Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

РФ-нь здравоохранениянь министрть Вероника Скворцовать Мордовияса улеманц колга

РФ-нь Минздравонь руководительть Саранскяйса улемстонза программань васенце пунктокс ульсь «Биохимик» АО заводти молемась, коса панжевсь Россияса васенце од антибиотиконь полнай циклань тиемась. Панжемань церемонияса примасть участия Мордовия Республикань Оцюнясь Владимир Волков и «УК «ПРОМОМЕД» ООО-нь Директоронь Советть председателец Пётр Белый.
«Биохимик» АО-сь васенцеда странать историяса ушедозе антибиотиконь нолямать штамм-продуцентть эзда ушедомок анок лекарственнай препараттненди молемс. Предприятиять одкстоптф инфраструктурац пяле кизоста пяшкодьсы российскяй рынкать «Ванкомицин» антибиотикса. Тяда башка, предприятиянь специалисттне работайхть «Телаванцина», «Оритованцина» и «Рамопланина»—нинге колма полнай циклань антибиотикнень технологияснон лангса и анокт нолдамс синь тевс. Промышленнайста нолямост синь ушедыхть 2018 кизоня. 2020 кизоти молемс «Биохимик» АО-ть планца нолдамс 20 видта лама кода импортонь полафты, стане и оригинальнай антибактериальнай препарат.
Вероника Скворцовась мярьгсь: «Биохимикть» продукцияц отвечай аф аньцек российскяй государственнай вешфксненди лекарственнай сырьети, но стане жа Европейскяй и американскяй вешфксненди. Тя заводсь содафоль сембе мирти, сяс мес васенцетнень эзда фкясь 60-це кизотнень нолязень васенце и омбоце поколениянь антибиотикнень. И кафта кизода инголе предприятиясь аф аньцек одукс эреклась, а эреклась ёфси од форматса. Тячи тяса ноляви одтонга од оцю качествань тяниень пингонь технологиянь коряс продукция. Тя заводть мощностенза сатыхть, штоба пяшкодемс странать сембе вешфксонзон антибиотикса. Тяда башка, предприятиять оцю экспортнай потенциалоц. Тяни мольфтевихть переговорхт антибиотикнень пачфтемаснон коряс Саранскяйста Латинскяй Америкав и миронь лия странатненди.
Мордовиянь Оцюнясь Владимир Волков эсь ширденза отмечазе, што инь оцю импульсть получазе Саранскяйса од антибиотиконь полнай циклань нолямать коряс проектсь Россиянь Президентть Владимир Путинонь мархта васедемада меле. «Ульсть максфт эрявикс порученият профильнай министерстватненди и ведомстватненди и ушедсь вишке работась, кона вятсь тячиень оцю результаттненди. Эряви азомс, проектсь ётафтовсь эряфс федеральнай и региональнай  власттнень, бизнесть и наукать марстонь работаснон вельде»,—мярьгсь Владимир Волков.
Вероника Скворцовась тяфта жа примась участия химиянь и физиологически активнай веществань технологиянь базовай кафедрать панжемаса, кона мольфтьсыне тевонзон «Биохимикть» видеса

Россиянь здравоохранениянь министрсь Вероника Скворцовась Мордовияв рабочай поездканц пингста якась Н.П.Огарёвонь лемса МГУ-нь Медицинскяй институту, коса содафтсь Мордовскяй региональнай аккредитационно-симуляционнай центрать работанц мархта.
Вероника Скворцовась лац-ряц ванозень центрать возможностензон,    корхнесь   студенттнень мархта, конат, тяфта мярьгондеви симулированнай условияса—специальнай обучающай работаса—тонафнесазь практикаса эрявикстонга эрявикс медицинскяй манипуляциянь ётафтомань навыкнень. Минздравонь оцюнясь макссь оцю оценка региональнай аккредитационнай центрать уровененцты, отмечамок тяконди качествас коре цебярь обучающай тренажерхнень, конатнень эзда инь тяниень пингоннекс лувондови виртуальнай лапароскопическяй 4 миллиотт цалковай питнеса тренажерсь, кона максси возможность лапароскопическяй операциянь ётафтомань навыконь пуроптомати. Сонь казезе Владимир Волков медицинскяй институтть 50 кизонцты. Россиянь здравоохранениянь министрсь азсь благодарностень валхт республикань Оцюняти медицинскяй наукати тяшка мялень шарфтоманкса.
Шить омбоце пялестонза, Россиянь здравоохранениянь руководительсь васетькшнесь медицинскяй общественностть, медицинскяй институтонь профессорско-преподавательскяй составть, аспиранттнень и студенттнень мархта. Минздравонь оцюнясь отмечазе, што Мордовияв самац кеподезе сонь мяленц и кеняртьфтезе. Васендакиге, тя сотф «Биохимик» заводса Россияса васенце од антибиотиконь полнай циклань производствать панжеманц мархта. «Предприятиять оцю экспортнай потенциалоц и тя оцю сяськомац и республикать, и Владимир Дмитриевич Волковонь»,—мярьгсь Вероника Скворцовась.
Стане жа Минздравонь министрсь отмечазень здравоохраненияса республикать сатфксонзон. Тяфта, министрть валонзон коряс, Мордовиясь инголясыне лия региоттнень населениять эряфонь кувалмонц коряс (Мордовияса сон 72,8 киза, среднероссийскяй показательсь—72,7 киза). Няеви кулыхнень коряс цифратнень киремасна, тяконь лувксса седиень, сосудань, ваймонь тарксемань и пищеварениянь урматнень коряс, улихть цебярь шири полафткст онкологическяй урматнень пчкафтомаса.
Мордовиянь Оцюнясь Владимир Волков отмечазе, што цебярь шири полафтксне республикать здравоохранениянь системаса ламода сатфт Федеральнай центрать ширень кирдеманц вельде.
«Мекольдень кизотнень Мордовияса ётафтф здравоохранениять материально-техническяй и ресурснай базанц кемокстаманц коряс оцю работа. Вете кизоста строяф здравоохранениянь 56 объект, капитальнай ремонт тиф  100-да ламоти.  1,4-ксть   кассь  пациенттнень лувкссна, конат получасть оцю технологиянь медицинскяй лезкс,—мярьгсь Владимир Волков.—Меля «Здоровье» фондть рейтингса Мордовиясь занязе 10 вастть  Россияса  и  2-це вастть ПФО-са медицинскяй лезксонь максомать качестванц и доступнайшинц коряс. Азса, кизоста кизос касы здравоохранениять финансированияц федеральнай бюджетста. Тяниень пингть Российскяй Федерациянь Президентть резервнай фондонц средстванзон лангс шумордави Саранскяйса республиканскяй инфекционнай больницять и идень поликлиникать зданиянц капитальнай ремонтоц. Минь старандатама сяда активнайста нолямс тевс наукать, минь медицинскяй институтоньконь потенциалонзон. Цебярь кепотьксокс тянди университетть и «Биохимик» заводть проектоц. Планца оригинальнай лекарственнай препаратонь тиемась-арьсемась, конатнень лаца аш мирса. И мон надиян, што минь ётафтсаськ эряфс сембе планоньконь».
 

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022