Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

ЮБИЛЕЙ МАРХТА,ГРИГОРИЙ ВАСИЛЬЕВИЧ!

Ня шитнень Торбеевскяй райононь мокшалясь, Мордовия Республикань Заслуженнай учительсь, Российскяй Федерациянь общай образованиянь почетнай работниксь, Салазгорь велень средняй общеобразовательнай школань историянь и обществознаниянь учительсь Г.В.Сетяев отмечазе 60 кизонь юбилеенц.
—Ашень арьсе, што ули тняра поздравленияда,—виденцясь Григорий Васильевич.—Ломаттне телефонца гайфнесть, интернетса сермадсть, куду сашендсть лямбе валонь азома, паронь арьсема. Молень школав, коса лямбоста васьфтемазь иттне. Нльне сельмоведневок ашесть кирдев.
Тевсь ефси аф казнеса, хуш эздостка пяк ламоль. Пара, седиста моли лямбе валсь сяда питни, кеподи мяль, максы вийхть, надияма, вандыень шити верондама.
Кда корхтамс казнетнень, сатфкснень колга, Г.В.Сетяевонь эряфсонза синь эздост пяк ламоль. Аньцек Почетнай грамотадонза нильгемоньшка. Синь Мордовия Республикань Государственнай Собраниять, республикань Образованиянь министерствать, Торбеевскяй райононь администрациять, райононь образованиянь управлениять эзда. Азонкшнесь Благодарность Мордовия Республикань Оцюнясь. Кафксть макссесь грант цебярьста работаманкса Торбеевскяй райононь оцюнясь. Лисендсь «Кизонь инь цебярь учительсь» конкурсса сяськикс. А мзяра сяськи, призер аноклась районнай, республиканскяй предметнай олимпиадаса. Етай тонафнема кизоть кеподезь учительть мяленц Владимир Ведяскин, Любовь Эрькина, Елена Балашкина, Светлана Сетяева. Синь лиссть призеркс историянь, правань, обществознаниянь олимпиадаса.
Шачсь Г.В.Сетяев 1954 кизоня Салазгорь велеса простой крестьянинонь семьяса. Идьтост ульсь ниле. Тядянц мархта аляц, Василий Иванович и Ольга Григорьевна, сембе вийснон максозь сянкса, штоба идьсна получальхть цебярь образования. И тя теест удалась. Сазоронза, Анна Васильевна и Нина Васильевна, аделазь Зубово-Полянань педучилищать. Кафцьконь высшай образованиясна. 35 кизода ламонь макссть школати, ульсть начальнай классонь учителькс. Брадоц, Василий Васильевич, шумордазе Н.П.Огаревонь лемса Мордовскяй госуниверситетть, зоотехниколь.
Сонць Григорий Васильевич кафкса кизот тонафнесь Салазгорень средняй школаса. Тоса тусь содамошинь кочкама Зубово-Полянань педагогическяй училищав. Тя пингть лятфнесы пара мяльса и прянь шнафтозь.
Педагогическяй училищать аделамда меле киза покодсь немецкяй кялень учителькс Кулик велеса. Тяса и сатозе мокшень церать армиясь. Меле етафтозь Подмосковьянь Одинцовав. Служась кафта кизот радистокс. Аделазе службанц сержантокс.
Армияста самда меле сявозь Салазгорень средняй школав. Ульсь тя 1976 кизоня. Васень пингть вятсь биологиянь, физкультурань, пениянь, черчениянь, рисованиянь урокт. Заочна шумордазе М.Е.Евсевьевонь лемса Мордовскяй госпединститутонь химико-биологическяй факультетть.
Но тяфта ни лиссь эряфса, 1988-це кизоня школань историянь учительхне Е.А.Ошина, А.Л.Сергушкина тусть пенсияс. Вастсна лядсь шавокс. Эстонь школань директорсь эняльдсь Григорий Васильевиченди сявомс историянь урокнень. И ся пингста сявомок сон вяти историянь урокт.
—Профессиясь мялезон,—мярьгсь мокшалясь.—Кельговсь нинге шабакс. Эстонь учительхнень оцю авторитетсноль школаса, велеса. Кочкайне тя тевть монга и вестевок ашень каенда.
Рьвац, Людмила Ивановна, стане жа учитель. Сембе эряфонц максозе Салазгорень школати. Тусь тядянц киге. Касфтсть вете итть. Колмотнень высшай образованиясна. Фкясь аделась Зубово-Полянань педагогическяй колледж. Нинге фкя стирнясна тонафни школаса, вейхксоце класса. Касыхть вете уноксна.
—Эряфозе ладявсь аф кальдявста,—азозе Григорий Васильевич.—Инголе тняра апак тик тевозе, мзяра цебярь мяль-арьсема апак етафтт эряфс.
Г.В.Сетяев—мокшень кялень кельги ломань. Вов ни лама пинге серматфни «Мокшень правда», кельгсы и оцю мяльса морафнесы тядянь-алянь кяльса изданиять. Юбилей мархта, Григорий Васильевич! Шумбраши и оцю сатфкст аф теждя тевсот.
И.ВЕШКИН.
Снимкаса: Мордовия Республикань Заслуженнай учительсь Г.В.Сетяев,
Г.В.Сетяев учениконзон мархта.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022