Поиск по сайту: 
 

Архив
 февраль 
 2019 
пн вт ср чт пт сб вс
    123
45678910
11121314151617
18192021222324
25262728   

 
 

 

Национальная тематика

БАШКИРИЯСТА «ПИЗЕЛКС ШУФТА» МОКШЭРЗЯНЬ ФОЛЬКЛОРНАЙ АНСАМБЛЬСЬ—КОЕНЬКОНЬ-ОБУЦЯНЬКОНЬ, ФОЛЬКЛОРОНЬКОНЬ ВАНФТЫСНА

«Пизелкс шуфтть» репертуаронц ламошкац ащи мокшень народнай кунардонь моротнень эзда, улихть и тяниень пингоннет. Тяда башка, ансамбльсь велеса и районца няфни мокшень обрятт, конат нолявсть тевс бабаньконь и щаваньконь, синь тядяснон пингста. Конашкава мазыель, эсь лацоннель мокшень свадьбась, конань няфтезе «Пизелкс шуфтсь» Фёдоровскяй велень Культурань кудть сценаса. Сяда эряфкшуфне шарфтсть мяль сянди, што вчёк тяфта ульсь рьвакс лисемась-рьвяямась инголи.
Тянемс пара валса лятфнесазь ансамбльть ингольдень участницанц Марфа Алексеевна Мишинать. Сон пяк лездсь вяре азф обрядть эреклафтомаса, ульсь ансамбльса лездыкс, «якай-шяяй» энциклопедиякс кунардонь моротнень и койхнень-обуцятнень коряс. Тяни М.А.Мишина аш шиса, но   сонь мяляфтсазь, эрь выступленияста и репетицияста нолясазь тевс советонзон.
Пяк лама мора содай ансамблень нинге фкя участницась А.В.Евдокимова. Анастасия Васильевна тонафтсыне морама лия участницатнень. Теенза тя маштомошись ётась тядянц и щаванц эзда, ули кода мярьгомс—поколенияста-поколенияс.
«Утяша», «Колма зарят»—ня и ламоц лия мокшень моротне арасть коллективти визитнай карточкакс. «Пизелкс шуфтть» эрь выступленияц—афкуксонь праздник.
2016 кизонь декабрьста коллективть снимандазе фкя телеканалсь. Ансамблень участницатне няфтезь, кода ётнихть святой шитне (святкатне). Эрь кизоня оцю мяльса примсихть участия «Мокшэрзянь оцю ши» региональнай пуромксса. 2016 кизоня сон ульсь Верхний Алыштан велеса, меля—Фёдоровка районнай центраса.
Аватне морамань тевти тернесазь стирьхнень и стирнятнень, ёрайхть, штоба коллективса улель кинь лангс надиямс. Вяре азф съёмкатнень эса оцю мяльса примасть участия велень стирьшабатне.
«Пизелкс шуфта» мокшэрзянь фольклорнай ансамбльть ули кода лемдемс мокшень народть культурнай козяшинц ванфтыкс. Коеньконь-обуцяньконь, мороньконь мархта участницатне содафнесазь Башкортостанонь эряйхнень вов ни лама кемотть киза.
Коллективсь казьф ламоц диплопнень и грамотатнень мархта, сонь выступлениянзон фалу учсазь ломаттне. Синь кядень кайги цяпамасна арсихть «Пизелкс шуфта» ансамблень участницатненди инь оцю казнекс.
Т.АЛЬШИНА.

01.02.2018 №
 
 
 

 
НОВОСТИ
 
 

ВАЛЕНТИН ВАСИЛЬЕВИЧ КОНАКОВ

2019 кизонь 27 январьста 80 кизонц лангса стакаста сярядемда меле тусь эряфста Валентин Васильевич Конаков—содаф государственнай и общественнай деятельсь, образованиянь и наукань пуроптысь, ученайсь.
Валентин Васильевич Конаков шачсь 1939 кизонь      9 июньцта Мордовскяй АССР-нь Атяшевскяй райононь Кулясово велеса крестьянонь семьяса.
Армияса служамда меле 1961 кизоня В.В.Конаков работась автомеханикокс Атяшевскяй «Сельхозтехникаса», а сяльде поступась Мордовскяй государственнай университету. Аделамок 1966 кизоня тонафнеманц, Валентин Васильевич кармась покодема образованиянь сфераса, 1966 кизоста сявомок 1979 кизоти молемс работась Мордовскяй государственнай университетса ассистентокс, старшай преподавателькс, металлонь технологиянь и машинань петемань кафедрань доцентокс, велень хозяйствань механизациянь факультетонь деканонь заместителькс. 1978 кизоня В.В.Конаков аделазе Московскяй лесотехническяй институтонь аспирантурать, теенза максфоль техническяй наукань кандидатонь лем.

31.01.2019  № 4
 

ДИПЛОПТ И ПРЕМИЯТ—АСУ ЛОМАТТНЕНДИ

Ётай недялять, 25 январьста, Российскяй студенчествань шиня Мокшэрзянь государственнай национальнай драматическяй театраса етась торжественнай пуромкс, конань пингста МР-нь Оцюнясь В.Д.Волков макссь казнет асу од ломаттненди. Мероприятияс пуромкшнесть аф фкя лацонь конкурсонь и олимпиадань сяськихне и призерхне, а стане жа  синь тонафтысна и тядясна-алясна.
Республикань Оцюнясь азозе, што асу од ломаттнень ширеснон кирдеманкса меля примафоль решения ладямс од премият школьниконь международнай и всероссийскяй олимпиадань сяськихненди и призерхненди.
«Международнай уровеньца сатфксонь сатоманкса премиять лувксоц 100 тежянь цалковайста сявомок 300 тежянь цалковайти молемс. Всероссийскяй олимпиадань мекольце этапонь сяськихне и призерхне получайхть 60 и 30 тежянень цалковай,—азозе Мордовиянь Оцюнясь.—Тядде лауреатокс арасть 43 школьниконьке. Тяда башка, казнет получайхть нинге 40 стирсь и церась, конат лац няфтезь пряснон  исследовательскяй тевса, социальнай и общественнай работаса, научно-техническяй творчествань и  профессиональнай мастерствань конкурснень эса».
31.01.2019  № 4
 

МОРДОВИЯНЬ ОЦЮНЯСЬ ВАНОНДОЗЕНЬ САРАНСКЯЙСА ОПТОВОЛОКОННАЙ ПРОИЗВОДСТВАТЬ ВИИЯФТОМАНЦ КОРЯС КИЗЕФКСНЕНЬ

Мордовиянь Оцюнясь Владимир Волков 22 январьста ётафтсь рабочай васедема «Оптиковолоконные системы» АО-ть генеральнай директоронц Андрей Николаевонь мархта. Ванондовсть предприятиять 2018 кизонь работань итогонза, а стане жа 2019 кизонди платтне. Ня кизефкснень ваномаса примась участия Правительствать Председателенц заместителец—промышленностень, наукань и од технологиянь министрсь Александр Седов.
Лятфтасаськ, оптическяй волокнань Саранскяй заводсь—фкясь и сякось странаса. Сон нолдафоль колма кизода инголе. Тя эсь лацонь производствать виияфтомань сембе этапонза етасть Россиянь промышленностень и торговлянь министрть  участиянц мархта. Владимир Волков аф весть васетькшнесь Денис Мантуровонь мархта, получсемок тя проектть, конанди вийс коре ладямс оптическяй волокнань производствать замкнутай цикланц марнек странать вешфксонзон мяльс сявозь, эряфс етафтоманц коряс республикать инициативанзонды ширень кирдема.
31.01.2019  № 4
 

МОКШЭРЗЯНЬ МАСТОРСЬ ТАГА ПУРОПТСЫНЕ ЭСЬ СТИРЕНЗОН И ЦЁРАНЗОН

Мордовскяй (мокшень и эрзянь) народть vii съездоц ётай тяддень
23-25 октябрьста республиканьконь столицаса
Мордовиянь Оцюнясь Владимир Волков 22 январьста Саранскяйса етафтсь мордовскяй (мокшень и эрзянь) народть VII съездонц, кона кармай тядде 23-25 октябрьста, етафтоманцты анокламать коряс совещания.
Совещанияса примасть участия Россиянь финно-угорскяй народонь Ассоциациять председателец Петр Тултаев, а тяфта жа мордовскяй народонь общественнай организациять Межрегиональнай представителенза, тяконь лувксса РФ-нь лия     субъекттнень эзда.
Владимир Волков мярьгсь, што мордовскяй народть съездоц работать важнай пяльксоц, кона мольфтеви властень оргаттнень и общественнай институттнень мархта традициятнень и межэтническяй ладямать ванфтоманц и ламолгофтоманц коряс—тя задачать путнесы странань Президентсь. Сай пингонь съездть инь главнай темац—«Мордовскяй (мокшень и эрзянь) народсь лама нациянь Россиять единай культурнай кодса».
31.01.2019  № 4
 
 

Мордовиянь Оцюнясь Владимир Волков Ётафтсь национальнай проекттнень эряфс етафтомаснон коряс рабочай совещания

17.01.2019  № 2
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин