Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

«ВАСЕНЦЕКС—МИНЬ РОССИЯТТАМА,

 
—Раиса Ивановна, кода минь ни пачфнеськ лувиеньконди, сай кизоня Финляндияса сембе финно-угорскяй нароттне ётафтсазь Всемирнай VII конгресснон. Тонь койсот, мезень колга васенцекс мокшэрзянь делегацияти эряви азондомс конгрессонь лия делегаттненди?
—Кода мон арьсян, финно-угорскяй народонь Всемирнай конгрессонь делегаттненди пара ули содамс ся цебярь полафткснень квалма, конат тиевсть мекольдень пингть Россиянь финно-угорскяй мирса. И конашкава оцю и цебярь путксоц мокшэрзянь народть ня  полафтксненди!
2007 кизоста сявомок, мзярда Мордовиять столицаса минь ётафтоськ «Шумбрат, Финно-Угрия» финно-угорскяй народонь национальнай культурань Международнай I фестивальть, мокшэрзянь народсь ушедсь вятема стама цебярь тефт, конат сонь тиезь афкуксонь лидеркс Россиянь финно-угорскяй мирса.
Мярьктяма, финно-угорскяй Международнай студенческяй конференциясь, народнай промыслань и ремеслань Всероссийскяй выставкась-ярмаркась, Россиянь финно-угорскяй нароттнень IV съездсна, Финно-угорскяй книгань Международнай фестивальсь, Финно-угорскяй прессань Всероссийскяй фестивальсь, мокшэрзянь народть 1000 кизонь илац, Россиянь финно-угорскяй нароттнень V съездсна, мокшэрзянь народть VI съездоц и лия оцю мероприятиятне, конат етасть Мордовия Республикаса, няевиста кемокстазь мокшэрзянь народть лидеронь статусонц Россиянь финно-угорскяй нароттнень еткса!
Сяс, монь койсон, тейнек, мокшэрзятненди, миронь сембе финно-угорскяй нароттненди Всемирнай VII-це Конгресса ули мезе азомс, а теест эздонк—кулемс!
—Раиса Ивановна, кода минь няйсаськ, мекольдень пингть Западсь аф пяк цебярьста ваны Россиять лангс. Сяс, улема, Всемирнай конгрессовок тянь коряс кизефксне кармайхть ванондовома.
Тонь койсот, конгрессонь рабочай шинь повесткати кодама кизефкст эрявихть сувафтомс, штоба аф прамс аньцек международнай политикать коряс кизефкснень лангс?
—Улема, международнай политикань кизефкснень вакска етамс конгресса тейнек аф удалай. И тейнек, мокшэрзянь народонь делегаттненди, тянди эряви улемс анококс. Сяс мес минь, Россиянь финно-угорскяй миронь лидерхнень мяльснон-валснон эзда, конат кармайхть азфт Всемирнай конгресса, кармай ащема ся, кодама киге туй тя форумсь!
Эсь ширден Всемирнай конгрессонь сембе делегаттненди мон еран азомс сянь, што, аф ваномок экономическяй санкциятнень лангс, тейнек, миронь финно-угорскяй нароттненди, сяда товга эрявихть кемокснемс сембе ширдень соткснень, конат ладявсть минь етксонк. И марстонь вийса сяда товга касфтомс эсь национальнай культураньконь, кяленьконь, коеньконь-обуцяньконь, литератураньконь и эряфоньконь гуманитарнай лия сферанзон.
—Финно-угорскяй народонь культурань Поволжскяй центрать тевонза и сатфксонза ломаттненди цебярьста содафт. И сон синь вельдест афкукс канни лама цебярьда Россиянь Финно-угорскяй мирти.
Сяс ёран кизефтемс, пади, сась ни пинге Центрать позитивнай тевонь опытонц сувафтомс омба масторонь финно-угорскяй мирть эряфс?
—Мекольдень пингть тянь колга мон ушедонь арьсекшнема. Афкукс, финно-угорскяй народонь культурань Поволжскяй центрать цебярь сатфксонзон ёткса улихть стапт, конат кондястихть омба масторонь финно-угорскяй народонь общественнай структуратненди эрь шинь тевснон вятемста. Мярьктяма, нароттнень ёткса ялгаксшинь соткснень кемокстамста. Синдедост башка, кода мон арьсян, Поволжскяй центрать опытонц эсь работаснон вятемста эряви нолямс тевс Россиянь лия финно-угорскяй народонь общественнай структуратнендивок.
Кепотьксонди, ся позитивнай опытть, конань сатозе Поволжскяй центрась тя кизоня «Волга—река мира!» Международнай этнокультурнай экспедициять ётафтомста. Эсонза минь Мордовиянь государственнай, общественнай, культурань и наукань деятельхнень мархта пачфтеськ Поволжьянь и Российскяй нациянь лия нароттненди Мокшэрзянь народонь VI-це съездть идеологиянц, кона азфоль сонь решениянзон вельде. Лиякс мярьгомс, Россиянь сембе нароттненди ульсь азф: кле, ялгат, минь сембе, васенцекс, россияттама! И аньцек тяда меле ни—рустама, мокшэрзятама, мариецтама, татархтама, удмурттама, дагестанецтама и Российскяй нациянь лия народонь ломаттяма.
Кирдемок мялься ся фактть, што тя кизонь «Волга—река мира!» экспедицияса, финно-угорскяй народонь делегацияда башка, ульсть рузонь, татаронь, дагестанецонь и лия народонь делегацият, монь койсон, россияттнень колга азф мяльсь вельдест пачкодсь Российскяй нациянь сембе нароттненди!
Тяда башка, финно-угорскяй народонь Всемирнай конгресста инголе россияттнень колга мяльть цютькада лиякс мон азолине нинге весть Россиянь сембе финно-угорскяй нароттненди. Всемирнай конгресса сембе кизефкснень ваномста тейнек фалу эряви мяляфтомс, што минь, васенцекс, россияттама. И аньцек тяда меле ни—финно-угорскяй плямань нароттама!
—Раиса Ивановна, тон тонць, кодама решеният учсят финно-угорскяй народонь Всемирнай VII конгрессонь делегаттнень эзда?
—Аньцек стапт, конат, аф токсемок международнай политикань кизефкснень, кармайхть тейнек лездома виияфнемс национальнай культураньконь, финно-угорскяй народонь кяльхнень, койхнень-обуцятнень, нароттнень ёткса ялгаксшить и эряфонь лия эрявикс сфератнень.
Аньцек тяфтама решениянкса Всемирнай конгресса мон кеподьса эсь кядезень!
—Сюкпря, Раиса Ивановна.
В.НЕСТЕРОВ.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022