Поиск по сайту: 
 

Архив
 октябрь 
 2018 
пн вт ср чт пт сб вс
1234567
891011121314
15161718192021
22232425262728
293031    

 
 

 

События

КУРГОНЯ» НАЦИОНАЛЬНАЙ КУЛЬТУРАНЬ ФЕСТИВАЛЬСЬ—ЯЛГАКСШИНЬ, МАРСТОНЬШИНЬ СОТКСОНЬ КЕМОКСТАЙ ПРАЗДНИК

Оцю сценаста кулевсть тердемат, весяла морот, праздниконь программась. Моронь и хореографическяй казнеснон казендезь Мордовиянь и Приволжскяй федеральнай округонь лия региононь фольклорнай коллектифне, башка морайхне. Сембе содафневсть рузонь, мокшэрзянь, татаронь нароттнень культураснон, эряфснон-ащефснон, койснон-обуцяснон, ярхцамбяльснон, симомбяльснон мархта. 
Тяддень фестивальса васенцеда тевс нолдафоль сонь валютац—КурБоттне. Лемсна тифоль кургоня  и боны (1905 кизоня Рузаевскяй республикаса ульсть  ярмаконь тяфтама знакт) валхнень эзда. КурБоттнень макссезь пялькстоматнень, викторинатнень, налхкоматнень эса сяськихненди, етафтомс синь ульсь кода пяк оцю кургоняста пакшень рамамс.
Маладсь торжественнайста панжема пингоц. Седиста моли лямбе валхт азфтольхть Удмуртияста, Ульяновскяй, Самарскяй, Нижегородскяй областтнень эзда участникнень, Мордовиянь Ельниковскяй, Ковылкинскяй, Дубёнскяй, Кочкуровскяй, Атяшевскяй, Рузаевскяй и лия райононь, Саранск ошень округонь творческяй коллектифнень лемс.
Сценати тертьфтольхть Мордовия Республикань Оцюнять Администрациянц Руководителец Н.С.Крутов, Мордовия Республикань Правительствать Председателенц заместителец—Мордовия Республикань промышленностень, наукань и од технологиянь министрсь А.И.Седов, Мордовия Республикань Государственнай Собраниять Председателенц заместителец И.М.Москаев, Мордовия Республикань Государственнай Собраниянь депутатсь Н.Б.Амбаев, Российскяй Федерациянь Президентть видеса Мордовия Республикать Полномочнай представителенц заместителец И.В.Билава, Саранск ошень округонь оцюнясь П.Н.Тултаев, Мордовскяй (мокшень и эрзянь) народть Межрегиональнай общественнай организациянц председателец Ю.А.Мишанин,  Рузаевскяй муниципальнай райононь оцюнясь В.Ю.Кормилицын, официльнай лия ломатть, инжихть.
Мордовия Республикань Оцюнять Администрациянц Руководителец Н.С.Крутов азсь приветствиянь валхт Мордовия Республикань Оцюнять аф оцю пингс тевонзон тиендиснон В.Д.Волковонь лемста.
—Нинге весть инжиень примай и васьфти Рузаевскяй районць пуроптозень тяса ся фестивалень участникнень, конатнень содасазь ни пяк ламотне. Республикань эряйхне кельгсазь сонь национальнай колоритонц, мудрайшинц и весяла ширенц инкса, конат аф кадондсазь киньге озадонь седихть ащема. Тячиень фестивальть ули нинге фкя эсь лацонь ширец—тя шиня отмечави Рузаевскяй районть шиц и азорхне, кода фалу, седи ваксста примасазь фестивалень инжихнень и участникнень,—мярьгсь Николай Сергеевич.
Сон поздравляндазень сембонь Преображение Господне и Марень Спас праздникнень мархта, конатнень православнай ломаттне отмечсесазь 19 августста.
Поздравляндамань валхт ульсть Мордовия Республикань Государственнай Собраниять Председателенц заместителенц И.М.Москаевонь, Саранск ошень округонь оцюнять П.Н.Тултаевонь, Мордовскяй (мокшень и эрзянь) народть Межрегиональнай общественнай организациянц председателенц Ю.А.Мишанинонь, Рузаевскяй муниципальнай райононь оцюнять В.Ю. Кормилицынонь, лия региононь инжихнень эзда. 
Азфтольхть и казьфтольхть «Рузаевскяй муниципальнай райононь сембода благоустроеннай велень поселениясь» конкурсса сяськихне.
Сяльде почетнай инжихне панжезь «Кургоня»  национальнай культурань III межрегиональнай фестивальть.
Шить омбоце пялестонза ульсь фестивальнай праздничнай концерт. Фкя-фкянь мельге сценати лисендсть творческяй коллектифне, ськамост морайхне. Кулевсть рузонь, мокшень, эрзянь, татаронь морот. Самодеятельнай исполнительхне щафтольхть-каряфтольхть национальнай щамса. Ширеса ашесть аще ваныхневок: лисендсть сценать малас кштима, моронь морама.
Ламотне праздникс састь семьянь келеса, ялгаснон, содафснон мархта. Ся, што «Кургонясь» ётась Саранскяйть и Рузаевкать ёткса ащи велеса, тусь сембонь мяльс. Железнодорожникнень ошстост Приреченскяй велень поселениянь Левженскяй вели пцтай пялевес якась «Усктама «Кургоняти» лем ала автобусонь маршрут. Саранскяйстовок пачкодемс аф стакаль. Сяка шиня, нинге фестивальть пингста, интернетса эвондасть фотографият и мяльхть-арьсемат тя праздникть колга. Шнафоль Рузаевскяй районць, коса тифоль ушеткс «Кургоняти» и коса тядде сон ётафтовсь колмоцеда.
Илять ульсь этнодискотека.
Т.АЛЬШИНА.

25.08.2017 №
 
 
 

 
НОВОСТИ
 
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

Турчак: В парламенты всех 85 субъектов России внесены законопроекты о сохранении региональных льгот для людей предпенсионного возраста

На сегодняшний день в парламенты всех субъектов Российской Федерации внесены
законопроекты о сохранении региональных льгот для женщин, достигших 55 лет, и для
мужчин 60 лет. Об этом сообщил секретарь Генерального совета «Единой России»
Андрей Турчак.
«На сегодняшний день в парламенты 85 субъектов РФ внесены законопроекты о
сохранении региональных льгот для граждан предпенсионного возраста – женщин 55 лет
и мужчин 60 лет. В 37 регионах законы о сохранении региональных льгот в прежних
возрастных границах уже приняты законодательными собраниями. Из них в 18 субъектах
РФ документы подписаны губернаторами. Еще в трех регионах данные законопроекты
рассмотрены и приняты в первом чтении. В 45 регионах России законопроекты будут
рассмотрены в самое ближайшее время: в большинстве – до конца сентября и в
нескольких – в октябре», – заявил Турчак.
По его словам, сохранение региональных льгот для людей предпенсионного возраста –
один из важнейших вопросов, который поднимался в субъектах РФ при обсуждении
совершенствования пенсионной системы. «Поэтому на совместном заседании
Генерального совета и Совета руководителей фракций мы приняли решение рассмотреть
вопрос о сохранении региональных льгот для людей предпенсионного возраста в
осеннюю сессию. Нашу инициативу в своем обращении поддержал Президент России
Владимир Путин», – напомнил Турчак.
24.09.2018
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин