Поиск по сайту: 
 

Архив
 май 
 2022 
пн вт ср чт пт сб вс
      1
2345678
9101112131415
16171819202122
23242526272829
3031     

 
 

 

Люди и дела

«ЛАДЯМС СОТКС ЁТАЙ И САЙ ПИНГТЬ ЁТКСА!»


 

ПОРАПАСЬ—ТЯЧИ

Улихть мокшэрзянь крайсонк велет, коса улемстот седисот эвондакшни пефтома кенярдема няйфть эзда, коса эряфсь лаказь-лакай, коса стройсевихть од кутт, петневихть ташта куттне. Тяфтама велетнень эзда фкясь Ковылкинскяй райононь Порапась. Тя фкя инь оцю велесь аф аньцек районца, но и республикаса. Тяса комсь фкя ульця, сонь эсонза эряй  1 тёжянь 300 ломань. Велесь мокшень, козя история мархта.

 

—Аф тячи-ванды веленьке шовори Ковылкина ошть мархта,—азонды Порапа велень поселениянь оцюнять заместителец С.В.Канайкина.—Эрь кизоня велесонк строяви кемоньда лама куд, нинге сяда лама петневи одукс. Сембе куттнень строямста тевс нолявихть тяниень  пингонь строительнай материалхне: облицовочнай кирпицсь, металлочерепицась, эрь кодама сайдинкне. Мезсь кеняртьфти, ламоц куттнень эса эряйхть од ломатть, кой-конат мрдасть вели ошнень эзда.
 

 

05.05.2022 №17

 

УЛИ ШКОЛА—ЭРЯЙ ВЕЛЕСЬ

А школанте велеса ули? Тя кизефксть макссесазь васенцекс, мзярда ёрайхть содамс, кода эряй-ащи тя или тона велесь. Вдь кда школаса улихть итть, эста велеське эряй. Сонь ули вандыень шиц, надияма вастоц. Кафтонь-крда кенярдят, кда тяфтама пара куля марят мокшень велеть колга. Цебярь кепотьксокс ули кода азомс Ковылкинскяй райононь Порапать. Велесь оцю, мазы. Тяса эряй лама од семья,  школаса тонафни 69 шаба. Аф кунара удалась улемс  тястонь школаса, корхнемс тонафтыхнень, тяконь лувксса мокшень кялень учительть Наталья Ивановна Ломакинать мархта.

 

Школась панчфоль 1970 кизоня. Эста тяса тонафнесь 600 шаба. Сашендовсь мольфтемс тонафнемать кафта сменаса. 1989 кизоня школати тифоль пристрой. Тяни ули и спортонь залсна, и актовай залсна, и столовайсна, и «Точка роста» тяниень пингонь кабинетсна. Школась лямбе и валда.
 

28.04.2022 №16

 

ШАЧЕМА ШИРИ—КЯШАЛУ


 

КРЬВЯСТЕМС КЕЛЬГОМАНЬ ЦЯТКОНЯТ ШАЧЕМА ШИРЕТИ

«Мокшень кялень тонафты… Арьсян, аш сяда цебярь профессия марнек масторлангса. Сон              максси иттненди содамошит, ащи кепотьксокс, лезды тонафнихненди вешемс эряфса виде ки,                      максси ваймонь вийхть. Мокшень кялень эрь тонафтысь путни эсь инголенза тяфтама вешкс: крьвястемс иттнень седиса кельгомань цятконят шачема ширети, тядянь-алянь кяльти, национальнай культурати…»

 

Ня валхнень, мяльхнень-арьсематнень аф кунара ётафтф «Мордовскяй (мокшень и эрзянь) кялень 2022 кизонь инь цебярь учительсь» республиканскяй конкурсса азозень Старошайговскяй райононь Сире Теризморга велень школань тонафтысь Л.А.Сокорова. Любовь Александровна тя конкурсса ульсь фкя инь достойнай участницась, кона оцю мяльса, кельгозь азондсь эсь профессиянц колга, кода Сире Теризморгань школаса тонафневи тядянь-алянь кяльсь, ванфневихть минцень коеньке-обуцяньке. Мокшавась школати лемдсь комсь ветие киза. Шачема велезонза сон мрдась М.Е.Евсевьевонь лемса педагогическяй институтта меле и тянкса вестевок ашезь каенда.
 

 

 
28.04.2022 №16

 

СИНЬ ЛАНГСОСТ КИРДИ ВЕЛЕСЬ


 

РОССИЯНЬ ПРЕЗИДЕНТСЬ В.В.ПУТИН КАЗЕЗЕ РУЗАЕВКАНЬ ПОЧТАЛЬОНТЬ БЛАГОДАРНОСТЬСА


 

КАРМАЙ КШИ, МУВИ ВАСТА МОРОТИВОК

Тундань видема пингста эрь минутась, частсь лама решандай. Нолдасак пингть, лисят графикста, козя урожай тят учсе. Кие-кие, а Владимир Иванович Сетин—«Агросоюз-Левженский» ООО-ть директороц—тянь содасы пяк лац. И аф аньцек сяс, мес мокшалясь сембе эряфонц лемдезе велень хозяйствати, а васендакиге сянкса, што сон мяльса кирдьсыне атянь-атяньконь койснон паксянь тефнень вятемста.

 

—Модась, кодама ульсь сяда кизода инголе, стама и тянивок, кда аньцек техникась и технологиятне лият,—азонды Владимир Иванович.—Сембе пинкнень ульсь стане—ашеть кенере кафта-колма недяляста аделамс видемать, лама юмафтат. Главнайсь—урожайсь сёксети кенери аф стане кода эряви. Тянь сюнеда тяляма пингть лама тозер лядонды тозербряти, шужярть потмос, тинголангу аф пачкотькшни. Штоба тянь аф нолдамс,  ранняй яровой культуратнень видемаснон эряви ётафнемс кода можна сяда курокста, пингонь апак юмафнек.
 

 

14.04.2022 №14

 

КОЛМОГЕМОНЬ КИЗОСЬ—ТЯ АНЬЦЕК УШЕТКС

Зелёный мир. Тяфтама лем ала идень экологическяй общественнай организациясь эвондась Саранскяйса 30 кизода инголе—1992 кизоня. И тиеманц коряс васенце аськолксне тифтольхть аф шава вастса, а Саранск ошень 7№ и 20№ средняй школатнень педагогическяй и тонафниень коллектифнень экологическяй ширеть мархта сотф марстонь работаснон пуроптоманц вельде.

 

Организациять пуроптозе и лама киза сонь вятезе Вячеслав Михайлович Смирнов. Саранск ошень «Зелёный мир» идень экологическяй общественнай организациясь васенцекс Мордовияса арьсезе и сувафтозе практикас аф лоткафневи экологическяй организациять концепциянц, конань вельде шабатнень ули кода анокламс афкуксонь эряфти.

 

Виень аф ужяльдезь, эрьгавста работаманц вельде «Зелёный мир» ДЭО-сь арась Мордовияса экологическяй общественнай васенце организациякс, конань ширенц государственнай серьса кирдезь Мордовиянь Природопользованиянь и экологиянь, Образованиянь министерстватне, Мордовия Республикань Од ломаттнень тевснон коряс Госкомитетсь и ошень образованиянь Управлениясь.

 

Тяни «Зелёный мир» ДЭО-ть руководителец Ольга Евгеньевна Ручина. Тяддень кизось арась юбилейнайкс аф аньцек теенза, но и сембонди сятненди, кит заняфт экологическяй организациять мархта сотф тевса.
 

31.03.2022 №12

 

ПАКСЯНЬ АЗОР

Эрь ломанть сонцень киц кочкаф профессиянцты, кельгома тевонцты. Василий Викторович Десяевонди, Старошайговскяй райононь велень хозяйствань «Богдановское» ООО-нь главнай агрономти, нинге идькс пингста кельговсь модась. Сон фалу дивандакшнесь сянди, мзяра сяка жа кудонь переса касфневи урожайда: модамарьхть, пурьхкат, куярхт, якстеряпст, помидорат, тиклат и лия перень сёрот. Аньцек кенерькшнек тя модать соксемс-витцемс, валондомс касыкснень, урятцемс сор тишетнень.

 

 

—Модась кельгсы мельганза якамать, ваномать,—азонды Василий Викторович.—Тянди эсон тонафтсть тядяне-аляне, бабане-атяне. Синь валсна модати кельгомать колга тянемс седисон, синь и бславамазь агрономонь тевти.

 

Сире Шайгавонь средняй школать аделамдонза меле Василий Десяев поступась тонафнема Н.П.Огарёвонь лемса велень хозяйствань факультету «Агрономия» отделенияв.
10.03.2022 №9

 

 
 
 

 
НОВОСТИ

Зубово-Полянскяй райононь оцюнясь В.А.Поршин:«Эрь тевсонк васенце вастса ащи ломанць!»

Зубова Полянась васенцеда лятфневи 1680 кизоста сявомок Керенскяй засечнай чертань служилай ломаттнень Зубофнень фамилияснон коряс, синь тя ширеса азорхтольхть. Лемть омбоце пяльксоц пачфни, што тяса кужель, вирьса шуфттнень эзда ароптф вастоль. Сире пинкнень тияк ётнесть Шацк-Спасск алашань кись, Зубова Полянань почтовай станциясь. Машина кить строямста посёлкась вишкста кассь. Тяниень пингть Зубово-Полянскяй районца улихть оцю предприятият, конат лезнихть виияфнемс марнек Мордовиять экономиканц. Кепотьксонди, «Плайтерра» фанерань нолдай компаниясь и Вышинскяй деревообрабатывающай комбинатсь. Лама киза Зубова Поляна посёлкаса ноляй электроннай оборудования «Радиодеталь» заводсь. Оцю тефт тиендихть наказамань ётамань учреждениятне. Пцтай эрть эса улихть стамань цехт, шуфтонь и металлонь обработкать коряс производства. Аф кржа рабочай васта максси «Талина» компаниясь, кона мольфти районца аграрнай бизнес. Инголи моли технология мархта ня предприятиятне сявондихть работама сембе ширде аноклаф, квалифицированнай ломатть, сянкса зарплатавок пандыхть цебярь.
 
 

Корреспондентоньке аф кунара васьфнесь Зубово-Полянскяй райононь оцюнять Владислав Алексеевич Поршинонь мархта и кизефнезе, кода Мордовиянь инь оцю районца ётафневихть эряфс национальнай проекттне.

12.05.2022  № 18
 
 
 
 

МОРДОВИЯНЬ ОЦЮНЯСЬ ПОЗДРАВЛЯНДАЗЕНЬ ВЕТЕРАТТНЕНЬ

Шуваланяста, 5 майста, Артём Здунов васетькшнесь Мордовиянь ветеранскяй активть мархта. Васедемаса примасть участия республикань райононь ветеранскяй организациянь председательхне и члеттне.

 

Тяддень мартста организацияти топодсь 35 киза. Мордовиянь Оцюнясь азозе, што Ветеранонь советть оцю значенияц регионца, сон путни сатомшка оцю путкс од поколениять воспитандаманцты. Корхтафоль памятниконь тиемать коряс Военно-историческяй обществать мархта марстонь работать и Сурскяй рубежень строяйхненди музеень панжемать колга.

 

«Кда аф тинь советонте, тейнек улель стака ламоц важнай задачатнень пяшкодемста. Башка мяль тячи, конешна, эряви шарфнемс од ломаттнень воспитандамаснонды, сянди, мезе тиендеви школатнень эса. Интернетса лама аф видексонь информацияда, конань вельде ули кода тиемс кальдяв од ломаттненди, сяс кадондомс мялень апак шарфтт тя категориять аш кода»,—мярьгсь Артём Здунов васедемать панжемста.
 

12.05.2022  № 18
 

СЕДИЕНЬ ТАКОЛДОМА И ОЦЮ КЕНЯРДЕМА КАННИ ТЕЙНЕК 9 МАЕНЬ ШИСЬ!

Победань шиня Саранскяйса и Мордовиянь райоттнень эса ётафтовсть мероприятият, конат лемтьфтольхть 1941-1945 кизотнень Великай Отечественнай войнаса Сяськомать 77 кизонь топодеманцты.

 

Саранскяйса Победань площадьса ётафтовсь торжественнай митинг. Ся кизонь пелькс событиянь участникненди и свидетельхненди сюконяма, сяськиень поколенияти спасибань азома, сембонь сятнень лятфтама, кит тяни ашет мархтонк, сашендсть ошеряйхне и Мордовиянь столицань инжихне.

 

Торжественнай митингть панжемста Мордовиянь Оцюнясь Артём Здунов поздравляндазень пуромфнень странаньконь историяса Великай шить мархта: 

 

«77 кизода тяда инголе Советскяй народсь аралазе родной Отечестваньконь,  нолдазе воляс фашизмать  эзда ламоц странатнень и нароттнень. Республикасонк шачф-касф ломаттне тиендсть героень тефт сембе фронттнень эса: Брестскяй крепостть араламста, Москуть, Ленинградть, Севастопольть инкса ащемста, Сталинградть ала и Курскяй дугать лангса тюремста, Украинань, Белоруссиянь союзнай республикатнень и сембе Европать воляс нолдамста. Тылонь труженикне, аф ваномок ашушить и вачашить лангс, сатнезь Победать станокнень ваксса, паксяса, Сурскяй рубежса и госпитальхнень эса. Марса аватнень и сире ломаттнень мархта тылса стакат-сталмот кирдсть шабатне. Вечнай толть ваксса минь сюконяфнесаськ пряньконь сембонь сятнень лятфтаманкса, кие ашезь мрда войнаста, кие эреклафнезе народнай хозяйствать войнада меле. Сембось тя тиф минь инксонк, шабаньконь, сяськиень сай пингонь поколениятнень инкса!»

 

 
12.05.2022  № 18
 

«Бессмертный полк России» ООД-ть Мордовия Республикань региональнай отделениянц штабонц руководителец Н.А.КРУЧИНКИН: «ТЯДДЕ "БЕССМЕРТНЫЙ ПОЛК" ШЕСТВИЯСЬ КАРМАЙ АСЬКОЛЯМА МАРНЕК СТРАНАТЬ ЭЗГА!»

05.05.2022  № 17
 
 

Касы коронавируснай инфекцияса сярядихнень лувкссна

29 апрельста ётафтовсь коронавируснай инфекциять инголдаманц и келемоманцты кить персеманц коряс региональнай оперативнай штабть  заседанияц. Сонь работасонза примась участия Мордовиянь Оцюнясь Артём Здунов.

 

«Коронавируснай инфекцияса урмаськодомать мархта тефне Мордовияса ашесть полафта—300-та лама пациент пчксихть ковиднай госпитальхнень эса. Ваномс, штоба Маень праздникнень пингста массовай пуромксне афольхть ара урмаса сярятькстыхнень лувксснон касомаснонды туфталкс»,—мярьгсь регионть руководителец.

 

МР-нь Правительствать Председателенц заместителец Галина Лотванова азондсь эпидемиологическяй  тяниень пингонь ситуациять и коронавируснай инфекциять эзда населениять вакцинациянц мольфтеманц колга.

 

Ётай недялять коряс 19 процентта кассь госпитализированнайхнень лувкссна, сяда лама арась стационарса пчкафневи идьта. Коллективнай иммунитетсь кирсь и тячиень шити сон арась 52,7 процент.

 

05.05.2022  № 17
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин