https://mokshapr.ru
10.06.2022
 |
Архив | |
| апрель | ||||||
|---|---|---|---|---|---|---|
| 2024 | ||||||
| пн | вт | ср | чт | пт | сб | вс |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
 |
|
ЕЛЕНА РОДЬКИНАТЬ ЛЕМОЦ КЕМОСТА СУВАСЬ НАРОДНАЙ ФОЛЬКЛОРТИЭряфонь киц-яноц Елена Илларионовнань ушедсь Старошайговскяй райононь Юрош велеса. Ленась Родькиттнень оцю, фкя-фкянь кельги семьясост ульсь васенце идькс. Стака кизотненди прась Елена Илларионовнань идькс пингоц и одксшиц. Савсь содамс-варжамс теенза войнань и коллективизациянь вачашинь сяпи эряфть. Рана шарьхкодезе Ленась велень стака трудть и кшить оцю питненц. Велеса вдь шиньберьф пильге лангсат, тефне тоса, мярьгат, мзярдовок аф аделавихть: кудпирьфсь, пересь, жувататне. Сембе тевса стирсь тядянцты пара лездыель, да нинге идень ванниель.
Емластокиге Ленать эса няйфоль-шарьхкотьфоль морамань асувоц, кона етась теенза алянц, Илларион Даниловичень эзда. Кемгафтува кизоста сявомок мокшень стирнясь примсесь участия художественнай самодеятельностьса. Тяка пингть эреклась эсонза сермадомань асусь. Няйфсь-кульфсь коль анась пря кагод лангс. Колхозонь эряфсь, шачема-касома уженясь, велень ломаттне—сембось тя мусь васта народнай певицать одкс пингонь моронзон эса. Од вийхть-эрьгат пуроптсь Родькинать творчествац войнада мельдень кизотнень, мзярда сон, од стирсь, лиссь рьвакс Красный Поселок велень церати и етась эряма шабрань вели. Тяса Елена Илларионовна пуроптсь хор, конань репертуаронц оцюшкац ащесь Родькинать эсь серматф моронзон эзда. Вов мезе тяштсь Краснопоселковскяй хорть колга Г.И. Сураев-Королев: «Хорть вятиец и мороснон латцисна Е.И.Родькинась азондсь: кле, тя ульсь 1945 кизоня, сон покодсь колхозса учетчицакс. Колхозонь правленияса мярьгсть кочкамс велень советть веленянзон эзга цебярь вайгяль и морама машты стирьхнень-аватнень и анокламс концерт. Райононь оцюнятне ерасть ся пингонь райцентраса, Мельцаныса, етафтомс кштимань-морамань оцю ила. Тертьфтольхть районцта лия велетнень хорсновок. Краснопоселковскяй хорсь морась ся иласа народнай морот и сиде моронят, конатнень эса рахсезь Гитлеронь и сонь сяськф армиянц. Ваныхнень-кулхцондыхнень пароль мялезост, а хорсь мрдась вели Якстерь знамя мархта…» Е.И.Родькинать вийса пуроптф хорсь курокста арась содавиксокс аф аньцек республикаса, но и эздонза ширеса. Ломаттнень мяльс пяк тушендсь, кода синь морсезь кунардонь моротнень. «Серма партияв», «Конституцияньконь колга», «Ленин—вожденьке» Родькинать моронза арасть ся пингть эсь лацонь гимнакс. Савсь од руководительти васьфтемс и аф кржа стака-сталма мархта. Поселкаса ашель клуб, сяс стирьхненди сашендовсь етафнемс репетицияснон Ахлей шабрань поселкаса. Аф весть Родькинась пуропнезень морсиензон эсь кудсонза. Войнада мельдень кизотнень сиде моронятне мокшэрзянь фольклорса лувондовсть сатомшка од жанракс, конань виияфнемаса оцю путксоц Родькинать. Павазу колхознай эряфть, Ленинонь, партиять, космонафттнень колга сиде моронянзон ульсь кода кулемс ся пингть эрь кудса, эрь семьяса. Ведьгемонце кизотнень Е.И.Родькинась и сонь хороц выступандасть Москуса. Мордовиянь самодеятельнай коллективсь лямбоста примафоль ваныхнень мархта Союзонь Кудонь Колоннай залса, СССР-нь Оцю театрать филиалса и П.И.Чайковскяень лемса концертнай залса. Тяка кизотнень хорсь ульсь концерт мархта шабрань ламоц региоттнень эса. 1960 кизоня Е.И.Родькинати максфоль МАССР-нь культурань Заслуженнай работниконь почетнай лемсь. 1967 кизоня Е.И.Родькинась семьянц мархта ётась эряма Саранск ошень округонь Пушкино вели. Краснопоселковскяй хорть лаца пуроптомс тяса ашезь удала, а сяс Искусствань республиканскяй фестивальса (1970 кизось), кона лемтьфоль В.И.Ленинонь шачемста 100 кизонь топодемати, Родькинась няфтезе семейнай вокальнай ансамбльть, кона сатозе васенце степенень дипломть. Народнай моронь латцись выступандась семьянц—церанц и кафта стирензон мархта. Елена Илларионовнань морамаса оцю асушиц ётась идензонды, уноконзонды. Анатолий цёрац аделазе Саранскяень музыкальнай училищать, морась саксофонца. Викторсь—гитарист. Кельгсазь морамаснон Родькиттнень Валентина и Вера стирьсна. Елена Илларионовнань Лена унокоц аделазе М.Е.Евсевьевонь лемса МГПИ-нь музыкальнай факультетть. Ужяль, народнай моронь латцись рана тусь эряфста, теенза аньцек 56 кизоль. Тя асу мокшавась путсь пяк оцю путкс мокшэрзянь народнай фольклорть виияфтоманцты, козякофтозе сонь лама седиень токай кувака мороса и сиде мороняса. Родькинась пяк кельгозе эсь народонц, сонь культуранц, ульсь афкуксонь мокшень патриотокс. Катк мялямсь колганза кармай ванфтовома фалу. О.ЕВДОКИМОВА. |
|
НОВОСТИ | |
