Поиск по сайту: 
 
Наши мокшанские сыновья и дочери
Свежий номер
Тема дня
Национальная тематика
Культура
Обратная связь (Газета - Читатель)
В Госсобрании РМ
В Правительстве РМ
События
Демография
Здоровье
Мокшане о мокшанах
Как жили и живут мокшане
Ветеранам о ветеранах
Молодежный клуб
Наша усадьба
Наука и жизнь
Спорт
Национальный проект
Образование
Доступное жилье
Благотворительность
Поговорим о создании единого литературного мордовского языка

Архив
 сентябрь 
 2010 
пн вт ср чт пт сб вс
  12345
6789101112
13141516171819
20212223242526
27282930   

 
 

 
Благотворительность

ЁТАФТОВИ «РАЗНОЦВЕТНЫЙ МИР» БЛАГОТВОРИТЕЛЬНАЙ АКЦИЯ

Август ковста «Единая Россия» Политическяй партиять Мордовскяй региональнай отделенияц «Молодая Гвардия Единой России» общественнай организациять мархта етафтыхть «Разноцветный мир» благотворительнай акция. Пингстонза кочксевихть школьнай принадлежностть Мордовия Республикань идень интернатнай учреждениятненди, а стане жа ашу семьятненди.
 
Вяре азф акциять торжественнайста панжемац етась 13 августста. Пуромксса примасть участия «Единая Россия» партиять Региональнай исполкомонц руководителенц васенце заместителец С.Борисов, Мордовия Республикань Государственнай Собраниянь депутатсь Ю.Биктяков, «Молодая Гвардия Единой России» общественнай организациять, Мордовия Республикань Социальнай ширде араламань министерствать, Саранск ошень округонь Администрациянь социальнай политикать коряс Департаментть, «Радуга» реабилитационнай центрать, «Ньюс Аутдор» компаниять, «Арт Мастер» рекламнай мастерскойть представителенза.
«Единая Россия» партиять Региональнай исполкомонц руководителенц васенце заместителенц С.Борисовонь валонзон коряс, меля акцияса примась участия 700-да лама ломань, республикань 57 бизнес-структура, предприятия и организация. Акциять пингста кочкафоль пяк лама школьнай принадлежность. 31 августста, Содамошинь праздниконь карша, эряфонь стака ситуацияс повф 1000 лама идь и подростка получасть канцелярскяй товархт-месть. Тядде, синдедост башка, мяль шарфтови ся семьятненди, конатненди зиян тисть пожархне.
Благотворительнай акциять презентациянц участниконза пшкядсть тяфтама обращения мархта: «Мордовиянь уважаемай эряйхть! Тернетядязь примамс участия акцияса и тонафнема од кизода инголе максомс благотворительнай лезкс эряфонь стака ситуацияс повф иттненди и подросткатненди».
19.08.2010 №32

 

ВАНФТОМС ВЕЛЕТЬ, А СОНЬ МАРХТОНЗА И КЯЛЬТЬ

Старошайговскяй райононь Вертелим велеть историянц колга газетаса тяшнефоль аф весть. Тячи мялезе азондомс, кодама стака пинкт сатозь шачема-касома уженязень.
Нинге аф кунара Вертелимсь сувсесь райононь инь оцю велетнень еткс. Ульсь тяса колхоз, коса трудендасть велень сембе эряйхне. Тяни колхозсь срафтф-калафтф. Мезьса туфталсь? Ответ кивок ашезь макса. Тяда меле велеряйхне, сембода пяк—од ломаттне и вий-эрьгав алятне тушендсть работама ошу: кие Москуву, кие Саранскяи. Ламотне лядсть тозк эряма. Тя эвондафни пелькс: афольхть срада-калада семьятне.
Тага фкясь, мезть лангс ванозь аш кода ащемс озадонь седихть, тя велень школать селгомац. Комозьшка кизода инголе тяса тонафнесь пцтай 1000 стирня и цераня.  Мзярда школав сань мон, тонафнихнень лувкссна ламода сяда кржаль. Но сембе сяка пингсь тяса етнесь пяк интереснайста. Пуропневсь лама аф фкя лацонь мероприятия, пялькстомат, мялень салайста етнесть сексень балхне, Од кизонь елкатне и стак тов. Сембось тяни лядсь лятфнемакс. Школать селгозь, и ширезонза вяти киняське ни кяшевсь сор тишеса. Ученикнень, конада лятф аньцек сисем шабат, автобусса усксесазь шабрань Мельцаны вели. Велесь рузонь, сяс мокшень кяльсь тяса тонафневи аньцек кой-конашкада. Школаса работайхне и тонафнихне корхнихть фкя-фкянь мархта рузкс. Тяфта аф кржа лядонды ся пингтивок, мзярда Вертелим мокшень велеса шачфне-касфневок азыхть пря руз ломанькс.
Эряйхнень лувкссна Вертелимса кизоста кизос коль кири. Од шачихть мекольдень кизотнень ефси аш, аф кулыхнень лувкссна аньцек касы. Сяда эрьгафне фкя-фкянь мельге тушендыхть ошу. А вдь велеса ули и больниця, и лавкат, коста можна рамамс сембе эрявиксть. Сидеста арнихть автобуст и газельхть Саранскяи.
Сембода пяк оцю надиямазе, сияк и эняльдемазе, республикань содаф ученаеньконди и вятиеньконди. Ламотне эздост лиссть велеста, лац содасазь велень эряфть, шарьхкодьсазь, кода теенза лездомс. Тинь юронте велесот и синь эрявихть ванфтомс! А кда ули тяфта, кармай эряма велесь, а сонь мархтонза и кяльсь. 
Е.ТРЯСУЧКИНА,
Н.П.Огаревонь лемса
МГУ-нь студентка.
12.08.2010 №31

 

ШКАБАВАЗ, ЛЕЗТТ!

Кизефкснень лангс отвечай Бобруйск ошень Святительть Николай Чудотворецонь лемса Кафедральнай соборть настоятелец Александр Полуянов.
 
—Отец Александр, эряфсь аф теждя, и кажнайть мялец верондамс чудас. Кулине, што храмсонт тяфтама чуда ульсь: озондомок Юровичскяй чудотворнай шкаень ликоняти, пчкясь гангренаса сяряди ломань?
—Тейне азондсь тя случайть колга казаконь атаманць. Сонь ялганцты, Шкаенди ефси аф верондай ломанти, врачне мярьгсть керфтомс урмаськотф пильгонц. Но тона пельсь операцияда, сяс мес несколька кизода инголе тянкса кулось родной брадоц. Алясь эста пшкядсь целительхненди, но тонат мярьгсть молемда церькаву, сяс мес, кле, лиянди киндинге аф пчкафтови. И алясь пчкясь. Но тя аф фкя тяка случайсь. Содан ломатть, конат пчкясть ракть эзда, озондомок храмсонк Богородицать Барколабовскяй чудотворнай шкаень ликонянц инголе.
05.08.2010 №30

 

МОРДОВИЯ РЕСПУБЛИКАНЬ ОЦЮНЯТЬ

УКАЗОЦ
 
Пяк ашу семьятненди материальнай лезксонь максомать колга
 
2010/2011 тонафнема кизоти ит-тнень анокламста пяк ашу семьятнень социальнай ширеснон кирдеманкса мярьгондян:
1.Максомс пяк ашу семьятненди единовременнай материальнай лезкс—1000 цалковай эрь шабати—общеобразовательнай учрежденияса тонафнити;
тядятненди-алятненди, конат касфтыхть ниле и сяда лама идь—общеобразовательнай учрежденияса тонафнихть;
тядятненди-алятненди—I и II группань инвалиттненди, конатнень улихть общеобразовательнай учрежденияса тонафни идьсна;
тядятненди, конат ськамост касфтыхть и воспитандайхть колма и сяда лама идь—общеобразовательнай учрежденияса тонафнихть;
опекуттненди и приемнай семьятненди, конат касфтыхть шабат-сиротат—общеобразовательнай учрежденияса тонафнихть.
2.Мордовия Республикань Правительствати тиемс семботь, штоба 2010 кизонь 20 августти тя материальнай лезкссь ломаттненди пандоволь.
3.Тя Указсь сувай вийс эстокиге подписандамдонза меле. 
 
Мордовия Республикань Оцюнясь Н.И.МЕРКУШКИН     
                                                                                 
Саранск ошсь,
2010 кизонь 27 июльста,
132 УГ—№-сь.
29.07.2010 №29

 

ТЯСТЬ ЭВФНЕ ПОДРОСТКАТЬ—АФ ЛЕЗДЫ!

Мезе тиема, штоба подросткась афоль ушеда курендама и копоряма? Морафнемс синь кальдявшиснон колга лекцият? Аф, максома возможность, штоба сонць атказаль кальдявть эзда.
Мзярда-аф мзярда ялганза мярьгихть варжамс курендамать и сяпи ведть таньфонц. Ушедыхть сельмонзон пялема: «Пелят?, Слабо?, Анелька!» Мезе отвечамс каршезост? Но тя аф главнайсь. Кда подросткать аш мялец курендамс, сон муй вийхть атказамс. А тя мяльсь иттнень эса эвондафтома родительхненди емластокиге. Кепотьксонди, кда тиньцонт ульсть тевлавонь урмаса сярядихть, азондода колгаст идняти. Лятфтада и лия случайхть, мезть коряс шарьхкодеви, што курендамась и сяпиняда симондемась вяти оцю зиянти. Ванода, кит иднять ялганза. Тернесть синь ширезонт, корхнеда мархтост. 11-12 кизоса ялгань мяльсь теест арси сяда питникс родителеннеть коряс. Подросткать мялец улемс стамокс, «кода сембе», лиякс мярьгомс, кодамот ялганза. Вов и заботендада, штоба идсь ялгакс улель сятнень мархта, кинь лувондсасть сяда цебярькс.
Мезе тиема, кда идсь кярьмодсь папиросати? Максомс возможность, штоба решения прималь сонць. Можна мярьгомс: «Курендак, но содак, мезе учсетянза...» Стирнятненди азондость, кодама зиян канды пекиста курендамась—шачендыхть урмав итть.
А.ДЫМЧЕНКО,
идень психолог.
29.07.2010 №29

 

РАБОТАНЗА ЭЖДИХТЬ СЕДИ, КЕНЯРТЬФТИХТЬ ВАЙМЕ

Етай недялять, 1 июльста, Саранскяйса Н.П.Огаревонь лемса Мордовскяй государственнай университетть Национальнай культурань институтть «Сюлгамо» арт-салонцонза панжевсь тя институтонь дизайнонь и рекламань кафедрань аспирантть, художникть-дизайнерть Ю.А.Лазунинать персональнай васенце выставкац.
Юлия Александровна Лазунина шачсь 1986 кизонь 30 июньцта. 2003 кизоня сиянь медальса шумордазе 1№ Ромодановань средняй школать. Сяка кизоня шумордазе «Живопись» специальностть коряс Ромоданова поселкань искусствань идень школать. Поладозе тонафнеманц Н.П.Огаревонь лемса Мордовскяй государственнай университетть Национальнай культурань институтть «Дизайн» специальностьсонза.
Кота кизоста няфтезе прянц еню, ответственнай, кинь кяли студенткакс. Мялезонзоль аф аньцек дизайнеронь профессиясь, но и изобразительнай искусствась. Юлия пяк кельгсыне од техникатнень: маслянай и пастельнай живописть, батикть, шелкть коряс росписть, аппликациять.
08.07.2010 №26

 

ТОРБЕЕВАСЬ ОДКСТОМКШНИ

Тундакиге Торбеевскяй райононь администрациясь, поселкань оцюнятне кярьмодсть арушинь тиема, кархчень-мезень урядама. И пяк ламось тя тевса удалась. Торбеевась ламода полафтозе шамаликонц, мазомсь. Нинге етай кизотнень РАЙПО-ть пирьфоц вайсесь кархчнень потмос. А тяни тяса клумбат, касыхть панчфт. А мзяра од шуфтоняда озафтсть организациятнень, предприятиятнень каршес! Пяк цебярь тев тифоль и райцентрань паркса. Населениять трудса занямаса отделонь, пожарнай частень, «Россельхозбанконь» и лия организациянь работникне озафтсть 65 келуня и тняра жа пизелкскя. Тя акциясь лемтьфоль Сяськомань шить 65 кизонь топодеманцты. Пяк оцю работа эсь территориясост етафтсть райцентрань 1№, 2№, 3№ школань, мясомолочнай промышленностень колледжень, жилищно-коммунальнай хозяйствань, почтань коллектифне, конатнень вятьсазь Е.И.Лисюшкина, В.В.Панкратов, О.А.Ветвинская, О.Б. Заверткина, Ю.В.Тутуков, лиятне. Озафнесть панчфт, кусторкст, шуфтонят.

 

Аф кальдявста работасть и электросетьса покодихне. Мекольдень кизотнень поселкаса строяф лама од зданияда: бар, мебелень магазитт и стак тов. Петневихть уликсне. Райцентрась одкстомкшни.

 

 

 

И.ИЛЬИН.

 
17.06.2010 №23

 

КАФТА ПАВАСТ

Сиротакс лядсть кафта сазорхне—Ольга и Полина. Аньцек кулось алясна, мельганза тусь эряфста тядясна. Стирьхне кармасть эряма разнай ошева. И хуш фкя-фкянь эзда аф пяк ичкозетольхть, васетькшнесть шуроста. Да и пингське аф теждяль—войнада мельдень кизот.
Весть кода-бди Полинань шири сувасть сисемшка кизоса кафта церанят и анасть ярхцамбяль. Седице ацергоды лангозост ваномста: рдазуфт, щамсна аф эсь коряваст. Полинань кзмолгодсь седиец. Сон андозень, эждезень иттнень. И тяфта ужялькс няевсть теенза синь, што кармась энялькшнема мирденцты кадомс семьязост (синцень идьсна ашельхть).
10.06.2010 №22

 

ЛЕЗДСТЬ ВЕТЕРАТТНЕНДИ

Атюрьевскяй райононь населениять социальнай ширде араламанц коряс государственнай учреждениясь етафтсь «Долг памяти» лем ала благотворительнай акция, кона лемтьфоль Сяськомань шить  65 кизонь топодеманцты. Сонь эсонза примасть участия кинь строяма участкань, «Курташкинское», «Луч» ограниченнай ответственность мархта обществатне, «МБО» ООО-сь, «Теплосеть» предприятиясь, конатнень вятьсазь А.Ф.Шумкин, С.Е.Ермолаев, Н.И.Кабанов, Ф.Г.Сятишев, А.В.Сяткин. Лездсть индивидуальнай предпринимательхне. Лятфтама Г.Г.Енинонь семьяц. Сон макссь войнань ветераттненди, войнаса шавф солдатонь удаватненди, пси точкатнень эса шавф од цератнень тядяснонды-аляснонды 32,5 тежянь цалковаень питне лезкс. Тяфта жа етафтсь кемонь тежятть цалковай милосердиянь акциять счетс.
03.06.2010 №21

 

КУДСНА ПЯШКСЕ ИДЕНЬ ВАЙГЯЛЬДА

Тяниень пингть сурса лувовихть ся семьятне, коса касфтови кафтонь-колмонь шаба. А вдь ульсь пинге, мзярда эрь семьяса касфневсь вейхксонь, кемонень идь. Аватне шачфнесть паксяса, тозк симдьсазь-андсазь атнайнять, а меле тага кярьмодихть тевс. И сембе касондсть шумбраста-тазаста, мярьгат, нужатка ашесть няенде. А тяни ламотне фкя идень касфтоматьке лувондсазь оцю сталмокс. Аф тяфтапнень еткста Матвеефнень семьясна: синь касфтыхть вете итть—вете цера-богатырьхть. И афи шарьхкодьсак, што фкясь эздост аф родной.
 
…Сергей Матвеев кассь уроз идькс и нинге емласта сась мяльс, што касомок, обязательна сяви семьязонза тяфтама жа, кода сонць, сирота шаба. Сай пингонь рьванц Иринать мархта синь маласькофтозень православнай верась, оцю мяльсь пуроптомс кеме семья и шачфтомс-касфтомс лама идь. Но етась ни несколька киза, а Матвеефнень кудботмоснон стаки ашезе кеняртьфне идень весяла вайгяльсь. Эста и састь мяльс синь сявомс шаба идень кудста. Аськолдамок Большеберезниковскяй идень кудть порогонц вельф, сельмованфсна эстокиге прась атнайнять лангс, конань менелень тюсса сельмонза ускозь-усксть эсь ширезост. Тяфта ульцяста муф шабанять эвондась од семьяц.
27.05.2010 №20

 
 

 
НОВОСТИ

МИНЬ ЗЕМЛЯКОНЬКЕ АЛЕКСЕЙ АЦАПКИН—ОЛИМПИЙСКЯЙ ЧЕМПИОН

17 августста кизонь I-це Юношескяй олимпийскяй налхкоматнень эса Сингапурса вольнай стильса ведьса уендихнень еткса 4х100 метрас эстафетаса сяськсь Россиянь командась: Андрей Ушаков, Илья Лемаев, Антон Лобанов и минь Мордовиянь спортсменоньке Алексей Ацапкин. Россияттне етазь китайскяй сборнайть 0,55 секундада. Уемаса пялькстыхне—австралиецне—лиссть нилеце вастти, пачфни олимпийскяй турниронь сайтсь.
19.08.2010  № 32
 

Мольфтеви «2010 кизонь урожайсь» оперативно-профилактическяй операциясь

МВД-нь СОТРУДНИКНЕ ВАНЫХТЬ СЁРОНЬ УРЯДАМАТЬ МЕЛЬГЕ
 
Мордовияса 270 предприятиясь заняф велень хозяйствань культурань касфнемаса. Марстонь площадсь 1659 тежянь гектар.
Сянкса, штоба ванфтомс тяддень и мелянь урожайть, 2010 кизонь 15 июльста сявомок республикасонк мольфтеви «Урожай-2010» оперативно-профилактическяй операциянь омбоце этапсь, мезть пингста республикань внутренняй тевонь органонь сотрудникнень мархта муфоль 41 административнай правонарушения, 483 преступления.
Мордовия Республикава Внутренняй тевонь министерствась оцю работа мольфти сянь коряс, штоба перямс кить велень хозяйствань продукциянь, жуватань-мезень саламати, ваныхть сянь мельге, штоба назначенияс коре нолявольхть засухать сюнеда эвондаф зияттнень машфтомс государствать мархта макссеви бюджетнай средстватне, мольфтихть контроль серонь, тишень, ГСМ-нь, удобрениянь, техникань-мезень ванфтома васттнень мельге.
Внутренняй тевонь органонь сотрудникненди лездомс ули кода кажнайти. Кда приметаф саламань-коламань случай, пачфтеда 47-70-60 номерс коре.
 
19.08.2010 №32
19.08.2010  № 32
 

РОССИЯНЬ ПРЕЗИДЕНТСЬ Д.А.МЕДВЕДЕВ ПОЗДРАВЛЯНДАЗЕНЬ МИНЬ СПОРТСМЕНОНЬКОНЬ САТФКССНОН МАРХТА

Ётай недялять Россиянь Президентсь Д.А.Медведев васетькшнесь легкай атлетикаса Европань XX чемпионатонь чемпиоттнень и призерхнень мархта. Сон поздравляндазень легкоатлеттнень оцю сатфксснон мархта. Барселонаса  спортсметтне сатсть 24 медаль: кемонь золотань, кота сиянь и кафкса бронзовайхть. Казнетнень оцюшкаснон сатозь Мордовиянь спортсметтне.
 
Ольга Каниськинась сембе легкоатлеттнень лемста благодарностень валхт азсь Президентти ширень кирдеманкса.
Васедемста Каниськинась пачфтсь, што Мордовияса ушетф Олимпийскяй подготовкань центрать колмоце очереденц, 400 метранди вельхкс ала манежть, бассейнать строямасна.—Тя тейнек башка пяк эряви 2012 кизоня Лондонца Олимпиадада инголе,—мярьгсь спортсменкась.
Ольга Каниськина васедемань участникненди лятфтась и сянь колга, што 2012 кизоня Саранскяйса етафтови спортивнай якамаса Миронь кубкась. И нинге фкя пяк оцю мероприятия—мордовскяй народть Российскяй государствань нароттнень мархта ладязь эрямаснон 1000 кизонь топодемань праздновандамась. Тияк сон лямбе валхт азсь тренерхнень лемс.
Д.А.Медведев поладозе:
—Оля видеть азозе тренерхнень колга. Тя шарьхкотьф. Но аф фалу шарьхкотьф тянь коряс региононь руководительхнень позициясна. Мордовияса, мон лац содаса, кда кодама поручения максат республикань руководительти, сон фалу старандай тиемс лац-ряц, оцю качестваса.
И тянь эряви азомс аф аньцек спортть колга.
12.08.2010  № 31
 

УШЕДОВСЬ ТОЛТЬ ЭЗДА ЗИЯНЦ ПОВФНЕНДИ КУДОНЬ СТРОЯМАСЬ

Мордовияса вирень пожархнень сюнеда кудфтома лятфненди строяви 81 эряма васта. Лядыксне, а сембоц республикаса палсь 157 куд, азсть мяль сявомс ярмакса. Виде, педа-пес нинге лац-ряц аф содаф, мзяра куд сави строямс. Но, кода азозь МР-нь Строительствань и архитектурань министерстваса, строительхне тисазь сембе эрявиксть, штоба кенеремс строямс синь 1 ноябрти, тя пингть ладязь Россиянь Президентсь Д.Медведев и странань премьер-министрсь В.Путин.
 
Сянкса, штоба эреклафтомс строямань тевть, странань руководствась примась решения, што эряма васта зиянц повфненди кармай строяма единай поставщик. Тя корхтай сянь колга, што муниципальнай заказчикти ули кода тиемс подрядонь договорхт конкурсонь апак етафтт, кона таргави 45 шис.
Тяка пингть, пожархнень сюнеда зиянц кой-кона повфне азсть мяль строяфтомс од кутт аф сяка васттнень эса, а лия населеннай пунктова—Саранскяйса, Зубова Полянаса. Кепотьксонди, Свеженькая, Подлясова и Вад.Селищи велень кой-кона эряйхне пачфтезь, што мяльсноль етамс райцентрав—Зубово-Полянав. Строительхне арьсихть строямс теест од ульця. Ламотнень мяльсна лядомс сяка васттненди. Строяви куттне улихть ефси лият палфнень коряс. Эсост кармай улема сембось: свет, газ, лямбе и кельме ведь, канализация.
Мордовияса строямань тевсь кемокстаф 8 организация мельге. Ня компаниянь представительхне ульсть ни райоттнень эса, васетькшнесть велень Советонь оцюнятнень мархта. Тяни специалисттне анокласазь проектно-сметнай эрявикс документациять. 6 августста строительхне прважазь районга эрявикс техникать и решандазь кизефксть рабочайхненди работань пингонди эряма вастонь максомать коряс. Подлясоваса арьсекшневи панжемс палаточнай лагерь. Ваймама шитнень ускфт стройматериалхт, а 9 августста рабочайхне кярьмодсть од кудонь строяма.
 
12.08.2010 №31
12.08.2010  № 31
 

ПАЛЫХНЕНДИ МАКСФ ВАСЕНЦЕ ЛЕЗКССЬ—1,5 МИЛЛИОН ЦАЛКОВАЙСЬ

Нинге аф кунара ня васттне ульсть Мордовияса инь цебярьхне. Но стихиясь нардазь нардазе тя мазышить и кадсь мельганза седиень ацергофты картина. Сянгяря вирьхнень вастс лама километра кить кувалмова таргавсть равжа палф шуфтт, а велетнень вастс—кулуфт. Колма ломанень жертват, 150 палф куд—тяфтама тячиень пожаронь пелькс статистикась республикань Зубово-Полянскяй районца.
 
Мордовиянь Оцюнясь Н.И. Меркушкин и РФ-нь региональнай развитиянь министрть заместителец К.Ю.Королевский ваймама шитнень ульсть районца.
Тевсь тяса ащи пяк кальдявста. Ломаттне эвотьфт, но тяни валом валом сашендыхть эсезост. Н.И.Меркушкин азозе: ламось тяни ащи местнай властть эзда. Эряви куроконе анокламс сембе эрявикс документтнень. Августста палф куттнень вастс ушедома од стройка.
Районца тиф оперативнай штаб, конанди вятикс Государственнай Думань депутатсь В.Б.Кидяев. Эрь палф велеса работай комиссия: медикт, райсобессь, милициясь и районнай администрациянь представитель. Ломаттненди, кит юмафтозь сембе имуществаснон, пяк стака. Но лезкссь сай. Понедельникти палыхне получазь васенце 1,5 миллион цалковайть Мордовиянь Оцюнять резервнай фондстонза. Ломаттненди явондови пси ярхцамбяль и сухой паек.
Пуромомок Мордовиянь Оцюнять перьф, велеряйхне корхтайхть теенза: Мордовиясь колганк заботендай, пси ярхцамбяль анокласть, сухой паек усксихть. Синь валснон полаткшнесазь Вад. Селища велень эряйхне: Спасиба, што тейнек тняра техника панеде, спасиба што вертолеттне, самолеттне пожар матсть, сюкпря теенть. Меркушкин отвечась: Васендакиге спасиба странань руководствати.
Вад. Селищаса толонь даволсь етась ляйть туркс кожфка пяле километра вастс, кона явфнезе велеть вирть эзда и валгсь куттнень лангс. Тяфтама пелькс тяса ашесть няенде нльне кунардонь эряйхне. Но, кода фалу, трагедиять улихть аф аньцек жертванза, но и эсь героенза. Ся велеряйхне, конатнень кудсна ни палсть, эсь прянь аф ужяльдезь (тя видекс тяфта) матсть шабраснон кудснон эса. Толть мархта тюрсть нльне школьникне. Емлатне каннесть ведь мархта ведаркат, оцюфне—кие кода маштсь.
Н.И.Меркушкин люпштазе тястоконь школань выпускникть Сергей Левштановонь кяденц. Сон васенцекс няезе толть, кеподезе пильге лангс сембе велеть. Тядде Сергей поступай университетонь историческяй факультету.
Историясь аф юкстасы тя страшнай кизоть.
Тяни, 2 августста, аньцек Зубово-Полянскяй районца 8 оцю вирень пожар. Качамти ляпиякшнихть животнайхне, палы вирсь. И эрь тяфтама бедати ушетксокс арси—кинь-бди мархта ердаф папироса песь, крьвястьф сардонясь. Мезти нинге эряви лисемс, штоба кажнайсь эздонк, мекпяли, тянь шарьхкоделезе?
 
05.08.2010 №30
05.08.2010  № 30
 

МАРЯТАМА ИНКСОНТ ГОРДОСТЬ!

Испанияса ётафтови Европань чемпионатса Россиянь сборнайсь сатсь 5 медальхть и сембе синь—миннет.
Испаниянь Барселона ошса моли легкай атлетикать коряс Европань чемпионатсь. Васенце шиня пялькстсть 20 километрань дистанцияса ялга якамать коряс инь вии спортсметтне. Тя мезть синь етксост аньцек ашель тяниень миронь чемпионць Валерий Борчин, сяс мес сон получась травма. Но сембе мирти содаф тренероньке Виктор Чегин мусь теенза достойнай полафтыхть. Васендакиге надияматне ульсть сотфт од талантливай спортсменть Станислав Емельяновонь мархта. И тя аф стак.
 
29.07.2010 №29
29.07.2010  № 29
 

ГРАНТТ—ЕВРО- ПАРЛАМЕНТТЬ ЭЗДА

Мордовиянь Образованиянь министерствась получась Европарламентть эзда кафта грантт. Кажнайсь синь эздост тейнек максы фкя миллион 300 тежянь цалковаень. Министерствань сотрудникне анокласть кафта проектт, конат шнафтольхть.
Васенце проектсь—этнокультурнай направлениянь кизонь лагерсь, коса республикастонк и мокшэрзянь диаспораста шабатне кармайхть сяда крхкаста тонафнемост родной кяльть и сяда маласта знакомондайхть эсь народснон культуранц мархта. Лагерьса ваймамась питнефтома, родительхне пандсазь аньцек кить. Главнай условиясь—штоба шабась мяль вельде тонафнелезе эсь родной кяленц.
Омбоце проектсь—электроннай библиотекань тиемась, коза сувайхть учебникне и методическяй изданиятне мордовскяй (мокшень, эрзянь) кяльхнень тонафнемаснон коряс.
 
22.07.2010 №28
22.07.2010  № 28
 

ВАСЕНЦЕДА МОРДОВИЯСА!

12-15 июльста республикасонк етафтови легкай атлетикать коряс Россиянь чемпионатсь.
Минь тячи гордостень марязь азондсаськ, што Мордовияньке лемневи сембодонга спортивнай республикакс. И тя аф стак. Тянь можна кемокстамс лама примерса. Ваносте, мзяра мекольдень кизотнень Саранскяйса эвондась од спортивнай объектта! Сембе райоттнень эзгавок строяф (или строяви) физкультурно-оздоровительнай комплекст.
08.07.2010  № 26
 

ШИРЕЗОНК САЙ ТЁЖЯНЬ СПОРТСМЕН

Пресс-конференцияста

Понедельникста, 5 июльста, Саранскяйса Печатень кудса ульсь легкай атлетикать коряс Россиянь чемпионатти лемтьф пресс-конференция. Эсонза примасть участия Мордовия Республикань спортонь, физическяй культурань и туризмань министрсь В.Г.Киреев, сонь заместителец В.В.Цыбусова, Мордовия Республикань легкай атлетикань Федерациять президентоц, высшай спортивнай мастерствань республиканскяй  школать директороц М.Л.Храмов, тренерхт, спортсметт, официальнай лия ломатть.
08.07.2010  № 26
 

УДАЛАЗА КИНТЕ, МЕДАЛИСТТ!

Исяк, 23 июньцта, Саранскяйса Республикань кудса Мордовия Республикань Оцюнясь Н.И.Меркушкин васьфнесь республикань школань ся выпускникнень мархта, конат шумордазь тонафнемаснон золотань медальса.
Арась цебярь традициякс кизоста кизос получсемс тя казнеть республикань Оцюнять кядьста.
24.06.2010  № 24
 

 

 

Учредительхие:
Главнай редакторсь: И. С. Лушкин