Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

В.В.Ковалёва: «МОКШЭРЗЯНЬ КОСТЮМСА ЭРЬ ПЯЛЬКСКЯТЬ УЛИ СОНЦЕНЬ СМУЗЕЦ»

—Вера Васильевна, традиционнай сёрматфкссь занци башка васта эряфсот. Кода сон арась тейть фкя инь кельгома тевкс?
—Спасибан тядязти-алязти, што идькс пингть прважамазь тонафнема художественнай школав. Васенда мялезель арамс живописецекс, но лиссь лиякс, мезть колга мон ёфси аф каендан. Поступань тонафнема Ф.В.Сычковонь лемса Саранскяень  художественнай училищать прикладной отделениязонза. Тоса и тонадонь народнай искусствань «кяльти». Улема, сёрмадомати кельгомась ётась нинге бабазень, щавазень эзда, конат ульсть машты кядь ломанькс. Азса, што юрне молихть Торбеевскяй райононь Мокшень Ювня велеста. Сембе идькс пингозень пцтай тоса ётафтыне.
Улемок студенткакс, арнень экспедицияс Кялень и литературань институтонь научнай сотрудникнень мархта мокшень райоттнень эзга. Пингстост панжине эстейне мокшэрзянь сёрматфксть афкуксонь мазышинц.
А сяльде, работамок Культурань министерствань республиканскяй научно-методическяй центраса,  художникнень мархта савсь улемс эрзятнень ширеса, содафтомс тостонь машты кядь ломаттнень мархта. 1991 кизоста сявомок тонафтсайне студенттнень мокшэрзянь сёрматфксонь анокламати.
Эстейне панжине сянь, што мокшэрзянь костюпне пачфнихть ломанть эряфонц, сонь материальнай ширенц, стайть маштомошинц колга. Эрь пялькскясь канды кодама-бди смузь. Мокшэрзянь костюмсь няфнесы мироньконь колма пялькснень эзда ащеманц: менельть, модать и мода алдоннеть.
Васенце работане лемтьфтольхть мялень салси знакненди, конатнень оберег лаца оцю ванфтомань асусна. Кепотьксонди, улихть стапт, конат араласазь авать аф шачфтомада, сельмодемада, лездыхть идень касфтомаса.
—Семботь тянь мархта содафтовихть студенттне?
—Афкукс. Сёрмадомать вельде од ломаттне тонафтовихть ванфтомошити, трудти. Кода смекаф, палянь шнамста эряфкшуфне кепсесазь эленц. А моли тя койсь кунардонь пингста, мзярда тяфта ванондозь авать панаронц  велянь ширенц, улихть-аш серматфсонза сюлмот. Тя пачфнесь кудазоравать колга—машты-аф сон ванфтома. Вдь эрь сюре пакшть анокламс путф пяк оцю труд. Тя тонафтсыне оттнень кельгомс шачема-касома масторть. А, содафтомок синь лия народонь костюпнень мархта, лезттама теест сяда лац шарьхкодемс эсь культураньконь.
Отделениясонк работайхть эсь тевонь лац содай преподавательхть. Ётксост—И.В.Козин, Л.А.Булычёва. Тонафтыкс арасть минцень исяконь выпускницаньке—нят Е.М.Краснова и М.В.Ковалёва. Ламоц тонафниеньке работайхть художественнай школатнень эса. Аф кржась средняй профессиональнай образованияда меле тушенды тонафнема Москуву, аделсесазь тостонь Культурань институтть, вятихть частнай урокт, и, тяка пингть, аф юкснихть мокшэрзянь сёрмадомать колга. Эряви азомс, мокшэрзянь искусствать пара мяльса тонафнесазь аф аньцек мокшетне и эрзятне, но и русне, татархне, армяттне.
—Тонафниенте—шнама вастонте. Работасна, улема, няфневсть аф фкя пуромксса?
—Студентоньконь эсь кядьса тифсна няфневсть Санкт-Петербургса «Территория творчества» Международнай выставкаса. Эряви азомс, «Смольный» выставочнай залса теест макссевихть инь цебярь васттне. Куленттяма колгаст аф кржа шнама валда. Инь асу од ломаненьке примсихть участия всероссийскяй выставкатнень эса. Аньцек тонафниень 120-да лама работа 2014 кизоня Саранскяйса Мокшэрзянь народнай культурань музейса няфтьфоль. Выставкать ванома сашендсть Самараста, Казаньцта, Ульяновскста. Кадсть колганза лама цебярь мяльда-арьсемада.
Етай кизоть студенттнень мархта улеме Йошкар-Оласа «Богатство финно-угорских народов» Международнай финно-угорскяй студенческяй форумса. Од ломаненьке марясть гордость национальнай костюмоньконь инкса, конат щафтольхть лангозост. Щамоньконь мазышисна ашезень када озадонь седихть ащема киньге.
Эрь народть, нльне эрь районца мокшэрзятнень костюмса улихть эсь лацонь мялень салай ширет. Эряви азомс, мокшэрзятнень, руснень, татархнень марса эрямасна кадозень эсь «кинзон» щамса-карямса. Путнемок синь карань-каршек, мушенттама фкя-фкянь эзда аф кржа сявф пялькста. Тянди сашендыхть студенттневок. Кепотьксонди, фкясь эздост мусь Темниковскяй райононь татаронь-мишарень костюм, конань эса лама фкя лацоннеда мокшэрзятнень костюмснон мархта.
Кеняртьфти ся, што оттне шарфнихть мяль кунардонь пингонь козяшити, ули мяльсна ванфтомс сонь. Студентканьке Марина Пяткинась аноклай Пензенскяй областень эрзянь костюм, Анастасия Леонтьевась—Атяшевскяй райононь Алова велень.
—Кодапт мяльхне-арьсематне маластонь пингонди?
—Т.Н.Гвоздевать мархта ня шитнень тердемазь Финляндияв Сиппола велень Финно-угорскяй куду мастер-классонь ётафтома. Тоса няфтьсаськ традиционнай мокшэрзянь сёрматфкснень, минцьке содафттама финскяй культурать и тоса эряй рузонь ломаттнень мархта.
—Спасиба, Вера Васильевна.
А.ВОЛГАПОВА.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022