Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Саранскяйса панчф Российскяй армиять лемс странаса васенце проспектсь

Шить васенце пялестонза Победань площадьса путфтольхть панчфт Вечнай огонть малас, а стане жа Мордовиянь воиттнень, конат шавовсть Великай Отечественнай войнань кизотнень, монументснонды и воиттнень-интернационалисттнень памятникснонды. Церемонияса примасть участия М.В.Бабич, Д.В.Булгаков, Мордовиянь Оцюнясь В.Д.Волков, республикань государственнай властень законодательнай и исполнительнай оргаттнень, ветеранскяй организациятнень, од ломанень и общественнай объединениятнень, политическяй партиятнень представительсна, кадеттне, юнармеецне, поисковай отрядонь боецне, Саранскяень эряйхне и инжихне.
Тяда меле торжественнай мероприятиятне поладовсть «Юбилейный» эрямань комплексса, коса панчфоль Российскяй армиянь проспектсь и памятнай стелась.
Кода мярьгсь эсь выступлениясонза М.В.Бабич, Российскяй государствать историяса тя васенце проспектсь, кона азф Российскяй армиять лемс. Тянь мархта, кле, минь няфнесаськ эсь уваженияньконь Вооруженнай виеньконди, синь пара историяснонды. ПФО-са Россиянь Президентть полпредоц азсь кемама сянди, што тяни странань лия региоттневок поладсазь Мордовиять пара ушетксонц.
Республикань Оцюнясь В.Д.Волков азозе, што тяниень пингонь од микрорайонць строяф регионть 2018 кизонь футболть коряс Миронь чемпионатти анокламанц рамкаса, Россиянь Президентть В.В.Путинонь ширень кирдеманц вельде. Сембоц микрорайонца кармай эряма пцтай 30 тежянь семья. Тяса строяфт идень сатт, школа, мишендемань центрат, строяви поликлиника, полициянь отделения, петеви-мазоптови набережнайсь.
Обедта меле Культурань Республиканскяй дворецса ульсь оцю концерт, кона стане жа лемтьфоль Отечествань Героень шити. Пингстонза эсь выступлениянц мархта пуромфнень кеняртьфтезень А.В.Александровонь лемса Российскяй Армиянь Краснай Звездань орденонь, кафксть краснознаменнай Академическяй моронь и кштимань ансамбльсь. Тяда башка, Культурань Республиканскяй дворецть сценанц лангс лисендсть Беларусь Республикаста «СССР» группась, Оренбургскяй областьста «Контингент» группась, Самараста омбоце Гвардейскяй Краснознаменнай общевойсковой армиянь «Волжские казаки» моронь и кштимань государственнай ансамбльсь, Пермскяй кадетскяй корпусонь вокальнай ансамбльсь, Нижегородскяй, Оренбургскяй областень, Татарстан и Мордовия Республикань, Пермскяй краень  артисттне.
Эсь выступлениясонза М.В.Бабич шарфтсь мяль сянди, што Россияса кельгсазь и мяляфтсазь эсь геройснон. Ня ломаттне, конат касфнезь Российскяй империять военнай славанц, сяськсть Великой Отечественнай войнаса, кит пяшкотькшнезь интернациональнай долгснон Афганистанца,  пяшкотькшнесазь боевой задачаснон Сирияса, сят, кит сотцезь космость, тонаткшнезь боевой техникань и вооружениянь тяниень пингонь систематнень, кит касфнесть кши и пачфнесть уголь—сембе сят, кит золотань букваса тяштезь эсь лемснон странать историянцты.
Полпредсь стане жа отмечазе, што лувксс коре аф оцю Мордовиясь касфтсь лама геройда, мезсь корхтай республикань эряйхнень оцю патриотизмаснон колга.
Республикань Оцюнясь лятфтась земляконьконь колга, конат няфтсть оцюдонга оцю подвикт Великай Отечественнай войнань кизотнень. Тюремань паксяса мужествань няфтеманкса Мордовиянь 109 воинти максф Советскяй Союзонь Героень лем, 23 ломанць арасть Славань Орденонь полнай кавалеркс.
РФ-нь оборонань министрть заместителец, Россиянь Геройсь Д.В.Булгаков мярьгсь, што тяниень пингтьке странань Вооруженнай вийхне няфнихть оцю боеспособность, миньцонк ули сембось, штоба араламс Родинаньконь.
Шумордавсть Отечествань Героень шити лемтьф торжественнай мероприятиятне патриотическяй дискотекаса, кона етась Советскяй площадьса, и Россиянь Оборонань министерствать эзда оцю салютса. Оборонань министрть Сергей Шойгунь решениянц коряс Саранскяи сашендсь 449-це отдельнай салютнай дивизионць. Кода отмечазе М.В.Бабич, тя васенце случайсь, мзярда прославленнай войсковой частьсь, кона етафни салютт инь торжественнай илатнень пингста, сась регионц.
 
О.Евдокимова.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022