Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

События

Владимир Волков макссь грантт асу од ломаттненди

Творческяй и интеллектуальнай ширде асу ломаттнень ширеснон кирдеманкса В.Д.Волков примась решения кемокстамс Мордовия Республикань Оцюнять од премиянзон школьниконь международнай и всероссийскяй олимпиадань сяськихненди и призерхненди. Международнай пялькстомаса сатфксонь сатыхненди  премиятнень  лувкссна—100 тежянь цалковайста сявомок 300 тежянь цалковайти молемс. Всероссийскяй олимпиадань заключительнай этапонь сяськихне и призерхне получасть 60 и 30 тежянень цалковай лувксса премият. Тядде Мордовия Республикань Оцюнять премиянц лауреатокс арась 43 школьниксь. Тяда башка, казнет получасть нинге 40 стирсь-церась, конат сатсть сатфкст учебно-исследовательскяй тевса, социальнай и общественнай работаса, художественнай творчестваса, научно-техническяй творчествань и профессиональнай мастерствань  конкурсса.
Асу шабатненди республиканскяй лицеень тонафнихне Тимур Давлетбаев, Сулейман Казимов и Анастасия Адайкина фкя пингста арасть кафта премиянь лауреатокс. И тя сяс, мес синь сяськсть естественно-научнай дисциплинатнень, химиять и астрономиять коряс российскяй и международнай олимпиадатнень эса.
Кода азозе В.Д.Волков, Республиканскяй лицейсь колмоце кизось мельцек сувси Россиянь 10 инь цебярь школатнень лувксс. Кафта кизот сон занцесы тя рейтингса омбоце вастть. Тяда башка, меля кафтонь-крда кассь республиканскяй школатнень лувкссна, конат сувасть странань 500 инь цебярь школатнень еткс. Тя Саранскяень 12№, 19№, 20№ гимназиятне, 43№ лицейсь и 39№ школась.
Школьниконь Всероссийскяй олимпиадань медальхнень лувксснон коряс рейтингса Мордовиясь мекольдень колма кизотнень лисенди омбоце вастти, кадондомок инголенза аньцек Москуть.
«Авторитетнай рейтинкнень результатсна, а стане жа школьниконьконь сатфкссна кемокснесазь, што образованиять качествац республикаса—фкя инь цебярсь странаса,—мярьгсь В.Д.Волков.—Меля школьниконь Всероссийскяй олимпиадаса Мордовиясь сатсь 48 призовой васта. Тя од рекорд минь олимпиаднай движениясонк!»
Благодарностень башка валхт республикань Оцюнясь азсь од ломаттнень тядяснонды-аляснонды, а стане жа учительснонды. Теест казьфтольхть панчфт.
О.КОЛЕДИНОВА.

01.02.2018 №
 
 
 

 
НОВОСТИ
 
 
 
 
 
 
 
 

Полафтови пенсиятненди социальнай доплатань максомась

Ня шитнень Мордовия Республикать эзга Россиянь Пенсионнай фондть Отделениясонза ётась пресс-конференция, конань вятезе Управляющайсь В.И.Василькин.
Пуромксть панжемста Владимир Ильич азозе, што аф кунара Россиянь Пенсионнай фондсь тись итокт 2018 кизонь работать коряс ПФР-нь инь цебярь территориальнай органть кочкаманкса конкурсти. Мордовиянь Отделениясь азф инь цебярькс Приволжскяй федеральнай округса и сувафтф ПФР-нь фкя инь цебярь отделениятнень лувксс Российскяй Федерацияса.
Сяда тов пачфтьфоль аф работай пенсионерхненди, конатнень пенсиясна регионца ладяф прожиточнай минимумда кржа, социальнай доплататнень максомаснон полафтоманц и пенсияснонды индексациянь тиемать колга. «Государственнай социальнай лезксть колга» и «Российскяй Федерацияса прожиточнай минимумть колга» федеральнай закоттненди сувафтф полафткснень мяльс сявозь прожиточнай минимумда кржа пенсияти индексациясь тяни тиеви тяфта. Васенда аф работай пенсионерть доходоц пачфтеви прожиточнай минимумть лувксс пенсияти социальнай доплатать вельде (кда сявомс Мордовиять, пенсиясь касфтови 8522 цалковайс) и аньцек тяда меле тиеви индексация пенсияти и эрь ковонь ярмаконь выплататненди (кда тяфтамот пандовихть пенсионерти). Тяфта, индексациять вельде сатф суммась кармай сяда оцю регионца ладяф прожиточнай минимумть коряс. Мордовияса пенсиятнень перерасчетсна тиеви майста ни. Республикаса прибавка получайхть 24 тёжянь пенсионерсь.
30.04.2019  № 17
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин