Поиск по сайту: 
 

Архив
 октябрь 
 2018 
пн вт ср чт пт сб вс
1234567
891011121314
15161718192021
22232425262728
293031    

 
 

 

События

«МАРСТОНЬ ВИЙСА—ОД САТФКСНЕНДИ»,—мярьгсь В.Д.Волков Мордовия Республикань Оцюнянь вастти араманц коряс торжественнай церемонияса

Вяре азф торжественнай церемонияти сашендсть оцю инжихть: Российскяй Федерациянь Президентть Приволжскяй федеральнай округса Полномочнай представителенц заместителец А.П.Сухов, Российскяй Федерациянь Федеральнай Собраниянь Федерациянь Советонь члетт, Российскяй Федерациянь Федеральнай Собраниянь Государственнай Думань депутатт, Российскяй Федерациянь субъектонь представительхть—Самарскяй областень Губернаторсь Н.И.Меркушкин, Пензенскяй областень Губернаторсь И.А.Белозерцев, Татарстан Республикань, Чувашия Республикань, Саратовскяй областень делегацият. Тяда башка, залса ульсть российскяй содаф ученайхть, российскяй оцю компаниянь руководительхть, Мордовия Республикань Правительствать Председателец, исполнительнай властень федеральнай оргаттнень территориальнай органцнон руководительсна, Мордовия Республикань Почётнай граждатт.
Торжественнай маршть коряс сувафтфтольхть Российскяй Федерациянь Государственнай флагсь и Мордовия Республикань Государственнай флагсь. Сяльде—Мордовия Республикань Конституциясь и государственнай властень символсь—Мордовия Республикань Оцюнять Знакоц.
Мордовия Республикань Государственнай Собраниять Председателец В.В.Чибиркин азозе, што Мордовия Республикань Оцюнять должностенцты арамати лемтьф Мордовия Республикань Государственнай Собраниять торжественнай заседанияц панчф.
Сценати тертьфоль Мордовия Республикань Центральнай избирательнай комиссиять председателец А.В.Косов. Александр Васильевич пачфтезень Мордовия Республикань Оцюнять кочкаманзон итогонзон. В.Д.Волковонь инкса вайгяльснон максозь 455257 ломань—кочкайхнень 89,19 процентсна. Сон лувф сяськикс вяре азф кочкаматнень эса.
Тяда меле сценати тертьфоль Мордовия Республикань Оцюнясь В.Д.Волков.
Кирдемок мяльса Мордовия Республикань Конституциять 67 статьянц, должностти арамста Мордовия Республикань Оцюнясь азсь народти, Российскяй Федерациянь Конституцияти, Мордовия Республикань Конституцияти вернайкс улемань присяга.
Тяда меле В.Д.Волковонди В.В.Чибиркин максозе государственнай властень символть—Мордовия Республикань Оцюнять Знаконц.
Кайгсть Российскяй Федерациянь Гимнась и Мордовия Республикань Гимнась.
Вал максфоль Российскяй Федерациянь Президентть Приволжскяй федеральнай округса Полномочнай представителенц  заместителенцты   А.П. Суховонди, кона азсь поздравляндамань валхт Полномочнай представительть М.В.Бабичень эзда и эсь лемстонза.
Кода азфоль сяда вяре, тя шиня В.Д.Волковонь поздравляндама сашендсть оцю инжихть. Сценати тернефтольхть Российскяй Федерациянь Федеральнай Собраниянь Государственнай Думань депутатсь В.Б.Кидяев, Самарскяй областень  Губернаторсь  Н.И.Меркушкин, Пензенскяй областень Губернаторсь И.А.Белозерцев, лиятне.
В.Д.Волковонь лемс тя шиня сась лама телеграмма, тяконь лувксса Российскяй Федерациянь Правительствать Председателенц Д.А.Медведевонь, Российскяй Федерациянь Федеральнай Собраниянь Федерациянь Советть Председателенц В.И.Матвиенкоть и ламотнень лиятнень эзда.
Торжественнай церемониять шумордамстонза вал максфоль Мордовия Республикань Оцюняти В.Д.Волковонди. Сон азсь оцю спасиба шабрань региоттнень оцюняснонды кеме сотксонь кирдеманкса, марса работаманкса, пара валхт республикань сембе эряйхненди.
—Марса сяськоме аф кржа сталма, сатоме сатфкст экономикаса и социальнай ширеса. Но созидательнай главнай работась инголе. Аноклаф тянь коряс программа. Республиканьконь сяда тов касомац-вииямац видеста ащи конкурентоспособностеньконь эзда. Тейнек эряфс ётафтома высокотехнологичнай аф кржа проект промышленностьса, строительстваса, велень хозяйстваса. Мордовиять благополучияц—тя эрь ломанть, эрь семьять благосостоянияц,—мярьгсь сон.
Мордовия Республикань Оцюнять В.Д.Волковонь валонзон коряс, сяда тов башка мяль шарфтови кочкайхнень наказснонды.

Т.АЛЬШИНА.

25.09.2017 №
 
 
 

 
НОВОСТИ
 
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

Турчак: В парламенты всех 85 субъектов России внесены законопроекты о сохранении региональных льгот для людей предпенсионного возраста

На сегодняшний день в парламенты всех субъектов Российской Федерации внесены
законопроекты о сохранении региональных льгот для женщин, достигших 55 лет, и для
мужчин 60 лет. Об этом сообщил секретарь Генерального совета «Единой России»
Андрей Турчак.
«На сегодняшний день в парламенты 85 субъектов РФ внесены законопроекты о
сохранении региональных льгот для граждан предпенсионного возраста – женщин 55 лет
и мужчин 60 лет. В 37 регионах законы о сохранении региональных льгот в прежних
возрастных границах уже приняты законодательными собраниями. Из них в 18 субъектах
РФ документы подписаны губернаторами. Еще в трех регионах данные законопроекты
рассмотрены и приняты в первом чтении. В 45 регионах России законопроекты будут
рассмотрены в самое ближайшее время: в большинстве – до конца сентября и в
нескольких – в октябре», – заявил Турчак.
По его словам, сохранение региональных льгот для людей предпенсионного возраста –
один из важнейших вопросов, который поднимался в субъектах РФ при обсуждении
совершенствования пенсионной системы. «Поэтому на совместном заседании
Генерального совета и Совета руководителей фракций мы приняли решение рассмотреть
вопрос о сохранении региональных льгот для людей предпенсионного возраста в
осеннюю сессию. Нашу инициативу в своем обращении поддержал Президент России
Владимир Путин», – напомнил Турчак.
24.09.2018
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин