Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

ПАРА УШЕТКС ТИФ СИРЕ ШАЙГАВСА

 
Кирдемок мяльса 1941-1945 кизонь Великай Отечественнай войнаса Победать 70-кизонь топодеманц, Мордовия Республикань Печатень и информациянь, Культурань и туризмань, Национальнай политикать коряс министерстватне етафтыхть «Мордовиянь писательхнень 100 книгасна» тематическяй акция, кона лемтьф Литературань кизоти и Великай Победать 70 кизонцты.
Тя акциять видеса культурань работникне, писательхне, содаф ломаттне молихть Мордовия Республикань муниципальнай сембе райоттненди. Эрь васедемада меле ули интернет-голосования, конань пингста содави, кона авторхнень кодама книгасна сувасть инь цебярь 100 книгатнень лувксс. Тяфта республикань эряйхнень седисост кемокставихть патриотонь мяльхне-арсьематне, шачема ширеть кельгомац и содамац.
«Мордовиянь писательхнень 100 книгасна» акциясь ушедсь 19 февральста Старошайговскяй муниципальнай районца.
Сире Шайгавса «И.М.Девинонь лемса Центральнай библиотечнай системась» МБУК-са етатфовсь «Мир мыслей и идей, тепла и радости» лем ала «круглай шра», конань работасонза примасть участия Мордовия Республикань культурань и туризмань министрть заместителец Н.Л.Храмов, А.С.Пушкинонь лемса Национальнай библиотекать директороц А.И.Степанов, «И.М.Девинонь лемса Центральнай библиотечнай системась» МБУК-ть директороц Г.И.Чудаева, Мордовскяй Республиканскяй юношескяй библиотекать директороц В.Н.Пиксайкина, библиотекарьхне, лиятне.
Н.Л.Храмов тердезень сембонь улемс сяда эрьгавкс, штоба пуромкссь еталь афкуксонь «круглай шра» лаца, конань пингста ули кода кеподемс таколфты, тячиень шинь кизефкснень. Тяфта и тифоль. Кода Саранскяйста саф инжихне, стане и Старошайговскяй райононь библиотекарьхне ванозь семботь, мезсь сотф библиотекатнень работаснон мархта.
А.И.Степанов башка мяль шарфтсь велень библиотекатненди. Ужяль, аф сембе ванфтовсть, сяс мес срадсть-каладсть велетне, селгондовсть школатне. Но пяк козя и цебярь фондоц ся библиотекать, коса етафтови тячиень васедемась. Тянь квалма корхтась библиотекать директороц Г.И.Чудаева. Галина Ивановна пачфтезе мзяра луви сашенды ширезост, мзяра ломань работай Старошайговскяй райононь библиотекатнень эса, кодама книгатненди и изданиятненди сембода оцю вешфкссь и стак тов.
Кода ни азфоль сяда вяре, шири  ашесть ляда таколфты кизефксне. Кепотьксонди, райононь библиотекатнень эса тянемс аш интернет, а конашка сонь вастоц эряфсонк тячи—содаф, улема, сембонди.
Старошайговскяй районца етафтф акциять омбоце пяльксоц ульсь районнай Культурань кудса.
Васенцекс пуромфнень инголе корхтасть Мордовия Республикань культурань и туризмань министрть заместителец Н.Л.Храмов, национальнай политикать коряс министрть васенце заместителец А.И.Карьгин, печатень и информациянь министрть заместителец А.Ф.Столяров. Синь азондсть «Мордовиянь писательхнень 100 книгасна» акциять етафтоманц квалма, кона ушедозе кинц Сире Шайгавса. Тя районти ули кода шнафтомс пря, марямс гордость содаф земляконзон инкса. Кой-кит эздост оцю мяльса примасть участия тя пуромксса.
Фкясь эздост—Мордовия Республикань Народнай поэтсь, МАССР-нь Государственнай премиянь лауреатсь В.А. Гадаев.
Виктор Александрович шачсь Старошайговскяй райононь Ново-Троицк велеса. 1969 кизоня Мордовскяй книжнай издательстваса лиссь «Вечная мельница» стихонь и поэмань васенце книгац. Стихонза нолявсть аф аньцек Мордовияса, но и Москуса, Казаньца, Чебоксары ошса, Саратовса, Алтайса. Ламотненди содафт «Праздник земли» книгац, 33 поэмаста трехкнижияц, лама лия книганза. 2015 кизоня лиссть колма томса кочкаф произведениянза. В.А.Гадаев аф аньцек поэт, но и переводчик. Рузонь кяльс етафтозень Н.Л.Эркаень, И.М.Девинонь, С.В.Кинякинонь и лиятнень стихснон.
Виктор Александровичень творчестванц колга азондсть «И.М.Девинонь лемса Центральнай библиотечнай системась» МБУК-ть национальнай и краеведческяй отделонц заведующаец Т.И.Алямкина и А.С.Пушкинонь лемса Национальнай библиотекать главнай библиотекарец В.И.Пронина. Поэтть «Мокшанка» стихонц лангс мороть моразе республикань Заслуженнай артисткась Г.Н.Макшева.
Сонць Виктор Александрович Гадаев лувозень кой-кона стихонзон, а стане жа тердезень залу пуромф од ломаттнень улемс афкуксонь патриотокс, кельгомс шачема-касома масторснон и аф панцемс омба масторонь моротнень, тостонь «модать» мельге.
В.А.Гадаевонь лемс пара валхт азсь Старошайговскяй муниципальнай райононь администрациянь оцюнять социальнай кизефкснень коряс заместителец Н.А.Жевлакова.
Акцияса примась участия республикань Заслуженнай поэтсь Р.К.Орлова, конань шачема уженяц—Сарга велесь. Рая Орлова азсь седиста моли валхт земляконзонды, творчестванц кельгиензонды, стихонзон лувондыензонды, а стане жа пачфтсь «Сорга» книганц колга.
Тя шиня лятфтафтольхть райононь ламоц содаф ломаттне, но башка мяль шарфтфоль Мордовия Республикань Народнай поэтти И.М.Девинонди, конань лемонц каннесы райононь библиотекась, тяштьфоц сембе пингс сувась мокшэрзянь литературать классиказонза, а стане жа ломаттнень седис и ваймос.
Сире Шайгавонь содаф ломаттнень квалма корхтась «Трудовая правда» районнай газетать главнай редактороц Ф.П.Чудаев.
Кода максомс вайгяльцень тя или тона книгать инкса? А.Ф.Столяровонь валонзон коряс, тянь ули кода тиемс
www.e-mordovia.ru сайтса «О Мордовии» разделса. Инь цебярь 100 книгась азови 2015 кизоть шумордамста.
 
Т.АЛЬШИНА.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022