Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Мокшэрзянь поэзиянь илядьста

ТЯДЯНЬ-АВАНЬ ВАЛСЬ ВАЛДОПТЫ И ЭЖДИ!
23 мартста Саранскяйса Мокшэрзянь национальнай драматическяй театраса ульсь «Тядянь-авань вал» лем ала мокшэрзянь поэзиянь илядь, конань ётафтозе «Российскяй Федерациянь Финно-угрань народонь Ассоциациясь» Всероссийскяй общественнай движениясь. Театрав пуромкшнесть мокшень и эрзянь содаф и од поэттне, поэзиянь кельгихне, сембе сят, конат аф ащихть озадонь седихть национальнайть ванфтоманцты.
Сувамста кайгсть мокшэрзянь морот, работасть национальнай книгань, сувениронь выставкат. Кой-кит наряжафтольхть мокшень и эрзянь щамса. Кулевсть шнама валхт поэзиянь илядть аноклаензон лемс, няевсь, што сембе састь афкуксонь праздникс.
Ушедозе пуромксть Г.И.Сураев-Королёвонь лемса «Келу» фольклорнай ансамбльсь «Вирь чиресэ» эрзянь народнай мороса. Сяльде сценати лиссть поэзиянь илядень вятихне—«Мокша» журналть главнай редактороц В.М.Лобанов и «Сятко» журналть поэзиянь отделонц редактороц А.С.Подгорнова. Азомок пара валхт залса пуромфненди, синь оцю мяльса морафтозь эсь стихотворенияснон. Меле Виктор Михайлович корхтась поэзиять: мезе сон максси ломанти, ваймонцты, а стане жа—родной кяльть ванфтоманц, сяда сидеста тевс ноляманц колга.
Сценати тертьфоль Россиянь Писателень союзонь членць Р.С.Кемайкина (Маризь Кемаль), кона салазень ломаттнень мяльснон тундать колга эрзянь кяльса тяштьф стихонзон мархта.
Поэзиянь илядьс Краснослободскяй райононь Зайця велеста сашендсь стихонь сёрмады мокшалясь, Россиянь Писателень союзонь членць Н.П.Циликин. Сон морафтозень кода ингольдень кизотнень тяштьф, стане и мекольце стихонзон.
«Панжи, панжи лайме порась».  Улема,  аш  стама  мокшэрзя, кона афолезе сода поэтть И.М.Девинонь валонзон лангс и композиторть Н.В.Кошелевать музыканц коряс арьсеф тя мороть. В.М.Лобанов пачфтезе, кода сон эвондась, а «Келу» фольклорнай ансамбльсь моразе.
«Чилисема» идень и од ломанень журналть главнай редактороц, Мордовия Республикань Заслуженнай поэтсь Н.И. Ишуткин корхтамстонза башка мяль шарфтсь велети, тостонь эряфти. «Федул-атя» стихотворенияцка лемтьфоль тянди и пяк тусь пуромфнень мяльс.
Шачема ширеть—Старошайговскяй райононь Сарга мокшень велеть, идькс пингонц колга лятфнеманзон поэзиясонза пяк крхкаста пачфтезень Россиянь Писателень союзонь членць, Мордовия Республикань Заслуженнай поэтсь Р.К.Орлова. Рая Орлова щафоль-каряфоль мокшавакс, мезсь нинге сядовок няфтезе минценнети кельгоманц.
Россиянь Писателень союзонь членць, газетаньконь старшай корреспондентоц В.И. Нестеров лувозень Россияти, теенза кельгомати, вандыень павазу шити лемтьф стихотворениянзон. Синь кулхцонтфтольхть кашт аф молезь, а сяльде кулевсть кядень кайги цяпамат.
Кядень цяпамат кулевсть сценати эрь лисендити, тяконь лувксса и Саранск ошень 2№ средняй общеобразовательнай школань 3 класса тонафнити Вера Храмовати. Стирнясь морафтозе «Сяваня» стихонц мокшень кяльса.
Вал максфоль «Якстерь тяштеня» идень и од ломанень журналть главнай редакторонцты В.И.Брындинати. Вера Ивановна кунара тяшти стихт, поэзиясонза сатомшка мяль шарфни тядяти. Тянивок инь мала ломаненцты лемтьф строчканза кайгсть сценаста.
Тя илядня стихотворенияснон лувозь Мордовия Республикань Оцюнять Од авторхненди литературнай премиянц лауреатонза, мокшень стирьхне М.В.Аникина, М.Ф.Агеева,  а стане жа—эрзянь кяльса стихонь од тяштись, немецонь кяльста стихонь ётафтысь, М.Е.Евсевьевонь лемса  МГПИ-нь студенткась Ю.Демяшкина, эрзянь кялень тонафтысь М.Слугина, Н.П.Огарёвонь лемса Мордовскяй госуниверситетонь филологическяй факультетонь студенткась Т.Шлабина, ламотне лиятне.
Цебярь казнекс арась  мокшэрзянь кунардонь моронь «Морама» ансамбльть выступлениянза.
Сяльде сценати тертьфоль Саранск ошень округонь оцюнясь, «Российскяй Федерациянь финно-угрань народонь Ассоциациясь» Всероссийскяй общественнай движениять председателец П.Н.Тултаев. Пётр Николаевич сединек-ваймонек пичеди мокшетнень, эрзятнень и марнек Россиянь финно-угрань нароттнень кяльснон, койснон ванфтомаснон-виияфтомаснон, вандыень шиснон инкса. Сонь ушетксонц коряс арьсефоль поэзиянь тя илядсь и пуроптфтольхть марс тядянь кяльса сёрмадыхне, национальнайть кельгиенза.
—Сидеста уленди стане, што сембе ся цебярть, кона вакссонк, эсонк, аф няендьсаськ. Тядянь-авань валсь, кона тячи марявсь тяса, и эжди, и максы эрьгя. Мзярда арьсеськ тя тевть, саме мяльс—катк мокшетне и эрзятне аф аньцек корхтайхть эсь кяльсост, но и нолясазь тевс поэтонь валть. Тинць кулесть, кодама сон «танцти», лямбе, «ляпе» и  конашкава таколфты. Мокшэрзянь поэзиясь козядонга козя, тянь няфнема и маряма. Тейне-арам, тяфтама иляттне ётафнемат сяда тов,—мярьгсь П.Н.Тултаев.
Пуромксть вятемста В.М.Лобанов азсь мяль: анокламс илядь, конань пингста кайгольхть мокшень и эрзянь поэттнень стихснон лангс ладяф моротне. П.Н.Тултаев кирдезе ширенц, мярьгомок, што кой-кона моротне кунара арасть афкукс народнайкс. Кой-коста ломанць аф содасы, кит арьсезь музыкать и валхнень, а морось сембе пингс сувась седизонза. Тя ламонь колга корхтай.
Тяфтама васедемат кармайхть етафневома колма ковти весть—кизоти нилексть. Тя лезды ванфтомс шачема-касома кяленьконь, тядянь-авань валоньконь, культураньконь иденьконди и уноконьконди.
Мокшэрзянь поэзиянь илядень участникнень стихотворенияснон арьсевихть нолдамс башка сборникс, конань васенце пяльксоц максови мокшень, омбоцесь—эрзянь кяльса.
Т.АЛЬШИНА.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022