Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

МОРДОВИЯСА ЛАЦ ЁТАФНЕВИ ЭРЯФС «МОДЕРНИЗАЦИЯ ОБРАЗОВАНИЯ» ПРОЕКТСЬ

 «Единая Россия» партиять РИК-са ётафтовсь совещания, кона лемтьфоль 2013 кизоня проектть эряфс ётафтоманц коряс итокненди
Совещанияса примасть участия—Партиянь МРО-ть секретаренц заместителец,    РИК-ть руководителец Сергей Борисов, республикань образованиянь министрть васенце заместителец Татьяна Каргина, Н.П.Огаревонь лемса дополнительнай образованиять коряс МГУ-нь проректорсь Сергей Пилипенко, партийнай активонь члетт.
Тяда ингольдень селекторнай совещанияса, конань етафтозе «Единай Россиянь» ЦИК-сь, ульсть азфт проектть эряфс етафтоманц коряс 2020 кизоти молемс главнай цельхне. Азфоль, што сатф сатфксне видеста сотфт РФ-нь Президентть Владимир Путинонь Посланиянц тезисонзон мархта, конат лемтьфт общай образованиять качестванц касфтоманцты.
Эсь ширденза, Партиять вятиец, РФ-нь Правительствать Председателец Дмитрий Медведев 23 январьста етафтф РФ-нь Правительствать заседанияса лоткась сянь лангс, што ламоц российскяй региоттнень эса учительхнень зарплатасна пачфтевсь субъектонь экономикать средняй размеронцты. Тя—проектть фкя инь главнай задачац. Тяда башка, лядонды аф кржа педа-пес апак решандак кизефкста, конатнень лангс эряви шарфтомс мяль сай кизотнень.
Синь сотфт образованиять колга законть практикаса эффективнай мониторингонц, средстватнень мельге, конат нолдафт проектть дорожнай картанц главнай мероприятиянзон эряфс етафтоманкса, целевойста нолямаснон коряс ваномать, информационнай и техническяй марстонь базань пуроптомать мархта.
—Проектть эряфс етафтоманц коряс задачатне, конат путфтольхть 2011-2013 кизотнень, республикаса пяшкотьфт сатфкс мархта. Федеральнай бюджетста нолдаф 838 миллионда лама цалковай. Аньцек 2013 кизоня проектть финансированияц етазе 292 миллион цалковайть, конат састь федеральнай и региональнай бюджеттнень эзда. Учительхнень зарплатасна касфтф регионть экономиканц средняй уровененц коряс, лисенди 17 тежянь цалковайда лама. Строяф и панчф лама од школа, петевихть учебнай зданиятне, рамави специальнай транспорт, школьнай классненди путневи тяниень пингонь оборудования, проектть колга пачфневи СМИ-тнень эса,—мярьгсь Партиять МРО-нц секретарец, РИК-ть руководителец Сергей Борисов.
—Етафтфт республиканскяй оцю мероприятият, конатнень эса кепсевсть проектть эряфс етафтоманц коряс кизефксне и шарфневсь башка мяль сонь важнайшинцты образовательнай процессть цебярьгофтомань тевсонза. Саранскяйса етась республиканскяй образовательнай форум, конань участниктонза 800 ломаньда ламоль; етай кизоня, Содамошинь шиста, панчф од школа Мордовиянь Атяшевскяй райононь Козловка велеса, етафтовсть парламентаризмань урокт, конат лемтьфтольхть Конституциять 20 кизонь топодеманцты; панчфоль одареннай иттненди Межрегиональнай центрань общежития. Партийнай активсь и депутаттне—разнай уровенень единоросне примасть участия мероприятиятнень анокламаса и етафтомаса, еткозост сувсесть—сенаторхне и ГД-нь депутаттне, конат ванфнесазь Мордовиять интересонзон Российскяй Парламентть верхняй и нижняй палатасонза,—мярьгсь Сергей Борисов.
—Тяконь мархта,—азозе сон,—аф педа-пес решандафт школьникнень усксемс транспортнай средствань рамамать коряс задачатне, велень школатнень эса тяниень пингонь вешфкснень коряс условиянь тиемась; общеобразовательнай учреждениятнень аварийнайкс улемаснон коряс кизефкссь.
—Етафнемок эряфс проектть сяда тов, тейнек эряви сатомс сянь, штоба сатфксне няевольхть эрь ломанти,—аделазе корхтаманц Сергей Борисов.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022