1000 кизонь юбилейти анокламань рамкаса странань правительствась кемокстась мероприятиянь план, конань оцюшка пяльксоц—Мордовияти уникальнай объектонь строямась.

Республикань Оцюнять Н.И.Меркушкинонь мархта рабочай васедематнень итогснон коряс, Мордовиянь инь оцю стройкатнень финансированияснон колга поручения максфоль РФ-нь Президентть Д.А.Медведевонь, Россиянь Правительствать Председателенц В.В.Путинонь мархта. Тяконь мархта, Мордовскяй госуниверситетонь Национальнай культурань институтть тяниень пингонь зданиянц строямс федеральнай центрась нолдай 630 миллион цалковай.

10 августста Мордовиянь Оцюнясь Н.И.Меркушкин ванозе учебнай корпусть и нинге вакссонза студенческяй од стройкать—мазы Культурань и искусствань дворецть.

Тя афкукс кармай тяниень пингонь образовательнай и научнай центракс. Сонь марстонь площадец 16 тежянь квадратнай метрада лама. Васенце этажса—центральнай галерея пачк няеви поталак мархта, конференц-зал, студенческяй арт-кафе. Кафта этажень зданиять вярдень площадкасонза кармайхть работама мультимедийнай студия, звукозаписень студия, учебно-творческяй и компьютернай лабораторият, Интернет-центра, методическяй фонтт, балетнай класст, художественнай мастерскойхть. И тя нинге аф сембе, мезе тялькфтави институтть од зданиязонза. Ефси лия условияса тяни кармайхть работама Модань театрась (финно-угорскяй костюм), «ИНКогнито» студенческяй драматическяй театрась, «Мордовочка» национальнай кштимань ансамбльсь, народно-хоровой капеллась и лия творческяй коллектифне.

Минь национальнай культураньконь виияфнеманкса тяфтама условият историясонза мзярдовок ашельхть.

Од строительствати карьхцяф лама ярмак. Карьхцнень коряс и вешфксне результаттненди. Мордовиянь Оцюнясь лац-ряц знакомондась строительствать аделаманц мархта и тись кой-кодама казяма замечаният работатнень качестваснон коряс. Аф ваномок сянь лангс, што строительнай графиксь тячи стаковок напряженнай, Н.И.Меркушкин вешсь сонь нинге сядонга плотнайгофтомс.

Сентябрьста Мордовскяй госуниверситетонь Национальнай культурань институтонь студенттне од тонафнема кизоть ушедсазь од зданияса.

Васенце пингть Аняти ульсь стака тонадомс оцю ошть, ярмаксь ашезь сатне. Стирсь тядянц мархта эрясть войнаса шавф алянц инкса пенсиять лангс. Эстонь ярмакса 52 цалковайсь сатнесь Анять квартираса эряманц инкса пандомс да студенческяй столовайса ярхцамс. Стака пингста студенткати лездсь Н.П.Огаревонь лемса госуниверситетть ректороц Г.Я.Меркушкин—макссь общежитияса  васта, пандсь стипендия. Тянемс аньцек цебярь валса Анна Владимировна лятфнесы Григорий Яковлевичень: «Тяфтама пара вайме ломань ашезь васьфне мзярдовок ни. Г.Я.Меркушкин ашезе ужяльде етка пингонц студенттнень мархта корхнеманди: кулхцондозе семботь, пеняцяматнень сявондезень мяльс и старандась лездомс, ашезе обжа киньге—аф валса, аф тевса».

Пара лятфнемат эсь колганза кадсь М.М.Бахтин, кона вятезе зарубежнай литературать. Лекциязонза якасть сембе—тяфта мялень салайста азондозе предметонц. Кода ломань, Михаил Михайлович ульсь пяк цебярь, шарьхкодезень студенттнень прябаласнон, макссесь советт кизефкснень ваномста.

Производственнай практикань етама Анна Догонашева кучфоль Теньгушевскяй райононь Мельсетьево велень школав. Васенце уроконц етафтозе таколдозь—ульсь пелькс, што тии мезевок аф стане, кода эряви и шабатне аф кармайхть кулхцондомонза. Но уроксь етась лац, тонафнихнень мяльс тусь од учительницасна. Тязк Мельсетьеваса Аня васьфтезе кельгоманц—Иван Шумкинонь, конанди лиссь рьвакс университетса тонафнеманц аделамдонза меле.

Тяддень июльста Саранскяйса Н.П.Огаревонь лемса Мордовскяй государственнай университетть филологическяй факультетонц видеса етасть финскяй кялень кизонь курст Россиянь финно-угорскяй регионцта саф студенттненди: Мордовияста, Марий Элста, Удмуртияста, Комиста, Пермскяй крайста, Ханты-Мансийскяй автономнай округста. Сембе синь тонафнесть Турку ошень преподавательхнень видеса. Тядде республиканьконь столицас пуромкшнесь 25 малава ломань. Тяфтама курст етафневихть Россиянь ламоц региоттнень эса, а Саранскяйса мекольцеда ульсть 2003 кизоня. Кода содавсь,  курснень удалси етафнемс Финляндиянь Образованиянь министерствать лезксонц вельде.

5—23 июльста, курснень пингста, участникне эрь шиня тонафнезь финскяй кяльть. Тяда башка, стирьхне и цератне кенерсть ваномс Саранскяень мазы васттнень, содафтомс ошть историянц мархта. Нинге якасть Кочкуровскяй, Старошайговскяй райоттненди, Рузаевскяй райононь Пайгарма велень Параскево-Вознесенскяй авань монастыри. Валснон коряс, сембось пяк тусь мялезост, ульсь мезе ваномс, удалась содамс лама одня. Тянь и ламоть лиять колга азондсть массовай информациянь средствань представительхнень мархта васедемста, кона етась 20 июльста Саранскяйса Печатень кудса.

Кода Мордовияса ладяф тевсь национальнай изданиятненди государствать ширде лезксонь максомать мархта, инжихненди пачфтсь Мордовия Республикань Государственнай властень оргаттнень официальнай сайтснон редактороц В.В.Назаров. Сон мярьгсь, кле, государствать лезксонц вельде миньцонк мокшень и эрзянь кяльса лисендихть газетат, литературно-публицистическяй и идень журналхт. Азфоль: мордовскяй кяльть ули кода кулемс радиоса и телевиденияса, национальнай информационнай ресурсне няфтьфт интернетса, тиф районнай газетань марстонь сайт.

1000 кизось—
тяшттнень   ёткса
путькскя,
1000 кизось—ялгакс
эрямать тёкшец.
1000 кизось—атянь-авань
 кит-ятт.
Руснень мархта
Ладязь эрясть эрзясь и
мокшесь.
Тежянь киза мокшетне и эрзятне эряйхть рузонь и лия ломаттнень мархта мала раднякс-плямакс. Мокшэрзятнень пяк крхкат юрсна, рузонь ломаттнень мархта етасть историческяй кувака ки, лама мезе няйсть, лама мезе марса кирдсть.

 

—Кирдемок мяльса Российскяй Федерациянь Трудовой кодексть 173 статьянц, средняй заработкань ванфтозь отпускт макссевихть работникненди, конатнень тонафнема кучезень работодательсь или синь синць мусть эстеест работа. Мяльса кирдевихть высшай профессиональнай образованиянь образовательнай ся учреждениятне, конатнень улихть государственнай аккредитациясна. Аф ваномок сянь лангс, кода тонафни ломанць—заочнай или очно-заочнай (илядень) формаса.

Уликс статьять коряс, работодательти максома заработнай платань аф ванфтома мархта отпуск ся работникненди, кит тонафнихть государственнай аккредитация мархта высшай профессиональнай образованиянь образовательнай учрежденияса очнай формаса. Мяльса кирдевихть сят, кит тонафнихть и работайхть. Промежуточнай аттестациянди максови тонафнема кизоти 15 ши, выпускной квалификационнай работать анокламанцты и араламанцты, итоговай государственнай экзаметтнень максомаснонды—ниле кофт.

Лисенди, што уликс трудовой законодательстваса аш гарантият ся работникненди, конат фкя пингть тонафнихть высшай профессиональнай образованиянь образовательнай учреждениятнень очнай отделенияса средняй заработкать ванфтоманц мархта дополнительнай отпусконь максомать коряс.

—Шачень тязк, Мордовияса. Алязе—Александр Трофимович Куняев—республикаса пяк содаф ломанць. Сон Социалистическяй трудонь герой, колмоксть казьф Ленинонь орденца, ули Октябрьскяй Революциянь орденоц. Тядязе—Нина Михайловна—рузонь кялень и литературань учитель. Сазорозе, кода и мон, эряфонц сотозе медицинать мархта. Стирезевок тусь киган. Эряви азомс, сон родстонк-плямастонк кемзисемгоце докторсь, конат работайхть разнай вастова. Мянь Америкасовок ули. И нинге. Мон пяк кельгса Мордовиять, панчфокс панжи республиканьконь и содамошинь казенди кузенцять—Мордовскяй государственнай университетоньконь.