Поиск по сайту: 
 

Архив
 январь 
 2019 
пн вт ср чт пт сб вс
 123456
78910111213
14151617181920
21222324252627
28293031   
События

«КОСА? МЕЗЕ? МЗЯРДА?» ИГРАТЬ КОРЯС МИРОНЬ X ЧЕМПИОНАТСЬ ПУРОПНЕЗЕНЬ САРАНСКЯЙСА ИНЬ ЁНЮФНЕНЬ

Мордовияса васенцеда етась «Коса? Мезе? Мзярда?» играть коряс Миронь чемпионатсь—странасонк игратнень эзда фкя инь содафть турнироц, кона пуроптозень марс миронь ламоц странатнень эзда лама нациянь пяк еню, арьси, интеллигентнай ломаттнень.
Тяда инголе сон улендсь Израильса, Азербайджанть столицаса—Бакуса и российскяй ошнень эса—Ярославльса, Калининградса, Светлогорскяйса. Тя мезть Мордовиясь кочкафоль аф стак. Интеллектуальнай творчествань клубсь Саранскяйса панчфоль 1996 кизоня. Тя пингть клубсь етафтсь аф кржа  интеллектуальнай пялькстома. 2003 кизонь «Мордовиянь открытай кубок» пялькстомать, конань аноклазь саранскяень знатокне, клубонь международнай ассоциациясь лувозе «Кизонь инь цебярь турниркс».
16 кизода инголе пуроптф клубсь цебярь ширде няфнесы республикать межрегиональнай, всероссийскяй и международнай уровеньца. Саранскяи сашендсть пяк содаф знатокне, игрань  магистрхне, а стане жа игрань организаторхне и ушедыхне, етксост Наталья Стеценко, Андрей Козлов, Александр Друзь, Александр Рубин, Максим Поташев, Владимир Белкин, Елена Потанина и лиятне.
Чемпионатса примась участия 27 команда миронь 15 странаста—Азербайджанцта, Арменияста, Белоруссияста, Германияста, Грузияста, Израильста, Казахстанцта, Латвияста, Молдавияста, Россияста, США-ста, Узбекистанцта, Туркменистанцта и Украинаста.
Тевонь содай участникнень мархта ряцок прянц няфтезе Мордовиянь «Импульс» од командась (капитанць—Надежда Беспалова).
Миронь чемпиононь лемть аф теждя пялькстомаса сатозе Узбекистанонь «Никита Мобайл ТТ» командась (капитанць—Рустам Саид-Аминов). Командась виияфтфоль содаф налхкихнень мархта. Кепотьксонди, Александр Друзь, Антон Снятковский и Евгений Калюков. Командась—2012 кизонь Миронь чемпионць—автоматическяйста получай права примамс участия Миронь чемпионатса, кона ули тядденеда меле.
«Сиясь» сатсь Антон Губановонь (Петродворец) команданцты, «бронзась» ЛКИ командать кядьса (Моску ошсь).
Мордовиянь тяниень чемпиоттне няфтсть цебярь содамошит и пялькстсть ламоц вии соперникнень мархта ряцок. Синь етазь Латвиянь, Эстониянь, Азербайджанонь, Армениянь, Казахстанонь, Великобританиянь, США-нь командатнень, Украинань и Белоруссиянь вице-чемпиоттнень. Надежда Беспаловать саранскяй командаста стирьхне и цератне сатозь омбоце вастть поощрительнай зачетса.

13.09.2012 №36

Новости

Мордовиянь Оцюнясь Владимир Волков Ётафтсь национальнай проекттнень эряфс етафтомаснон коряс рабочай совещания

Мордовиянь Оцюнясь Владимир Волков 15 январьста етафтсь 2019-2020 кизотнень федеральнай адреснай инвестиционнай программатнень, а стане жа национальнай проекттнень эса республикать участиянь примаманц коряс кизефкснень ваномаса рабочай совещания. Совещанияса примасть участия республикань Правительствать Председателец Владимир Сушков и министронь кабинетонь члеттне.
Владимир Волков китькстазе, што национальнай проекттнень эса участиянь примамась—тя афкуксонь возможность Мордовияти эряскофтомс виияфтомань сяда важнай направлениятнень коряс задачатнень решандамаснон, получамс федеральнай бюджетста ярмак ся проекттненди, конат эрявихть республикань эряйхненди и синь водендафт экономикать и социальнай сферать виияфтоманцты.
17.01.2019   № 2
Ули мезенкса кеняртькшнемс

Монь, кода од ломанень, пяк лад мялезон ся, кода кизоста кизос коль сяда и сяда мазыкс и арукс арси республиканьконь столицац—Саранскяйсь. Тяни ётат сонь ульцянзон, проспектонзон, парконзон, лия вастонзон эзга и седице пяшкоди кенярьдемада, гордостьта и ошть, и марнек Мордовиять инкса. Сембода лама полафткста, конешна, эвондась тяса футболть коряс Миронь чемпионатти анокламста. Ваносте, кодамот тяни ошень китне, вокзалхне! Мяльцень стане жа саласазь «Тавла» гостинично-жилой од комплекссь и Экопарксь. Марнек полафтсь, лиякс арась аэропортсь. Тяни тяста самолетса можна пачкодемс Москуву и Санкт-Петербургу. А мзяра строяф идень садта, школада, гипермаркетта, лама лия пяк эрявикс объектта. А кода аф лятфтамс уникальнай спортивнай объектть—«Мордовия Арена» стадионть. Сон сембоса отвечай тяниень пингонь инь оцю вешфксненди. Аф стак самай тяса меля налхксть миронь инь вии футбольнай командатне. Тя ли аф фантастика, тя ли аф честь сембонди тейнек. А ёфси аф кунара Саранскяйса ётафтфоль эйть лангса конькаса фигурнайста куркснемать коряс Россиянь чемпионатсь. И тяконь лаца спортонь оцю праздникт миньцонк ётафневихть аф шуроста.
Спортсь лихтезе столицаньконь пяк няевикс вастс, тиезе сонь содафокс аф аньцек Россияса, а марнек мирса-масторса. «Саранскяйсь—тя афкуксонь Европейскяй ош, тяса сембось тиф-ладяф оцю уровеньца»,—тяфта азондсазь эсь мяльснон-арьсемаснон столицаньконь колга тяза сашенды инжихне.
Мария Тарасова.
10.01.2019   № 1
10 январьста—Мордовиять шачема шиц

Панчфокс панчт, мокшэрзянь краеньке!
Тячи Мордовия Республиканьконь шачема шиц. Топодсь 89 киза, кода теенза максф государственность. 1930 кизонь 10 январьста ВЦИК-ть Президиумоц примась постановления Мордовскяй округть Мордовскяй автономнай областекс тиеманц колга. Тя шись и лувондови мокшэрзянь республикати шачема шикс. А ниле кизода меле тифоль Мордовскяй АССР-сь.
Тянь мархта путфоль цебярь ушеткс касоманди-виияманди. Ётаф пингста ламода кассь республикать экономическяй виец, кеподсь культурась, образованиясь, наукась. Ламоц земляконьке арасть гордостекс аф аньцек Мордовияса, но и сембе Россияса.
Сембода оцю сатфкст миньцонк сатфт мекольдень кизотнень. Мордовиясь путневи примеркс лиятненди, тяза сашендыхть опытонкса, тонафнема. И ули мезти тонафнемс. Республиканьке тячи—странать инь  вишкста вииякшни региононзон эзда фкясь.
10.01.2019   № 1
Мордовия Республикань культурань, национальнай политикань, туризмань и архивнай тевонь министрсь А.М.ЧУШКИН: «ЛАДЯМА СЕМЬЯСОНТ И САТФКСТ ТЕВСОНТ!»

28.12.2018   №
Н.П.Огарёвонь лемса Национальнай исследовательскяй Мордовскяй государственнай университетонь ректорсь С.М.ВДОВИН: «КАТК ЁТАФТОВИХТЬ ЭРЯФС СЕМБЕ ВАЛДА МЯЛЕНТЕ И ПЛАНОНТЕ!»

28.12.2018   №
 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин