Поиск по сайту: 
 

Архив
 январь 
 2019 
пн вт ср чт пт сб вс
 123456
78910111213
14151617181920
21222324252627
28293031   

 
 

 

Ветеранам о ветеранах

ТЯДА ЮКСНЕ СИРЕНЯТНЕНЬ КОЛГА


 

Лезттама сиренятненди марстонь вийса


 

СТАКАТНЕНДИ-СТАЛМОТНЕНДИ АШЕЗЬ МЯНДЕВ


 

ФКЯ ФКЯНЬ ШАРЬХКОДЕЗЬ И ЛАДЯЗЬ 50 КИЗА МАРСА

М.Т.Вельмова етась эряфонь кувака ки и вестевок ашезень ноля кядензон. Тянивок старандай ломаньда фталу аф лядондомс.
—Тяни эряфсь пяк пара,—корхтай мокшавась.—Пенсиять кандсазь эсь пингстонза. Лавкаста рамак мезе мяльце. Тят нолгада, кирдть жуватат, касфтт перень серот. Аньцек фкясь пичефтьсамань—велеса оттненди аш коса покодемс.
Матрена Тимофеевнань мархта аш кода аф согласиндамс. Ефси аф ичкозе эряйхть эздонза кафта церанза Владимир и Иван. Кафцьке покодсть «Сосновский» совхозса. Кудсна, семьясна, эряфсна-ащефсна. Кафцьке якайхть Москуву добувама. Аф теждяста сатови трешниксна. Тядянь седись ризнай инксост.
Шачсь Матрена Тимофеевна 1940 кизоня Атюрьевскяй райононь Пичепулоня велеса Норкиттнень семьяса. Аляц, Тимофей Тимофеевич, войнань ветеран. Сембе эряфонц максозе совхозонь тефненди. Тядяц, Наталья Федоровна, стане жа мзярдовок ашезь лядонда тевфтома. Матрена Норкинать пяк стакаль идькс пингоц. Да и сембе эста эрясть пяк ашуста, мольсь война. Сондедонза башка тядянза-алянза касфтсть нинге фкя стирь и цера. Ирина и Тимофей ашет шиса ни.
21.01.2016 №2

 

СЛЕД НА ЗЕМЛЕ


 

ЛЕМСНА МЯЛЯФТОВИХТЬ СЕМБЕ ПИНГС

70 киза топоди Великай Отечественнай войнань пингонь Сталинградскяй героическяй событиятненди—ошть араламанцты и немецко-фашист-скяй войскатнень Сталинградса тапамаснонды.
Тя пингть лятфневихть сембе, конат максозь эряфснон врагть каршес тюремста.
Войнать ушедомста Мордовиянь и Пензенскяй областень границать малас (Наровчатскяй райононь Морозовка велеть ваксс) прась самолет. Сембе пассажирхне шавовсть. Синь калмафтольхть Козеевка велень калмотненди, тя 7 вайгяльбет Ковылкинскяй райононь Сире Драка велеть эзда.
Лама вий и эрьгя путсть Воронеж ошень 16№ заводонь работникне, штоба мумс землякснон калмама вастснон. Аньцек 1972 кизоня тя ульсь содаф и тяка кизоня путфоль мраморнай памятник войнать пингста авиакатастрофаса шавф ломаттненди. Памятникть лангс серматф, што Правительственнай заданиянь пяшкодемста, немецко-фашистскяй захватчикнень эзда государственнай лама паршиень араламста, авиационнай катастрофать пингста шавовсть Воронежскяй 16№ заводонь работникне и самолетть экипажец. Нят Зорин Алексей Александрович—ВКП (б)-нь ЦК-нь парторгсь, Момот Николай Федорович—летчиксь-испытательсь, Толстопятов Петр Иванович, борт-механиксь, Кораблинов Иван Михайлович—кадрань отделонь начальниксь, Россихина Валентина Филипповна—13№ цехонь начальниксь, Кузминер Давид Юлиевич—7№ цехонь начальниксь.
 
В.КУДАШОВ,
Ковылкина ошсь.
17.01.2013 №2

 

Москуть инкса 1941 кизонь тюремать годовщинанцты

МЕКОЛЬЦЕ ПОДОЛЬСКЯЙ КУРСАНТТЬ КОЛГА ЛЯТФНЕМБЯЛЕНДИ
Аф кунара топодсь 71 киза Москуть инкса тюремати. Гитлеровскяй армиясь, кона вяри прянь кандозь сяськома мархта етась марнек Европава, тяса васенцеда сяськфоль сонць. Москуть маласа немецнень наступленияснон ульсь политическяй и социально-психологическяй оцю смузец. Сон инголдазе Германиять ширес войнати Япониять и Турциять сувамаснон.
Историяса лиссь стане, што столицаньконь оборонанц инь критическяй пингстонза (мзярс ашесть малада Дальняй Востокста и Сибирьста резервнай армиятне) бойти тревогас коре сувасть подольскяй военнай кафта училищань курсанттне-новобранецне. Кафта ковда кржас синь етнезь военнай подготовкать. Теест савсь ушедомс боевой действиятнень учебнай сире оружияса. Но вакссост ульсть тевонь содай командирхт—училищань преподавательхть, конат тевс нолязь тактикать, синь кафта недяляда ламос кирнезь гитлеровецнень моторизированнай армадаснон. Синь честь мархта пяшкодезь Верховнай Главнокомандованиять мархта путф задачать. Ламотне максозь тянкса эряфснон.
10.01.2013 №1

 

ГЕНЕРАЛТИ БОЛДИНОНДИ— 120 КИЗА


 

СЕМБОСА АЩИ ПРИМЕРКС ЛИЯТНЕНДИ


 

СЮКОНЯТАМА ТЯДЯТНЕНДИ

Тядя… Тя валсь эрь ломанть эряфса занци няевикс васта. Сон инь мала и питни эрь ломанти. Эсонза шить лямбоц и валдоц.
Тядять главнай призванияц—казендемс эряф. Тядяда сяда мала и питни ломань  масторлангса аш. Но арьседа, теждя или аф тядять эряфоц?! Кодама сталмот сон няйсь Великай Отечественнай войнань и сяда ингольдень аф теждя кизотнень! Ашезе ужяльде тядясь виензон мезьсовок, старандась лездомс кода-аф кода маласькофтомс сяськомать.
Тейне ульсь 8 кизот, мзярда ушедсь войнась. Лац мяляфтса, кода алятнень мархта ряцок тядятне тушендсть фронту и аф пелезь тюрсть врагть каршес. Сембе велень тефне прасть синь лафтуснон лангс. Аватне сокасть, видесть, касфтсть сера. Тядять ся пингоня сидеста можналь няемс тракторть рычагонзон, автомобильть руленц ваксста. А кодама вачаши няйсть аватне и синь идьсна тылса! Ламоцне вачашить эзда таргозькшнесть и кулсесть. Аф кржа эряф сявсь войнась. Тядятне явсесть идьснон, мирдьснон, сазорхне—брадснон, стирьхне—кельгомаснон инкса.
—Кодама сталмот савсть няемс ся пинкнень,—азонды Великай Отечественнай войнань и трудонь ветеранць Татьяна Степановна Назарова, кона тяни эряй Рузонь Баймакса. Ноябрень мани шиня сувань Назарофнень шири. Татьяна Степановна лямбоста васьфтемань. Аф ваномок кизонзон лангс, сон эрек, весяла и корхтафкшу.
Татьяна Степановна мекольцесь кафта браттнень и вете сазорхнень еткста. Тядянц мархта аляц кирдсть кафта тракст, ведраж, тувот, учат и несколька сараз. Сяс кудса тевда ульсь лама, сембе иттненди сатнесь, и Таняти тяфта жа.
1933 кизоня стирсь поступась тонафнема Кулишейскяй начальнай школав, конань шумордазе цебярь оценкаса. Эряфсь мольсь, ульсть арьсемат сай пингонди. Но семботь срафтозе-калафтозе войнась. Таняти ульсь 15 киза. Брадоц Иван аралась Родинать эса востокса. Пачкодемок куду, сон кулось получаф ранатнень эзда. Брадоц Степан юмась куляфтома Донбасть маласа. Аляц, Степан Иванович, империалистическяй войнань участниксь, кулось кудса. Татьяна Степановна мяляфтсы семботь. Лятфтазень васенце учителензон школаса. Надежда Николаевнать Од Усадста, Клавдия Никитичнань Рузаевкаста. Школать шумордамда меле, велень стирнясь, штоба лездомс тядянцты, кармась работама колхозса. Паксяса кочксесь розьбрят. Сяльде ушедсь тиендема сяда стака тефт. Колхозонь председательсь, няемок стирть старандаманц, путозе бригадиркс. Кизонда Татьяна Степановна стяшендсь атекшнень мархта. Кудонь тефнень тиемда меле,  етнезень сембе бригадань ломаттнень и азонкшнезе кодама работа тиема и мезе мархтост сявомс: пеелем, цянга, тарваз. Татьяна Степановна лац маштсь тишень капань марама. Тянди сельме кайсесть алятневок. Мзярда Кулишейка велесь сувась «Мир» совхозти, тостонь директорсь, Николай Андреевич Начаркин, тернезе Татьяна Степановнань капань марама Мордовско-Баймаковскяй и Од Усадскяй паксятнень лангса.
1946 кизоня Татьяна Степановна лиссь рьвакс фронтовикти Александр Дмитриевич Назаровонди. Мирдец пенсияс лисемозонза работась машина киса. Тяни сон аш шиса. Марса касфтсть вете итть.
Совестьс коре работаманкса Татьяна Степановна аф весть казентьф казнеса. Сидеста хозяйствать Почетонь доскаса ульсь сонь фотографияц. Кочксезь Од Усад велень Советонь и Рузаевскяй райсоветонь депутатокс. Сон ульсь соцсоревнованияса сяськикс.
Татьяна Степановна и пенсияс тумда меле работась «Мир» совхозса сисем кизот. Трудовой стажец—50 киза. Арьсетяма теенза шумбраши.
В.КУДАШКИН.
 
06.12.2012 №48

 

 
 
 

 
НОВОСТИ
 

Мордовиянь Оцюнясь Владимир Волков Ётафтсь национальнай проекттнень эряфс етафтомаснон коряс рабочай совещания

17.01.2019  № 2
 
 
 

Ули мезенкса кеняртькшнемс

Монь, кода од ломанень, пяк лад мялезон ся, кода кизоста кизос коль сяда и сяда мазыкс и арукс арси республиканьконь столицац—Саранскяйсь. Тяни ётат сонь ульцянзон, проспектонзон, парконзон, лия вастонзон эзга и седице пяшкоди кенярьдемада, гордостьта и ошть, и марнек Мордовиять инкса. Сембода лама полафткста, конешна, эвондась тяса футболть коряс Миронь чемпионатти анокламста. Ваносте, кодамот тяни ошень китне, вокзалхне! Мяльцень стане жа саласазь «Тавла» гостинично-жилой од комплекссь и Экопарксь. Марнек полафтсь, лиякс арась аэропортсь. Тяни тяста самолетса можна пачкодемс Москуву и Санкт-Петербургу. А мзяра строяф идень садта, школада, гипермаркетта, лама лия пяк эрявикс объектта. А кода аф лятфтамс уникальнай спортивнай объектть—«Мордовия Арена» стадионть. Сон сембоса отвечай тяниень пингонь инь оцю вешфксненди. Аф стак самай тяса меля налхксть миронь инь вии футбольнай командатне. Тя ли аф фантастика, тя ли аф честь сембонди тейнек. А ёфси аф кунара Саранскяйса ётафтфоль эйть лангса конькаса фигурнайста куркснемать коряс Россиянь чемпионатсь. И тяконь лаца спортонь оцю праздникт миньцонк ётафневихть аф шуроста.
Спортсь лихтезе столицаньконь пяк няевикс вастс, тиезе сонь содафокс аф аньцек Россияса, а марнек мирса-масторса. «Саранскяйсь—тя афкуксонь Европейскяй ош, тяса сембось тиф-ладяф оцю уровеньца»,—тяфта азондсазь эсь мяльснон-арьсемаснон столицаньконь колга тяза сашенды инжихне.
Мария Тарасова.
10.01.2019  № 1
 

10 январьста—Мордовиять шачема шиц

Панчфокс панчт, мокшэрзянь краеньке!
Тячи Мордовия Республиканьконь шачема шиц. Топодсь 89 киза, кода теенза максф государственность. 1930 кизонь 10 январьста ВЦИК-ть Президиумоц примась постановления Мордовскяй округть Мордовскяй автономнай областекс тиеманц колга. Тя шись и лувондови мокшэрзянь республикати шачема шикс. А ниле кизода меле тифоль Мордовскяй АССР-сь.
Тянь мархта путфоль цебярь ушеткс касоманди-виияманди. Ётаф пингста ламода кассь республикать экономическяй виец, кеподсь культурась, образованиясь, наукась. Ламоц земляконьке арасть гордостекс аф аньцек Мордовияса, но и сембе Россияса.
Сембода оцю сатфкст миньцонк сатфт мекольдень кизотнень. Мордовиясь путневи примеркс лиятненди, тяза сашендыхть опытонкса, тонафнема. И ули мезти тонафнемс. Республиканьке тячи—странать инь  вишкста вииякшни региононзон эзда фкясь.
10.01.2019  № 1
 

Мордовия Республикань культурань, национальнай политикань, туризмань и архивнай тевонь министрсь А.М.ЧУШКИН: «ЛАДЯМА СЕМЬЯСОНТ И САТФКСТ ТЕВСОНТ!»

28.12.2018
 

Н.П.Огарёвонь лемса Национальнай исследовательскяй Мордовскяй государственнай университетонь ректорсь С.М.ВДОВИН: «КАТК ЁТАФТОВИХТЬ ЭРЯФС СЕМБЕ ВАЛДА МЯЛЕНТЕ И ПЛАНОНТЕ!»

28.12.2018
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин