Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Кельгоськ рахсеманьконь

                                                                                * * *
Цуцек... Тя валсь аф кодамовок словарьста. Сон аф нармонень-мезень лем, аф апрякама вал. Сонь сяда содасазь мокшень журналисттне, писательхне.
Кода шачсь тя валсь?
Кие мяляфтсы журналистть, писательть Михаил Андреевич Кяшкинонь, ся ламоксть кулендезе эздонза «цуцекть». Кяшкин цуцекокс лемнезе  кинь-повсь.
Сон сельмос видешинь азы аляль. Видешить инкса нльне аноколь тргадомс. Тяни лятфнесаськ, кода видешинкса споряма сувсесь нльне республикань пряти. Сафтозень сянь кяжензон, ся и лятфтазе кирдиень-кардаень байдекть. Кяшкин пшкядсь:
—А вдь байдекть кафта пенза!
Стане, няк, лятфтазе оцюняти, кле, омбоце песь тонцень афолензе вачкоде.
—Да, байдекть кафта пенза, и кафцьке монь кядьсонот,—мярьгсь ся.
—Цуцекат тон...
—Мезе, мезе?
—Ломаттне сяда лацкас эрявихть шарьхкодемс,—азозе Кяшкин.
Михаил Андреевич нолдась аф кржа книга, но пеетькшнемань-рахсемань азкст изь тяшне, хоть и кельгозе рахсеманц-пеетькшнеманц. Мзярда туфоль ни пенсияс, Михаил Андреевич путевкас коре якась Бресту. Тостонь крепостсь-геройсь тиф мемориалкс. 1941 кизонь июньцта сон васенцесь васьфтезе войнать. И крепостень аф оцю гарнизонць мянь ков тюрсь фашисттнень каршес.
Мемориалса солдатонь казарматневок тифт музейкс. Синь эсост экспонатт-месть, конат ванфневихть станяк, кодамкс арасть лангозост снарядонь и бомбань прашендомда меле.
Кяшкин сувась фкя «казармав» и пшкядсь музеень работницати ёфси аф пеедезь:
—Цуцект, мрдафтость гимнастерказень!
—Кодама гимнастерка?—абондсь аванясь.
—Конань кадыне тяза нильгемонь васенце кизонь комсь кафтувоце июньцта.—Авась стаки ванць лангозонза дивандазь.—Мон эста тяса служань...
И Кяшкин азондозе, кода июнень ся веня синь, курсант-тнень, сявозь ошть пес ученияс. Казармав лядсь гимнастёркац. Шобдава ушедсть прашендома бомбат, снарятт. Курсанттне васенда арьсесть: молихть учениятне. Афи талакодсть, кода эцесть фашисттне, и ушедсь войнась.
—Ученияньке арасть афкуксонь бойкс,—азондозе ингольдень фронтовиксь.—Керомазь крепостть эзда, тоза мрдамс ни ашель кода.
—Стане тон Брестскяй крепостень аралаят?—валдомсь музеень аванять шамац, теенза лац-ряц пачкодсь пеетькшнезь гимнастеркань вешемаське.
—Минь аф стама  геройхтяма, конат тюрсть врагть каршес мянь ков. Минь, цуцеконь-курсантонь келеса, козк аделавсть патрононьке, потаме вири, а меле  пачкодеме частезонк.
—Цуцект-курсантт. А цуцексь,—изь шарьхкотькшне музеень аванясь,—национальностце?
—Аф. Кяльс коре мон мокшан. А цуцексь—ся цуцек.
Кяшкинонь перьф пуромсть ломаттъ. Кармасть кизефнема, мезе няйсь, кода ульсь тевсь ся ичкоздень июньцта. Мувсь и фотограф. Ся щёлк да щёлк.
—Эрь, гимнастёрказень, сталботь, аф мрдафтсасть?—поладозе пеетькшнеманц Кяшкин.—Ашезь ванфтов?
Музеень работницась изь абонда, мярьгсь:
—Гимнастеркацень вастс лятфнембяленди кастяма крепостть эзда пялькскя.
И казсть Кяшкинонди кирпиць пакш, мезть Саранскяйса максозе военкомату. Сон ванфневи кода Брестть аралаенц казнец.
* * *
«Мокшень правдаста» М.Кяшкин ётась Телерадиокомитету. Вастозонза промышленностень отделу путнезь Н.Мирошкинонь. Меле монь, хоть мялезель покодемс культурань отделса. Но коза путтядязь, тоса и работак. И вов промышленностень отделть вятемста «Кячказ» рахсемань уженятьке лаподезь лангозон.
Промышленностень, культурань и сёрмань отделхнень работниксна ащесть фкя кабинетса. Полас-полас дежурсеме, яксеме районга командировкас, тяшнеме автороньконди сёрмат.
Редакцияв кучсесть статьят и заметкат заводста, стройкаста-коста. Сяда цебярьхнень, конат тушендсть мялезонк, ноляськ газетаса. Аф кржаль и стамда, конатнень эзда сашендовсь атказакшнемс.
Мяляфтса, фкя заводонь АХО-ста (административно-хозяйственнай отделста) тяшнесь тейнек отькорь аля Василий Иванович Пикшин. Фкя заметкасонза тяштсь, кода маень праздниконь карша уборщицатненди рамасть од тяльмот, штазь вальмя сельмонятнень, а вальмаснон вельхксс повфтасть флакт.
Сёрманц редакцияв кандозь праздникта меле. Факттне эсонза ульсть аф кодапт. Сяс заметкаське печатламс ашель кода. Василий Ивановиченди тяштень мокшекс сёрманя: «АХО-нь оцюняти В.И.Пикшинонди. Кельгома Василий Иванович! «Рамаме илиень тяльмот» заметкацень республиканский газетаса нолдамс аш кода. Сон сяда ладяль тинцень стенгазетазонт. Ульхть шумбра!»
Серманять печатлафтыне бланкас. Вяре якстерь букваса крфась газетать лемоц, а ёмла букваса тяштьфоль—кинь газетась: КПСС-нь Мордовский обкомть, МАССР-нь Верховнай Советть и стак тов.
Кучине сёрмать Пикшинонди. Сякобасом арьсень: кяжияй алясь лангозон, мес ашине нолда тяштьфонц.
Пингонь ётазь васьфтине алять ульцяса. Арьсень—афи шумбраксты мархтон. А сон акша панарса, тюжа шляпаса, кургоц—пиледа пилес. Кемоста-кемоста люпштазе кядезень.
—Спасиба тейть!
Мон абондонь:
—Мезенкса?
—Сёрмацень инкса, конань аф кунара кучить.
—Сянь эса  аш мезевок кеняртьфти. Мес ина спасибат?
—О!—окстсь Василий Иванович.—Ся сёрмаце тейне пяк лезни, ламоксть итцемань... Кода   итцемань?—поладозе Пикшин.—Нона шитнень Москусолень. Кучсемазь главку машинканкса. А тоса атказасть. Аш, кле, машинканьке. Кодак няфтине сёрмацень, аф рузонь кяльса якстерь букваса печатлафть, кодак     мярьгонь—мокшэрзянь аймакста Министронь Советсь кучемань тяфтама паршиенкса, а тинь кали интернациональнай ялгаксшить каршес? Макссть машинкат. Мзярда сань Казанскяй вокзалу, кассаса азозь: Саранскяень поездти билетт аш. Ялга вдь аф туят. Молень спецвальмяняти. А тоса пиндолды пуняв щамса аваня.—Стане-стане,—корхтан,—кучемазь правительственнай оцю заданияс. Куроконе эряви пачкодемс Мордовиять столицазонза. Кда аф верондатада, вов кагодозе. Венептине  «Мокшень правдаста» сёрмать. Тяфтамти кода аф лездомс?! И  мусть тейне билет нльне ляпе вагонц.
—А тяни коза кялят?—кизефтине Василий Ивановичень.
—«Росторгодежда» базав. Кулине: усксть тоза уронь васьть. Эряви сявомс. Ату магазинца аф няйсайть. Няфтьса сёрмацень…
Василий Иванович тага люпштазе кядезень и эряскодозь тусь эсь киганза. А мон аньцек прязень шукайне: «ух, афпармор!»
Аф лама ши ётазь Пикшин сувась редакцияв.
—Ну... кода? Уронь вазь сатоть?—кизефтине.
—Сатонь, сатонь. Аф аньцек вазь. Рьвязти финскяй кямонятка сявонь.
—А тяни местема сать?
—Сань ва мезень квалма.—Василий Иванович таргась    повширестонза кагод.—Кандонь статьяня. Содаса: газетазонт аф туй, стенгазетавга, шять, аф ладяй. АХО-ть видеса од туалет панжеме. Эняльдян: кучт тейне бланкас печатлаф сёрманя. Ату ся шовавсь-каварявсь. Одня эряви. Одня. Шарьхкодеть?
                                                 Михаил МОИСЕЕВ.
(Полатксоц моли)

 

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022