Поиск по сайту: 
 

Архив
 ноябрь 
 2018 
пн вт ср чт пт сб вс
   1234
567891011
12131415161718
19202122232425
2627282930  

 
 

 

Национальная тематика

«ТЯФТАМА ВАСЕДЕМАТНЕ ЭЖНЕСАЗЬ ВАЙМОТЬ»

«Мокшень правдась» Старошайговскяй райононь Сарга велеса
Историяста пакшкя. Коста сявовсь велеть лемоц?
Саргаряйть Федор Иванович Пьянзинонь эряфса (велеса лемнелезь Зуризкс) лиссь тяфтама случай. Ульсь тя кунара ни. Мольсь сон тевонкса Горьковскяй (тяни Нижегородскяй) области, ки лангса сатозе весь. Сонцьке сизесь, алашацка цють шашфнезень пильгонзон. Кати-коса эрявсь удомс. Но коса?
Каршезонза сай ломанть кизефтезе, ули ли маласа кодамовок веле.
—А тонць костоннят?—кизефтезе тона.
—Саргань.
—Саргань?.. Велезт колмошка вайгяльбе лядсь, а тон кизефнят, коса удомс.
—Кода колмошка? Тоза шиньберьф молема.
Алятне фкя-фкянь ашесть шарьхкотькшне. Аньцек меколи Федор Иванович талакодсь, што маласа ули веле, конань лемоц стане жа Сарга, и тоса эряйхть аф мокшет, а руст.
Алясь арьсезевсь. Кода стане? Вдь нинге атятне азонкшнезь, што велеваст шуди ляйнять фкя берякоц сёвонюволь и пяк валазяль, кода корхнесть, сануволь. Теенза мярьгондсть сангужа. А тяста ляйняське сявозе лемть: Сангужаляй. Меколи тя валсь нюрьхкалгодсь и арась Сангакс. Сарга и Санга… Афоли Сангаста тиевсь Саргаське?.. Но мес, мле, эста ули тага фкя Сарга, да афи мокшет эряйхть тоса?
Ф.И.Пьянзин эсь кизефксонзон лангс виде ответ кодавок ашезь мушенда. Ответ макссть кой-кона краеветтне, тяконь лувксса В.Д.Живайкин. Кле, кафцьке велетненди лем макссь шяйсь, конанди фиттне мярьгихть «сара». Тя корхтай сянь колга, што кунардонь пинкнень кафцьке кяльхнень—мокшеннеть и финскяйть—ульсть фкя основасна. Тусть ня васттнень эзда синь север шири, а валсь лядсь. Лядсь и эряй. И, улема, Горьковскяй областень Саргаса инголи стане жа эрясть мокшет. И макссть лем велети. Аф кржа «сар» пяльксть мархта лемда и мокшэрзянь крайсонк: Саранск, Инсар…
Саргати шачема пингокс лувондови XVIII векть омбоце пялец.
Таколфтыть колга
Ламоц саргаряйхне, а лядсь тяза эздост тяни пяк кржа и пцтай сембе эряфкшу ломатть, лажадозь лятфнесазь етай пинкнень, мзярда велесь ломанюволь. Тежянть малава эздост ульсь. Аньцек велень школаса тонафнесь пцтай 300 цераня и стирня. Ульсь тяса коса покодемска. Тясоль колхоз—«Красное Знамякс» лемнезь. Тяда башка, ульсь промартель. Лемоц мокшеннель—«Валда ян». Афкуксонь мастерхт работасть тоса. Синь аноклакшнесть нуртт, крандаст, дрогат, теест шарыхть и стак тов. Весяласта етнесть велеса илять-тне. Аньцек шоподи и Саргань клубса кулевихть весяла морот, вайгяльхть. А кода аф лятфтамс Саргань хорть. Сонь репертуарсонза ульсть мокшэрзянь и рузонь народнай морот, сиде моронят, кштимат. Колганза славась срадсь васенда велеть, сяльде—районть и республикать келес. Сон лисендсь сяськикс республиканскяй и межзональнай конкурснень эса. Саргань мокшень аватненди и стирьхненди максфоль оцю честь—выступандамс нльне Москуса. Столицастонк мрдасть лауреатокс. Хорсь няфтезе эсь оцю маштомошинц и омба масторса—Польшаса. Оцю оценка макссть выступленияснонды Варшавань эряйхне.
Пяк и пяк ужяль, што семботь тянь колга сашендовсь корхтамс етай пингста. И тя сяс, мес хорсь кунара ни срадсь, колганза юксневи ни.
Тяни сетьме велеса, сидеста аш морай вайгяльневок нльне праздникста. Етат ульцятнень эзга и седиезт арси аф теждя, аф пара, бта мезе-бди тейть аф сатни, бта мезе-бди юмафтоть пяк питни, пяк эрявикс, кона аф муви, аф мрдафтови. И тя, улема, сяс, мес ламоц куттнень вальмасна шавот, эсост аф эряйхть, аф кулят  ни идень кайги вайгяльхть…
Но сембе сяка велеряйхнень седиса-ваймоса ули нинге аф оцю надиямане, што кельгома Сарга велесна аф юмай-арай, а эреклай. Кой-кодама цебярь лисьфкат улихть ни. Строявихть тяса кафта од кутт. Рамсевихть кой-кона ташта куттне, штоба вастозост путомс отт. Колма азорхт кярьмодсть учань стадань кирдема.
Весяла праздник
Кода азондсазь синць велеряйхне, эрь кизоня синь пяк лажадозь учсесазь Святой Тройцянь шить. Кле, тя праздниксь кепсесы мяленьконь, эжнесыне ваймоньконь и максси тейнек од вийхть.
Удалафста, весяласта ётась тя оцю илась тяддевок. Саргась тя шиня кштись-морась. Нюрьхкяняста тянь колга минь азксоньке.
…Велень ингольдень школать малас сайхть и сайхть ломатть. Тяса касы келунятнень алу, эшкскяти пуромсть однек-сиренек. Аф кржась эздост састь Саранскяйста, Нижняй Новгородста, Москуста, лия ичкоздень вастста. Синь седикс-ваймокс корхнесть, шутендакшнесть эсь землякснон мархта. Вдь ламотне фкя-фкянь содайхть шабакс пингстокиге и кунара ни ашесть няенде, и тяни ётафнезь лажадомаснон. Сельмованф салсесть мокшень стирьхнень и од аванятнень лангса национальнай щапне. Синь пиндолдсть-вандолдсть. Нинге пяк кеняртьфтезень велеряйхнень ся, што тячи Саргав концерт мархта надияфтсь самс сонць(!) Сире Теризморгань народнай хорсь.
Саргаряйхне учсть аф стак. 12 частста 30 минутаста, кода и надияфнесть, Сире Теризморгань самодеятельнай артисттне лиссть инголест.
Ушедови моронь праздниксь. Кайги седиень токай мокшень мора. Сонь аделамдонза меле перьфпяльсь ваясь кядень цяпаматненди.
Хорть инголи лиси Сире Теризморгань мокшень национальнай центрать азоравац, Мордовиянь культурань Заслуженнай работниксь Н.М.Кадерова. Сон седи ваксста поздравляндазень пуромфнень Тройцянь праздникть мархта, арьсесь теест кеме шумбраши и паваз. Сяльде нюрьхкяняста пачфтсь-азондсь эсь этнографическяй коллективснон—велень народнай хорснон колга. Кле, сон—хорсь—мокшэрзянь культурасонк валда тяштеня. И тя афкукс тяфта. А эсь ширденк нинге прибавасаськ, тя коллективть пуроптомаса, касфтомаса пяк оцю заслугац сонцень Нина Михайловнань. Улемок хорти вятикс, сон семботь тиендезе сянкса, штоба коллективсь кизоста кизос арсель коль сяда и сяда содавикс и кельговикс. Народнай хорсь ламоксть лисендсь сяськихнень ёткс республиканскяй, межзональнай, а стане жа всероссийскяй и нльне международнай фестивальхнень эса. Сон каннесы Мордовия Республикань Государственнай премиянь лауреатонь лемть. Тияк пара мяльса азсаськ, ня шитнень Россиянь Президентть В.В.Путинонь Указонц коряс Н.М.Кадеровати национальнай культурать виияфтоманцты пяк оцю путксонь путоманкса максф Российскяй Федерациянь культурань Заслуженнай работниконь лем, мезть мархта сонь седи ваксста поздравляндасаськ.
И тага морот. Самодеятельнай артисттне кельгозь морайхть шачема крайть, сонь паксянзон и вирензон, ляензон и луганзон мазышиснон, кельгомать, тевонь кельги и тевонь содай ломаненьконь колга.
Сяльде вал максови «Мокшень правда» газетать Главнай редакторонцты И.С.Лушкинонди, кона шачемас коре тястоконь. Сон васендакиге лямбе валхт азсь инжихненди—Сире Теризморгань хоронь участникненди сянкса, што синь праздниконь шиня мусть пинге самс Саргав, кеняртьфтемс велеряйхнень эсь искусстваснон мархта. Тяда меле кармась корхтама-азондома эсь велеснон и велеряйснон колга.
—Сарга велесь аф оцю, но сон мокшэрзянь крайсонк лац содаф, колганза моли пара слава,—мярьгсь Иван Степанович.—И тя сяс, мес тяса шачсь-кассь лама талантливай, пси седи, тевонь кельги ломаньда, конат тиезь и тиендьсазь эсь велеснон коль сяда содафокс и кельговиксокс.
Сон оцю мяльса лятфтазень Алексей Степанович Чалдаевонь и Иван Петрович Алямкинонь лемснон. Кафцьке синь занцесть служебнай оцю должностть, тисть лама пара тев республиканьконди, кадсть эсь колгаст аньцек цебярь лятфнемат. Алексей Степанович лама киза ульсь партиянь Мордовскяй обкомонь секретарькс, Иван Петрович Алямкин—Рузаевскяй горисполкомти председателькс и Мордовскяй АССР-нь Верховнай Советть Президиумса организационнай отделти заведующайкс.
Лятфтазень и Саргань содаф писательхнень Георгий Пьянзинонь и Фёдор Пьянзинонь. Синь пераснон алда лиссь лама талантливай, седиень токай произведения. Шнама валхт азсь и поэтессать Раиса Орловать колга.
Гордостень марязь И.С.Лушкин корхтась эсь ялганц, мокшень содаф ученайть-языковедть, профессорть Н.С.Алямкинонь колга. Кле, Николай Степанович ульсь аф аньцек цебярь ученай, но и пяк цебярь ялга.
Морот, морот… Тя шиня кайгсь эздост лама. Мокшеннеда башка моравсть эрзянь и рузонь морот. Синь сядонга козякофтозь концертнай программать. Ламоц пуромфнень эзда синцьке кармасть морама и кштима.
Марнек концертсь ётась пяк лац, ваныхненди кандсь оцю кенярдема. И тянкса велеряйхне эняльдсть газетаньконь вельде азомс оцю спасиба Сире Теризморгань народнай хоронь участникненди. «Тяфтама васедематне эжнесазь ваймоть»,—мярьгсть синь. Стане жа эряви азомс оцю спасиба ингольдень Сарга велень администрациянь оцюняти, а тяни пенсионеркати Раиса Геннадьевна Лебединати. Тя васендакиге сонь старандаманц вельде тяфта цебярьста, мялень салазь ётафтфоль тя пяк цебярь праздниксь.
 
И.Степанов.

30.06.2016 №24
 
 
 

 
НОВОСТИ

Единороссы Мордовии направили свои предложения для работы на предстоящем Съезде Партии

Обсуждение предложений, направленных на совершенствование основных принципов работы  партии  и повышении ее роли в современном обществе, прошло в ходе  региональной  партийной  дискуссии «Обновление -2018»,   которая состоялась 16 ноября в Саранске. Дискуссия  объединила   четыре  тематических блока,  касающихся обновления партии и создания эффективной политической организации; повышения коммуникаций и  взаимодействия с общественными институтами; технологических подходов в избирательных кампаниях и в межпартийной конкуренции; реальных  дел в решении проблем  конкретных людей  и  развития   всех сфер жизни общества. Итогом  стало пленарное заседание, в ходе которого была обобщена работа дискуссионных площадок  и рассмотрены наиболее интересные предложения, прозвучавшие в ходе обсуждений.  Лучшие из них  направлены   Региональным  отделением   «Единой  России»  в   Центральный исполнительный комитет Партии для обсуждения  во время работы    площадок первого дня Съезда Партии.  В ходе  региональной дискуссии был представлен широкий спектр мнений  по  вопросам, касающимся  сохранения  доверия к партии избирателей и повышения эффективности работы партийных структур.

 

20.11.2018
 
 
 
 
 

УШЕДСЬ «Шумбрат, Мордовия!»—«Vivat, Чемпионат!» ФЕСТИВАЛЬСЬ

25.10.2018  № 42
 
 
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин