДСЬ КУЛЕЗА ШКАЕНЬ ВАЛТЬ ЭСЬ КЯЛЬСОНЗА»

Библиясь—тя инь сидеста ётафневи книгась масторлангонь сембе книгатнень ёткста. Кда ваномс 2019 кизонь статистикать, Библиясь педа-пес ётафтф 698 кяльс, а Од Соткссь (Новый Завет)—1548 кяльс. Мокшекс васенцекс ётафтфоль Матвеень эзда Евангелиясь. Сон нолдафоль 1874 кизоня Казань ошса. Меле лиссть Лукань эзда Евангелиясь (1891 кизось) и Иоаннонь эзда Евангелиясь (1893 кизось). Марнек Од Сотксть ётафтомац ушедовсь 1990 кизотнень. Тя оцю тевти кярьмодемать бславазе Саранскяй и Мордовскяй Митрополитсь   Варсонофий, и 2016 кизоти Од Соткссь педа-пес ётафтфоль мокшекс.

 

Ня шитнень минь корреспондентоньке васетькшнесь Крымскяй Архиепископть Лукань лемса церькавть настоятеленц Олег Климкинонь мархта. Батюшкась НТМ телевизионнай каналса вятьсыне рузонь кяльса «Путь к Вере» телепрограммать и мокшекс «Од Соткс» рубрикать.

 

 

—Отец Олег, азонтт, пожалуйста, аф лама эсь колгат.

 

—Шачемас коре мон Инсарскяй райононь Кочетовка велеста. Тядяне-аляне, Наталья Викторовна и Николай Иванович Климкиттне, трудонь кельги ломатть. Сисемце класса тонафнемстон ушедонь якама церькавонь воскреснай школав. Венемонь духовнай книгань лувомати. Вейхкса класста меле тунь тонафнема Саранскяень духовнай училищав. Служань армияса. Сяльде поладыне тонафнемазень  Самарскяй духовнай семинарияса. Аделмдонза меле кучемазь Ардатовав, коса служань церькавса 2 кизот. Тяни вов ни 5 кизот,  кода покодян Саранскяйса Крымскяй архиепископть Лукань лемса церькавса.

 

18.09.2020

 

Ардатовский район: самая современная детская площадка в городе – на Садовой

В эти дни завершается благоустройство двора у дома № 49 по ул. Садовая в Ардатове. На обустройство придомовой территории в рамках нацпроекта «Жилье и городская среда» выделено 1 миллион 366 тысяч рублей.

 

Что будет сделано на эти деньги, обсуждали с самими жильцами. Львиная доля средств ушла на асфальтирование подъезда и небольшой парковки. Немало финансов потрачено и на детскую площадку, на сегодняшний день самую современную в Ардатове. В первую очередь из-за резинового покрытия, по которому можно ходить даже босиком. Его стоимость – 1 100 рублей за квадратный метр. На площадке установлен игровой комплекс и качели. За счет администрации здесь появились две лавочки. Уже сейчас сюда ходит ребятня со всей округи.

 

Еще у подъездов появились урны, подходы к входу, тротуар к колодцу. На последнем заменили домик за счет городской администрации. За счет МУП ЖКХ «Ардатовское» сделали ремонт трех крылец, цоколя, обновили подъезды, каждый из которых будет освещен.

 

18.09.2020

 

НИКОЛАЙ УГОДНИК АРАЛАМАЗЬ ЗИЯНДА

Мирдезе ульсь моряк. Работама якась вахтовай методса. А мон ащень кудса цёраняньконь кафтаськятнень мархта, теест ульсь 1,5 кизонь. Весть, прважамок мирдезень, лисень ульцяв кархчнень ёрдама. Тяла, январь, кархчень бакне валяфт ловса. Шамдыне ведарказень и тя пингть приметайне—пиндолгодсь мезе-бди. Варжакстонь, а бакть потмоса ащесь Николай Угодниконь шкаень ликоняц. Шкайнясь оцю, кенерсь ни начкомс, няевсь, кунара ни ёрдаф тяза. А вдь тя оцю грех, нинге бабазе азонкшнезе. Сявине шкаень ликонять, кандыне куду и путыне эсь спальнязон. Меле лувонь шабаненди ёфкст и матыне. Пенгятне пянакудса пцтай палсть ни ся пингти. Шобдавас, арьсень, марнек лямбось лиси, кельми кудботмоньке, и сёлгине трубать. Матодовонь. Веньгучкать сргозень сянь эзда, што кие-бди тошкась пилезон: «Стяк, аралайть отрокнень». Сргозень, арьсян, улема, он няень.
 
02.06.2020

 

Лувихнень кизефксснон лангс отвечай священнослужительсь отец Павел


 

 
 
 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин