Поиск по сайту: 
 

Архив
 октябрь 
 2018 
пн вт ср чт пт сб вс
1234567
891011121314
15161718192021
22232425262728
293031    

 
 

 

События

ВОЛГА ЛЯЙТЬ ТРВАСА ЛЯМБЕ ВАСЕДЕМАТНЕ

Экспедициянь делегацияса ульсь 70 ломань. Нят—Мордовиянь государственнай и общественнай деятельхть, аф коммерческяй организациянь представительхть, национальнай конкурсса и олимпиадаса сяськихть, национальнай коллектифт и артистт, Мордовиянь и Россиянь лия региононь образованиянь, наукань, культурань и массовай информациянь органонь представительхть, Россиянь финно-угорскяй народонь VI съездонь делегатт.
Этнокультурнай экспедициясь ушедозе эсь работанц 14 августста Самараса, коса   делегациясь васедсь Самарскяй областень государственнай властень и общественнай организациянь представительхнень мархта.
Тяда меле синь марса ётафтсть торжественнай мероприятиять, кона лемтьфоль Международнай форумть работанц ушедоманцты. Тя няевикс тевть мархта Мордовия Республикань Оцюнять аф оцю пингс тевонзон тиендиснон В.Д.Волковонь лемста пуромфнень поздравляндазень Мордовия Республикань культурань и национальнай политикань министрть васенце заместителец А.И.Карьгин. Самарскяй областень Губернаторть Н.И.Меркушкинонь лемста экспедициянь делегацияти приветствиянь валхт азсь тя областень культурань министрть заместителец И.Е.Калягина.
18 августти тяфта жа рабочай васедемат етафтфтольхть Татарстан Республикань, Чувашскяй Республикань, Нижегородскяй областень государственнай властень и общественнай организациянь представительхнень мархта. Пингстост арьсефоль, кода ладямс сяда эрьгав диалог государственнай властень оргаттнень и общественнай организациятнень ёткса межнациональнай и межрелигиознай кизефкснень пяшкодемста, российскяй нациянь нароттнень ёткса духовнай марстоньшить кемокстамста, синь национальнай культураснон, койснон-обуцяснон ванфтомста и виияфтомста.
Эряви азомс: международнай экспедициясь эсь работанц пингста етафтсь аф кржа пяк цебярь, мялень салай мероприятия.
Нят—«Лама национальностень Поволжье» изобразительнай искусствань экспозициясь», «Геройть лемоц вестевок аф кулы!» фотоматериалонь и архивнай документонь выставкась, кона лемтьф Советскяй Союзонь Геройть, Мордовия Республикань и Казань ошень Почётнай гражданинть М.П.Девятаевонь шачема шиста 100 кизонь топодемати; «М.П.Девятаевонь эряфоц и подвигоц кода российскяй патриотизмань и гражданскяй ответственностень пример» лем ала Мялямонь илядсь, Геройть калмонц лангс панчфонь путомась и «Ялгаксшинь кярьмаз» национальнай культурань фестивальсь.
Ёткозост тяфта жа сувайхть «Гражданскяй марстоньшись и патриотизмась—Россиянь нароттнень мяльсна-кочкамасна», «Г.Я.Меркушкинонь духовнай наследиянц ролец Мордовиять тя пингонь эряфса», «Российскяй Федерациянь государственнай культурнай политикань Стратегиясь кода Российскяй лама национальностень государствать национальнай безопасностенц нежец» лем ала «круглай шратне»; «Межэтническяй тя пингонь журналистикать тячиень кизефксонза» семинарсь-тренингсь, «Россиянь финно-угорскяй нароттне: гражданскяй марстоньшись и этнокультурнай ламашись» дискуссиянь площадкась, «Культурась—национальнай инь эрявикс приоритетсь» симпозиумсь, «Узедомста ворьгодемась» кинофильмать, кона лемтьф М.П.Девятаевонь шачема шиста 100 кизонь топодемати, презентацияц, Россиянь и Мордовиянь Народнай артисткать А.Н.Куликовать «Мон кельгса эсь Россиязень» концертоц и «Волгась—ялгаксшинь ляй. Волжскяй нароттнень культураснон диалогсна» Международнай XVI этнокультурнай экспедициять-фестивальть итогонзон ваномасна» дискуссионнай площадкась.
Тёкшекс экспедициять ялгаксшинь и патриотизмань идеологиянцты арась «Российскяй Федерациянь государственнай культурнай политикань Стратегиясь кода Российскяй лама национальностень государствать национальнай безопасностенц нежец» «круглай шрась». Сонь 17 августста, мзярда Международнай экспедициясь работась Казаньца, ётафтозе Мордовия Республикань культурань и национальнай политикань министрсь А.М.Чушкин. Самай тяса нинге весть лац-ряц ванфтольхть экспедициянь сембе инь няевикс кизефксне. Кода мярьгсь А.М.Чушкин: «Россиянь государственнай культурнай политикань Стратегиять вешфксонзон коряс вяти эсь тевонзон эса Мордовия Республикань Культурань и национальнай политикань министерствась республикань и странань лия региононь общественнай организациятнень, культурань и искусствань деятельхнень, поэттнень, писательхнень и журналисттнень лезксснон вельде. И минь марстонь вийса кемокстатама сембе ширдень соткснень эса российскяй нациянь нароттнень ёткса и виияфттама Российскяй государствать эса. Сембонди тянкса азан оцюдонга оцю сюкпря!»
18 августста Самараса, Международнай экспедициять мекольце рабочай шистонза, делегациясь ванозень эсь работанц итогонзон и макссь теест цебярь оценка.
 
В.НЕСТЕРОВ.

25.08.2017 №
 
 
 

 
НОВОСТИ
 
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

Турчак: В парламенты всех 85 субъектов России внесены законопроекты о сохранении региональных льгот для людей предпенсионного возраста

На сегодняшний день в парламенты всех субъектов Российской Федерации внесены
законопроекты о сохранении региональных льгот для женщин, достигших 55 лет, и для
мужчин 60 лет. Об этом сообщил секретарь Генерального совета «Единой России»
Андрей Турчак.
«На сегодняшний день в парламенты 85 субъектов РФ внесены законопроекты о
сохранении региональных льгот для граждан предпенсионного возраста – женщин 55 лет
и мужчин 60 лет. В 37 регионах законы о сохранении региональных льгот в прежних
возрастных границах уже приняты законодательными собраниями. Из них в 18 субъектах
РФ документы подписаны губернаторами. Еще в трех регионах данные законопроекты
рассмотрены и приняты в первом чтении. В 45 регионах России законопроекты будут
рассмотрены в самое ближайшее время: в большинстве – до конца сентября и в
нескольких – в октябре», – заявил Турчак.
По его словам, сохранение региональных льгот для людей предпенсионного возраста –
один из важнейших вопросов, который поднимался в субъектах РФ при обсуждении
совершенствования пенсионной системы. «Поэтому на совместном заседании
Генерального совета и Совета руководителей фракций мы приняли решение рассмотреть
вопрос о сохранении региональных льгот для людей предпенсионного возраста в
осеннюю сессию. Нашу инициативу в своем обращении поддержал Президент России
Владимир Путин», – напомнил Турчак.
24.09.2018
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин