Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Мокшэрзянь народть VI-це съездонцты

Чувашия Республикань Мокшэрзянь культурань центрать руководителец, Даниил Московский святой князть орденонц кавалероц В.П.Седойкин:
«МИНЬ—РОССИЯТТАМА!»
—Владимир Павлович, кодама тефт тячи вяти Чувашия Республикань Мокшэрзянь культурань центрась?
—Мокшэрзянь культурань центрать активс сувси 60 ломань.
Тя кизонь 21 июньцта минь 23-да ни етафтсаськ «Арта» Мокшэрзянь республиканскяй национальнай культурань илать, коза сашендсть национальнай делегацият Мордовия Республикаста, Ульяновскяй и Нижегородскяй областьста. А тяда инголе минь етафтоме шабань фольклорнай фестиваль, коса иттне морасть мокшэрзянь кунардонь пингонь морот и азондсть валмуворкст, стихт, ефкст. И тейне пара азомс, што тя илаське Чувашияса канни республиканскяй статус.
Тяда башка, тядде минь Чувашия Республикаса,—васенцеда!—етафтоме Евсевьевскяй лувомат, конат лемтьфтольхть мокшэрзянь великай просветительть М.Е.Евсевьевонь шачема шиста 150 кизонь топодеманцты. Илас Мордовияста сашендсть республикань национальнай политикать коряс министрсь  А.М.Чушкин, лия официальнай ломатть и «Умарина» ансамбльсь. Мероприятиясь, конань эса мокшэрзяда башка ульсть руст, чувашт и лия национальностень ломатть, пяк тусь сембонь мяльс.
Ня и лия мероприятиятнень анокламста и етафтомста минь, конешна, аф юкснетяма эсь народоньконь тя кизонь инь оцю форумонц колгавок. И, кода машттама, аноклатама Мокшэрзянь народть VI-це съездонцты, коса ератама азомс эсь мяленьконь сембе кизефкснень коряс.
—Владимир Павлович, мзяра делегат кармай Мокшэрзянь народть VI-це съездсонза Чувашия Республикаста?
—Квотатнень коряс, конатнень тейнек пачфтезень Мокшэрзянь межрегиональнай общественнай движениянь Исполкомсь, Чувашия Республикань мокшэрзятненди  VI-це съездс эряви кочкамс 5 делегатт. Синдедост башка, кучтама съезду наблюдательхть.
Маластонь пингть Чувашия Республикань мокшэрзятнень пуромксса минь и кочкасаськ синь.
—Кода содаф, съездса делегаттне кармайхть покодема 5 секциява. Эрь делегатсь сонць кочкасы ся секциять, коса ули мялец работамс. Конань эса примат участия тон?
—Россиянь финно-угорскяй народонь съездса, кона аф кунара тяфта жа етафтовсь Мордовияса, мон корхтань мокшэрзянь кяльхнень ванфтомаснон, виияфтомаснон и синь тевс нолямань сфераснон келептемаснон колга. Сяс съездсовок, кона етафтови Культурань кизоня, мон карман корхтама тя темать коряс. Но кяленьконь виияфтомаснон и тевс нолямань сфераснон келептемада башка, съездса мон карман корхтама и мокшэрзянь национальнай культурать колга. Монь койсон, сась пинге, мзярда мокшэрзянь культурань деятельхненди эряви инь вии произведениятнень, конатнень эса няфтьф минь пяк козя национальнай культураньке, етафтомс классическяй искусствань формас. И синь тяда меле нинге сядот киза кармайхть эжнема мокшэрзятнень и лия нароттнень ваймоснон.
Тяфта жа мон еран съездса азомс эсь мялезень Чувашия Республикаса эрзянь кяльть тонафнеманц колга. И, надиян, минь опытоньке кондясти Россиянь лия региононь мокшэрзятненди. Сяс мес эсонза улихть мялень пети ширет.
Мярьктяма, етай веконь 90-це кизотнень ушетксста, мзярда Чувашиянь мокшэрзятне ушедсть эрьгавста эсь кяльснон и койснон-обуцяснон эреклафтома, мянь мокшэрзятнень еткса ульсть стама ломатть, кит корхнесть: кле, мезенди тейнек тя эряви? Но пингта меле синьге шарьхкодезь—тя эряви минь народоньконди! И тяни ся ломаттне, кит корхнесть тяфта, сувасть Чувашия Республикань Мокшэрзянь культурань центрать активонц составс! И тячи минь шабаньке мокшэрзянь литературать и кяльхнень содамаснон коряс Олимпиадаса занцесазь васенце васттнень.
Но тя фактсь аф корхтай сянь колга, што сембе тевоньке тифт ни и сяльде аш мезень лангса работамс. Монь койсон, мокшэрзянь кяльхнень минь шабаньконди эряви тонафнемс нинге идень садса. Сяс мес, кда шабась ёмластокиге сувафтсы эсь потмозонза тядянь-алянь кяльть, сяльде сон эздонза вестьке аф атказай.
—Владимир Павлович, кодама лезкс Мордовия Республикась максси Чувашия Республикань мокшэрзятненди тинь тевонтень вятемста и тиемста?
—Лама ширдень сотксне, конат етай веконь 90-це кизотнень ладявсть минь историческяй родинаньконь мархта, тя пингс ламода кемокстасть.
Мярьктяма, минь эрь кизоня Мордовия Республикаста получсетяма эрзянь кялень учебникт, методическяй пособият, мокшень и эрзянь кяльса морави моронь дискт и лия лама материалда, конат тейнек пяк лездыхть эрь шинь  тевсонк.
Тяда башка, минь кучсетяма Мордовия Республикань вузс мокшэрзянь абитуриентт. И тяса, эряви азомс, синь тонафнихть аф аньцек гуманитарнай, но и техническяй и медицинскяй факультетса. Тонафнемда меле, аф ваномок сянь лангс, Россиянь кодама регионца теест сави покодемс, синь вестьке аф юкстасазь ся цебярть, конань казезе теест синь историческяй родинасна—Мордовия Республикась!
И тянкса Чувашия Республикань мокшэрзятне азондыхть оцюдонга оцю спасиба Мордовия Республикань Оцюняти, Правительствати и Государственнай Собранияти.
—Сай ковста, Владимир Павлович, оду етафтови «Волга—река мира» этнокультурнай экспедициясь. Кодама сатфкст тон учсят сонь работанц эзда, кирдемок мяльса Мокшэрзянь народонь VI-це съездть идеологиянц?
—Мокшэрзянь народонь Межрегиональнай общественнай движениянь Советть решениянц коряс, кона кемокстафоль 2013 кизонь 20 декабрьста, Мокшэрзянь народонь VI-це съездсь етафтови «Мордовский народ в формировании общероссийской гражданской идентичности» концепциять коряс. Лиякс мярьгомс, съездса корхтамась кармай мольфтевома Россиянь фкя нациять тиевоманц колга. И Россиянь фкя нацияс сувайхть странаньконь сембе народонза, ванфтомок, тяка пингть, эсь национальнай кяльснон, культураснон и менталитетснон. Кода мон шарьхкодьса, минь народоньке эсь съездсонза тисы тя тевса сембе васенце аськолкснень эзда фкять.
Сяс, монь койсон, «Волга—река мира» этнокультурнай экспедициянь участникненди васедематнень пингста, конада кармай лама, тостонь мокшэрзятненди эряви шарьхкодевиста азондомс  VI-це съездть инь оцю идеянц колга.
Сась пинге тейнек и сембонди шарьхкодемс: васенцекс— минь Россияттама, омбоцекс—мокшэрзятама, колмоцекс—эрзятама и мокшетама.
Мон монць улян тя экспедицияса. И карман корхтама ломаттнень мархта тянь колга. Тяда башка, тейне пара ули няемс, кода вятьсазь эсь работаснон Мокшэрзянь народонь Межрегиональнай движениянь лия региональнай отделениятне. И сявомс эстейнек синь цебярь опытснон.
—Съездсь эсь решениянзон азсыне Резолюцияса. И синь кармайхть пяшкодевома 5 кизот—сай пингонь съездть самс. Конатнень Чувашия Республикань делегациять предложениянзон эзда тон тоса няйсайть?
—Кода мон арьсян, съездть Резолюцияс, васендакиге, эряви сувафтомс башка пунктс «Согласие—Порядок—Созидание» лозунгть. Сяс мес сонь вешфксонзон пяшкодемаснон коряс Мордовия Республикась арась содафокс сембе мирса! И тянь вельде минь народоньковок арась содафокс сембе мода-масторть лангса. Улема, тянь мархта сембось азф!
—Оцюдонга оцю спасиба тейть, Владимир Павлович, пара мяльхнень-арьсематнень инкса.
 
В.НЕСТЕРОВ.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022