Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Велень хозяйствань и перерабатывающай промышленностень

 
 
Залсь пяшксе ломаньда. Сембе ширде кулеви музыка. А мокшэрзянь щамса щаф аваньке кеняртьфтезь пуромфнень мазыста морамаснон мархта. Илась лаказь лакась. А тя пингть дикторть кайги вайгялец тердезень сценати Социалистическяй Трудонь Геройхнень А.В.Долгановонь, М.И.Сивцовать, А.А.Климбовскяень. Президиумсот Мордовия Республикань Оцюнясь В.Д.Волков, республикань Государственнай Собраниять Председателец В.В.Чибиркин, Мордовиянь Правительствать Председателец В.Ф.Сушков, республикань Правительствать Председателенц васенце заместителец—велень хозяйствань и продовольствиянь министрсь В.Н.Сидоров, республикань профсоюзонь федерациять председателец А.И.Солдатов. Президиумсот велень хозяйствань производствань передовикне. Синь етксост и инжихне—«КуйбышевАзот» ОАО-нь гендиректорсь В.И.Герасименко, «Регион-Агро-Волгань» гендиректорсь Д.Б.Сметов, «Ростсельмаш» Комбайновай заводть эреклафтомаса департаментонь директорсь А.В.Шаталов, «Единая Россия» политическяй партиять эзда VI созывонь Государственнай Думань депутатсь, аграрнай кизефкснень коряс Госдумань комитетть председателенц заместителец Н.В.Школкина и лият.
Мордовия Республикань Оцюнясь В.Д.Волков седиста моли лямбе валса поздравляндазень сембонь тя оцю праздникть—Велень хозяйствань и перерабатывающай промышленностень работниконь шить мархта, арьсесь кеме шумбраши и оцюдонга оцю сатфкст велень хозяйствань аф теждя, но пяк эрявикс тевса. Сяда тов Владимир Дмитриевич пачфтсь велень хозяйстваса тефнень молемаснон колга.
—Аф ваномок сянь лангс, што мелянь сексесь погоднай условиятнень коряс аф кодамоль и ламоц озимоень паксятне лядсть апак видек, но республикань велень хозяйствань тевса заняф ломаненьке, путомок сембе вийснон тунда, сатсть аф кальдяв результатт и серонь получамаса, и якстеряпсонь касфтомаса, и лофцонь потямаса, и сиволень получамаса. Лиякс мярьгомс, кона ширеть аф сявомс, няевихть мялень салай результатт,—пачфтсь Владимир Дмитриевич. Азфозень, кле, кемокстаса примерса. Кепотьксонди, серода сембоц получаф миллионда лама тонна. Эрь гектарста тяляф комсь нилие центнер. И республиканьке тянь коряс лиссь колмоце вастти Приволжскяй Федеральнай округса. А лофцонь, алонь получамаса, эрь ломанть мяльс сявозь, занцесаськ васенце вастть, сиволень получамаса—омбоце вастть федеральнай округонь региоттнень еткса. Кизось нинге ашезь шумордав, сяс сембоц киза кувалмоста аськолдави азф ня цифратнень вельф.
—Кда корхтамс общественнай жувататненди корматнень колга, то тя ширеське мялень кеподи. Аноклаф сяда колмогемонть малава тежянь тонна тише, сатомшка сенаж, силос.—Спасиба тянкса теенть, велень труженикт!—поладозе Владимир Дмитриевич.
Мордовия Республикань велень хозяйствань труженикнень сатфксснон колга В.Д.Волков азондсь аф кржа, и тяка пингть эвондафтсь надияма, што синь работань результатсна сяда товга арайхть примеркс лиятненди. И сатомшкат улихть виеньке трямс пряньконь.
Производственнай передовикне торжественнай тяфтама илатнень пингста апак отмечсек аф ляткшнихть. Тяниень праздникстовок казнетне максфтольхть сяськихненди, оцю сатфксонь сатыхненди. «Район эффективного ведения сельскохозяйственного производства» номинацияса сяськикс лиссь Чамзинскяй районць, растениеводстваса (васенце зонава)—Лямбирскяй районць. Омбоце зонава—Ковылкинскяй районць, колмоце зонава—Темниковскяй районць.
Животноводствань отрасляса сяськикс лиссть Рузаевскяй, Ичалковскяй, Атяшевскяй райоттне.
Сяда тов лятфтафтольхть сембе ся райоттне и башка работникне, конат лиссть тя или тона тевса инголе молихнень еткс. Почетнай лепт, ярмаконь премият, лия оцю казнет получасть синь.
Арась ни тонатфокс, велень хозяйствань и перерабатывающай промышленностень работниконь шиня казендемс Социалистическяй Трудонь Геройхнень. Тя мезтьке лямбе валхт азфтольхть Александр Васильевич Долгановонь, Александр Андреевич Климбовскяень, Мария Ивановна Сивцовать лемс и казьфтольхть теест казнет.
«За возрождение села» почетнай прист сатсть И.С.Андин, В.И.Грибанов, А.М.Живаев, А.Н.Меркушкин, А.И.Поздняков, Г.К.Самолькин и лият.
Почетнай грамотат, Государственнай премиянь лауреатонь лепт, Славань III и II степенень ордетт и лия казнет получасть сят, кит виень аф ужяльдезь, оцю сатфксонь сатнезь трудендасть велень хозяйствань производстваса.
Праздниконь шиня пара валса лятфтафтольхть сембе, кинь оцю путксоц велень хозяйствань производствать эреклафтомаса. Ульсть поздравленият, азфт пара валхт и казьфт казнет Мордовиянь аграрийхненди инжихнень ширде.
Праздниконь официальнай пялькссь шумордавсь. Сяда тов илань участникненди няфтьфоль праздничнай концерт.
                                                                                                                                        Н.КУБАНЦЕВА.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022