Поиск по сайту: 
 

Архив
 август 
 2018 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Наши мокшанские сыновья и дочери

ТВОРЧЕСКЯЙ ТЕВТИ—КОДГЕМОНЬ КИЗА

Шачсь В.Корчеганов 1941 кизонь 9 мартста Садовка велеса. Сединек-ваймонек кельгозе тя уженять ару шудерьксканзон, сянгяря луганзон, кстынь кужензон мархта. Тяса сяшкава кели перьфпяльсь! Сяда киза ванонт—сембось аф ванови.
Тялонь кувака иляттнень, мзярда пянакудонь трубаса сувсь вармась, а эи вальмятненди чакась ловсь, ёмла Володясь крьвяснесь керосиновай лампа и сявондсь кядезонза книга. Васенце кулхцондыкс теенза ульсь тядяц. Несколька минутада меле керосинть аф сатоманц сюнеда лампань толнясь ушеткшнесь кштима, и тядясь корхнесь цёрати: «Ну эрь, Вовик, матт, ванды рана сргозема, кши карман пидема-панема». «Тядяй, а вармазей пидят-панят?»—кизефнезе Вова. «Пидян-панян»,—кулевсь ответ.
Шобдава удомбачк цёрась кулендезе, кода тядясь ушты пянакуд: лазонды шявнят, крьвясни сардонят, нолясыне тевс пешуфтатнень. Эста сон комотнесь лежанкать лангста, шашнесь сяда малати и кулхцондсь, кода ляцендихть пянакудса поювонь пенгятне. Кухнясь валомне пяшкотькшнесь кшинь шиненяда. Ёмланяти цють учсевсь, курок-аф тядяц ушеды шрать лангс путнема кувоня мархта цюкорнят и начфнемост синь ведняса.
Ся пингста сявомок сонь эсонза лядсь вии кельгома кшити. И тяни, мзярда ётасть кизот, теенза васенце тя ярхцамбяльсь—святыня. В.Корчеганов сидеста корхни: «Мзярс ули кши—сембось аф зиян».
Корчеганофнень семьяса кунара эрясь пара кой—пуропнемс марстонь морафнемат. Эрь илядня сембе озсесть тяштемань шрать ваксс и фкя-фкянь мельге кайгиста морафтсть. Сембода сидеста кочксезь Н.В.Гоголень «Тарас Бульба» повестенц. Владимир макссесь оцю питне главнай геройть, конань эзда, бта толда, пельсть вракне, подвигонзонды. Кой-коста арьсесь, што повестсь аф ламода и сонь колганза—тя сон наказасыне кяжи обжайхнень и, видешить мяльса кирдезь, судендасыне синь. Лама киза мельцек Владимир мушендсь «Тарас Бульбаста» эстеенза мала мяльхть-арьсемат.
1948 кизонь 1 сентябрьста В.Корчеганов тусь васенце классу. Тонафнесь тёждяста и цебярьста, а весть арьсезе васенце стихотворениянц, кона эвондась школьнай стенгазетаса.
1957 кизоня декабрьста школаса асу тонафнить инь цебярь стихонза печатлафтольхть «Ленинский путь» ковылкинскяй районнай газетаса («Голос Примокшанья» газетать сире лемоц). Мазыхть, тёждяста морафтовихть, синь эстокиге тусть поэзиянь кельгихнень мяльс. Садовкаста цёранять колга ушедсть корхтама кода ушеды поэтонь квалма, няемок эздонза лирическяй шуроста васьфневи асу.
1964 кизоня В.Н.Корчеганов шумордазе журналистикань Всесоюзнай заочнай высшай лекторийть, а 1970 кизоня—Казанскяй государственнай университетть юридическяй факультетонц. Сяльде комсомольскяй работниколь, а 2006 кизоста сявомок «Родничок» идень газетать главнай редакторонц заместителецоль.
1988 кизоня В.Н.Корчегановонь примазь СССР-нь Писателень союзу, произведениянза сидеста нолявсть «Литературная Россия» газетаса, «Молодая гвардия», «Волга», «Рабоче-крестьянский корреспондент», «На страже» журналхнень эса. А Мордовскяй книжнай издательстваса фкя-фкянь мельге лиссть «Луг-лужок», «Весна», «Погоди, я сам», «Свет негасимый», «Друг мой—солнышко», «Избранные произведения» книганза. В.Н.Корчегановонь эрь книгац пяк лац васьфтьфоль морафтыхнень мархта. Мезьса салсесы мяленьконь тя писательсь, кона нолдась стихонь, азксонь, ёфксонь и повестень кемоньда лама сборник мокшень и рузонь кяльса. Васендакиге од тематнень, аф аньцек тячиень шить, но и ётаф тефнень лангс лия ванфса ваномать мархта. В.Н.Корчегановонь книганза, конат тяштьфт иттненди, макссихть теест лама мезе одня. Синь пяк патриотичнайхть.
В.Н.Корчеганов—МССР-нь культурань Заслуженнай работник, Г.Р.Державинонь лемса АРСИИ-нь академик, «Моя Весна, Моя Победа» фестивалень лауреат, сонь кочказь МР-нь Писателень союзть ветеранскяй организациянцты председателькс. Тяда башка, сон МВД-нь Литературнай премиянь лауреат, казьф «За службу России» орденца.
Ломанень марнек павазонц В.Н.Корчеганов сотнесы модать, сонь эряфонь максы виенц мархта. Сяс седи ваксста кеняртькшни и шить лямбонцты, и пангонь пиземти, и ловти. Произведениязон эса афкукс кулеви крестьянскяй эряфть тотнамац, конань эзда сценатнень сон няфнесыне видеста и мялень салайста.
В.Н.Корчеганов аф лувондсы творческяй тевть, конанди макссь эряфстонза кодгемонь киза, пингть шавос юмафнемакс. Владимир Николаевиченди, сонь валонзон коряс, тяштемась—тя фкя пингть и ваймонь муцсема, и оцю кенярдема. Публикациянзон эса аф кржа седиста моли, ваймонь лямбоса тяштьф вастта. Тянь вийс коре сатомс аньцек ся ломанти, кона пяк кельгсы шачема ширенц. Сяс сон аф юксни ёмла родинанц колга. Аньцек эвондакшни ётка пингоц, сон эстокиге Саранскяйста эряскоды родной Садовказонза. Тядянь-алянь кудсь лядсь Владимир Николаевиченди ся вастокс, коста сон сявонди вийхть пара тевонь тиемс, коса ваймоц эрь мезне пяшкотькшни валда мяльда-арьсемада.
Эрсь, кие няезе В.Н.Корчегановонь тевса, кемоста азсы: сон фалу работай сяшкава лац, тёждяста, бта и аш фталу лятф эряфонь кизот. Но стихонь тяштемаса тяфтама тёждяшись корхтай аньцек фкять—профессионализмать инь сери тёкшенц колга. «Владимир Николаевич бта ноляй аф няеви вийхть, конат андсазь и «пацяяфтсазь» сембонь, кит маласонза»,—мярьгсь Мордовиянь Заслуженнай поэтсь В.А.Ващалкин, эряви азомс, Ковылкинскяй райононь Кочелаево велеса шачфсь.
Кода и инголи, В.Н.Корчеганов лама луви и ужяльдезь ваны ся ломаттнень лангс, кинди аф вийс коре дивандамс лувфти, кинди аш кода эрямс книгань геройхнень эряфса: «Аньцек книгать валдоц вятьсамазь виде киге нльне шобда веня»,—тяфта арьси Владимир Николаевич.
Ломанень эрь эряфса улихть кенярдемат и прябалат. Но кой-коста, конашкава афоль уле стака и каршек ащи судьбась, В.Н.Корчегановонь эрь шиц ушеткшни мезьста бди одста, аф содафста. Сонь эрудицияц, интеллигентнайкс улемац, оржа ёнец ускозь малазонза разнай кизонь и профессиянь ломаттнень. В.Н.Корчегановонь од ялганза тонафнихть эздонза аф аньцек писателень тевти, но и сянди, кода фалу ляткшнемс ломанькс. Сонь лемнесазь коллективонь ваймокс.
В.Н.Корчеганов—пяк вии ломань. Сон сятнень ёткста, кит васенце вастти путнесазь трудендамать. Тя тяфтама ломаттнень колга, кодама Владимир Николаевич, мярьгсь рузонь содаф поэтсь Н.А.Некрасов, што, кда Перьфпяльсь-тядясь афоль кучсе тяфтама ломатть, то юмаль эряфонь видеф паксясь.
Кода инь питни реликвия ванфтса В.Н.Корчегановонь «Штрафной удар» книганц. 1988 кизоня нолдаф книгаса кочкафт идень повестсь и азксне. Сон ламос ульсь Борковскяй начальнай школаса, коса работань. Сонь морафтозь велень школаса тонафнихне, конат тонафнесть тяса.
Ломанць-оптимистсь В.Н.Корчеганов кельгсыне весяла тефнень, пеетькшнематнень. Но и соньге улендихть стака пингонза. Эста кядезонза сявондьсы гитарать и морасы «Акациянь тарадсь эрьхни вальмяти…» валхнень мархта мороть. Тяда меле мялец петеви.
 
Анатолий ДЮКОВ,
Россиянь Писателень союзонь член.
Снимкаса:
В.Н.Корчеганов.

14.12.2017 №
 
 
 

 
НОВОСТИ

В общественных приемных «Единой России» стартовала акция «Собери ребенка в школу»

Традиционная августовская акция «Собери ребенка в школу» стартовала в общественных приемных Председателя «Единой России» Дмитрия Медведева. Цель акции – не только помочь малообеспеченным и многодетным семьям обеспечить детей необходимыми учебниками и вещами, которые могут пригодиться детям в школе, но и предупредить проблемы, возникающие при подготовке к новому учебному году.
Как рассказала председатель Комиссии Президиума Генерального совета «Единой России» по работе с обращениями граждан к Председателю Партии, вице-спикер Совета Федерации Галина Карелова, общественные приемные организовали «горячие линии» и привлекли к участию в них представителей профильных департаментов и министерств по вопросам образования. Каждый желающий может позвонить по телефону и задать интересующий его вопрос, связанный с организацией учебного процесса.
«Квалифицированные эксперты дадут ответ или рекомендации по решению возникшей проблемы. Кроме того, в общественных приемных начались тематические встречи, в которых участвуют учителя, родители, представители общественных организаций. Депутаты «Единой России» всех уровней, партийные представители исполнительной власти в регионах проводят встречи с гражданами, посвященные подготовке к учебному году», – отметила она.
По словам Кареловой, на контроле приемных – выполнение требований пожарной безопасности и готовности к чрезвычайным ситуациям, защищенность от террористических угроз, соблюдение санитарных правил и норм, состояние пищеблока, учебных классов, актового и спортивного залов, уровня охраны и многое другое.
Подобные проверки уже прошли в Ставропольском, Пермском, Хабаровском краях, Республиках Коми, Дагестан, Чеченской Республике, Московской, Самарской, Омской, Брянской, Тамбовской, Липецкой, Томской, Ульяновской, Тульской областях.
«Эта августовская акция давно стала хорошей традицией общественных приемных Партии. Наша общая задача – сделать все, чтобы и дети, и родители, и педагоги начали учебный год в хорошем настроении, чтобы в школах было комфортно, интересно и безопасно», – заключила Карелова.
 
- В этом году  ежегодная  благотворительная  акции «Здравствуй, школа!»   пройдет  в республике   в 10-ый раз. Её организаторы -  Мордовское региональное отделение Партии «ЕДИНАЯ РОССИЯ», республиканское  отделение Общероссийского благотворительного общественного фонда «Российский фонд милосердия и здоровья» и Федерация профсоюзов Мордовии. В подготовке акции  постоянно  принимают  участие  представители депутатского корпуса,  многие предприятия и организации региона,  индивидуальные  предприниматели.  Только в  Саранске    организован  сбор школьных принадлежностей и денежных средств для 1оо   первоклассников  из многодетных и малообеспеченных семей.   Акция  пройдет во всех районах республики. Хочется пожелать  ребятам всего наилучшего! Пусть они будут старательными и целеустремленными, а мы  будем стараться  им в этом помогать»- подчеркнул  Секретарь  Регионального отделения партии, Председатель Государственного Собрания  республики Владимир  Чибиркин.
 
15.08.2018
 
 
 
 
 
 
 

Мундиальти сембе строяфсь кармай ламос служама ошень эряйхненди

15 июньцта Саранскяйса 2018 кизонь футболть коряс Миронь чемпионатонь ошень пресс-центраса етась Мордовиянь Оцюнять В.Д.Волковонь пресс-конференцияц. Республикань вятись азондсь чемпионатонь матчнень примамаснонды анокламатнень колга, а меле отвечась журналисттнень кизефксснон лангс.
Мордовиянь Оцюнясь азозе, што мундиальть етафтоманкса тиф сембось, мезе арьсекшневсь тиемс, республикась педа-пес анок мировой первенствать примаманцты.
—Саранскяйть Миронь чемпионатти анокламанцты оцю оценка макссь Российскяй Федерациянь Правительствать Председателенц заместителец В.Л.Мутко,—китькстазе В.Д.Волков.
Кода азозе республикань Оцюнясь, турнирти анокламать пингста ошса эвондасть эрямань од кварталхт, строяфт кутт и кит, панжезень кенкшензон тяниень пингонь аэропортовай комплекссь. Няевиста мазоптозе Саранскяйть «Мордовия Арена» стадионць, кона, В.Д.Волковонь валонзон коряс, чемпионатта мелевок аф кармай ащекшнема тевфтома. Мундиальда меле сон кармай кудонь аренакс «Мордовия» футбольнай клубти. Тяса стане жа кармай тренировандама детско-юношескяй командась.
—Минь тисаськ семботь, штоба эреклафтомс идень футболть,—мярьгсь республикань Оцюнясь.—Стадионца ушедыхть етафневома «Кожаный мяч» пялькстомат, касфтовихть цебярь тренерхт, нолдавихть дополнительнай средстват.
21.06.2018  № 24
 

ФУТБОЛСЬ КАНДЫ НАРОТТНЕНДИ МИР!

21.06.2018  № 24
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин