Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

ЛЕМОЦ КАЙГОЗА СЯДА ТОВГА

Кда тяниень пингть шабрань хозяйстватнень эса ашесть ванфтов велень хозяйствань модатне, то «Свободный труд» артелень труженикне тячемс витцесазь модань эрь пакшкять. Соксеви паксядост кота тежяньда лама гектар. Мокша ляйть трваса урятцеви кафта тежяньда лама гектар луга. Вакссост общественнай и личнай подсобнай хозяйствань жувататнень ванома вастсна.
—Кодама полафткст афольхть уле странаса, велень труженикнень задачасна ляткшни сякось—получамс сера, сиволь, лофца,—мярьгсь артелень председательсь В.М.Настюшкин.—Коллективоньке дружнай и старандай ванфтомс хозяйствать ингольдень сатфксонзон, мезти кинь кяликс ульсь Социалистическяй Трудонь Геройсь П.М.Волков.
Коллективса нинге лама механизаторда и животноводта, конат трудендасть Павел Михайловичень пингста. Но ламотне сиредсть, тяни пенсиясот. Аф ваномок тянь лангс, хозяйстваса рабочай вийда сатомшка.
Ингольдень кизотнень тя хозяйстваса работасть кафкса велень эряйхне. Виень аф ужяльдезь трудендасть мокшетне и русне. Ужяль, но тяни ашесть ляда ломатть ламоц велетнень эса, аньцек атят и бабат эряйхть Потякшаса и Мокшень Мазканяса.
Аракчеева велень администрацияти сувафтфт Рузонь Мазканясь, Желтоноговась, Од Усадсь. Ня велетне аф ичкозет фкя-фкянь эзда, сяс социальнай, культурно-бытовой кизефксне решандакшневихть аф кальдявста.
Красногорнай (тяфта лемневи Аракчеевась) велень администрациянь оцюнясь Л.Н.Симаковась сатфксснон мархта пря ашезь шнафта. Кода и лия велетнень эса, од ломаттне тушендыхть ошу. Но Лидия Николаевна надиязь мярьгсь, што «Свободный труд» артельть ули сай пингоц. Кие лац трудендай—получай аф кальдяв ярмакт, а ламотне эряйхть личнай подсобнай хозяйстваснон вельде, мишендихть аф аньцек лофца и сиволь, но и медь, перень серот.
Кода артелень, стане и администрациянь оцюнять таколфтсазь демографическяй кизефксне. Велетнень эса аш стама семьят, коса касфтоволь ниле, вете или сяда лама идь. Кунара селговсть начальнай школатне Потякшаса, Желтоноговаса, Од Усадса. Ванфтовсь аньцек Рузонь Мазканяса.
Но эряфсь аф ащи фкя вастса. Кепотьксонди, Желтоноговаса и Рузонь Мазканяса аф кунара етафтовсть мяляфтови илат. Афкуксонь праздникокс Желтоноговаса велень эряйхне лувозь идень налхксемань площадкать панжеманц, кона строяфоль «Устойчивое развитие сельских территорий на 2014-2017 годы и на период до 2020 года» федеральнай целевой программать коряс. Велеса появасть од семьянди кутт, тянь ширде работась мольфтеви и сяда тов. Сай кизоть арьсекшневи строямс  идень сад.
Кеняртьфти ила етафтовсь Рузонь Мазканяса велень хозяйствань труженикненди лемтьф шинь карша. Тяса вейхкса классонь школась кунара селкф. Кафта этажса кирпицень оцю зданиясь шава колма кизот ни. Республикань Правительствать решениянц коряс, вастозонза арьсеф строямс многофункциональнай центра. «Восточная» фирмань строительхнень проектснон коряс зданияти строяф колмоце этажсь. Эсонза тифт налхкомань площадкат, хоккейнай коробка. Центрань директорсь А.Н.Хрящиков якстерь лентать керомда и символическяй панжемать получамда меле, няфтезе сембе пуромфненди од зданиять. Тяни тосот медицинскяй пунктсь, стоматологическяй кабинетсь, почтась. «Мечта» идень садть кенкшенц вельхксса мазыста серматф: «Тя кудса сембось аноклаф тейнек». Колмоце этажса тялькфтаф начальнай школась. Тясот компьютернай классь, щамонь сташендомань мастерскойсь, художественнай самодеятельностень кружоксь. Тяда башка, центраса улихть спортивнай и актовай залхт, полициянь опорнай пункт, спасательнай станция.
Тя шиня казьфтольхть сят, конатнень трудснон вельде касфневсь «Свободный труд» хозяйствась. МР-нь велень хозяйствань министрсь В.Н.Сидоров казезень строительхнень. МР-нь Оцюнять В.Д.Волковонь Благодарностьса казьфоль Трудонь ветеранць А.Н.Павельева. Почетнай грамотат получасть производствань передовикне В.И.Дряхлов, В.В.Мурикова, А.Н.Фомина, Л.И.Андреева, Т.И.Гулина, Л.М.Нишнючкина, А.Т.Бакайкина, М.М.Тулина, Г.Ф.Курчева.
Лямбе валхт хозяйствань труженикнень лемс азсть ингольдень председательхне,     МР-нь Заслуженнай агрономсь П.Ф.Фомин, райононь оцюнясь Ю.В.Медянкин. В.М.Настюшкин надияфтсь ванфтомс хозяйствать и сяда тов.
                                                                                                                                             В.ЕРЁМКИН.
                                                                           Фототнень эса: Соц.центрась; инжихне идень садсот;
                                                                                                        Желтоноговань идень площадкаса.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022