Поиск по сайту: 
 
Наши мокшанские сыновья и дочери
Свежий номер
Тема дня
Национальная тематика
Культура
Обратная связь (Газета - Читатель)
В Госсобрании РМ
В Правительстве РМ
События
Демография
Здоровье
Мокшане о мокшанах
Как жили и живут мокшане
Ветеранам о ветеранах
Молодежный клуб
Наша усадьба
Наука и жизнь
Спорт
Национальный проект
Образование
Доступное жилье
Благотворительность
Поговорим о создании единого литературного мордовского языка

Архив
 сентябрь 
 2010 
пн вт ср чт пт сб вс
  12345
6789101112
13141516171819
20212223242526
27282930   

 
 

 
В Правительстве РМ

РАБОЧАЙ СОВЕЩАНИЯТ, ВАСЕДЕМАТ

11 августста Мордовиянь Оцюнясь Н.И.Меркушкин етафтсь республикань Правительствать Председателенц В.Д.Волковонь, «Саранскгражданпроект» институтть генеральнай директоронц С.П.Ходневонь и институтонь отделть начальниконц А.И. Пляскинонь участияснон мархта рабочай совещания.
Совещанияса ванонтфтольхть «Юбилейный» стадионть и Мордовскяй госуниверситетть главнай од корпусонц архитектурнай проектонц деталенза. Кафцьке объекттне кармайхть строявома мокшэрзянь народть Российскяй государствань лия нароттнень мархта ладязь эрямаснон 1000 кизонь топодеманц праздновандаманц рамкаса.
 
* * *
17 августста Мордовияса ульсь легендарнай спортсменкась, Россиянь соксса ласькомать коряс Федерациять президентоц Елена Вяльбе. Тяка шиня сон и Мордовиянь Оцюнясь Н.И.Меркушкин подписандасть республикать и соксса ласькомать коряс Федерациять еткса сотрудничествать колга соглашения. Соглашенияса ванондови тя спортонь видть виияфтомаса марстонь вийхнень пуроптомасна, эряфонь шумбра койхнень эреклафтоманкса, спортивнай сооружениянь строямась, а стане жа соксса од курьксниень анокламань межрегиональнай Центрать марстонь финансированиясна.
19.08.2010 №32

 

ОЦЮ ЗИЯНЦЬ ПОТАФТФ МАРСТОНЬ ВИЙСА

Россиянь Президентсь Д.А.Медведев етафтсь экстреннай совещания силовикнень мархта, коса корхтамась мольфтевсь зиянц повф стратегическяй объекттнень араламаснон колга. Инь пельксокс ульсь Саровсь, кона Смидовичень лемса заповедникть мархта, можна мярьгомс, кяденьбецект.
Кода пачфтезе Президентти Сергей Шойгу, пожарть матома водендафоль оцю вий. И, аф ваномок тянь лангс, 31 июльста толсь пачкодсь Ядернай центрань полигону. Критическяй тя пингть Саровти лездома сась и Мордовиясь. Миньцтонк 500 ломань тюрсть толть каршес Темниковскяй райононь заповедникса. Понедельникста толсь машфтфоль Ядернай центраса. Но тяса кеподсь вишке варма, торазевсь пиземфтома атям и пожарсь мрдась меки. Пелькссь сяшкава оцюволь, што савсь водендамс тевс Оборонань министерствань войскатнень и мянь ФСИН-онь батальоттнень. И марстонь вийса оцю зиянць потафтфоль.
Нинге фкя сяряди вастокс арасть исправительно-трудовой колониятне. Инь стака положениясь тянь коряс, кода мярьгсь ФСИН-нь руководительсь А.Реймер, Марий Эл Республикаса и Мордовияса. Толсь малаткшнесь Сосновка поселкати, коса строгай режимонь колониясь. Лама савсь тиемс, штоба араламс поселкать толть эзда. И аралаф.
12.08.2010 №31

 

ЁТАФТФОЛЬ МОРДОВИЯНЬ ОЦЮНЯТЬ ВИДЕСА СОВЕТТЬ ЗАСЕДАНИЯЦ

3 августста Н.И.Меркушкин етафтсь Мордовиянь Оцюнять видеса правопорядкать обеспечендамаса кизефкснень коряс Советонь заседания. Эсонза примасть участия Мордовиянь Государственнай Собраниять Председателец В.В.Конаков, республикань Правительствать Председателец В.Д.Волков, Саранск ошень администрациянь оцюнясь В.Ф.Сушков, силовой структурань руководительхне.
Заседанияса ульсь тиф анализ Мордовиять территорияса тяниень пожархнень мархта положенияти. А стане жа мератненди, конат эрявихть примамс пожархнень матоманкса и стихиять эзда зиянц повфненди лезксти.
 
 
 
РАБОЧАЙ ВАСЕДЕМАТ
29 июльста Мордовиянь Оцюнясь Н.И.Меркушкин М.Е. Евсевьевонь лемса Мордовскяй педагогическяй институтть ректоронц В.В.Кадакинонь мархта васедемстост корхтамать мольфтезь республикаса педагогическяй образованиять виияфтоманц и проблематнень колга. Тяконь мархта, ульсть ванфт мордовскяй диаспорань представительхнень, конат эряйхть российскяй региоттнень эса, пединституту сяда ламоне примсемаснон коряс кизефксне.
Васедемать пингста стане жа ванф физкультурань и спортонь факультетть материальнай базанц виияфтомаса кизефксне. Аньцек мекольдень кизотнень Мордовияса строяф 80-да лама оцю спортивнай объект. Россиянь Минспортть мархта соглашениять коряс, маластонь сай пингть республикаса эвондай 22 региональнай спортивнай центра.
Тянь мархта сядонга оржаста кеподсь кизефкссь  разнай видонь спортонь грамотнай, профессиональнай тренеронь анокламать колга.
 
* * *
31 июльста Мордовия Республикань Оцюнясь Н.И.Меркушкин васетькшнесь южнокорейскяй республикань—«Кумдо» фирмань президентть Джин Сунг Чангонь и «Файн Машинерн» компаниять руководителенц Сунг-Хой Куунь мархта. Мордовиянь Оцюнясь корхтась южнокорейскяй кафта компаниянь руководительхнень мархта республикать и синь компанияснон еткса сотрудничествань сотксонь ладямать колга.
Васедемать пингста ванондовсь кизефкссь Мордовияса тяниень пингонь кабельнай изоляциянь производствань тиемать колга. Тяфта жа ванондовсь Мордовскяй госуниверситетть и Чонбук южнокорейскяй Национальнай университетть химическяй инженериянь факультетонц еткса сотрудничествань кизефкссь.
 
05.08.2010 №30

 

ПЕРЯМС КИТЬ ПОЖАРХНЕНДИ И ВАНФТОМС УРОЖАЙТЬ!

Мордовия Республикань Оцюнясь Н.И.Меркушкин етафтсь селекторнай совещания республикань активть мархта.
 
Совещанияса корхтафоль засухать колга. Васендакиге, сон пяк оцю зиян тись урожайти. Тядде, кепотьксонди, урожайсь ули аф козя.
Тяда башка, республикань кой-кона райоттнень эса оцю пичефксокс арасть пожархне. Палыхть велетне, вирьхне, сязендевихть ломанень эряфт. Сидеста пожархне эвондакшнихть толмаронь крьвяснемать инкса. Ужяль, но кой-кит аф шарьхкотькшнесазь тянь пельксонц: ваймосихть природаса, крьвяснихть костерхт. Аф арьсихть сянь колга, што фкя цяткти ули кода тиемс оцю зиян. Кода азозе республикань Оцюнясь, тяни Мордовияса палыхть ниле велет, улихть ломанень жертват. Васенце цельсь, кона ащи сембонь инголе,—ванфтомс вирьхнень, велетнень, тостонь населениять. МЧС-ти сембе вийхне водендамат пожархнень матомаснонды и инголдамаснонды. Дежурствать мольфтема шинек-венек. Пожарнайхнень кучемат уликс толть матома.
Рязанскяй областьса палыхть торфяникне. Тиема сембось, штоба толсь афоль ета ширезонк. Зубово-Полянскяй районца Свеженькая велеса палсь пяк лама куд, тяни толсь азорондай Вадово Селища велеса, тостонь вирьхнень эса, Подлясова велеса. Торфсь палы Ширингуши велеть маласа.
Корхтафоль урожайть квалма. Велеса ситуациясь кальдявгодсь. Яровойхне максыхть кальдяв урожай. Кукурузась ламоц вастова ушедсь коськома. Аф тячи-ванды ушеды прама, меле стебельть кеподемсс аш кода. Якстеряпсонь паксятнень лангсовок тефне молихть аф кода—тюжялгодыхть алуце лопатне. Эряви, штоба ломаттне лисендельхть пеелемса тишень лядема—эста личнай хозяйствань жувататне андовихть топодемс. Пеелемса тевда пяк лама.
Селекторнай тя совещаниясь етафтовсь оперативнайста. Республикань кой-кона райононь оцюнятне пачфтсть, кода синьцост молихть тефне. Валснон коряс, обстановкась аф теждятнень эзда. Сембе вийса аноклави силос, сенаж, тиеви прессовка шужярти. Ушедома кукурузать урядама. Тяда башка, тиема сембось маточнай поголовьять ванфтоманц инкса. Кда тя сатови, эста можна арьсемс кодама-бди лезксонь колга.
Краснослободскяй районць аф тячи-ванды моли Владимирскяй области шужяренкса.
Селекторнай совещанияса корхтась Мордовия Республикань велень хозяйствань и продовольствиянь министрсь В.Н.Сидоров.
 
Т.АЛЬШИНА.
29.07.2010 №29

 

МОРДОВИЯ РЕСПУБЛИКАНЬ ОЦЮНЯТЬ Н.И.МЕРКУШКИНОНЬ МОСКУСА УЛЕМАНЦ КОЛГА

16 июльста Москуса Мордовиянь Оцюнясь Н.И.Меркушкин етафтсь рабочай васедемат.
Васетькшнесь государственнай статистикань Федеральнай Службать руководителенц Александр Суриновонь мархта. Васедемаса ванонтфтольхть велень хозяйствань товаронь ноляйхнень единай налогти етамста муниципальнай образованиятнень отчетностьснон сяда цебярьгофтомаснон коряс кизефксне. А стане жа ванф средняй и емла предприятиятнень налогообложенияснон коряс отчетностень системать од вариантоц.
Ульсть ванонтфт Мордовия Республикать эзга Статистикань управлениять од зданиянц строяманц и Населениянь Всероссийскяй переписти анокламать коряс кизефксне.
Саф фкя мяльс Росстатть участвондоманц коряс  международнай справочнай материалонь анокламаса и нолдамаса региоттненди и странань представительхненди, конат кармайхть участвондама мокшэрзянь народть Российскяй государствань лия нароттнень мархта ладязь эрямаснон 1000 кизонь топодеманц праздновандамаса мероприятиятнень эса.
Россиянь Финансонь министрть заместителенц Антон Силуановонь мархта ванондозь 2011 кизонь бюджетть пуроптоманц и республикаса тяддень бюджетть аф сатнеманц пяшкодеманц коряс кизефкснень. Васедемать пингста шарфтфоль мяль, засухать мяльс сявозь, Мордовиянь АПК-нь предприятиятненди лезксонь максомать коряс кизефксти.
Российскяй Федерациянь Государственнай Думаса Мордовиянь Оцюнясь васетькшнесь «Единая Россия» фракциять руководителенц заместителенц Вячеслав Володинонь мархта. Ульсь ванф Приволжскяй федеральнай округть виияфтомаса проектсь и очередной партийнай конференцияса сяда тов сонь ваномац.
22.07.2010 №28

 

Н.И.МЕРКУШКИН ЁТАФТСЬ ВАЖНАЙ ВАСЕДЕМАТ

Ня шитнень Мордовиянь Оцюнясь Н.И. Меркушкин васетькшнесь Правительствать Аппаратонц Руководителенц—Россиянь Правительствать Председателенц заместителенц Сергей Собянинонь мархта. Синь ванондозь, кода пяшкотькшневихть мордовскяй народть Российскяй государствань лия нароттнень мархта ладязь эрямаснон 1000 кизонь топодеманц праздновандаманцты анокламать коряс решениятне. Сембе ширде ванонтфт федеральнай министерстватнень Правительствать Председателенц распоряжениянзон эса участвондамасна и 1000 кизонь мероприятиятнень планцнон коряс протокольнай решениятнень эса. Васедемать пингста стане жа вантфт оргкомитетть омбоце заседаниянц етафтоманц колга кизефксне.
08.07.2010 №26

 

РЕСПУБЛИКАНЬ ОЦЮНЯСЬ АЗОНДСЬ МОРДОВИЯТЬ ОПЫТОНЦ КОЛГА

ПФО-нь Советса
Ня шитнень Мордовиянь Оцюнясь Н.И.Меркушкин примась участия Приволжскяй федеральнай округса Россиянь Президентть Полномочнай представителенц видеса Советть заседанияса.
Сон етафтовсь Самараса Г.А.Рапотань председательстванц ала. Заседанияса корхтамась мольфтевсь РФ-нь Президентть Посланияса ся пяльксть эряфс етафтоманц колга, кона лемтьф гражданскяй обществань институтть виияфтоманцты и социальнай ширети водендаф общественнай объединениятнень и аф коммерческяй организациятнень ширеснон кирдеманцты.

24.06.2010 №24

 

МОРДОВИЯНЬ ОЦЮНЯТЬ РАБОЧАЙ ВАСЕДЕМАНЗА

Ня шитнень Мордовиянь Оцюнясь Н.И.Меркушкин Москуса васетькшнесь «Единая Россия» партиять Генеральнай советонц секретаренц, Государственнай Думать Председателенц заместителенц В.В.Володинонь мархта. В.В.Володин—странать здравоохранениянц модернизациянц коряс од партийнай проектть координатороц. Тя оцюдонга оцю программать эряфс етафтомац, кона аф кунара азфоль Российскяй Федерациянь Правительствать Председателенц В.В.Путинонь мархта, мольфтеви 2013 кизоти. Сонь питнец 460 миллиард цалковай.
Н.И.Меркушкин В.В.Володинонь мархта ванондозь модернизациять, ремонтть, республикаса здравоохранениянь учреждениятнень материально-техническяй базаснон реконструкцияснон етафтомаснон коряс тефнень, тяконь мархта—велень здравоохранениять. Ванфт и оборудованиянь, медикаментонь, стационарса сярядихненди ярхцамбяльть цебярьгофтоманц, больницянь медперсоналть зарплатанц касфтоманц коряс кизефксне. Программати важнай направлениякс арай здравоохраненияти од информационнай технологиятнень сувафтомасна.
Тяка шиня Мордовиянь Оцюнясь васетькшнесь Россиянь финансонь министрть заместителенц А.Г.Силуановонь мархта. Васедемать пингста корхтамась мольфтевсь тяниень пингонь финансированиянь проблематнень, а стане жа 2011 кизонди и сяда мельдень кизотненди бюджетть формировандамац колга. Финансонь министерстваса ванонтфоль программать и проекттнень эряфс етафтомаса федеральнай центрать участвондамац, конат сотфт мокшэрзянь народть Российскяй государствань лия нароттнень мархта ладязь эрямаснон 1000 кизонь топодеманц праздновандаманц мархта.
«Российские железные дороги» ОАО-нь вице-президентть А.В.Воротилкинонь мархта Н.И.Меркушкин ванозь республикань промышленнай предприятиятнень мархта «РЖД»-ть фкя-фкянь еткса сотксонь кирдемать коряс кизефкснень.
17.06.2010 №23

 

МОСКУСА Н.И.МЕРКУШКИН ВАСЬФНЕСЬ В.Л.МУТКОНЬ И А.Б.МИЛЛЕРОНЬ МАРХТА

Ня шитнень Москуса Мордовиянь Оцюнясь Н.И.Меркушкин и РФ-нь спортонь, туризмань и од ломанень политикань министрсь В.Л.Мутко Мордовия Республикать  и министерствать еткса подписандасть сотрудничествать колга соглашения. Документса ванондови фкя-фкянь мархта сотксонь кирдезь 22 спортонь видонь виияфтомась, конатнень лувксса—легкай и тяжелай атлетикась, тенниссь, бокссь, биатлонць, футболсь, хоккейсь и ламотне лиятне.  РФ-нь Миниспортсь и Мордовиясь марса кармайхть панчсема республикаса комплекснай региональнай центрат, стройсема спортивнай сооруженият. Спортивнай подготовкань региональнай центрань панжемаса Соглашениять Мордовиясь подписандазе Россиянь сембе региоттнень еткста васенцекс.
03.06.2010 №21

 

ЛЕМТЬФОЛЬ ПРЕДПРИНИМАТЕЛЕНЬ ШИТИ

Исяк Мордовскяй государственнай национальнай драматическяй театраса етафтфоль торжественнай мероприятия, кона лемтьфоль Российскяй предпринимательствань шити. Пуромкшнесть Мордовия Республикань Оцюнять видеса предпринимателень Советонь члеттне, республикань муниципальнай райононь администрациятнень видеса предпринимателень Советонь председательхне, предпринимателень общественнай объединениянь руководительхне, емла и средняй предприятиянь руководительхне, индивидуальнай предпринимательхне.
Тясотольхть жа Мордовия Правительствать Председателенц васенце заместителец, финансонь министрсь Н.В.Петрушкин, Мордовия Республикань  Правительствать Председателенц заместителец, торговлянь и предпринимательствань министрсь В.В.Руженков и лия официальнай ломатть.
27.05.2010 №20

 
 

 
НОВОСТИ

МИНЬ ЗЕМЛЯКОНЬКЕ АЛЕКСЕЙ АЦАПКИН—ОЛИМПИЙСКЯЙ ЧЕМПИОН

17 августста кизонь I-це Юношескяй олимпийскяй налхкоматнень эса Сингапурса вольнай стильса ведьса уендихнень еткса 4х100 метрас эстафетаса сяськсь Россиянь командась: Андрей Ушаков, Илья Лемаев, Антон Лобанов и минь Мордовиянь спортсменоньке Алексей Ацапкин. Россияттне етазь китайскяй сборнайть 0,55 секундада. Уемаса пялькстыхне—австралиецне—лиссть нилеце вастти, пачфни олимпийскяй турниронь сайтсь.
19.08.2010  № 32
 

Мольфтеви «2010 кизонь урожайсь» оперативно-профилактическяй операциясь

МВД-нь СОТРУДНИКНЕ ВАНЫХТЬ СЁРОНЬ УРЯДАМАТЬ МЕЛЬГЕ
 
Мордовияса 270 предприятиясь заняф велень хозяйствань культурань касфнемаса. Марстонь площадсь 1659 тежянь гектар.
Сянкса, штоба ванфтомс тяддень и мелянь урожайть, 2010 кизонь 15 июльста сявомок республикасонк мольфтеви «Урожай-2010» оперативно-профилактическяй операциянь омбоце этапсь, мезть пингста республикань внутренняй тевонь органонь сотрудникнень мархта муфоль 41 административнай правонарушения, 483 преступления.
Мордовия Республикава Внутренняй тевонь министерствась оцю работа мольфти сянь коряс, штоба перямс кить велень хозяйствань продукциянь, жуватань-мезень саламати, ваныхть сянь мельге, штоба назначенияс коре нолявольхть засухать сюнеда эвондаф зияттнень машфтомс государствать мархта макссеви бюджетнай средстватне, мольфтихть контроль серонь, тишень, ГСМ-нь, удобрениянь, техникань-мезень ванфтома васттнень мельге.
Внутренняй тевонь органонь сотрудникненди лездомс ули кода кажнайти. Кда приметаф саламань-коламань случай, пачфтеда 47-70-60 номерс коре.
 
19.08.2010 №32
19.08.2010  № 32
 

РОССИЯНЬ ПРЕЗИДЕНТСЬ Д.А.МЕДВЕДЕВ ПОЗДРАВЛЯНДАЗЕНЬ МИНЬ СПОРТСМЕНОНЬКОНЬ САТФКССНОН МАРХТА

Ётай недялять Россиянь Президентсь Д.А.Медведев васетькшнесь легкай атлетикаса Европань XX чемпионатонь чемпиоттнень и призерхнень мархта. Сон поздравляндазень легкоатлеттнень оцю сатфксснон мархта. Барселонаса  спортсметтне сатсть 24 медаль: кемонь золотань, кота сиянь и кафкса бронзовайхть. Казнетнень оцюшкаснон сатозь Мордовиянь спортсметтне.
 
Ольга Каниськинась сембе легкоатлеттнень лемста благодарностень валхт азсь Президентти ширень кирдеманкса.
Васедемста Каниськинась пачфтсь, што Мордовияса ушетф Олимпийскяй подготовкань центрать колмоце очереденц, 400 метранди вельхкс ала манежть, бассейнать строямасна.—Тя тейнек башка пяк эряви 2012 кизоня Лондонца Олимпиадада инголе,—мярьгсь спортсменкась.
Ольга Каниськина васедемань участникненди лятфтась и сянь колга, што 2012 кизоня Саранскяйса етафтови спортивнай якамаса Миронь кубкась. И нинге фкя пяк оцю мероприятия—мордовскяй народть Российскяй государствань нароттнень мархта ладязь эрямаснон 1000 кизонь топодемань праздновандамась. Тияк сон лямбе валхт азсь тренерхнень лемс.
Д.А.Медведев поладозе:
—Оля видеть азозе тренерхнень колга. Тя шарьхкотьф. Но аф фалу шарьхкотьф тянь коряс региононь руководительхнень позициясна. Мордовияса, мон лац содаса, кда кодама поручения максат республикань руководительти, сон фалу старандай тиемс лац-ряц, оцю качестваса.
И тянь эряви азомс аф аньцек спортть колга.
12.08.2010  № 31
 

УШЕДОВСЬ ТОЛТЬ ЭЗДА ЗИЯНЦ ПОВФНЕНДИ КУДОНЬ СТРОЯМАСЬ

Мордовияса вирень пожархнень сюнеда кудфтома лятфненди строяви 81 эряма васта. Лядыксне, а сембоц республикаса палсь 157 куд, азсть мяль сявомс ярмакса. Виде, педа-пес нинге лац-ряц аф содаф, мзяра куд сави строямс. Но, кода азозь МР-нь Строительствань и архитектурань министерстваса, строительхне тисазь сембе эрявиксть, штоба кенеремс строямс синь 1 ноябрти, тя пингть ладязь Россиянь Президентсь Д.Медведев и странань премьер-министрсь В.Путин.
 
Сянкса, штоба эреклафтомс строямань тевть, странань руководствась примась решения, што эряма васта зиянц повфненди кармай строяма единай поставщик. Тя корхтай сянь колга, што муниципальнай заказчикти ули кода тиемс подрядонь договорхт конкурсонь апак етафтт, кона таргави 45 шис.
Тяка пингть, пожархнень сюнеда зиянц кой-кона повфне азсть мяль строяфтомс од кутт аф сяка васттнень эса, а лия населеннай пунктова—Саранскяйса, Зубова Полянаса. Кепотьксонди, Свеженькая, Подлясова и Вад.Селищи велень кой-кона эряйхне пачфтезь, што мяльсноль етамс райцентрав—Зубово-Полянав. Строительхне арьсихть строямс теест од ульця. Ламотнень мяльсна лядомс сяка васттненди. Строяви куттне улихть ефси лият палфнень коряс. Эсост кармай улема сембось: свет, газ, лямбе и кельме ведь, канализация.
Мордовияса строямань тевсь кемокстаф 8 организация мельге. Ня компаниянь представительхне ульсть ни райоттнень эса, васетькшнесть велень Советонь оцюнятнень мархта. Тяни специалисттне анокласазь проектно-сметнай эрявикс документациять. 6 августста строительхне прважазь районга эрявикс техникать и решандазь кизефксть рабочайхненди работань пингонди эряма вастонь максомать коряс. Подлясоваса арьсекшневи панжемс палаточнай лагерь. Ваймама шитнень ускфт стройматериалхт, а 9 августста рабочайхне кярьмодсть од кудонь строяма.
 
12.08.2010 №31
12.08.2010  № 31
 

ПАЛЫХНЕНДИ МАКСФ ВАСЕНЦЕ ЛЕЗКССЬ—1,5 МИЛЛИОН ЦАЛКОВАЙСЬ

Нинге аф кунара ня васттне ульсть Мордовияса инь цебярьхне. Но стихиясь нардазь нардазе тя мазышить и кадсь мельганза седиень ацергофты картина. Сянгяря вирьхнень вастс лама километра кить кувалмова таргавсть равжа палф шуфтт, а велетнень вастс—кулуфт. Колма ломанень жертват, 150 палф куд—тяфтама тячиень пожаронь пелькс статистикась республикань Зубово-Полянскяй районца.
 
Мордовиянь Оцюнясь Н.И. Меркушкин и РФ-нь региональнай развитиянь министрть заместителец К.Ю.Королевский ваймама шитнень ульсть районца.
Тевсь тяса ащи пяк кальдявста. Ломаттне эвотьфт, но тяни валом валом сашендыхть эсезост. Н.И.Меркушкин азозе: ламось тяни ащи местнай властть эзда. Эряви куроконе анокламс сембе эрявикс документтнень. Августста палф куттнень вастс ушедома од стройка.
Районца тиф оперативнай штаб, конанди вятикс Государственнай Думань депутатсь В.Б.Кидяев. Эрь палф велеса работай комиссия: медикт, райсобессь, милициясь и районнай администрациянь представитель. Ломаттненди, кит юмафтозь сембе имуществаснон, пяк стака. Но лезкссь сай. Понедельникти палыхне получазь васенце 1,5 миллион цалковайть Мордовиянь Оцюнять резервнай фондстонза. Ломаттненди явондови пси ярхцамбяль и сухой паек.
Пуромомок Мордовиянь Оцюнять перьф, велеряйхне корхтайхть теенза: Мордовиясь колганк заботендай, пси ярхцамбяль анокласть, сухой паек усксихть. Синь валснон полаткшнесазь Вад. Селища велень эряйхне: Спасиба, што тейнек тняра техника панеде, спасиба што вертолеттне, самолеттне пожар матсть, сюкпря теенть. Меркушкин отвечась: Васендакиге спасиба странань руководствати.
Вад. Селищаса толонь даволсь етась ляйть туркс кожфка пяле километра вастс, кона явфнезе велеть вирть эзда и валгсь куттнень лангс. Тяфтама пелькс тяса ашесть няенде нльне кунардонь эряйхне. Но, кода фалу, трагедиять улихть аф аньцек жертванза, но и эсь героенза. Ся велеряйхне, конатнень кудсна ни палсть, эсь прянь аф ужяльдезь (тя видекс тяфта) матсть шабраснон кудснон эса. Толть мархта тюрсть нльне школьникне. Емлатне каннесть ведь мархта ведаркат, оцюфне—кие кода маштсь.
Н.И.Меркушкин люпштазе тястоконь школань выпускникть Сергей Левштановонь кяденц. Сон васенцекс няезе толть, кеподезе пильге лангс сембе велеть. Тядде Сергей поступай университетонь историческяй факультету.
Историясь аф юкстасы тя страшнай кизоть.
Тяни, 2 августста, аньцек Зубово-Полянскяй районца 8 оцю вирень пожар. Качамти ляпиякшнихть животнайхне, палы вирсь. И эрь тяфтама бедати ушетксокс арси—кинь-бди мархта ердаф папироса песь, крьвястьф сардонясь. Мезти нинге эряви лисемс, штоба кажнайсь эздонк, мекпяли, тянь шарьхкоделезе?
 
05.08.2010 №30
05.08.2010  № 30
 

МАРЯТАМА ИНКСОНТ ГОРДОСТЬ!

Испанияса ётафтови Европань чемпионатса Россиянь сборнайсь сатсь 5 медальхть и сембе синь—миннет.
Испаниянь Барселона ошса моли легкай атлетикать коряс Европань чемпионатсь. Васенце шиня пялькстсть 20 километрань дистанцияса ялга якамать коряс инь вии спортсметтне. Тя мезть синь етксост аньцек ашель тяниень миронь чемпионць Валерий Борчин, сяс мес сон получась травма. Но сембе мирти содаф тренероньке Виктор Чегин мусь теенза достойнай полафтыхть. Васендакиге надияматне ульсть сотфт од талантливай спортсменть Станислав Емельяновонь мархта. И тя аф стак.
 
29.07.2010 №29
29.07.2010  № 29
 

ГРАНТТ—ЕВРО- ПАРЛАМЕНТТЬ ЭЗДА

Мордовиянь Образованиянь министерствась получась Европарламентть эзда кафта грантт. Кажнайсь синь эздост тейнек максы фкя миллион 300 тежянь цалковаень. Министерствань сотрудникне анокласть кафта проектт, конат шнафтольхть.
Васенце проектсь—этнокультурнай направлениянь кизонь лагерсь, коса республикастонк и мокшэрзянь диаспораста шабатне кармайхть сяда крхкаста тонафнемост родной кяльть и сяда маласта знакомондайхть эсь народснон культуранц мархта. Лагерьса ваймамась питнефтома, родительхне пандсазь аньцек кить. Главнай условиясь—штоба шабась мяль вельде тонафнелезе эсь родной кяленц.
Омбоце проектсь—электроннай библиотекань тиемась, коза сувайхть учебникне и методическяй изданиятне мордовскяй (мокшень, эрзянь) кяльхнень тонафнемаснон коряс.
 
22.07.2010 №28
22.07.2010  № 28
 

ВАСЕНЦЕДА МОРДОВИЯСА!

12-15 июльста республикасонк етафтови легкай атлетикать коряс Россиянь чемпионатсь.
Минь тячи гордостень марязь азондсаськ, што Мордовияньке лемневи сембодонга спортивнай республикакс. И тя аф стак. Тянь можна кемокстамс лама примерса. Ваносте, мзяра мекольдень кизотнень Саранскяйса эвондась од спортивнай объектта! Сембе райоттнень эзгавок строяф (или строяви) физкультурно-оздоровительнай комплекст.
08.07.2010  № 26
 

ШИРЕЗОНК САЙ ТЁЖЯНЬ СПОРТСМЕН

Пресс-конференцияста

Понедельникста, 5 июльста, Саранскяйса Печатень кудса ульсь легкай атлетикать коряс Россиянь чемпионатти лемтьф пресс-конференция. Эсонза примасть участия Мордовия Республикань спортонь, физическяй культурань и туризмань министрсь В.Г.Киреев, сонь заместителец В.В.Цыбусова, Мордовия Республикань легкай атлетикань Федерациять президентоц, высшай спортивнай мастерствань республиканскяй  школать директороц М.Л.Храмов, тренерхт, спортсметт, официальнай лия ломатть.
08.07.2010  № 26
 

УДАЛАЗА КИНТЕ, МЕДАЛИСТТ!

Исяк, 23 июньцта, Саранскяйса Республикань кудса Мордовия Республикань Оцюнясь Н.И.Меркушкин васьфнесь республикань школань ся выпускникнень мархта, конат шумордазь тонафнемаснон золотань медальса.
Арась цебярь традициякс кизоста кизос получсемс тя казнеть республикань Оцюнять кядьста.
24.06.2010  № 24
 

 

 

Учредительхие:
Главнай редакторсь: И. С. Лушкин