Поиск по сайту: 
 

Архив
 октябрь 
 2018 
пн вт ср чт пт сб вс
1234567
891011121314
15161718192021
22232425262728
293031    

 
 

 

События

Ули мезенкса кеняртькшнемс!

—Велень хозяйствань покодихне тяддень кизоть аделсесазь оцюдонга-оцю сатфксса, «ветес»!—мярьгсь Владимир Дмитриевич.—Кочкаф 1450 тёжянь тонна сёра. Эрь гектарста сявф 34,5 центнер. Республикать историяса тя инь оцю результатсь, тняра сёра минь нинге мзярдонга ашеме сявонде. Сюкпря сембонди, кие лездсь сатомс тя показательть. Тяни задачась стама, штоба тя сатфксть сай кизоть аф аньцек кемокстамс, но и кочкамс нинге сяда лама сёра. 1500 тёжянь тоннась тейнек вийс коре, тянкса улихть сембе условиятне.
Кода и ётай кизоть, инь оцю урожайностсь Инсарскяй райононь  «Пикаев»  ИП-са, коса эрь гектарста кочкаф 66 центнер сёра. Кой-кона участкатне макссть 120-130 центнеронь. Тя рекордсь мировой. Аф сяда ламода лядсть эздост Рузаевскяй райононь  «Исток»  ООО-нь сёронь касфнихне. Синь эрь гектарста сявсть 62,6 центнер. Ниле районга кочкафт сяда тёжяньда лама тоннань зёрна. Рекордсь Ковылкинскяй райононь сёронь касфнихнень мельге, конат кочкасть 138 тёжянь тонна. Лямбирскяй районца тядде эрь гектарсь макссь  50 центнер сёра.
—Ня цифратнень эшксса—соксемань-витцемань тевса од технологиятнень сувафнемасна, удобрениятнень маштозь тевс нолямасна, машинно-тракторнай паркть од техникаса касфнемац,—сяда тов поладозе республикань Оцюнясь В.Д.Волков.—Но инь главнайсь—тинь кельгсасть эсь тевонтень, кельгсасть модать! Сембось тя, марса сявозь, лезды сатнемс ингольдень кизотнень коряс апак няентть результатт.
Тундань якшапне лама площадь лангса «тапазь» якстеряпсонь лисьфнень. И сембе сяка тя культурась макссь аф кальдяв урожай. Тячиень шити кочкаф 750 тёжянь тонна сахарнай якстеряпс. Ётай кизоть коряс сяда лама аноклаф кормада, эрь траксти 35 центнер кормовой единица.
Цебярь сатфксса аделсесазь кизоть жувата мельге якайхне. Кемонь ковста республикаса эрь траксста потяф 5062 килограмма лофца. Тя 332 килограммада сяда лама ётай кизонь тяка пингть коряс. Марнек кизоть пенцты учсеви получамс пцтай 6000 килограмма лофца эрь траксста. Инь оцю результатт сатнихть Ичалковскяй райононь «Дружба» предприятиянь жувата мельге якайхне. Кизоть пенцты тя хозяйстваса эрь траксста ули потяф кефкие тёжянь килограмма лофца. Тяфтама сатфкст республикаса сатовихть васенцеда. Аф стак примаф решения тя предприятиянь коллективти максомс Мордовия Республикань Государственнай премиянь лауреатонь лем. Тяни хозяйстваса эрь фермань работниксь ковти получси 40-45 тёжянь цалковай. Улихть и стамот, конатнень зарплатасна пачкодсь 50 тёжянти.
Ётай кизоть коряс сяда лама лофца получасть Старошайговскяй, Атяшевскяй, Краснослободскяй, Ичалковскяй, Рузаевскяй райононь жувата мельге якайхне. Кафксть кассь сиволень получамась. Кемонь ковста республикань птицефабрикатнень эса получаф 1 миллиард 61 миллион саразонь ал. Кизоть пенцты тя цифрась нинге касы пцтай 400 миллионда и марнек кармай 1450 миллион ал.
Лац мольфтьсазь эсь тевснон перерабатывающай предприятиянь коллектифне. И кода результат, Москуса ётафтф «Золотая осень» выставкаса Мордовиянь переработкань предприятиятне сявсть 18 зрнянь, 2 сиянь и фкя бронзань медальхть. Оцю оценка продукцияньконди макссь Россиянь Премьерсь Д.А.Медведев. Мокшэрзянь масторса получаф продукциясь  мишендеви  70-да лама странань регионга. Кемоксневихть контрактт, договорхт омба масторонь рынкас лисендематнень квалма.
Кочкуровскяй районца тядде панчф равжа икрань нолямань цех. Сембе продукциясь аноклави эсь вийса касфтф осетровай калхнень эзда. Тя однять эзда учсеви оцю прибыль, сон шнафоль ни, получась оцю оценка «Золотая осень» выставкаса.
Тя илать пингста, кода фалу, ламоц велень хозяйствань и перерабатывающай промышленностень покодихненди максфт питни казнет.
 
Н.ЛОБАНОВ.
Фототне Н.КАРАНОВОНЬ.

20.11.2017 №
 
 
 

 
НОВОСТИ
 
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

Турчак: В парламенты всех 85 субъектов России внесены законопроекты о сохранении региональных льгот для людей предпенсионного возраста

На сегодняшний день в парламенты всех субъектов Российской Федерации внесены
законопроекты о сохранении региональных льгот для женщин, достигших 55 лет, и для
мужчин 60 лет. Об этом сообщил секретарь Генерального совета «Единой России»
Андрей Турчак.
«На сегодняшний день в парламенты 85 субъектов РФ внесены законопроекты о
сохранении региональных льгот для граждан предпенсионного возраста – женщин 55 лет
и мужчин 60 лет. В 37 регионах законы о сохранении региональных льгот в прежних
возрастных границах уже приняты законодательными собраниями. Из них в 18 субъектах
РФ документы подписаны губернаторами. Еще в трех регионах данные законопроекты
рассмотрены и приняты в первом чтении. В 45 регионах России законопроекты будут
рассмотрены в самое ближайшее время: в большинстве – до конца сентября и в
нескольких – в октябре», – заявил Турчак.
По его словам, сохранение региональных льгот для людей предпенсионного возраста –
один из важнейших вопросов, который поднимался в субъектах РФ при обсуждении
совершенствования пенсионной системы. «Поэтому на совместном заседании
Генерального совета и Совета руководителей фракций мы приняли решение рассмотреть
вопрос о сохранении региональных льгот для людей предпенсионного возраста в
осеннюю сессию. Нашу инициативу в своем обращении поддержал Президент России
Владимир Путин», – напомнил Турчак.
24.09.2018
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин