Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

АРЬСЕФСЬ САТОВИ АНЬЦЕК МАРСТОНЬ ВИЙСА!

11 февральста Саранскяйса, Оперань и балетонь театраса ётась «ЕДИНАЯ РОССИЯ» Всероссийскяй политическяй партиять Мордовскяй региональнай отделениянц первичнай отделениянзон региональнай форумсна
 
Форумть работасонза примасть участия Мордовия Республикань Оцюнясь, «Единая Россия» партиять региональнай политическяй советонц Президиумонц членоц В.Д.Волков, Мордовия Республикань Государственнай Собраниять Председателец, партиять Мордовскяй региональнай отделениянц Секретарец В.В.Чибиркин, Мордовия Республикань Правительствать Председателец, партиять региональнай политическяй советонц Президиумонц членоц В.Ф.Сушков, «Единая Россия» партиять Центральнай исполнительнай комитетонц Приволжскяй федеральнай округса работать коряс департаментть руководителец Л.Л.Жаркова, партиять Генеральнай Советонц членоц, Саранск ошень округонь Ленинскяй райононь 544№ первичнай отделениять секретарец Ю.Г. Коннов, лиятне. Сембоц Оперань и балетонь театрав пуромкшнесь 800 малава ломань региональнай партийнай активста. Тяда башка, федеральнай структурань, министерствань и ведомствань представительхть, депутатт.
Заседанияда инголе работась «Единая Россия» партиять Местнай отделениянзон выставкасна, коса ульсь кода содафтомс Местнай отделениятнень работаснон мархта. Синь пачфнесть республикасонк партийнай эряфть касоманц-виияманц колга.
Мордовия Республикань Оцюнясь, «Единая Россия» партиять Мордовскяй региональнай политическяй советонц Президиумонц членоц В.Д.Волков эсь выступлениясонза шарфтсь мяль сянь лангс, што тяфтама пуромксне-диалокне пяк эрявихть тячиень эряфсонк. Владимир Дмитриевич пачфтезе, кода Мордовияса молихть социально-экономическяй ширеть мархта сотф тефне, кодама цельхть и задачат ащихть инголенк тядде. Лама сатома строительстваса, велень хозяйстваса, илештень кятть работама Мордовиянь инголе моли предприятиятненди. Сиволень получамать касфтома кафксть, лофцоннеть—1,5-крда. Сахарнай якстеряпсонь получамать пачфтема 1500 тоннати. Строяма социальнай эряма вастт, социальнай, культурнай объектт, касфтомат инвестициятнень. Башка мяль шарфтома демографияти. Мордовияста тушендыхть вузонь шумордайхне и од ломаттне. Тя тевть полафтома лия шири. Партияти лац-ряц работама Российскяй Федерациянь Президентть В.В.Путинонь май ковонь Указонзон пяшкодемаснон лангса. Эрь шиня мяляфтома избирательхнень наказснон квалма.
Сяда тов доклад тись Мордовия Республикань Государственнай Собраниять Председателец, «Единая Россия» партиять Мордовскяй региональнай отделениянц Секретарец В.В.Чибиркин. Владимир Васильевич азозе, што 2013 кизоня савсь лама работамс, арьсемс, мезть вельде удалась шарьхкодемс, кода кармай касома-виияма региононьке, целайнек странаньке сяда тов. 7 февральста Сочи ошса панчф тялонь XXII Олимпийскяй налхкоматне няфтезь марнек мирти-масторти, што Россияти ули кода молемс инголе и етафнемс тяфтама оцю пуромкст.
В.В.Чибиркинонь валонзон коряс, меля партиясь кассь пцтай тежянь членда, кафта тежятть ломанць арасть теенза ширень кирдикс. Ламода тя удалась первичнай отделениятнень вельде. Синь фалу примсихть участия Мордовияса етафневи общественнай пуромкснень эса. Ладяфт кеме соткст сембе уровенень депутаттнень мархта. Первичнай отделениятнень секретарьснонды, конат сувсихть политическяй советтненди, ули кода арамс политическяй работань и тевонь участникокс, решандакшнемс ломаттнень прябаласнон сяда сери уровеньца, етафнемс эряфс партийнай проекттнень.
«Прямой диалогта» меле, конань пингста первичнай отделениянь Секретарьхне   макссесть кизефкст республикань Оцюняти В.Д.Волковонди и республикань Госсобраниять Председателенцты В.В.Чибиркинонди, примафоль Региональнай политическяй советть решенияц.
«2013 кизонкса первичнай отделениянь инь цебярь Секретарсь» Региональнай конкурсть колга выступления тись «Единая Россия» партиять Мордовскяй региональнай отделениянц Секретаренц заместителец, Региональнай исполнительнай комитетть руководителец С.В.Борисов.
Тя конкурсса сяськихне (эздост 10 ломатть) казьфтольхть Почетнай Дипломса и питни казнеса. Васенце вастть сатозь Региональнай политическяй советть членоц, Инсарскяй муниципальнай райононь Ямщина велень 246№ первичнай отделениять секретарец М.П.Ладанова и Торбеевскяй райононь Торбеева велень 732/1№ первичнай отделениять секретарец М.И.Киреева.
Цебярьста работаманкса инь достойнайхне казьфтольхть Мордовия Республикань Грамотаса, республикань Госсобраниять Грамотаса, республикань Правительствать Грамотаса.
Форумть шумордамста пуромфнень инголе корхтась Л.Л.Жаркова. Партиять Мордовскяй региональнай отделениянц, кле, оцю путксоц республикать общественно-политическяй эряфсонза, сяс тяфта работама и сяда тов.
Т.АЛЬШИНА.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022