Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

«ТВОРЧЕСТВАНЬКЕ ВАНФТСЫ МОКШЭРЗЯНЬ КУЛЬТУРАТЬ»,—мярьгсь «Келу» ансамбльса морсись Е.Азыркина

«Келу» фольклорнай ансамбльть творчестваса оцю васта занци мокшэрзянь народть сире коензон-обуцянзон, этническяй культуранц, национальнай иланзон, моронзон-кштиманзон няфнемаса. Коллективонь эрь участникть палы седиец национальнайть инкса. Синь путнихть лама вий, штоба аф юмафтомс-арафтомс культураньконь, кяленьконь.
Тячи азонттама Екатерина Азыркинать колга. Сон аньцек кафта кизот морси «Келу» ансамбльса, но прянц няфнесы аньцек цебярь ширде.
Идькс пингть колга лятфнезь
Екатерина Азыркина шачсь-кассь Инсарскяй райононь Кочетовка велеса. Нинге емланястокиге тядянза-алянза тонафтозь родной мокшэрзянь культурать кельгома. Тядяц культурань работник. Кунара ни заняф  велень Культурань кудть тевонзон мархта. Тянемс сембе виензон макссесыне сянди, штоба ванфтомс атяньконь-бабаньконь койснон-обуцяснон. Эсь пингстонза сидеста якась гастрольс районга и Саранск ошу. Катянди эста ульсь ветешка кизоня. Кадомс иднять ськамонза аш кода. Сяс фалу сявондезе Катять мархтонза гастрольс, кона лац-ряц ванць тядянц выступлениянзон мельге. Ульсь коста тонафнемс, кинь путомс примеркс. Сяс стирнясь сидеста сонць морсесь идень моронят.
Школаса тонафнемста морамати асушиц нинге сяда вииякшнесь-эреклакшнесь. Велесост общеобразовательнай  школать видеса ульсь музыкальнай школа. Тоса стирнясь ушедсь тонафнема омбоце класста сявомок. Вейхксоцети молемс тонафнесь баянца морама. 
Школать шумордамда меле Катять оцюволь мялец тумс Саранск ошу и сяда тов тонафнемс морамань тевти. Но тядянц и алянц мяльс тя ашезь ту. Синьге можнатольхть шарьхкодемс. Родительхне пельсть нолдамс идьснон ськамонза ошу. Но Катять пяк оцюволь мялец сотомс эряфонц морамать мархта. Седиень ацергодозь савсь родительхненди максомс идьснон музыкальнай училищав.
Оцю творческяй кити лисемась
Сяда тов тонафнема вастонди Катя кочказе Саранск ошень Л.П.Кирюковонь лемса музыкальнай училищать. Мялецоль поступамс баяннай отделенияв, но тоза ломаньда кочкафоль сатомшка. Сон поступась «Хоровое-дирижер-ское» отделенияв. Кода корхнихть, кда ломанць асу, то асу сембе ширде. Тяфта и Катявок. Сталмофтома шумордазе музыкальнай училищань кочкаф отделениять.
Пингста пингс стирть мороти кельгомац кассь и кассь. Сяс сяда тов поступась М.Е.Евсевьевонь лемса Мордовскяй педагогическяй институту, заочнай отделенияв. Шумордамдонза меле арась музыкань учителькс.
Шачема-касома ширесь усктанза меки. Мрдась Катя родной уженязонза. Тевфтома ашезь ляда. Ушедсь работама культурань кудса хормейстеркс идень коллективти, коза пуроптозень морама машты иттнень.
Тяда башка, Кочетовка велень народнай хорть руководителец тя пингоня тусь заслуженнай отпускс. И Катянь путозь сонь вастозонза.
«Келу» ансамбльса морсемась
Кафта кизода инголе Катя мрдась Саранск ошу. Вдь асу ломанть ваймоц веши коса можна панжемс, няфтемс сембе маштомошись. Инголи вакансият тяфтама профессияс коре ашельхть. Но Катя кядензон мзярдонга ашезень ноля. Надиясь. Аф лама пингта меле теенза звонясть и тердезь.
Кода и творческяй лия коллектифне, «Келусь» сидеста уленди гастрольса. Катянь васенце гастроленза ульсть пяле кизода меле. Няезе Нижняй Новгород ошть.  Кафта кизоста савсь улемс Москуса, Ижевскяйса. Сидеста улендихть республикань райоттнень эса и стак тов.
Инь мяляфтовикс Екатерина Азыркинати арась Кавказса гастрольса улемась. Мялезонза тусь, кода тостонь ошнень эса васьфнезь Мордовия Республикань делегациять. Мялень салайкс ульсть тостонь кштиматне-мораматне. Грознайса инжихненди етафнесть экскурсият. Няфтезь масторлангса инь оцю мечетть. Тяда башка, Катянди и ансамблень лия солисттнеди удалась няемс Грознайса христианскяй церькавть, конань эса петихть-пандыхть.
Екатерина Азыркинать мяленза-арьсеманза творчестванц вельде сяда тов кемокстамс-виияфтомс мокшэрзянь культурать. Штоба моротнень и кштиматнень вельде тяниень пингонь ломаттне содалезь сядонгольдень койхнень-обуцятнень. Катя фалу корхни, што васендакиге эряви кельгомс тевце, тяфта кодамовок сталмось аф пелькс.
Л.РЕЗОВА.

Новости

https://mokshapr.ru

10.06.2022   №
МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

2 июньцта коронавируснай инфекциять инголдаманц и келемоманцты кить персеманц коряс региональнай оперативнай штабть заседанияса примафоль решения—лоткафтомс Мордовияса маскань каннемань режимть. Кода азозе вице-премьерсь Галина Лотванова, республикаса эпидемиологическяй ситуациясь лувондови цебярькс и ащи контроль ала. Мекольдень шитнень коронавирусса урмаськодсь 19 ломань, стационархнень эса пчкси 160 пациент.
 

 
Тяконь мархта азфоль, што ковидсь ашезь пота, сяс хуш и валхтф маскань каннемань обязательнай режимсь, общественнай транспортса  и лама ломанень ёткса улемста мярьгондеви нолямс тевс араламань средстватнень. Общественнай питаниянь предприятиятненди мярьгондеви каннемс маскат сотрудникненди, конат работайхть оцю лувксса ломаттнень мархта.

 

09.06.2022   № 22
НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022   № 22
ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022   № 22
Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022   № 21
Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022   № 21
Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022   № 21
Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022   №