Поиск по сайту: 
 

Архив
 май 
 2022 
пн вт ср чт пт сб вс
      1
2345678
9101112131415
16171819202122
23242526272829
3031     

 
 

 

Обо всем понемногу

ЭРЬ ПОЖАРНАЙСЬ—ГЕРОЙ


 

САСЬ ТУНДАСЬ

10.03.2022 №9

 

Пеетькс пакшкат

Мзярс аф азсак ломанти, кие сон, аф кармат содамонза, кият тон.
Гриша кафксть ульсь рьвяяф. И кафцьке аф удалафста. Васенце рьвац эздонза тусь, омбоцесь—ашезь.

Зарплатась—тя материальнай лезкс салама аф маштыти.

—Аляй, шумбрат, монь шарыезе нолдась.
—А тон мес, стирняй, тейне гайфтят, тяни вдь ули мирдце.
—Да теенза мон аф весть ни звонцень, но сон аф отвечай.
—Ну, а запаснойце аш, што ли?
—Гайфнень, сонга аф отвечай.

Кда тон аф симат  и аф сотат, лисенди, аф ванат мирса событиятнень мельге.
Сембода аф фкя лацонне телеканалхнень эса—тя погодань прогнозсь.

—Пара, цёраняй, лоткать авардемда,—корхтай тядясь кашанкшни шабанцты.
—Мон ашень лотка, мон вайман.
—Свидетель ялгась, мзярда тон шарьхкодеть, што машинати вещатнень грузясазь ворхне?
—Васенда арьсень, што ня ломаттне усксемань бюроста. Но сяльде, мзярда няине кода вишкста работайхть, семботь шарьхкодине.
24.02.2022 №7

 

Пеетькс Пакшкат

—Юля, тейть састь.

 

—А мес арьсят, што тя тейне?

 

—Ну, а кинди ина? Кизефтсть: «Коса тя инекуйсь?»

 

 

—Минь тняра киза ни марсотама, а мезевок колгат аф содан.

 

—Спасибак Шкабавазти. Самай сянкса и марсотама.

 

—Ялгат, монь ули мялезе симомс тинь инксонт!

 

—Да тон стадонга, сволочь, семботь симить инксонк…

 

Джинсатнень эса ёмла зепсь тиф зарплатанди.

 

 

Мезе азсь рьвяце, мзярда кунданзе лия ава мархта?

 

—Верондада-тяда, мезевок аш. А ингольдень кафта пейне тяфтаковок ни эрявольхть таргафтомс.

 

 

Васенце веня одс рьвяяйсь виденцясь рьванцты:

 

—Кельгомняй, мон азса тейть апак сёпонтт: пандан алиментт ингольдень кафта рьвяненди.

 

—Тят пичеде, матаняй, мон получсян алиментт ингольдень колма мирденень эзда.

 

 

Сизеф мирдсь поздна илять  мрдась куду. Рьвац кяжиста кизефнесы:

 

—Косолеть тнярс?

 

—Матаняй, золоткяй, тон вдь ёнюват,—корхтай мирдец,—арьсек мезевок тонць!

 

17.02.2022 №6

 

Тялонь шитнень

17.02.2022 №6

 

Пеетькс Пакшкат

Алясь и авась ащихть кроватть лангса и ваныхть поталакти, авась арьси: «Сволочсь кашт аф моли, сон, улема, ёфси аф кельгсамань ни, няеви, што лия мусь, лиянь мархта келькси-палси».

 

Алясь арьси: «Кару. Карусь поталакса. Кода ина сон кирди тоса ёмла лапанянзон мархта?»

 

 

—Монь мирдезе квартиранди кочкай.

 

—Лама кочкась?

 

—Лама, курок тейне норковай орня рамай!

 

 

Операцияда меле алясь ащи палатаса васта лангса. Сашенды ёжес анестезиять эзда.  Ряцок ащи рьвац. Алясь панжезень сельмонзон, ваны лангозонза и корхтай:

 

—Тон ёфси мака панчфкат!

 

Сяльде сёлгондсыне сельмонзон и матодови. Пингонь ётазь тага панчсесыне сельмонзон и корхтай:

 

—Тон эсь лангозт мяль шарфнят?

 

—А мес аф мака панчфкан?

 

—Наркотикть виец лафчемкшни…

 

 

Монь катозе арьси, бта эрян сонь пялонза. А кой-коста сельмованфонц эзда няйса-шарьхкотькшнеса, тейне пинге ни эрямс башка.

 

 

1975 кизоня милициятне сявозь самогононь нолдама аппаратозень. Исяк сонь няине «Модернизациясь и нанотехнологиятне» выставкаста.

 

 

Корхтайхть кафта ялгат.

 

—Монь рьвязень аш козовок асувоц.

 

—А моннесь сядонга кальдяв. Семботь сон содасы и семботи анок.

 

20.01.2022 №2

 

Эх и кельгса мокшень щамнязень!

 
20.01.2022 №2

 

СЯВОСТЬ МЯЛЬС КУЯНЬ РАМАМСТА


 

Россиясь—лама нациянь страна

25.11.2021 №46

 

Пеетькс пакшкат


 

 
 
 

 
НОВОСТИ

Зубово-Полянскяй райононь оцюнясь В.А.Поршин:«Эрь тевсонк васенце вастса ащи ломанць!»

Зубова Полянась васенцеда лятфневи 1680 кизоста сявомок Керенскяй засечнай чертань служилай ломаттнень Зубофнень фамилияснон коряс, синь тя ширеса азорхтольхть. Лемть омбоце пяльксоц пачфни, што тяса кужель, вирьса шуфттнень эзда ароптф вастоль. Сире пинкнень тияк ётнесть Шацк-Спасск алашань кись, Зубова Полянань почтовай станциясь. Машина кить строямста посёлкась вишкста кассь. Тяниень пингть Зубово-Полянскяй районца улихть оцю предприятият, конат лезнихть виияфнемс марнек Мордовиять экономиканц. Кепотьксонди, «Плайтерра» фанерань нолдай компаниясь и Вышинскяй деревообрабатывающай комбинатсь. Лама киза Зубова Поляна посёлкаса ноляй электроннай оборудования «Радиодеталь» заводсь. Оцю тефт тиендихть наказамань ётамань учреждениятне. Пцтай эрть эса улихть стамань цехт, шуфтонь и металлонь обработкать коряс производства. Аф кржа рабочай васта максси «Талина» компаниясь, кона мольфти районца аграрнай бизнес. Инголи моли технология мархта ня предприятиятне сявондихть работама сембе ширде аноклаф, квалифицированнай ломатть, сянкса зарплатавок пандыхть цебярь.
 
 

Корреспондентоньке аф кунара васьфнесь Зубово-Полянскяй райононь оцюнять Владислав Алексеевич Поршинонь мархта и кизефнезе, кода Мордовиянь инь оцю районца ётафневихть эряфс национальнай проекттне.

12.05.2022  № 18
 
 
 
 

МОРДОВИЯНЬ ОЦЮНЯСЬ ПОЗДРАВЛЯНДАЗЕНЬ ВЕТЕРАТТНЕНЬ

Шуваланяста, 5 майста, Артём Здунов васетькшнесь Мордовиянь ветеранскяй активть мархта. Васедемаса примасть участия республикань райононь ветеранскяй организациянь председательхне и члеттне.

 

Тяддень мартста организацияти топодсь 35 киза. Мордовиянь Оцюнясь азозе, што Ветеранонь советть оцю значенияц регионца, сон путни сатомшка оцю путкс од поколениять воспитандаманцты. Корхтафоль памятниконь тиемать коряс Военно-историческяй обществать мархта марстонь работать и Сурскяй рубежень строяйхненди музеень панжемать колга.

 

«Кда аф тинь советонте, тейнек улель стака ламоц важнай задачатнень пяшкодемста. Башка мяль тячи, конешна, эряви шарфнемс од ломаттнень воспитандамаснонды, сянди, мезе тиендеви школатнень эса. Интернетса лама аф видексонь информацияда, конань вельде ули кода тиемс кальдяв од ломаттненди, сяс кадондомс мялень апак шарфтт тя категориять аш кода»,—мярьгсь Артём Здунов васедемать панжемста.
 

12.05.2022  № 18
 

СЕДИЕНЬ ТАКОЛДОМА И ОЦЮ КЕНЯРДЕМА КАННИ ТЕЙНЕК 9 МАЕНЬ ШИСЬ!

Победань шиня Саранскяйса и Мордовиянь райоттнень эса ётафтовсть мероприятият, конат лемтьфтольхть 1941-1945 кизотнень Великай Отечественнай войнаса Сяськомать 77 кизонь топодеманцты.

 

Саранскяйса Победань площадьса ётафтовсь торжественнай митинг. Ся кизонь пелькс событиянь участникненди и свидетельхненди сюконяма, сяськиень поколенияти спасибань азома, сембонь сятнень лятфтама, кит тяни ашет мархтонк, сашендсть ошеряйхне и Мордовиянь столицань инжихне.

 

Торжественнай митингть панжемста Мордовиянь Оцюнясь Артём Здунов поздравляндазень пуромфнень странаньконь историяса Великай шить мархта: 

 

«77 кизода тяда инголе Советскяй народсь аралазе родной Отечестваньконь,  нолдазе воляс фашизмать  эзда ламоц странатнень и нароттнень. Республикасонк шачф-касф ломаттне тиендсть героень тефт сембе фронттнень эса: Брестскяй крепостть араламста, Москуть, Ленинградть, Севастопольть инкса ащемста, Сталинградть ала и Курскяй дугать лангса тюремста, Украинань, Белоруссиянь союзнай республикатнень и сембе Европать воляс нолдамста. Тылонь труженикне, аф ваномок ашушить и вачашить лангс, сатнезь Победать станокнень ваксса, паксяса, Сурскяй рубежса и госпитальхнень эса. Марса аватнень и сире ломаттнень мархта тылса стакат-сталмот кирдсть шабатне. Вечнай толть ваксса минь сюконяфнесаськ пряньконь сембонь сятнень лятфтаманкса, кие ашезь мрда войнаста, кие эреклафнезе народнай хозяйствать войнада меле. Сембось тя тиф минь инксонк, шабаньконь, сяськиень сай пингонь поколениятнень инкса!»

 

 
12.05.2022  № 18
 

«Бессмертный полк России» ООД-ть Мордовия Республикань региональнай отделениянц штабонц руководителец Н.А.КРУЧИНКИН: «ТЯДДЕ "БЕССМЕРТНЫЙ ПОЛК" ШЕСТВИЯСЬ КАРМАЙ АСЬКОЛЯМА МАРНЕК СТРАНАТЬ ЭЗГА!»

05.05.2022  № 17
 
 

Касы коронавируснай инфекцияса сярядихнень лувкссна

29 апрельста ётафтовсь коронавируснай инфекциять инголдаманц и келемоманцты кить персеманц коряс региональнай оперативнай штабть  заседанияц. Сонь работасонза примась участия Мордовиянь Оцюнясь Артём Здунов.

 

«Коронавируснай инфекцияса урмаськодомать мархта тефне Мордовияса ашесть полафта—300-та лама пациент пчксихть ковиднай госпитальхнень эса. Ваномс, штоба Маень праздникнень пингста массовай пуромксне афольхть ара урмаса сярятькстыхнень лувксснон касомаснонды туфталкс»,—мярьгсь регионть руководителец.

 

МР-нь Правительствать Председателенц заместителец Галина Лотванова азондсь эпидемиологическяй  тяниень пингонь ситуациять и коронавируснай инфекциять эзда населениять вакцинациянц мольфтеманц колга.

 

Ётай недялять коряс 19 процентта кассь госпитализированнайхнень лувкссна, сяда лама арась стационарса пчкафневи идьта. Коллективнай иммунитетсь кирсь и тячиень шити сон арась 52,7 процент.

 

05.05.2022  № 17
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин