Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Ветеранам о ветеранах

МОКШЕНЬ ГЕРОЙСЬ

Михаил Павлович Азыркин шачсь 1921 кизоня Инсарскяй райононь Кочетовка велеса. Кассь, тонафнесь, работась эсь велень колхозсонза трактористокс. Сяс, мзярда сявозь армияв, сон ни содазе, што кармай служама танкистокс. А ниле ковда меле ушедсь Великай Отечественнай войнась.

Ся пингти М.П.Азыркин арась танкань командиркс. И эсь боевой машинанц мархта етазень пцтай сембе фронттнень. Тюрсь фашисттнень каршес Юго-Западнай, Южнай, Северо-Кавказскяй, 2 и 3 Украинскяй и Белорусскяй 1 фронтса. Маштозь и аф пелезь тюреманкса М.П.Азыркинонди сонць Верховнай главнокомандующайсь И.В.Сталин эсь приказсонза азсь 13 благодарность. Сяс мес сон и сонь боевой ялганза сявозь Таганрог, Новый Буг, Раздельный, Одесса, Столбцы, Минск, Барановичи, Слонин, Брест, Орадео-Марс, Дебрецен ошнень.
Боевой подвигонзон инкса М.П.Азыркин тяфта жа казьфоль «За отвагу», «За оборону Кавказа», «За победу над Германией» медальса. Тяда башка, сон арась Слава орденонь полнай кавалеркс.
Вов мезе сермадсь эсь фронтовой кинц колга сонць танкистсь. «1943 кизонь 4 апрельста минь ушедоме панема фашисттнень Раздельнай ошста. Монь танказе сувась фашисттнень тылс. Синь ласькозь тусть эздонк. Ерязь лангстост оружияснон и щамбяльснон. Ламотне эздост повондсть минь танканьконь гусеницаснон алу. Лиятнень эса шавондоме пулеметса и пушкаса. Тяда меле фашисттне ушедсть кепсема кядьснон вяри.
Тя бойса минь шавоме немецкяй 50 солдат и офицер, тапаме-плхтаме 2 пушкат, 1 танка и пулемет, а тяфта жа 4 автомашинат».
И нинге. «Дебрецен ошть инголи фашисттне путсть 36 пушка. Колма танкаса минь туме каршезост. Тя бойса тапаме 6 пушкат, плхтаме 1 «тигра». Фашисттне тяда меле кадозь тя ошть. А полконьке тянкса ульсь казьф Богдан Хмельницкяень лемса орденца».
Михаил Павлович эсь велезонза мрдась 1946 кизоня. Ушедсь покодема школаса военрукокс. Рьванц Варвара Сергеевнань мархта касфтсть 7 шабат.
 
Ю.ОСЬМУХИН,
МР-нь Центральнай
архивонь сотрудник.

06.08.2009 №30
 
 
 

 
НОВОСТИ
 
 
 
 
 
 
 
 

Полафтови пенсиятненди социальнай доплатань максомась

Ня шитнень Мордовия Республикать эзга Россиянь Пенсионнай фондть Отделениясонза ётась пресс-конференция, конань вятезе Управляющайсь В.И.Василькин.
Пуромксть панжемста Владимир Ильич азозе, што аф кунара Россиянь Пенсионнай фондсь тись итокт 2018 кизонь работать коряс ПФР-нь инь цебярь территориальнай органть кочкаманкса конкурсти. Мордовиянь Отделениясь азф инь цебярькс Приволжскяй федеральнай округса и сувафтф ПФР-нь фкя инь цебярь отделениятнень лувксс Российскяй Федерацияса.
Сяда тов пачфтьфоль аф работай пенсионерхненди, конатнень пенсиясна регионца ладяф прожиточнай минимумда кржа, социальнай доплататнень максомаснон полафтоманц и пенсияснонды индексациянь тиемать колга. «Государственнай социальнай лезксть колга» и «Российскяй Федерацияса прожиточнай минимумть колга» федеральнай закоттненди сувафтф полафткснень мяльс сявозь прожиточнай минимумда кржа пенсияти индексациясь тяни тиеви тяфта. Васенда аф работай пенсионерть доходоц пачфтеви прожиточнай минимумть лувксс пенсияти социальнай доплатать вельде (кда сявомс Мордовиять, пенсиясь касфтови 8522 цалковайс) и аньцек тяда меле тиеви индексация пенсияти и эрь ковонь ярмаконь выплататненди (кда тяфтамот пандовихть пенсионерти). Тяфта, индексациять вельде сатф суммась кармай сяда оцю регионца ладяф прожиточнай минимумть коряс. Мордовияса пенсиятнень перерасчетсна тиеви майста ни. Республикаса прибавка получайхть 24 тёжянь пенсионерсь.
30.04.2019  № 17
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин