Поиск по сайту: 
 

Архив
 март 
 2019 
пн вт ср чт пт сб вс
    123
45678910
11121314151617
18192021222324
25262728293031

 
 

 

События

Владимир Волков примась участия «Сочи—2018» Российскяй инвестиционнай форумть работаса

Форумть пингста Владимир Волков примась участия Россиянь Правительствать Председателенц Дмитрий Медведевонь региононь оцюнятнень мархта васедемаса. Мероприятиянь главнай темакс ульсь межбюджетнай отношениятнень виияфтомаснон коряс перспективатне и инфраструктурнай ограничениятнень валхтомасна.

Корхтамок межбюджетнай отношениятнень колга, премьер-министрсь мярьгсь, што региоттнень бюджетснон доходсна касыхть. Профицитнай бюджеттнень лувкссна кассь, дефицитнайхнень—кирсь. Но сякокс, сонь валонзон коряс, шумонь сталмось ляткшни нинге оцюкс. Тя прябалать решандаманкса мелянь кизотнень региоттненди макссевсть кредитт. Дмитрий Медведев лятфтазе, што етай кизоста сявомок работай эсь экономическяй потенциалонь виияфтомань региоттнень стимулированияснон коряс система. Субъекттне, конат няфнихть касомань-вииямань инь оцю темпт, получайхть грантт—марнек 20 миллиард цалковай. Тяфта жа тя кизоста сявомок ушеды работама од правила—региональнай бюджеттненди кармайхть мрдафнема организациятнень прябаласнон лангс налокнень прибыльснон.

Тяда башка, Дмитрий Медведев отмечазе, што межбюджетнай отношениятнень цебярьгофтомасна должен улемс сотф 2025 кизоти странать виияфтоманц коряс Стратегиять мархта, конань тячи анокласы Правительствась.

Россиянь финансонь министрсь Антон Силуанов азозень Форумонь участникненди межбюджетнай отношениятнень цебярьгофтомаснон, финансовай ресурсса РФ-нь субъекттнень полномочияснон обеспечендамаснон, межбюджетнай трансферттнень максомань системать оптимизациянц коряс предложениятнень. Минфинонь оцюнясь надияй, што 2018 кизось кармай мекольце стака кизокс финансонь ширде.

Премьер-министрть мархта васедемаса доклад мархта корхтасть кой-кона губернаторхне. Мордовиянь Оцюнясь Владимир Волков стане жа примась участия шинь повесткать ваномаса.


26.02.2018 №
 
 
 

 
НОВОСТИ
 
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин