Поиск по сайту: 
 

Архив
 октябрь 
 2020 
пн вт ср чт пт сб вс
   1234
567891011
12131415161718
19202122232425
262728293031 

 
 

 

Благотворительность

«КРУГЛАЙ ШРАСЬ» ЛЕМТЬФОЛЬ ДОБРОВОЛЕЦОНЬ МЕЖДУНАРОДНАЙ ШИТИ


 

СОДАФТ ПАРА ТЕВСНОН МАРХТА


 

КОНЦЕРТТНЕ МОЛИХТЬ КИЗОНЬБЕРЬФ

Краснослободскяй райононь районнай агитбригадань самодеятельнай артисттнень фалу учсесазь и лямбоста васьфнесазь сембе велень эряйхне. Культурань центрати республиканскяй художественнай самодеятельностень фестивальхнень эса оцю сатфксонкса казьфоль автоклуб-вездеход. Эсонза ули ся, мезсь эряви артисттненди. Машинась етави сембе китнень эзга, эсонза ладяф башка электроустановка, конань вельде валдопневихть ся помещениятне, коза пуромкшнихть ваныхне и концертнай площадкатне.
Художественнай самодеятельностень артисттне фалу тевсот. Концертт няфнихть тунда, кизонда, сексенда, тялонда. Серонь видемста, урожаень урядамста, фермаса, клубса…
Моросна аф фкя лацоннет: лирическяйхть, эстраднайхть, народнайхть, сиде моронят, танецсна мокшень, рузонь, татаронь. Артисттнень лувкссна полафни, но ваныхне фалу лямбоста васьфнесазь баянисттнень С.Ининонь, А.Чугункинонь, Ю.Черентаевонь,   солисттнень Л.Данилюконь, К.Хрящиковать, Л.Гарбузонь, А.Гуреевать, М.Петрушковать, А.Заворзаевать, «Гармония» и «Грация» кштимань группатнень, конатнень руководительсна И.Дряшина и Н.Вожинская. Мяльс тушендыхть самодеятельнай творческяй «Забава», «Эдельвейс», «Родничок», «Ветеран» коллектифне.
 
06.12.2012 №48

 

СИРЕШИСЬ АФ ЩЕНЯЦЕ

Маластонь пингть Атюрьев­скяй райононь Оцяду велень сире ломанень пансионатса эряйсь М.А.Голов отмечасы 75 кизонь юбилеенц.
—Илась оцю. Мезе учат эздонза?—кизефтине Михаил Андреевичень.
—Казнет тейне аф эрявихть,—отвечась сиренясь.—А инжихненди пяк кенярдян. Мон вдь аф родфтома-плямафтома ломанян. Тядязень и алязень мянь кафкса идьсноль. Улихть брадоне, сазорне, племянниконе. Улихть уноконе. Учан эсост.
Шачсь-кассь Михаил Андре­евич Горьковскяй областень Вознесенскяй райононь Суморьева велеса. Мольсь 1937 кизось. Пингсь стакадонга стакаль. А тоса ушедсь войнась. Лиякс азомс, шабакс пингоц и ашель. Мзярда кассь, пуроптсь эстеенза семья. Рьвянди кочказе велень стирнять Мариять, конань мархта эрясть колмогемоньда лама киза. Эряма вастокс теест ульсь Темниковскяй райононь Алексеевка велесь. Сембось мольсь лац. И Михаил Андреевич, и рьвац колхозонь тефненди макссть колмогемоньда ламонь киза. Ульсь хозяйствасна, пересна. Кирдсть жуватат. А тоса Мария Петровнац тусь лия эряфс. Михаил Андре­евич вов ни ветеце кизось эряй Оцядувонь сире ломанень пансионатса. Мезевок сонь аф пичефтьсы. Тяса симдьсазь-андсазь, ваныхть мельганза, макссихть медицинскяй лезкс.
—Кальдяв ся, што ялгане кулость,—поладозе Михаил Андреевич.—Да и церазевок пингта инголе тусь лия эряфс. Эрясь Саровса. Тяни лядсь унокозе. Кода-бди сувсесь варжамон. И тянксовок оцю спасиба.
М.А.Головонь кодяма ломаньда Оцядувонь пансионатса лама. И пяк пара, што синь инксост тяса пичедихть, макссихть сембе ширдень лезкс.
 
И.ВЕШКИН.
25.10.2012 №42

 

ЁТАСЬ «ДОСТОЙНАЙ ТРУДТЬ ИНКСА» АКЦИЯ

24 сентябрьста сявомок и 7 октябрти молемс Мордовияса етафтовсь «Достойнай трудть инкса» акция, конанди тиф ушеткс 2008 кизоня миронь 130 странаса. Васень тевоц, штоба максомс международнай профсоюзнай движенияти лезкс.
Акциять мяльса кирдезь,  республикань трудовой коллектифнень эса етнесть собраният, конференцият, «круглай шрат», коса корхтамась мольфтевсь достойнай трудонь стандартонь проектть колга, конань аноклазе Россиянь Афзависимай профсоюзонь Федерациясь.
4 октябрьста, акциять мяльс сявозь, Союзонь кудса ульсь Республиканскяй «круглай шра» «Достойный труд—основа социальной политики» темать коряс, конань вятезе Мордовия Республикань Профсоюзонь федерациять председателец Анатолий Иванович Солдатов. Профсоюсне, работодательхне, законодательнай и исполнительнай властень представительхне корхтасть ся прябалатнень колга, конат васьфневихть социально-трудовой сфераса.
11.10.2012 №40

 

САЙ ПЕНСИЯТНЕНЬ КОЛГА АРЬСЕМА ОДСТОКИГЕ

Ня шитнень Мордовия Республикать эзга Россиянь Пенсионнай фондть отделениясонза етафтфоль пресс-конференция, кона лемтьфоль пенсионнай грамотностень Всероссийскяй шити. Сонь эсонза примасть участия Мордовия Республикать эзга РФ-нь ОПФ-нь ГУ-ть Управлениянц заместителенза Н.Ушакова и Н.Борисова, Пенсионнай фондонь структурнай подразделениятнень и группатнень вятисна.
Пуромфнень инголе корхтамстонза Н.Ушаковась пачфтсь-азондсь сянь колга, кода важна эрь од ломанти сай пенсиять квалма арьсемс, содамс нинге школаса тонафнемста. Тянь коряс тяни странаса етафтови акция. 25 сентябрьста сявомок миньцонк сембе пенсионнай фондонь Управлениятнень эзга етафтфтольхть панжада кенкшень шит. 2012 кизонь 1 сентябрьста сявомок и декабрти молемс сембе учебнай заведениятнень эса етафтови РФ-са пенсиянь ладямать и макссемать колга курс. Сонь вельденза пачфтеви тонафнихненди пенсионнай законодательстваса инь эрявиксть колга. Тянкса Россиянь Пенсионнай фондсь нолдазе «Все о будущей пенсии: для учебы и жизни» учебникть омбоце изданиянц.
Кода азфоль пресс-конференцияса, республикасонк обязательнай пенсионнай страхованиянь системать мархта тяни фатяфт пцтай сембе эряйхне.
Кажнайть лангс панчф индивидуальнай лицевой счет, коза сувафневихть страховой взносне, конатнень етафнесазь тоза работодательхне.
Тяддень 1 сентябрти Мордовияса лувондови 248,3 тежянь пенсионер, тяконь лувксса 230,1 тежянь трудовой пенсиянь получай и 18,2 тежянь—государственнай. Средняй пенсиясь тяни республикаса 8217 цалковай. Тядде кафксть пенсияти тифоль индексация: 1 февральста (7 процентс) и 1 апрельста (3,4 процентс).
 
27.09.2012 №38

 

ТЯСА АЗОРОНДАЙ ВАЙМОНЬ СЕТЬМОШИСЬ

Ули Саранск ошса войнань и трудонь ветеранонь пансионат, коса эряйхть-ащихть сире ломатть. Пансионатса тячи эряй 163 сире ломань: нят васенце, омбоце, колмоце группань инвалитт. Кода азозе пансионатть директороц Николай Иванович Николаев, учреждениясь работай 1986 кизоста сявомок. Пингсь аф емла, пцтай комсь котува киза ни тиендевихть тяса пара тефт. Тячи пансионатса 117 работник. Но тяка пингть аф сатнихть медсестратне, санитархне и лия персоналсь. Эряви азомс, што тяфтама учрежденияса стака работамс: и пандыхть аф мзяра, и мяльце колави сиренятнень инкса, мзярда содат синь аф теждя эряфснон колга. Республиканскяй бюджетста ноляви аф кржа средства ремонтонь тиемс. Цебярьгофневи ломаттнень эряма вастсна, рамсеви эрявикс оборудования и стак тов.
Пансионатса эряйхне арсихть фкя-фкянди малакс, стака пингть лездыхть фкя-фкянди, а кой-конат нльне мушендсазь эсь кельгомаснон. Шуроста, но улендихть пансионатса свадьбат. Тяфта, колма кизода инголе шоворсть Александр Ильич и Вера Алексеевна Ермакофне, аф кунара арасть мирдекс-рьвакс Константин Викторович Никрошевич и Валентина Сергеевна Клепикова. Аф стак корхнихть, што кельгомась аф ваны кизотнень лангс.
Башка лезкс макссеви пансионатса кунара эряйхненди. Инь сиренясь етксост шачсь 1917 кизоня. Улихть и конатненди топодсь вейхксогемонь колмува и вейхксогемонь нилие киза.
Пансионатонь эряйхнень эзда кулендевихть аньцек пара и лямбе валхт сембе руководствать и персоналть колга. Тейнек удалась корхнемс пансионатса фкя эряйть Нина Васильевна Тарапкинать мархта. Вов мезе сон тейнек азондсь:
—Тяса эрян кемоньшка киза ни. Сембось мялезон. Персоналти азома башка спасиба. Вдь тяса работамась аф теждятнень эзда. Васенцесь, тя сембонди содаф, што пандыхть аф мзяра. Омбоцесь, инь стакась ся, што эрь медсестрась, эрь санитаркась етафтсыне эсь пачканза сембе минь сярятьфоньконь, кизефтьсазь, кодама минь пичефксоньке, прябаланьке. Вийс коре старандайхть максомс тейнек лезкс. И тя кеняртьфти, шарьхкодеви, што масторлангса улихть нинге пара вайме ломатть.
Эрямась тяса мяль аф мольфти. Шкайти верондайхненди панчф церькав. Эрь недляшиня пансионатонь эряйхне якайхть храму. А праздниконь шитнень ломаньда кафксть сяда лама.
Аф юкснесамазь общественностсь. Концерт мархта сашендыхть районцта, Саранск ошень школаста тонафнихне и лият. Синь и кштихть, и морайхть, сашендыхть аф аньцек оцю илань пингста, но и стак шиня. Тяда башка, ванонттама и телевизор, сембе кулятнень мархта содафнетяма. Кода содаф, аф кунара республикасонк етась оцю ила—мокшэрзянь народть Российскяй государствань нароттнень мархта ладязь эрямаснон 1000 кизонь юбилейсь. Оцю мяльса ванонь тя событиять мельге. Вдь 1000 кизонь юбилейсь—тя марнек Россиянь ила. Содаф, пяк лама ломань пуромкшнесь Мордовияв лия регионцта. Тя пяк кеняртьфти.
«Мокшень правда» газетась—инь кельгома печатнай изданиязе. Фалу лувондан эсонза и содафнян тядянь-алянь родной кяльса сянь колга, мезе тиендеви кода республикасонк, стане и мирса-масторса.
Л.РЕЗОВА.
20.09.2012 №36

 

АНОКЛАФ ОД МАРКА

Россиянь Почтать ули сонцень путксоц мокшэрзянь народть Российскяй государствань нароттнень мархта ладязь эрямаснон 1000 кизонь илать праздновандаманцты. Предприятиясь нолдась почтовай марка, кона лемтьф юбилейти. Сонь гашенияц етась 23 августста Саранскяйть главнай выставочнай центрасонза—Мордовэкспоцентраса. Юбилейнай штемпельса няфтьф илать лемоц и гашениять датац, а эсь подписьснон путозь Мордовия Республикань Оцюнясь Владимир Волков, Самарскяй областень губернаторсь Николай Меркушкин и Связень федеральнай агентствать руководителец Олег Духовницкий.
Лемтьф оцю илати маркать гашениянц ролец сянь эса, штоба шарфтомс Россиянь и миронь лия нароттнень мяльснон тя няевикс событияти. Юбилейнай маркатне и конверттне пачкодихть странать сембе уженянзонды и тя кармай улема эсь лацонь путксокс Россиянь культурань и национальнай койхнень-обуцятнень ванфтомаса.
30.08.2012 №34

 

ВАСЕНЦЕКС МОРДОВИЯСА, РОССИЯСА И МИРСА!

1000 кизонь илать етафтомда инголе «Антология Одного стихотворения» лем ала Мордовиять столицаса лиссь поэтическяй книга. Эзонза сувась 103 авторонь произведения. Эздост 24 поэтсь—рузонь поэзиянь классик, а 79—Мордовиянь содаф поэт.
Антологиять панчсесы А.С. Пушкинонь стихотворенияц. А мельганза максфт С.Есенинонь, Ф.Тютчевонь, М.Лермонтовонь, И.Анненскяень, И.Бунинонь, А.Блоконь, Б.Пастернаконь и рузонь лия великай поэттнень стихсна.
Мордовиянь поэзиясь Антологияса няфтьф республикань инь содаф поэттнень стихотворенияснон вельде. Нят—А.Доронин, Н.Ишуткин, А.Арапов, А.Шаронов, К.Тангалычев, А. Столяров, К.Смородин, А.Смородина, Ж.Тундавина, В.Юдина, А.Терентьев, С.Сеничев, М.Кемаль, Р.Орлова, Н.Мокшин, В.Нестеров, В.Федосеев, В.Гадаев, В.Лобанов, А.Тяпаев, П.Ключагин, Ч.Журавлев, С.Белоключевский, В.Корчеганов, В.Ващалкин, Н.Рузанкина, С.Ламбина, Н.Кострицина и лиятне. Антологияс тяфта жа сувасть республикань од поэттнень стихотворениясна. Нят—И.Торилова, О.Савлова, М.Ребрушкина, А.Ефремов, А.Лазарев, В.Брындина, Е.Панова, А.Акамова, Н.Святойкина, А.Филипчук, М.Сонина.
Тяса нинге эряви азомс, што «Антология Одного стихотворения» книгась эсь лацонне лама ширде. И вов мес.
Васенцекс, сонь кочкаец-пуроптыец Мордовиянь Заслуженнай поэтсь Алексей Громыхин макссь права республикань эрь поэтти сонцень мяленц коряс сувафтомс Антологияс инь цебярь стихотворениянц. А тя принципть коряс Антология кочкаф васенцеда сембе мирса. Омбоцекс, Антологиясь, конас пуроптфт рузонь классикнень и республикань инь содаф поэттнень стихсна, лемтьф мокшэрзянь народть 1000 кизонь иланцты. И, колмоцекс, Антологиясь эсь лисеманц вельде няфнесы, што Мордовиясь тяниень Россияса арась нинге фкя афкуксонь духовнай и культурнай центракс.
Тя книгать инкса азома спасиба тяфта жа «Республика молодая» газетать редакциянцты и меценат-просветительти С.К.Гурьяновти. Синь материальнай лезксснон вельде нолдаф Антологиясь. Тяда башка, С.К.Гурьяновсь тиезень А.С.Пушкинонь и М.Ю.Лермонтовонь скульптураснон, конатнень снимкасна мазоптозь книгать обложканц. А стихонза, конат азондыхть Нарчатка княжнать колга, сувасть Антологияс.
Штоба Антологиять лисеманц колга кулясь сяда курок пачкодель лувити, Мордовиянь национальнай театраса 14 сентябрьста етафтови Поэзиянь оцю илядь, коса республикань инь содаф поэттне лувсазь эсь стихснон. И азсазь пуромфненди эсь мяльснон мокшэрзянь народть 1000 кизонь иланц значениянц колга Россиять тя и сай пингонь эряфса!
 
В.НЕСТЕРОВ.
23.08.2012 №33

 

АФ ЮКСНЕСАЗЬ ТРУДОНЬ ВЕТЕРАТТНЕНЬ

Июльста почтань работникне отмечазь эсь профессиональнай праздникснон. Атюрьевскяй райононь почтаса работайхнень седи ваксста поздравляндазь райононь оцюнясь И.С.Гусаров, Торбеевань почтамтонь начальниксь О.Б.Заверткина, лиятне.
Почтаса работай тевонь кельги и оцю коллектив. Аф кржа династияда. Кепотьксонди, Кяшалонь связень отделениять лама пинге вятезе мокшавась А.П.Матюшкина. Тусь пенсияс. Тевонц сяда тов поладозе стирец Л.И.Мустайкина, кона  работай связень отделенияса. 34 киза макссь Атерень почтати А.К.Сюняева. Тяни тевонц мольфтьсы стирец А.А.Еремкина.
Почтань работниконь шиста лама поздравленияда кульсть Е.В.Кижапкина, В.Н.Кузьминова, Г.И.Алешкина, А.Н. Равочкина, Л.И.Мустайкина, А.А.Еремкина. Аш кода аф лятфтамс Атерень почтальоттнень Н.Н.Равочкинать, П.И. Сяткинать, Е.П.Ивашкинать, М.Н.Надинать, Е.А.Пугаевать, А.К.Волгапкинать и лиятнень.
Ашезь юкста и трудонь ветераттнень М.И.Сурайкинонь, П.Т.Демкинать, А.К. Сюняевать, Е.Ф.Пиняскинать, А.С.Липайкинать, Е.С.Ведяковать и лиятнень. Сембе синь праздниконь шиня получасть ярмаконь премият.
—Спасиба, што аф юкснесамазь,—мярьгсь Трудонь ветеранць, Атерень почтань подпискань отделть ингольдень вятиец П.Т.Демкина.—Сембе эряфозень максыне почтати. Кувака пингста мезе аньцек ашель. Но минь, ветераттне, кяденьконь ашеськ ноля мзярдовок. Работаме и сатнеме аф кальдяв сатфкст.
 
И.ВЕШКИН.
16.08.2012 №32

 

 
 
 

 
НОВОСТИ

ПАНЖЕВСЬ УПРАВЛЕНИЯНЬ ОД ЦЕНТРА

20 октябрьста Саранскяйса  Печатень кудса ётась регионть мархта управлениянь Центрать, кона аф кунара панчфоль Мордовия Республикаса, работанц ладяманцты лемтьф пресс-конференция.
Пресс-конференцияса примасть участия Мордовия Республикань Оцюнять Администрациянц Руководителенц васенце заместителец В.В.Маресьев, МР-нь регионть мархта управлениянь Центрать руководителенц тевонзон тиендисна А.И.Барашихин, регионть мархта управлениянь Центрать руководителенц заместителенц тевонзон тиендисна В.В.Курзаев, Мордовия Республикань информатизациянь и связень министрть васенце заместителец—цифровой развитиянь Управлениять начальникоц О.А.Соколов.
Кода мярьгсь В.В.Маресьев, Мордовия Республикань Оцюнясь В.Д.Волков азозе Мордовия Республикань Оцюнять Администрациянц и сонь Руководителенц А.А.Богатовонь кураторкс регионть мархта управлениянь Центрати. Кирдемок мяльса сянь, што Россияса тя центратнень тиемаснон мархта сотф кизефкснень мольфтьсыне «Диалог»     АНО-сь. Сявомок тянь мяльс, примафоль решения МР-нь регионть мархта управлениянь Центрать тиемс Печатень Кудть видеса. Центрать сембе работниконза кармайхть улема «Диалог» АНО-нь штатнай работникокс.
22.10.2020  № 41
 
 

Фалу палы шачема вастти кельгомась

Краснослободскяй райононь Сире Синдру велеса эряйхть мокшет. Тянемс кой-коста спорсихть велеть лемонц колга. Финцне корхтайхть, што лемсь лиссь Сивинь ляйть эзда, конань трваса ащи велесь. А омбонцне сотнесазь «Сёвонь» («глина») и «Трва» («берег») валхнень мархта. Сире Синдрусь афкукс ащи сёвонь вастса.
Сявомок мяльс тяниень пингть, велеса ломаттнень лувкссна аф ёмла—тёжянть малава эряй. Ужяль, велеть инь цебярь пингоц ётась. Тяни сон коль шами. А Советскяй  пингть Сире Синдрусь нльне ульсь райцентракс, тяса работась типографиявок, кона нолясь эрь недялянь «Голос стахановца» газета.
Сире Синдрунь кафта этажса школась тяни Учхозскяй школать пяльксоц, тоза якай комозьшка шаба. Но мокшень ломаттне сяка аф юмафнесазь потмонь толняснон, покодихть: кинь перец, кинь кудонь жуватанза, кие панкт, имошт кочкай. Но пеняцямаснон аф кельгсазь. Синь афкукс кельгсазь эсь шачема-касома вастснон!
22.10.2020  № 41
 

В Саранске состоялась Российская детская фольклорная Ассамблея.

 

         9-11 октября 2020 года в Республике Мордовия состоялся значимый форум для юных хранителей нематериального культурного наследия России – Российская детская фольклорная Ассамблея. Она проводилась в рамках федеральной целевой программы «Культура России» (2019-2024 гг.) на 2020 год при поддержке Министерства культуры Российской Федерации, Министерства культуры, национальной политики и архивного дела Республики Мордовия. Ассамблея является творческим проектом Государственного Российского Дома народного творчества им. В.Д. Поленова и Республиканского Дома народного творчества Мордовии.

 

         На сцене Республиканского Дворца культуры состоялись конкурсные прослушивания 150 участников из Воронежской, Тамбовской, Тверской, Ярославской областей, Республики Коми, Республики Мордовия, г. Санкт-Петербурга и других регионов Российской Федерации. Юные артисты продемонстрировали яркое и неповторимое народное творчество, основанное на фольклорном материале. На суд жюри и зрителей участники Ассамблеи представили самобытные гостевые, свадебные, хороводные, обрядовые песни и фрагменты народных праздников, включающие элементы народных игр. Участники Ассамблеи исполняли как известные, так и малораспространенные образцы народного музыкального творчества. Каждый участник старался показать специфику и локальное своеобразие народно-певческих традиций своего региона.

 

         В первый конкурсный день право посоревноваться в песенном творчестве предоставили самодеятельным артистам из Мордовии. Первым номером выступил коллектив Республиканского Дома народного творчества фольклорный ансамбль «Пувама» (руководитель Елена Кутаева). В конкурсную программу ансамбля были включены народные мокшанские народные песни «Гаройть Маряц» («Герасимова Мария») и «Лиседа, ялгат, лиседа» («Выходите, друзья, выходите»). Самые маленькие участники Ассамблеи Варвара Модина и детский фольклорный ансамбль «Меремчата» (руководитель Анна Федорова) удивили жюри своим артистизмом и яркой индивидуальностью. Юная гармонистка Ксения Журавлева (руководитель Николай Турусов) из Атюрьевского района продемонстрировала виртуозную игру на тульской гармошке, исполнив русские народные пени «Возле речки, возле моста», «Варенька». Солистка Полина Петрова (руководитель Анна Бутылкина) из Ковылкинского района очаровала зрителей своим лирическим голосом. Хорошие вокальные данные показала Анастасия Кашина (руководитель Мария Громова) из Лямбирского района. Участники фольклорного ансамбля «Лаймоня» (руководитель Маргарита Ильина) Республиканской детской музыкальной школы-интернат представили отрывок мордовского национального праздника «Роштувать куд» («Рождественский дом»), где показали многоголосный стиль исполнения мордовских народных песен и самобытные песенно-обрядовые традиции мордовского народа.

 

         10 октября юные участники Ассамблеи из регионов Российской Федерации показали всю ширь и многообразие традиционной культуры России. Каждый участник старался показать визитную карточку своего региона, исполнив песни, основанные на местном фольклорном материале.

 

         Особой манерой исполнения удивил Артем Меркулов (руководитель Ольга Стурова) из Воронежа. Он исполнил протяжную песню села Каверье Семилукского района Воронежской области «Вы пойдемте, рябятенки». Второе конкурсное произведение - страдания села Замартынье Липецкой области «Канарейка».  Артем сам себе аккомпанировал на балалайке.

 

         Впечатлили выступления участников из села Зеленец Сыктывдинского района Республики Коми. Детский фольклорный ансамбль «Латоточки» (руководитель Лариса Якунина) и юные солисты Дарья Абдуллаева и Олег Иванов (руководитель Мария Альхименок) продемонстрировали как русские народные песни, так и самобытные лирические народные песни и задорные частушки на коми языке.

 

         Особо эмоциональным было выступление ансамбля казачьей песни «Живая старина» (руководители Николай и Людмила Провоторовы) из г. Санкт-Петербурга. Ансамбль носит имя кавалера ордена Александра Невского контр-адмирала в отставке Анатолия Дмитриевича Климова. Юные питерские казаки с удовольствием и максимальной отдачей показали весеннее-летний обряд хутора Яминский Волгоградской области  «Люлейка».

 

         Участница из Тамбова Анна Сиземина очаровала зрителей Тамбовскими прибасками из репертуара М.Н. Мордасовой «Ваня-Ванюрок» и удивительной игрой на гуслях.

 

         Образцовый фольклорный ансамбль «Забавушка» (руководитель Елена Синицина) из г. Твери показал фрагмент обряда «Троица», основанный на самобытном этнографическом материале Тверской области.

 

         Ярославскую область представили сразу два коллектива: образцовый детский фольклорный ансамбль «Каруселька» (руководители Любовь Карамышева, Татьяна Голубкова) и фольклорный ансамбль «Усладушка» (руководитель Василина Евдокимова). Несмотря на то, что оба коллектива представили народно-песенные традиции Ярославской области, каждый из них отличался своей особенной подачей местного песенного материала.

 

         Для руководителей детских фольклорных коллективов в рамках Ассамблеи была проведена учебно-практическая лаборатория «Проблемы и специфика подготовки к детским конкурсам». Перед руководителями ансамблей выступили: Рогачева Лидия Геннадьевна - специалист по народно-певческому жанру Государственного Российского Дома народного творчества имени В.Д. Поленова; Модина Екатерина Олеговна - художественный руководитель народного фольклорного ансамбля «Мерема» Центра культуры городского округа Саранск, заслуженный работник культуры Республики Мордовия, преподаватель института национальной культуры;  Тюрина Татьяна Владимировна - художественный руководитель ансамбля казачьей песни и пляски имени С. Балабана «Разгуляй» Мордовской государственной филармонии, заслуженный работник культуры Республики Мордовия. Своим опытом работы поделилась Ольга Леонидовна Стурова  из г. Воронеж, которая рассказала о традиционной хореографии юга России (бытовые танцы, пересек, сольная пляска). Специалисты рассказали о специфике работы с детским фольклорным коллективом, о подборе репертуара. На творческой лаборатории руководители детских фольклорных коллективов напрямую общались с членами жюри, получили объективные ответы по критериям оценивания творческих работ, общались с коллегами, делились опытом.

 

         Для юных артистов из регионов России были организованы обзорные экскурсии по городу Саранск. Участники побывали в Мордовском Республиканском объединенном краеведческом музее имени И.Д. Воронина, Мордовском Республиканском музее изобразительных искусств имени С.Д. Эрьзи, Мемориальном музее военного и трудового подвига 1941-1945гг.

 

         Большим подарком для участников Ассамблеи стал Гала-концерт лауреатов и дипломантов Российской детской фольклорной Ассамблеи, где состоялась церемония награждения.

 

            Российская детская фольклорная Ассамблея прошла на высоком организационном и творческом уровне. Проведение Российской детской фольклорной Ассамблеи, несомненно, способствует сохранению и популяризации нематериального культурного наследия народов Российской Федерации, формированию единого культурного пространства, развитию народных традиций в области художественной культуры.

 

         Мероприятия, в рамках Российской детской фольклорной Ассамблеи проводились с соблюдение всех санитарно-эпидемиологических требований, связанных с распространением новой коронавирусной инфекцией COVID- 19.

21.10.2020
 

Владимир Волков ульсь «Октябрьская» агрофирмаса

МР-нь Оцюнясь Владимир Волков 8 октябрьста ульсь «Октябрьская» агрофирмаса. Республикань руководительсь ванозе кукурузать зернанди урядаманц и предприятиять производственнай од площадканц—зерносушильнай комплексть, а тяфта жа агрофирмань руководствать мархта ванозь велень хозяйствань сезонть итогонзон.
Кода азозе республикань Оцюняти агрофирмань директоронь Советть председателец Иван Андин, тяни зерновойхнень урожайностьсна лувондови 46 центнер эрь гектарста, сявомок мяльс кукурузать, конань нинге ашезь уряда, кармай 60 центнер гектарста. Зернать валовай производствац лувондови 123 тёжянь тоннаса, эздост 50 тёжянь тоннась кукурузань зерна, кона ноляви тевс сарасненди корманди. Штоба зернась афолезень юмафта эсь качестванзон, сонь эряви эстокиге косьфтамс лядемдонза меле—тя пяк важна. Сяс предприятиясь рамазе ни зернань косьфтамань котоце комплексть. Тяни зерносушилкатне работайхть сембе пингть и косьфтайхть кафтонь тёжятть тонна зерна суткати.
15.10.2020  № 40
 

«МОКШЕНЬ ПРАВДА»—МОКШЕНЬ ЭРЬ СЕМЬЯТИ

Мокша ялганьке! Нинге весть лятфтасаськ: омбоце ковсь ни моли 2021 кизоть васенце пяленцты минь тонь мархтот кельгома «Мокшень правда» газетаньконди сёрматфтомась. Кда нинге ашеть тяштьфте теенза, эряскотт почтав. Тяк тарксе пингть.
«Мокшень правдась» мокшэрзянь крайсонк фкя инь интереснай печатнай изданиясь. Газетасонк лисендихть «Кода эрясть и эряйхть мокшетне», «Минь содаф мокшень ломаненьке», «Мазыхть мокшень стиреньке», «Мокшаваня», «Од ломанень клуб», «Од вий», «Цятконя» и лия мялень салай страницат. Эрь номерста мутада советт и рекомендацият сянь коряс, кода пчкафтомс пря народнай средстватнень вельде, кода получамс перень сёронь сяда козя урожай и стак тов. Эрь номерса макссеви юморонь и сатирань уженя. Пандат аньцек 340 цалковай и кота кофт родной кяльса лисенди газета кармайхть каннема эряма вастозт. Колма ковонди тяштьфтемать питнец 170 цалковай. Газетать индексоц П4719.
15.10.2020  № 40
 
 

«МОРАЙ ШУФТА» КОНКУРСТИ

Мордовиять столицаса шумордавсь II Межрегиональнай фестивальсь—«Поющее дерево» шуфтста керсиень конкурссь. 5 шиста Россиянь 7 регионцта мастерхне шуфтста керсесть-тисть 12 скульптура, конат лядыхть Саранскяи.
Конкурсонь жюринь члеттнень валснон коряс, тядде сембе работатне салайхть мяль. Ёткстост ульсь стака кочкамс инь цебярть.
Ну а фестивалень сяськикс арась Кочкуровскяй райононь Подлеснай Тавласта Петр Рябов. Сон тись шуфтста «Ледстнемань селмот» (Лятфнемань пацят) композиция. II степенень сертификат максфоль Владимир Алмановонди, Московскяй областьста мариецти. Сон казсь республикати «Варда» шуфтста скульптура, кона тиф мокшэрзянь народнай ёфкснень коряс. III степенень сертификатсь максфоль Московскяй областьста Николай Гетьманонди. Композициянц лемоц «Шачф вирьса».
Фестивальть торжественнайста сёлгомдонза инголе шуфтста керсихнень ёткса ётафтфоль бензопиласа шуфтста вишкста керсемань конкурс. Участникненди эрявсь 45 минутаста няфтемс эсь асушиснон. Тяса васенце вастсь максфоль Владимир Алмановонди и осетрань скульптуранцты, омбоцесь—Петр Рябовонди и корож скульптуранцты, колмоцесь—Александр Туркичевонди и шуфтста тиф озаманяти.
Лятфтасаськ, «Поющее дерево» шуфтста керсиень Межрегиональнай конкурссь ётафневи Саранскяйса «Шумбрат!» фольклорно-этнографическяй фестивальть рамкаса.
01.10.2020  № 38
 

ИТТНЕНЬ АРАЛАФШИСНА—ВАСЕНЦЕ ВАСТСА

Шавшиста, 29 сентябрьста, Мордовия Республикань Пресс-центраса ётафтфоль пресс-конференция, конань пингста корхтамась мольфтевсь «Детство без опасности» федеральнай проектть колга. Пуромксса примасть участия Мордовия Республикань транспортть коряс Государственнай комитетть председателец В.А.Кандрин,     МР-ть эзга МВД-нь Госавтоинспекциянь Управлениять начальникоц С.Н.Гагарин, Мордовия Республикань здравоохранениянь министрть заместителец Н.Е.Романович, «Детство без опасности» проектть вятиец Кристина Ляписова (Моску ошсь) и лият.
Тядятненди-алятненди «Детство без опасности» федеральнай образовательнай программась васенцеда ётафтови эряфс минь республикасонк. Проектть коряс родительхне тонафтовихть сянди, кода аф пелезь арфнемс шабаснон автомобильса. Тренинкне ётафтовихть Мордовскяй республиканскяй центральнай клиническяй больницяса.
Проектсь ётафтови эряфс «О национальных целях и стратегических задачах развития Российской Федерации на период до 2024 года» Российскяй Федерациянь Президентть 2018 кизонь 7 майста 204№ Указонц и 2024 кизоти молемс ки лангонь безопаснай движениянь Стратегиять эряфс ётафтоманц мяльса кирдезь, «Безопасные и качественные автомобильные дороги» национальнай проектть и «Безопасность дорожного движения» федеральнай проектть пяшкодеманкса.
«Детство без опасности» проектсь арьсеф колма кизонди. Ушеткссь теенза путфоль 2019 кизоня. Меля проектонь тренинкне ётафтфтольхть странань 30 регионца. Цють пяле кизода ламоста аноклафоль-ётафтфоль 989 занятия, конатнень пингста перинатальнай центратнень и шачфтомань куттнень эса тонафтфоль 3 тёжятть од тядя и сай пингонь родительхть. Тядде проектсь ётафтови эряфс 35 регионца и тняра жа субъектса сон ули нолдаф тевс 2021 кизоня.
Сембоц 2019 кизоста сявомок 2021 кизоти молемс «Детство без опасности» проектсь ули ётафтф эряфс 85 региононь 100 лама ошса. Тя пингста перинатальнай центрань сотрудникне несколькаксть недяляти кармайхть пуропнема тренинкт сянь коряс, кода ладямс автомобильть эса идень креслатнень и кирдемань лия устройстватнень, кода вятемс прять ки лангса, кда машинать эса ули шаба, а стане жа азондови коляска мархта кить туркс ётамань правилатнень колга.
О.ЕВДОКИМОВА.
01.10.2020  № 38
 

300 МИЛЛИОН РОЗА!

29 сентябрьста Мордовиянь Оцюнясь Владимир Волков ульсь Кадошкинскяй районца. Сон ванозень объекттнень, конатнень строямасна и ремонтсна ётафтовихть кочкайхнень эняльдемаснон коряс. Эздост фкясь—Кадошкино посёлкась—Пушкино велесь—Нагаево велесь 4,1 вайгяльбень кувалмоса кись. Пцтай 50 миллион цалковаень питнеса капитальнай ремонтсь ётафтовсь «Безопасные и качественные автомобильные дороги» нацпроектть коряс.
Тя кить лангс одукс ацафоль шувар и щебень, асфальтобетоннай вельхксонь од слой, тифт  кинь разметка и безопасностень сембе правилатненди отвечай ялга якамань ётамань вастт. Районнай центраса ладяф общественнай транспортонди остановкань павильон и тифт тротуархт, синь инголи тяса мзярдовок ашельхть.
Кить нинге фкя участкац сотсы Кадошкинскяй райононь Нагаево велеть Старошайговскяй райононь Шувары велеть мархта. Работатне тянь коряс мзярс мольфтевихть, кить эксплуатацияс арьсеви нолдамс тяддень сёксенда.
Районнай центраса МР-нь Оцюнясь ульсь Кадошкинскяй электротехническяй заводса. Предприятиясь примай участия Саранскяйса ульцятнень валдоптомаснон полафтомаснон коряс тендерса.
А нинге 29 сентябрьста Кадошкинаса «Мир цветов» ООО-са 3 гектархт площадень лангса панжевсь од теплица. Строяманцты ётафтфоль 560 миллион цалковай, конатнень эзда 249 миллионць—«Развитие моногородов» фондста. Тяниень пингть Кадошкинаса касфневи 42 миллион роза кизоти—тя продукциять всероссийскяй рынканц 15 процентоц. Од теплицаса кармай касфневома 8 миллиоттненди молемс роза кизоти, мишендемать эзда выручкась ули 300 миллион цалковайти молемс. Тиф  рабочай 40 од васта.
01.10.2020  № 38
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин