Поиск по сайту: 
 

Архив
 октябрь 
 2018 
пн вт ср чт пт сб вс
1234567
891011121314
15161718192021
22232425262728
293031    

 
 

 

Ветеранам о ветеранах

Лезттама сиренятненди марстонь вийса

Октябрь ковть ушетксста синь пуроптозь вийснон, штоба лездомс Саранск ошень пенсионерхненди эрь кодама тевса. Кирдемок мяльса Эряфкшу ломанень ковть, етафтовсь аф кржа мероприятия и акция. Кепотьксонди, васенце октябрсь лувондови Эряфкшу ломанень международнай шикс, сяс аноклавсь «Молоды душой» всероссийскяй акциясь. Сонь мяльса кирдезь, «Мордовскяй республиканскяй од ломанень центрась» ГБУ-нь волонтерскяй движениянь кемокстамань-виияфтомань отделть сотрудникоц Юлия Юдина ульсь трудонь ветеранть Мария Павловна Сизовать ширеса, кона эряй Саранск ошень Октябрьскяй районца. Стирсь лездсь трудонь ветеранти кудъетконь тевса, седикс-ваймокс корхнесь мархтонза, вдь эряфкшу ломаттненди сидеста аф сатни ломанень лямбось, мяльсна, штоба лиятне шарфнельхть теест башка мяль, корхнельхть мархтост тянь-тонань колга.
Нилеце октябрьста «Теплые окна» акциясь етафтовсь Саранск ошень Пролетарскяй районца. Тя шиня вяре азф организациянь доброволецне ульсть аф няи пенсионеркать-инвалидть Любовь Васильевна Котловать ширеса. Од ломаттне штазь вальманзон, аноклазь синь сексеть и тялоть лямбоста етафтомаснонды. Любовь Васильевнань кеподсь мялец аф аньцек максф лезксонкса, но и лангозонза башка мялень шарфтоманкса. Сембе сайхненди пенсионеркась азсь спасиба и арьсесь кеме шумбраши. Оцю мяльса учсыне од ломаттнень сай кизотьке.
Тяка жа шиня добровольческяй движениянь и организациянь од ломаттне примасть участия «Связь поколений» социальнай проектть работаса. Сонь пуроптыец «Мордовскяй республиканскяй Од ломанень центрась» ГБУ-нь волонтерскяй движениянь кемокстамань-виияфтомань отделть начальникоц Динара Рахматулина. Проектть командац якась инжикс Александр Ивановичень и Валентина Осиповна Леонтьефнень семьяс, конат эряйхть Луховкаса. Чайда симомста од ломаттне и эряфкшуфне седикс-ваймокс корхнесть, мирттне-рьвятне азондсть одкс пингснон колга, мезсь полафтсь тяни, мезти лажадсть, мезть мрдафтолезь тяниень пингонь эряфозост и стак тов. Афкукс, тяфтама васедематне кемокснесазь соткснень тяниень и етай пингонь поколениятнень еткса. Ламоти тонафтсазь стирьхнень и цератнень эряфкшуфне, хуш кой-коста тянь аш мяленьке шарьхкодемс.
Ковоньберьф доброволецне тиихть аф кржа пара тев эряфкшуфненди, пенсионерхненди. Но, аф ваномок тянь лангс, мяляфтома, што эряфкшу ломаттненди эряви лезкс аф аньцек сексень фкя ковня, а кизоньберьф. Сяс «Мордовскяй республиканскяй Од ломанень центрась» тернесыне республикань сембе од ломаттнень марса шарфнемс мяль старшай поколениянь представительхненди, вешендемс и сотцемс сятнень, кинди эряви лезкс.
 
Л.РЕЗОВА.

21.10.2016 №
 
 
 

 
НОВОСТИ
 
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

Турчак: В парламенты всех 85 субъектов России внесены законопроекты о сохранении региональных льгот для людей предпенсионного возраста

На сегодняшний день в парламенты всех субъектов Российской Федерации внесены
законопроекты о сохранении региональных льгот для женщин, достигших 55 лет, и для
мужчин 60 лет. Об этом сообщил секретарь Генерального совета «Единой России»
Андрей Турчак.
«На сегодняшний день в парламенты 85 субъектов РФ внесены законопроекты о
сохранении региональных льгот для граждан предпенсионного возраста – женщин 55 лет
и мужчин 60 лет. В 37 регионах законы о сохранении региональных льгот в прежних
возрастных границах уже приняты законодательными собраниями. Из них в 18 субъектах
РФ документы подписаны губернаторами. Еще в трех регионах данные законопроекты
рассмотрены и приняты в первом чтении. В 45 регионах России законопроекты будут
рассмотрены в самое ближайшее время: в большинстве – до конца сентября и в
нескольких – в октябре», – заявил Турчак.
По его словам, сохранение региональных льгот для людей предпенсионного возраста –
один из важнейших вопросов, который поднимался в субъектах РФ при обсуждении
совершенствования пенсионной системы. «Поэтому на совместном заседании
Генерального совета и Совета руководителей фракций мы приняли решение рассмотреть
вопрос о сохранении региональных льгот для людей предпенсионного возраста в
осеннюю сессию. Нашу инициативу в своем обращении поддержал Президент России
Владимир Путин», – напомнил Турчак.
24.09.2018
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин