Поиск по сайту: 
 
Наши мокшанские сыновья и дочери
Свежий номер
Тема дня
Национальная тематика
Культура
Обратная связь (Газета - Читатель)
В Госсобрании РМ
В Правительстве РМ
События
Демография
Здоровье
Мокшане о мокшанах
Как жили и живут мокшане
Ветеранам о ветеранах
Молодежный клуб
Наша усадьба
Наука и жизнь
Спорт
Национальный проект
Образование
Доступное жилье
Благотворительность
Поговорим о создании единого литературного мордовского языка

Архив
 сентябрь 
 2010 
пн вт ср чт пт сб вс
  12345
6789101112
13141516171819
20212223242526
27282930   

 
 

 
Поговорим о создании единого литературного мордовского языка

КЕЛЬГСАЗЬ МОКШЕНЬ КЯЛЬТЬ

Торбеева поселкань 2№ основной общеобразовательнай школаса тонафнихть разнай национальностень шабат. Но сембодонга ламось мокшень, рузонь семьятнень эзда. Улихть татархт, украинецт. Синь начальнай класснень эса тонафнесазь мокшень кяльть.
—Атказайхть тя предметть эзда аш?—кизефтине школань директорть В.В.Панкратовонь.
—Пингстон каршек молихть ашельхть,—отвечась Виктор Владимирович.—Меколанкт, кулендян шнама валхт. Шабатне якайхть пара мяльса мокшень кялень урокс. Кали кальдяв, мзярда содасайть рузонь, татаронь, мокшень кяльхнень?
Шабатнень мархта работай тевонь содай учительсь О.В. Акашева. Эрь уроконцты Ольга Вячеславовна лама аноклай. Тевс нолясыне периодическяй изданиятнень. Старандай, штоба и лия национальностень шабатнендивок уроксонза афоль уле скушна, занцесыне интереснай тевса.
 О.В.Акашева етафни тядянь-алянь кяльса пуромкст. Синь вельдест няфнесы, конашкава цебярьхть мокшетнень щамсна-карямсна, мазыхть моросна, козят койсна-обуцясна, танцтихть ярхцамбяльсна, а школань дирекциясь лезды теенза эрявикс тевсонза.
12.08.2010 №31

 

ВИЗДЕМС НАЦИЯНЬКОНЬ ИНКСА АШ МЕЗЕНКСА

 
Кода содаф, тяддень сексеть ули етафтф населениянь Всероссийскяй переписсь. Тя пяк эрявикс государственнай тевти анокламста решандакшневихть ламоц организационнай кизефксне. Ломаттненди азонкшневи, кода тяштема переписень анкетась, мезть лангс шарфтома сяда оцю мяль.
Ня шитнень минь корреспондентоньке васетькшнесь Н.П.Огаревонь лемса Мордовскяй госуниверситетонь преподавательхнень мархта, конат азозь эсь мяльснон-арьсемаснон переписть етафтоманц мархта сотф кизефкснень колга, отвечасть сонь кизефксонзон лангс.

О.Е.Поляков—филологическяй наукань доктор, профессор.
—Осип Егорович, 1998 кизоня етафтф переписть итогонзон коряс, мокшэрзяда ульсь 1 миллион 125 тежянь ломань. А 2002 кизонь переписть пингста мокшэрзяда ульсь 845 тежянь. Кода арьсят, мес тяшкава кирсь народоньконь лувксоц?
20.05.2010 №19

 

«ТЯДЯНЬ-АВАНЬ КЯЛЬСЬ МАЗЫ»

Атюрьевскяй райононь Оцяду велень средняй школаса оцю мяль шарфневи минценнети, национальнайти. Аф кунара тоса етафтовсь райононь мокшень кялень и литературань учительхненди семинар, коса няфтьфтольхть панжада урокт, мокшень кяльса пуромкс. Лама шнама вал азфоль школань директорти Е.И.Гераськинати, мокшень кялень и литературань тонафтыхненди Т.И.Ермошкинати, Л.Н.Трегуловати.
Аф кунара Л.Н.Трегулова етафтсь «Тядянь-авань кяльсь пяк мазы» лем ала ила, кона лемтьфоль мокшэрзянь народть Российскяй государствань лия нароттнень мархта ладязь эрямаснон 1000 кизонь топодемать праздновандаманцты. Тяса кайгсть ламоц содаф мокшень поэттнень стихотворениясна, мокшень морот.
И.ПЕТРОВ.
13.05.2010 №18

 

ЁТАСЬ ШАЧЕМ КЯЛЕНЬ ШИ


 

РОДНОЙ КЯЛЬСЬ—ИНЬ ПИТНИСЬ!


 

РОДНОЙ КЯЛЬСЬ ВАНФТОМА!


 

Национальнайть колга—кайги вайгяльса

"ТЯДЯНЬ-АЛЯНЬ КЯЛЬСЬ ВАНФТОМА МАРСТОНЬ ВИЙСА",-
мярьгсь корреспондентоньконь мархта корхнемста Р.И.ОСИПОВА
Раиса Ильинична Осипова шачсь и кассь Старошайговскяй райононь Лемдяй мокшень велеса. Тоса аделазе школать, меле тонафнесь М.Е.Евсевьевонь лемса Мордовскяй государственнай пединститутса, физико-математическяй факультетса. Лама пинге ни эряй Саранскяйса. Кемгафксува киза работай Саранск ошень 41 № средняй общеобразовательнай школаса начальнай классонь учителькс, вяти мокшень кяльть коряс факультатив. Мокшавась оцю мяльса тиендьсы эсь тевонц. Улема, сяс сон кельгови ломань коллективса, шабатневок педезь-педихть теенза. Кода шарьхкодевсь мархтонза корхнемста, Раиса Ильинична пяк кельгсы тядянь-алянь кяльть, седикс-ваймокс пичеди минценнеть, сембе национальнайть ванфтоманц и виияфтоманц инкса.
11.02.2010 №5

 

Минь интервьюньке

МОКШЭРЗЯНЬ КЯЛЬХНЕ ТОНАФНЕВИХТЬ И ТЕХНИЧЕСКЯЙ ФАКУЛЬТЕТСА
 
2009 кизоня етафтф мокшэрзянь народть 5-це съездса примаф решениятнень коряс лама нинге сави тиемс родной кяльть ванфтоманкса школатнень, лия учебнай заведениятнень эса тонафнемаснон лац-ряц мольфтеманкса. Сянь квалма, кода тонафневихть мокшэрзянь кяльхне Н.П.Огаревонь лемса Мордовскяй госуниверситетса, азонды филологическяй наукань докторсь О.Е.Поляков.
 
—Осип Егорович, кода тонафневихть мокшень и эрзянь кяльхне Н.П.Огаревонь лемса Мордовскяй госуниверситетса?
—Сяда келиста и крхкаста мокшень и эрзянь кяльхнень тонафнесазь студенттне, конат получайхть «Языки и литература народов РФ» (мокшанский/эрзянский). Русский язык и литература» специальность.   Тонафневи мокшэрзянь кялень фонетикась, лексикась, морфологиясь и синтаксиссь. Мордовскяй национальностень студенттненди лувондовихть преподаваниянь методикань, стилистикань курст. Тяда башка синь тонафнесазь венгерскяй, финскяй, эстонскяй кяльхнень. Лувондовихть кодама повсь спецкурст.
21.01.2010 №2

 

«КУЛЬТУРАНЬ ВАНФТОМАСЬ—НАРОДОНЬ ВАЙМОНЬ ВАНФТОМА»

—мярьгсь М.Е.Евсевьевонь лемса МГПИ-нь профессорсь,
историческяй наукань докторсь Н.Ф.БЕЛЯЕВА,
минь корреспондентоньконь мархта васьфтемста
 
—Надежда Федоровна, азонтт аф лама эсь колгат:  коса шачеть-касоть, китольхть тядятне-алятне?
—Темниковскяй райононь Пакся Пораня мокшень велеса крестьянонь семьяса шачфан. Велень иттне рана трудти кярьмотькшнихть. Монга, коза сатнесть вийне, старандань лезнемс алязти-тядязти. Тяка велеса аделайне школать, поступань педучилищав. Учителень профессиясь эстовок ульсь фкя инь почетнайхнень эзда. Раднянень еткса учителень аф фкя поколенияль. Ашине кола семейнай традициять монга. Педучилищать шумордамда меле киза работань велень школасонк, вятень родной кяль. Но сатфть лангс лотксемс ашель мялезе. Тонафнема вастонди кочкайне Н.П.Огаревонь лемса Мордовскяй госуниверситетонь историческяй факультетть. Сяда меле работань Атюрьевскяй райононь Стрельникова велень школаса, а 1979 кизоня поступань аспирантурав этнографиять коряс. Вов ни пцтай комсь киза работан М.Е.Евсевьевонь лемса Мордовскяй государственнай пединститутса.
17.12.2009 №49

 

В.Ф.Рогожина:

«МЯЛЕЗОН, МЗЯРДА СТУДЕНТСЬ МАРХТОН ШУМБРАКСНИ МОКШЕКС»
 
Мокшавась Валентина Федоровна Рогожина—Н.П.Огаревонь лемса МГУ-нь филологическяй факультетонь мокшень кялень кафедрань доцент, филологическяй наукань кандидат. Сон вятьсыне родной кялень занятиятнень аф аньцек эсь факультетсонза, но и университетонь лия факультеттнень эса, тевозонза путнесы марнек ваймонц, штоба студенттнень седиса вииякшнель кельгомась кяльти, целайнек национальнайти. Валентина Федоровна пяк таколды мокшень кяльть сай пингонц инкса.
19.11.2009 №45

 
 

 
НОВОСТИ

МИНЬ ЗЕМЛЯКОНЬКЕ АЛЕКСЕЙ АЦАПКИН—ОЛИМПИЙСКЯЙ ЧЕМПИОН

17 августста кизонь I-це Юношескяй олимпийскяй налхкоматнень эса Сингапурса вольнай стильса ведьса уендихнень еткса 4х100 метрас эстафетаса сяськсь Россиянь командась: Андрей Ушаков, Илья Лемаев, Антон Лобанов и минь Мордовиянь спортсменоньке Алексей Ацапкин. Россияттне етазь китайскяй сборнайть 0,55 секундада. Уемаса пялькстыхне—австралиецне—лиссть нилеце вастти, пачфни олимпийскяй турниронь сайтсь.
19.08.2010  № 32
 

Мольфтеви «2010 кизонь урожайсь» оперативно-профилактическяй операциясь

МВД-нь СОТРУДНИКНЕ ВАНЫХТЬ СЁРОНЬ УРЯДАМАТЬ МЕЛЬГЕ
 
Мордовияса 270 предприятиясь заняф велень хозяйствань культурань касфнемаса. Марстонь площадсь 1659 тежянь гектар.
Сянкса, штоба ванфтомс тяддень и мелянь урожайть, 2010 кизонь 15 июльста сявомок республикасонк мольфтеви «Урожай-2010» оперативно-профилактическяй операциянь омбоце этапсь, мезть пингста республикань внутренняй тевонь органонь сотрудникнень мархта муфоль 41 административнай правонарушения, 483 преступления.
Мордовия Республикава Внутренняй тевонь министерствась оцю работа мольфти сянь коряс, штоба перямс кить велень хозяйствань продукциянь, жуватань-мезень саламати, ваныхть сянь мельге, штоба назначенияс коре нолявольхть засухать сюнеда эвондаф зияттнень машфтомс государствать мархта макссеви бюджетнай средстватне, мольфтихть контроль серонь, тишень, ГСМ-нь, удобрениянь, техникань-мезень ванфтома васттнень мельге.
Внутренняй тевонь органонь сотрудникненди лездомс ули кода кажнайти. Кда приметаф саламань-коламань случай, пачфтеда 47-70-60 номерс коре.
 
19.08.2010 №32
19.08.2010  № 32
 

РОССИЯНЬ ПРЕЗИДЕНТСЬ Д.А.МЕДВЕДЕВ ПОЗДРАВЛЯНДАЗЕНЬ МИНЬ СПОРТСМЕНОНЬКОНЬ САТФКССНОН МАРХТА

Ётай недялять Россиянь Президентсь Д.А.Медведев васетькшнесь легкай атлетикаса Европань XX чемпионатонь чемпиоттнень и призерхнень мархта. Сон поздравляндазень легкоатлеттнень оцю сатфксснон мархта. Барселонаса  спортсметтне сатсть 24 медаль: кемонь золотань, кота сиянь и кафкса бронзовайхть. Казнетнень оцюшкаснон сатозь Мордовиянь спортсметтне.
 
Ольга Каниськинась сембе легкоатлеттнень лемста благодарностень валхт азсь Президентти ширень кирдеманкса.
Васедемста Каниськинась пачфтсь, што Мордовияса ушетф Олимпийскяй подготовкань центрать колмоце очереденц, 400 метранди вельхкс ала манежть, бассейнать строямасна.—Тя тейнек башка пяк эряви 2012 кизоня Лондонца Олимпиадада инголе,—мярьгсь спортсменкась.
Ольга Каниськина васедемань участникненди лятфтась и сянь колга, што 2012 кизоня Саранскяйса етафтови спортивнай якамаса Миронь кубкась. И нинге фкя пяк оцю мероприятия—мордовскяй народть Российскяй государствань нароттнень мархта ладязь эрямаснон 1000 кизонь топодемань праздновандамась. Тияк сон лямбе валхт азсь тренерхнень лемс.
Д.А.Медведев поладозе:
—Оля видеть азозе тренерхнень колга. Тя шарьхкотьф. Но аф фалу шарьхкотьф тянь коряс региононь руководительхнень позициясна. Мордовияса, мон лац содаса, кда кодама поручения максат республикань руководительти, сон фалу старандай тиемс лац-ряц, оцю качестваса.
И тянь эряви азомс аф аньцек спортть колга.
12.08.2010  № 31
 

УШЕДОВСЬ ТОЛТЬ ЭЗДА ЗИЯНЦ ПОВФНЕНДИ КУДОНЬ СТРОЯМАСЬ

Мордовияса вирень пожархнень сюнеда кудфтома лятфненди строяви 81 эряма васта. Лядыксне, а сембоц республикаса палсь 157 куд, азсть мяль сявомс ярмакса. Виде, педа-пес нинге лац-ряц аф содаф, мзяра куд сави строямс. Но, кода азозь МР-нь Строительствань и архитектурань министерстваса, строительхне тисазь сембе эрявиксть, штоба кенеремс строямс синь 1 ноябрти, тя пингть ладязь Россиянь Президентсь Д.Медведев и странань премьер-министрсь В.Путин.
 
Сянкса, штоба эреклафтомс строямань тевть, странань руководствась примась решения, што эряма васта зиянц повфненди кармай строяма единай поставщик. Тя корхтай сянь колга, што муниципальнай заказчикти ули кода тиемс подрядонь договорхт конкурсонь апак етафтт, кона таргави 45 шис.
Тяка пингть, пожархнень сюнеда зиянц кой-кона повфне азсть мяль строяфтомс од кутт аф сяка васттнень эса, а лия населеннай пунктова—Саранскяйса, Зубова Полянаса. Кепотьксонди, Свеженькая, Подлясова и Вад.Селищи велень кой-кона эряйхне пачфтезь, што мяльсноль етамс райцентрав—Зубово-Полянав. Строительхне арьсихть строямс теест од ульця. Ламотнень мяльсна лядомс сяка васттненди. Строяви куттне улихть ефси лият палфнень коряс. Эсост кармай улема сембось: свет, газ, лямбе и кельме ведь, канализация.
Мордовияса строямань тевсь кемокстаф 8 организация мельге. Ня компаниянь представительхне ульсть ни райоттнень эса, васетькшнесть велень Советонь оцюнятнень мархта. Тяни специалисттне анокласазь проектно-сметнай эрявикс документациять. 6 августста строительхне прважазь районга эрявикс техникать и решандазь кизефксть рабочайхненди работань пингонди эряма вастонь максомать коряс. Подлясоваса арьсекшневи панжемс палаточнай лагерь. Ваймама шитнень ускфт стройматериалхт, а 9 августста рабочайхне кярьмодсть од кудонь строяма.
 
12.08.2010 №31
12.08.2010  № 31
 

ПАЛЫХНЕНДИ МАКСФ ВАСЕНЦЕ ЛЕЗКССЬ—1,5 МИЛЛИОН ЦАЛКОВАЙСЬ

Нинге аф кунара ня васттне ульсть Мордовияса инь цебярьхне. Но стихиясь нардазь нардазе тя мазышить и кадсь мельганза седиень ацергофты картина. Сянгяря вирьхнень вастс лама километра кить кувалмова таргавсть равжа палф шуфтт, а велетнень вастс—кулуфт. Колма ломанень жертват, 150 палф куд—тяфтама тячиень пожаронь пелькс статистикась республикань Зубово-Полянскяй районца.
 
Мордовиянь Оцюнясь Н.И. Меркушкин и РФ-нь региональнай развитиянь министрть заместителец К.Ю.Королевский ваймама шитнень ульсть районца.
Тевсь тяса ащи пяк кальдявста. Ломаттне эвотьфт, но тяни валом валом сашендыхть эсезост. Н.И.Меркушкин азозе: ламось тяни ащи местнай властть эзда. Эряви куроконе анокламс сембе эрявикс документтнень. Августста палф куттнень вастс ушедома од стройка.
Районца тиф оперативнай штаб, конанди вятикс Государственнай Думань депутатсь В.Б.Кидяев. Эрь палф велеса работай комиссия: медикт, райсобессь, милициясь и районнай администрациянь представитель. Ломаттненди, кит юмафтозь сембе имуществаснон, пяк стака. Но лезкссь сай. Понедельникти палыхне получазь васенце 1,5 миллион цалковайть Мордовиянь Оцюнять резервнай фондстонза. Ломаттненди явондови пси ярхцамбяль и сухой паек.
Пуромомок Мордовиянь Оцюнять перьф, велеряйхне корхтайхть теенза: Мордовиясь колганк заботендай, пси ярхцамбяль анокласть, сухой паек усксихть. Синь валснон полаткшнесазь Вад. Селища велень эряйхне: Спасиба, што тейнек тняра техника панеде, спасиба што вертолеттне, самолеттне пожар матсть, сюкпря теенть. Меркушкин отвечась: Васендакиге спасиба странань руководствати.
Вад. Селищаса толонь даволсь етась ляйть туркс кожфка пяле километра вастс, кона явфнезе велеть вирть эзда и валгсь куттнень лангс. Тяфтама пелькс тяса ашесть няенде нльне кунардонь эряйхне. Но, кода фалу, трагедиять улихть аф аньцек жертванза, но и эсь героенза. Ся велеряйхне, конатнень кудсна ни палсть, эсь прянь аф ужяльдезь (тя видекс тяфта) матсть шабраснон кудснон эса. Толть мархта тюрсть нльне школьникне. Емлатне каннесть ведь мархта ведаркат, оцюфне—кие кода маштсь.
Н.И.Меркушкин люпштазе тястоконь школань выпускникть Сергей Левштановонь кяденц. Сон васенцекс няезе толть, кеподезе пильге лангс сембе велеть. Тядде Сергей поступай университетонь историческяй факультету.
Историясь аф юкстасы тя страшнай кизоть.
Тяни, 2 августста, аньцек Зубово-Полянскяй районца 8 оцю вирень пожар. Качамти ляпиякшнихть животнайхне, палы вирсь. И эрь тяфтама бедати ушетксокс арси—кинь-бди мархта ердаф папироса песь, крьвястьф сардонясь. Мезти нинге эряви лисемс, штоба кажнайсь эздонк, мекпяли, тянь шарьхкоделезе?
 
05.08.2010 №30
05.08.2010  № 30
 

МАРЯТАМА ИНКСОНТ ГОРДОСТЬ!

Испанияса ётафтови Европань чемпионатса Россиянь сборнайсь сатсь 5 медальхть и сембе синь—миннет.
Испаниянь Барселона ошса моли легкай атлетикать коряс Европань чемпионатсь. Васенце шиня пялькстсть 20 километрань дистанцияса ялга якамать коряс инь вии спортсметтне. Тя мезть синь етксост аньцек ашель тяниень миронь чемпионць Валерий Борчин, сяс мес сон получась травма. Но сембе мирти содаф тренероньке Виктор Чегин мусь теенза достойнай полафтыхть. Васендакиге надияматне ульсть сотфт од талантливай спортсменть Станислав Емельяновонь мархта. И тя аф стак.
 
29.07.2010 №29
29.07.2010  № 29
 

ГРАНТТ—ЕВРО- ПАРЛАМЕНТТЬ ЭЗДА

Мордовиянь Образованиянь министерствась получась Европарламентть эзда кафта грантт. Кажнайсь синь эздост тейнек максы фкя миллион 300 тежянь цалковаень. Министерствань сотрудникне анокласть кафта проектт, конат шнафтольхть.
Васенце проектсь—этнокультурнай направлениянь кизонь лагерсь, коса республикастонк и мокшэрзянь диаспораста шабатне кармайхть сяда крхкаста тонафнемост родной кяльть и сяда маласта знакомондайхть эсь народснон культуранц мархта. Лагерьса ваймамась питнефтома, родительхне пандсазь аньцек кить. Главнай условиясь—штоба шабась мяль вельде тонафнелезе эсь родной кяленц.
Омбоце проектсь—электроннай библиотекань тиемась, коза сувайхть учебникне и методическяй изданиятне мордовскяй (мокшень, эрзянь) кяльхнень тонафнемаснон коряс.
 
22.07.2010 №28
22.07.2010  № 28
 

ВАСЕНЦЕДА МОРДОВИЯСА!

12-15 июльста республикасонк етафтови легкай атлетикать коряс Россиянь чемпионатсь.
Минь тячи гордостень марязь азондсаськ, што Мордовияньке лемневи сембодонга спортивнай республикакс. И тя аф стак. Тянь можна кемокстамс лама примерса. Ваносте, мзяра мекольдень кизотнень Саранскяйса эвондась од спортивнай объектта! Сембе райоттнень эзгавок строяф (или строяви) физкультурно-оздоровительнай комплекст.
08.07.2010  № 26
 

ШИРЕЗОНК САЙ ТЁЖЯНЬ СПОРТСМЕН

Пресс-конференцияста

Понедельникста, 5 июльста, Саранскяйса Печатень кудса ульсь легкай атлетикать коряс Россиянь чемпионатти лемтьф пресс-конференция. Эсонза примасть участия Мордовия Республикань спортонь, физическяй культурань и туризмань министрсь В.Г.Киреев, сонь заместителец В.В.Цыбусова, Мордовия Республикань легкай атлетикань Федерациять президентоц, высшай спортивнай мастерствань республиканскяй  школать директороц М.Л.Храмов, тренерхт, спортсметт, официальнай лия ломатть.
08.07.2010  № 26
 

УДАЛАЗА КИНТЕ, МЕДАЛИСТТ!

Исяк, 23 июньцта, Саранскяйса Республикань кудса Мордовия Республикань Оцюнясь Н.И.Меркушкин васьфнесь республикань школань ся выпускникнень мархта, конат шумордазь тонафнемаснон золотань медальса.
Арась цебярь традициякс кизоста кизос получсемс тя казнеть республикань Оцюнять кядьста.
24.06.2010  № 24
 

 

 

Учредительхие:
Главнай редакторсь: И. С. Лушкин