https://mokshapr.ru
10.06.2022
 |
Архив | |
| апрель | ||||||
|---|---|---|---|---|---|---|
| 2024 | ||||||
| пн | вт | ср | чт | пт | сб | вс |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
 |
|
РОЛЕНЗОН ЭСА МАРЯВИ МОКШЭРЗЯНЬ Сембось ушеткшнесь велень сценаста…
Аф кржа кинь нинге идькс пингста эвондакшни мялец арамс театрань или кинонь актёркс, конань ролензон шнашендолезень ванысь. Аньцек аф кажнайти сатови тяфтама тёкшсь. И тянди ули аф кржа эсь лацонь туфталда, фкя инь васенцесь и сидеста васьфневись эздост—актёронь асушись. Тя казнесь макссеви ломанти природать эзда шачемстокиге… И аф кажнайти, а аньцек кочкафненди. Тяфтапнень ёткс канневи Мокшэрзянь национальнай драматическяй театрань актёрсь, мокшалясь Николай Иванович Чепанов. И сон сятнень ёткста, кие идькс пингста пцтай ашезь арьсекшне актёронь профессиять колга. Семботь, кода ули, вастозонза ладязе эряфсь. Шачемас коре Николай Иванович Ельниковскяй райононь Мокшень Пашат велеста. Сцена лангса тя или тона персонажть лаца прянь вятемац лац лисендсь сонь нинге шабакс, школаса тонафнемань кизотнень. И смеказе Николай Ивановичень тя асушинц тядяц, кона лама киза работась велень Культурань кудонь директоркс. Мокшавась ётафнесь самодеятельнай кружокт—драматическяй, кштимань и морамань, конатненди пара мяльса яксесь цёрац Коля. Аноклаф концертснон велева няфнезь. Мялец тонафнемс омба масторонь кяльхнень
Школанц аделамс налхкондсь сай пингонь артистсь велень клубса путневи постановкатнень эса. Сяльде кафта пяле мархта кизот служась Байконурса. Армиясовок цёрать пряста ашезь тушенда мяльсь: поступамс тонафнема Мордовскяй государственнай педагогическяй институтонь омба масторонь кялень факультету. Ётка пингть тонафнесь немецонь кяльть эса: кучсесь учебникт тядяц, лездсть мархтонза служай ялганза. Мзярда сась армияста, вузу поступамда инголе ётась анокламань курст. Мзярс работась «Электровыпрямитель» заводса, 1969 кизоня пяшкодевсь мялец: арась пединститутонь омба масторонь факультетонь студентокс, коса вете кизот тонафнезень немецонь и английскяй кяльхнень. 1974 кизоня институтть аделамдонза меле Николай Ивановичень эряфонь киц сотовсь Таджикистанть (ся пингть—союзнай республикаль) столицанц—Душанбе ошть мархта. Сявфоль работама «Интурист» Всесоюзнай акционернай обществать отделениязонза. Кемгафтува киза Николай Иванович работась тоса переводчикокс и гостиницаса администраторкс. Мордовиянь актёрхнень мархта содафтсь Душанбеса
Вайгяльбетне, коза ичкози тят ту, аф перяфкс ломанть эряфонь кинц ладямаса. Мокшэрзянь масторть цёрац тоса, тёжятть вайгяльбень кувалмоса республиканьконь эзда, содафтсь Мордовиянь Рузонь драматическяй театрань актёрхнень мархта, конат 1980 кизоня гастрольсотольхть Душанбеса. Николай Иванович лац мяляфтсы, кода иляденди ни, отчётонь тиемста гостиницав сувасть кафта ломатть (актёрхне Н.В.Храмов и В.Н.Гудожников), конатнень корхтамаса кульсь шачема-касома кяльса валхт. Кенярдембачк администраторсь пшкядсь теест мокшекс: «Кие эряви?». И Мордовияста саф артисттне гастрольть пингста нолдафтольхть эряма ся гостиницав, коса работась земляксна Н.И. Чепанов. 1987 кизоня Николай Иванович ётась эряма Мордовияв. «Весть молян ульцява, кульса, што кие-бди терди эсон: «Николай!» Шарфтонь, а тя театрань водительсь Юра, кона Душанбеса ульсь. Тердемань театрав, васьфтемазь актёрхне, содамазь. Кизефтемазь, коса работан. Мон эста самай работа вешендень. «Сак театразонк работама, мярьгсь В.Н.Гудожников и мяленц кирдезь лия актёрхневок»,—лятфни Николай Иванович Чепанов. Тяфта, 1987 кизоста сявомок, Н.И.Чепанов кармась работама администраторкс Рузонь драматическяй театраса. Эряфса мезевок аф уленди стак. 1991 кизоня апак учсеконь тердемась Мокшэрзянь национальнай драматическяй театрав ладязе семботь эсь вастозонза. Васенце кизотнень Николай Иванович работась литературнай частень заведующайкс, тияк лезнесь администраторхненди ваныхнень пуроптомаснон-кочкамаснон коряс. Театрась музе эсь актёронц, а актёрсь—театранц Васенцеда сценати Николай Иванович лиссь апак учент. Эста театраса мольсь Л.Андреевонь «Жизнь Василия Фивейского» повестенц коряс путф спектакльсь. Сярятькстсь фкя актёрсь, и ашель кинди налхкомс геройть Васенькань роленц. Савсь полафтомс Н.И.Чепановонди. И теенза удалась сувамс рольти! Тяфта работас коре ялганзон, режиссёрть и, конешна, ваныть инголе «панчфоль» асу од актёр. Сяльде теенза максфоль И.Сергучевонь «Осенние скрипки» пьесанц коряс спектакльса слугать Василиень ролец. Курок Николай Иванович ётафтфоль актёрскяй составти. Тячиень шити Н.И.Чепанов налхксь ведьгемоньда лама роль оцювонди и иденди моли постановкатнень эса. Ётксост—Г.Меркушкинонь пьесанзон коряс «Генералсь Пуркаев» (Пухнер), К.Абрамовонь «Эрь ломанть сонцень урмац» (Микита), В.Мишанинать «Кда орта лангса суви пине» (Леватя), «Тюштя» мокшэрзянь эпость (Родонь Оцюня), А.Григорьевонь «Малиновая пора» (Харитон), В.Шукшинонь «Латось сыргась» (учитель) и лия произведениятнень коряс путф спектакльхнень эса. Актёрть амплуац—комедийнай. Национальнай народнай ваймось—мокшэрзянь масторса шачф-касф ломанть эса. Эряфста сявф эрь анцяйнять, китькскять вельде, налхкоманц мархта Николай Ивановиченди удалси пачфтемс видешить, сянь, мезенкса и сашенды театрав ванысь. Н.И.Чепанов ульсь Россияса и Финляндияса ётафтф Финно-угорскяй народонь колма фестивальхнень эса. 2007 кизоня примась участия Саров ошса Е.А.Евстигнеевонь лемса иденди и юношестванди театральнай искусствань фестивальса. Н.И.Чепанов казьф Российскяй Федерациянь Культурань министерствань, Россиянь Театральнай деятелень союзть, Мордовия Республикань Оцюнять, республикань Госсобраниянь Почётнай Грамотаса, лия казнеса. Но инь питни казнекс актёрти ульсь и лядонды ваныть мялец роленц квалма. Тя маряви ваймопожфонц, седикс-ваймокс спасибаманц, спектакльда меле кядень кайги цяпаманц коряс. А.ВОЛГАПОВА. |
|
НОВОСТИ | |
