Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Сяськомать 70 кизонцты

                                              Поэма
Лийсь якстерь соколсь вракнень каршес…
И ушедсь менельса пси бойсь,
И тапась «Фокке-вульфнень» нярьснон
Мордвинць аф пелезь, а геройкс.
Паролец Мишань ульсь «Мордвин».
Лац содазь полкса мокшень цёрать.
И лездсь парольсь тя няемс кинц,
Мзярда аньцек сяськомс ёрась.
Сон сяськсь инь вяре туцять ала.
И велязь велясь «Фокке-вульфсь»,
Тусь алу качадозь и палозь
Ну кода тяляф оцю пулф.
Аф ёрдай тяни афтерькссь бомбат
Минь шачем мастороньконь лангс.
Сонь Девятаев Миша гомбадсь,
Инь оцю кяженц врагти пандсь.
Пандсь кяженц, а мрдамс изь кенерь,
Сонь нинге тюрема тердсь кяжсь.
А кранчне каршезонза венемсть…
И самолетоц эзк крьвязсь.
И лафтузонза сярятьфсь уромсь,
И шудесь мяштеванза версь.
«Мордвин, эрь, комотть сяда курок!»—
Эфирса командироц мярьгсь.
Тусь алу лиезь якстерь соколсь,
Но ашель мялец сонь юмамс,—
И палы самолётста комотсь,
И парашютонц келес панчсь.
Сась ёжес летчиксь велень кудса,
Няйсь вельхкссонза фашистонь нярь.
Мярьгсь немецокс: «Эрь, саты утцемс!—
Не притворяйсь!»—сон нинге мярьгсь.
И кямепряса бокти каясь.
Прафть каршес тюрема, няк, маштсь.
«Мон пленцан»,—шарьхкодсь Девятаев,
И тага ёженза сонь маштсть.
 
                     * * *
Ётась пинге, саворне пчкясь,
Ётась пинге, пильге лангска стясь.
Оцю пичефкс марясь Девятаев…
Мезе тяни инголенза няендсь?
Ков аф ваны—перяфкст, перяфкст,
Ков аф ваны—сялги пролопт.
Пленца кодама ни эряф?
Пленца эряфонь аш толок.
Мезе тиемс? Кода улемс?
Мишань ашель мялец куломс.
Сяконь арьсекшнесь эсь пряса,
Кода ворьгодема тяста.
Курок ялгатка сон мусь
И баракснон алу шувсть
Варя—ашесть нолгада.
Арьсесть сяконь: ворьгодемс.
Ворьгодемс и курок улемс
Ялга ёткса—тага тюремс,
Кунцемс менельса эсь вракнень,
Алубрят синь тоста прафнемс.
Но ужяль, мес музь ся варять,
Зверькс эсесовецне арасть.
Лихнезь пленнайхнень баракста,
Ляцемс анокт автоматста.
—Хто копайт ентот туннель?
Хто здесь жить не захотел?
Признавайсь, а то замучим.
Ми вас плен лубит научим!
Мимс пря киньге ашель мялец,
Кивок ашезь панже кяленц.
А эсесовецне тага,
Кие шувондсь, кошардсть азомс.
—Скажет хто, ми наградим:
Булка жрать тому дадим.
Будешь жить у нас, как рай.
Нука, швайн, отвечай!
Тетьксезь фрицне сельмомарьснон,
Кода кошардомс исть арьсе,
Кие модаварять шувсь,
Эсь прянь азы ашезь мув.
                                  * * *
Узерь шама комендантсь
Суронц венептсь Мишань лангс.
Кошардсь вятемс… Тись допрос,
Аф весть сон таматрей сотсь,
Мес коль мезьге аф отвечси,
Мес прянц прокс аф пелезь вятьсы.
Мес аф урекс Миша ванць,
Эсьстонза лиссь комендантсь.
Пленнайть байдекса сон пикссесь,
Нинге мокшендаса ичсесь.
Сизесь Ганс и нльне ордадсь.
Карцеру мярьгсь пленнайть ердамс.
Карцерсь—шобда бохарям,
Кожфсь аф сатни—опамат.
Ётась кой-мзяра пинге,
Копорьда тутмадсть сей нинге
Пленнайхть—няйф, допроссольхть синьге.
Синьге мархтост парста «налхксесь»
Комендантсь… Няк, верыхть шалхксна,
Таргозьфт сельмокабасна,
Сокафт марнек шамасна.
Бта синьге вятикс арасть,
Кальдяв тевти прафтсть:
Бта синьге модаварять
Шувоманц срхкафтсть.
Вов и пеце, вов и пеце,
Вов и пеце, кле, сась.
Но изь понда, ашезь ляце,
Лиякс шавондома маштсть.
Заксенхаузену пачфтезь,
Крематорийсь эсост учсь,
Ёфси тевфтома изь аще,
Качамоц коль вяри куцсь.
Лама тёжянь пленнай сей
Пуроптсь Гитлер—тарксефтсь пейхть.
Хоть и ульсть эсь пеенза,
Зрнянь кочкасть теенза.
Пленнайхнень плхтамс сей усксезь,
Газонь камераса муцсезь.
Тяфта курок кулофнезь,
Меле толти нулнофнезь.
А одс сафнень баняв вятезь.
Мишань ялганзон иляс
Коза-бди эсток сявозь…
Миша ськамонза илядсь.
Парикмахерсь Мишань наразе,
Наразе сонь такорбрят.
Салаване теенза азозе:
—Одста эряфста туят.
Аньцек тейне, цёрабай,
Пяк ужялят тон.
Норака, брат, норака!
Лездан, шять, тейть мон!
Парикмахерсь афкукс лездсь,
Ладязе тевть курокста:
Мишань лемонц петфтась эзк
Аф кунара кулофти.
Лемцень, кле, тон юкстак,
Сяконь содак—нинге пленцат.
Бта тон и кулофат,
Но шисат тон—Никитенкат.
                   * * *
Узедом, Узедом…
Исце сотце, коса сон
Девятаев пленнайсь.
Но весть сонга тянь няйсь.
Узедомсь тя—усия,
Лиякс мярьгомс, остров.
Ульсь ракетань центра тя.
Сонць фон Браун тоса
Гитлеронь коль кеняртьфнесь,
Ляцемка од кенерьфнесь.
Сон кинь мяльце—вачкоди,
Москуву, кле, пачкоди.
И Россиясь, кле, пульзяй,
Ули кода азомс.
Гитлер аноконди няйсь
Эсь прянц оцю азоркс.
                    * * *
Узедомса тев мусть теест:
Ровнандамат лоткне.
Тяза стака бомбат ёрясть
Якстерь Армиянь пилоттне.
Тапасть тяса синь фашистт,
Врагонь самолетт—
«Хейнкельхть», «Мессершмитт».
Бомбасна шувсть лоткт.
Пленнай, эрька тон урядак
Аэродромснон ловда!
Кда тевстот тон илядат,
«Ми тибе ударим морда!»
Вятнезе сей эрь шиня
Девятаев эсь бригаданц.
Ламос учсеф шиське ся
Теест маладсь, маладсь…
                                   * * *
1945 кизоня 8-це февральста. Узедом усиясь-островсь. Аэродрому вятсть пленнайхть ловонь урядама.
Фкя командасот:
Девятаев М.П.
Кривоногов И.П.
Емец М.А.
Адамов Ф.П.
Соколов В.К.
Сердюков Т.Г.
Олейник И.В.
Немченко В.Р.
Урбанович Н.М.
Кутергин П.Е.
Вельхтясь модать тялоть ороц.
Самолеттне ащесть корожкс.
Тага пленнайхне сей састь,
Ловонь чушмотнень кргасть.
Ёрязь ловть, а конвоирсь
Нардьста автоматонц кирдсь.
Мельгаст оржа сельмот ванондсь,
Кяшендсь вармать эзда шаманц.
Цють изь эенда и кошардсь
Пленнайхнень крьвястемс костяр.
Кулхцондсть мельгаст ваныть сят,
Костяр курокста крьвястсть.
Немецсь ульсь хоть и пяк кяжи,
Стане кенярдсь—нльне кштись.
Ёфси ськамонза сон эжендсь,
Тушендсь мялезонза псись.
Немецсь пленнайхнень изь нолда
Эжендема толснон ваксс.
Но сят арьсесть аф тянь колга.
Смеказь: учсеф пингсна сась!..
Кривоногов Ванянь кядьса
Тумонь цётмар… И сон вдруг
Конвоирть лангс тигракс эфцядсь,
Пряти—бац! И ся—капут…
—Ялгат, «Хейнкельти» монь мельган!—
Девятаев эзк ювадсь.—
Воляшись эсь кядьсонк! Нельговсь!
Куцемс менели илядсь!
Лётчиксь лиендема тонатф,
Инголенза сонь—приборхт.
Люпшни тянц и люпшни тонанц,
Но аф нолдави моторсь.
—Девятаев! Миша брат!
Куломада идемасть!
Ласькихть немецне, тон ватт!
Сяда курок лийфтемасть!
Мишань прясонза кфчядсть
Инь пелькс арьсематне ёндолкс:
«Кда аф лийкстан сичас,
Сембе минь ульхтяма пондафт…»
Ласьксть ни немецне дуром
Сембе ширде, сембе ширде.
Узедом! Эх, Узедом,
Сяда ламос тямасть кирне!
Тага весть люпштаф стартёрсь.
Кали афкукс Шкайське лездсь?
Вдруг рназевсь фкя моторсь,
Меле омбоцесь… и эзк
«Хейнкельсь» инголи ни тусь,
Ардсь мзярс и вяри куцсь.
Тоса валдомсь теест шись,
Тоса панжевсь воляс кись.
Кеме кядьса кирдсь штурвалонц
Пленнайкс щаф пилотсь.
Кулхцондсь Миша Девятаевть
Врагонь самолётсь.
Лийсть синь туцять алганя
Шистост, а аф онцтост.
Морасть летчикть ялганза,
Морась лётчиксь сонцьке:
«Вставай страна огромная,
Вставай на смертный бой
С фашистской силой тёмною,
С проклятою ордой…»
                                                                А.ТЯПАЕВ,
                                                                Мордовия Республикань 
                                                                народнай писатель.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022