Поиск по сайту: 
 

Архив
 декабрь 
 2018 
пн вт ср чт пт сб вс
     12
3456789
10111213141516
17181920212223
24252627282930
31      

 
 

 

События

ПАНЧТ И МОРАК, МОКШЭРЗЯНЬ КРАЕНЬКЕ!

Культурань дворецть фойезонза ломаттне кармасть пуромкшнема нинге фкя частта концертта инголе. Синь сашендсть сянкса, штоба аф эряскодозь эсь сельмоса няемс-ваномс маштыень кядьса аноклаф художественнай изделиятнень, а шять, и рамамс эздост мезевок.
Эсь лангозост башка мяль шарфнесть мокшень и эрзянь щапне-каряпне, тонированнай керамическяй посудась, разнай сумканятне, илиста кодаф оцю и ёмла куймонятне и стак тов.
Концертсь явфоль кафта пяльксова. Васенцеть ушетксста вал максфоль республикань Оцюняти В.Д.Волковонди. Кода азозе Владимир Дмитриевич, тя фестивальсь арась оцюдонга оцю и кеняртьфти праздникокс республикань сембе эряйхненди. Сон азсь лямбе валхт фестивалень участникненди. Тияк лятфтазе, што тядде фестивальса примась участия 7 тёжяньда лама ломань, конатнень эзда 40 процентсь—итть.
Шарьхкотьф, ульсть и казнетка. Максфтольхть Мордовия Республикань культурань Заслуженнай работниконь лепт, Мордовия Республикань Почётнай грамотат, республикань Оцюнять лемста благодарностть. Жюрись старандась сувафтомс сембодонга интереснай и эсь лацонь номерхнень, содафтомс народнай творчествань кельгихнень од кштийхнень-морайхнень мархта. И, эряви азомс, тя теенза удалась. Мялень салай, жанрань пяльде козя, сембе ширде лац арьсеф программа няфтсть самодеятельностень артисттне.
Сценаса кайгсть морот рузонь, мокшень, эрзянь, татаронь, украинскяй кяльса. Синь морайсна—сёронь касфнихть, жувата мельге якайхть, учительхть, медикт, школаса тонафнихть и стак тов.
Фкя ваймоса кулхцондозь пуромфне Краснослободскяй райононь Сире Синдру велеста «Мокшаваня» народнай фольклорнай ансамбльть выступлениянц. Сон седиень токазь моразе «Кштий и морай фестивальсь» мороть, конанди музыкать и валхнень сёрмадозень сонць ансамбльть вятиец, Мордовия Республикань культурань Заслуженнай работниксь, мокшавась Анастасия Рябова. Вииста и ламос кядень цяпазь васьфтезь залса ащихне Торбееваста «Васедема» народнай моронь ансамбльть выступлениянц. Ламотнень тушендсть сельмоведьсна, мзярда синь моразь «Баллада о Девятаеве» мороть. Кода фалу, пяк тусь ваныхнень мяльс республикань фкя инь цебярь коллективть—Старошайговскяй райононь Сире Теризморга велень народнай хорть выступленияц. Сон тя мезть моразе «Море» народнай мороть. Улема, ашель залса фкявок ломань, кона озадонь седихть кулхцондолезе Рузаевскяй райононь Левжа мокшень велеста «Морай вайме» семейнай ансамбльть мораманц, конанди вятикс РФ-нь Правительствать Лауреатоц Людмила Канаева.
Эсь лацонза мазоптозе концертнай программать сатирическяй сиде моронянь морайсь, Ковылкинскяй райононь Рыбкина велеста авась Валентина Сурняева.
И тага сценать лангса морот, кштимат, танецт.
А Гала-концертть шумордамда инголе сценав лиссь Мордовия Республикань Правительствать Председателенц заместителец Г.А.Лотванова. Сон азозень специальнай призонь сатыхнень, выставкаса и творчествань няфтемаса сяськихнень лемснон. Тя мезть райоттнень ёткса васенце колма васттне максфтольхть населениять лувксонц мяльс сявозь. Ся райоттнень ёткса, конатнень эса эряй кемонь тёжянти молемс ломань, васенце степенень дипломса казьфтольхть Старошайговскяй муниципальнай районть творческяй коллективонза. Омбоце вастть сатозе Дубенскяй районць, колмоцеть—Кадошкинскяй районць. Коса кемонь тёжяньда лама эряйда, тоса васенце вастть занязе Чамзинскяй муниципальнай районць, омбоце и колмоце васттнень—Лямбирскяй и Инсарскяй райоттне.
И.Степанов.

14.12.2017 №
 
 
 

 
НОВОСТИ
 
 

Единороссы Мордовии направили свои предложения для работы на предстоящем Съезде Партии

Обсуждение предложений, направленных на совершенствование основных принципов работы  партии  и повышении ее роли в современном обществе, прошло в ходе  региональной  партийной  дискуссии «Обновление -2018»,   которая состоялась 16 ноября в Саранске. Дискуссия  объединила   четыре  тематических блока,  касающихся обновления партии и создания эффективной политической организации; повышения коммуникаций и  взаимодействия с общественными институтами; технологических подходов в избирательных кампаниях и в межпартийной конкуренции; реальных  дел в решении проблем  конкретных людей  и  развития   всех сфер жизни общества. Итогом  стало пленарное заседание, в ходе которого была обобщена работа дискуссионных площадок  и рассмотрены наиболее интересные предложения, прозвучавшие в ходе обсуждений.  Лучшие из них  направлены   Региональным  отделением   «Единой  России»  в   Центральный исполнительный комитет Партии для обсуждения  во время работы    площадок первого дня Съезда Партии.  В ходе  региональной дискуссии был представлен широкий спектр мнений  по  вопросам, касающимся  сохранения  доверия к партии избирателей и повышения эффективности работы партийных структур.

 

20.11.2018
 
 
 
 
 

УШЕДСЬ «Шумбрат, Мордовия!»—«Vivat, Чемпионат!» ФЕСТИВАЛЬСЬ

25.10.2018  № 42
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин