Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Мордовиянь Народнай поэтть И.М.Девинонь 95 кизонь топодеманцты

Лемозонза касфтомс келунал
Тага меки садса
панжи лаймось,
Ноляй велеть келес
медень таньф.
Шачем шири терди
тага ваймось,
Школань пирьфи
иттне панезь паньфт.
Девин атя терди
сельмованфса,
Эсь иланцты кочкай
 сазорхт-братт!
Кочкавсть ломатть
тяза мокшень щамса,
Аш ков пильгце
шятямс, ялгай, ватт!
Киге аф юкстасы эсь
земляконц.
Ваны атясь школань
иттнень лангс.
Панжи лаймоть алу
стяфтозь стягонц,
Ванфоц ляпе, эжди
эсонк фланкс.
Кельгозе писательсь
 шачем веленц.
Сашендсь тяза
Тройцяс и Кузьмас.
Пелендсь, мес
юмафтсазь мокшень кяленц.
Аф весть сашендсь
школав и илас.
Сяс минь тячи
пуромоме тяза,
Штоба азомс мокшень
ару вал.
Иттнень стихснон
 питни казнекс каземс
Лемозонза касфтомс
келунал.
С.А.ВИДЯСОВА,
Сире Теризморга велень школань директорсь.
 
«И.М.Девинонь панжи лайме порань уженяц»
Тядде МАССР-нь Народнай, Заслуженнай поэтть, прозаикть Илья Максимович Девинонь юбилеец—топоди 95 киза шачема шистонза. Поэтть шачема велеса Сире Теризморгаса, тостонь школаса, тя оцю юбилейть мяльса кирдезь, ётафтовсь «И.М.Девинонь панжи лайме порань уженяц» лем ала лятфнемань ила.
Илья Максимовичень поэзияц—тя седи ваксстонь корхнема инь мала и кельгови ялгацень, шачема крайть, родной масторть, перьфпяльть мархта, седиень панжема и ваймонь козякофнема, эряфть кинзон ункснемасна и пингть аськолксонзон марямасна. И.М.Девинонь валоц тундань васенце шудерькскять лаца, кона аф каштордозь ловонь ацамть алга валом-валом карай эстеенза ки воляти, кели лаймотненди. Тя валоц ару кожф лаца эслек сувай ваймозт и эжттянза. Тяфта кельгови сонь поэзияц лувихненди.
Школаса тонафнихне и тонафтыхне путсть панчфт Илья Максимовичень бюстонцты, кулхцондозь литературно-музыкальнай композициять, конань пингста лятфнезь сонь эряфонь и творческяй кинц.
Литературно-музыкальнай композициять панжезе велень школань тонафтысь, Мордовия Республикань Заслуженнай учительсь Нина Николаевна Чернова. Сон азондсь Илья Максимовичень эряфонц колга.
Илья Максимович козякофтозе мокшэрзянь литературать поэзиянь и прозань книганзон мархта. Инь оцю сатфкссь тя ширеса—«Нардише» романць, кона лиссь рузонь и мокшень кяльса.
Сире Теризморга велень школаса оцю мяль шарфневи Илья Максимовичень творчестванцты. Тя няевсь сянь эзда, кода седиень токазь морафтозь иттне поэтть стихонзон. Кайгсть стихонзон лангс морот, няфтьфтольхть сценкат.
Илья Максимович кельгозень мокшень кунардонь моротнень. Сире Теризморгаса фалу пяк кельгсазь и морсесазь мороньконь. Морама машты велеряенза бта кошардозь поэтть тяштемс седи ваксстонь валрисьмот колгаст. И морсевсь моронзон эса масторлангонь мазышись, перьфкат якай ломаттне. Поэтть землячкац, композиторсь Нина Васильевна Кошелева тяштсь музыка И.М.Девинонь «Панжи лайме порась» стихонцты. Тянивок кайгсь морось, конань моразь иттне. Писательсь пяк кеняртькшнесь шабань морамати, таколдсь мокшень козя койхнень-обуцятнень ванфтомаснон инкса.
Музыкати идень тонафтысь З.В.Шеянова мокшень кяльть колга тяштсь стих и ладясь музыка. Пароль кулхцондомс мокшень мороть, конань моразь сонць сёрмадысь и рузонь кялень и литературань тонафтысь А.М.Шестакова. Морось ладяф поэтть лемс. Зинаида Владимировна лямбе валса корхтась мокшень кяльть колга и эняльдсь иттнень ванфтомс сонь, кода тянь тиендезе земляконьке И.М.Девин.
Иттне оцю мяльса кулхцондозь 10-це классонь тонафнить Кристина Качановать выступлениянц. Сон няфтезень И.М.Девинонь лемса школань уженяста поэтть рукописензон, частонзон, сёрманзон, книганзон.
Пуромфнень мяльснон кеподезь пеедемань и сингорямань сценкатне «Нумолов Михалунь» цикласта. Синь налхкозь иттне. Илья Максимович пяк кельгозе пеетькшнеманц. Школань директорть С.А.Видясовать валонзон коряс, тяфтама илатне эрявихть иттненди, штоба синь содалезь эсь землякснон творчестванц, маряльхть гордость инксонза, сявольхть эздонза пример.
Кой-кит корхнихть: кда саволь оду эрямс эряфозе, мезевок афолень полафта, тиелень станяк, кода ульсь. Илья Девинонь мяленза лиятольхть: «Кда саволь тяфта тиемс, петелине сембе эльбятьксонень, конатнень ноляйне, сяда лама кадолень касыкс седити». Эряфти кельгомать, ломанти паронь арьсемать колга морафоль сиде мороняса, конатнень цёрашабатне моразь оцю мяльса.
Нина Николаевна Чернова пачфтсь сянь колга, кода И.М. Девин васенцеда ушедсь тяштема, кода васенцеда лиссь тяштьфоц.
Земляконьке кадсь эсь мельганза оцю козяши—книганзон. Лувить кеняртьфнесы И.М.Девинонь творчествац. А творчествац тонафты ялгаксшить ванфтома, фкя-фкянь кельгома, паронь арьсема. Лятфнематне поэтть колга фалу кармайхть эряма велеряензон седиса.
Л.А.СОКОРОВА,
мокшень кялень тонафты.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022