Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

«Эряфозень ламошкац сотф «Поюня» ансамбльть мархта!»

«Мокшаваня» страницати эрь материалонь анокламста лац-ряц арьсят героинять колга. Тя, ванат, машты кштима-морама, омбоцесь танцтиста пиди-пани, колмоцесь нинге кодамовок пара тевса сафтсы. А улихть стапт, конат сафтсазь сембоса. И тиендьсазь тянь аф прянь шнафтоманкса, а сяс мес тя моли ваймостост. Тяфтапнень ёткс сувси Инсарскяй райононь Мокшень Паёвка велеста мокшавась Валентина Егоровна Вельмяйкина. Сон—тя велень «Поюня» фольклорнай ансамбльть художественнай руководителец. Коллективть ули кода лемдемс семейнайкс—эзонза сувсихне сашендовихть фкя-фкянди двоюроднай акакс-сазоркс, лия раднякс. Валентина Егоровна лувсы прянц пяк павазукс, сяс мес ётка пингонц ламошканц етафнесы кельгома тевса заняфокс улезь и маластонь раднянзон, ялганзон мархта.
Шачемас коре В.Е.Вельмяйкина Инсарскяй райононь Мокшень Паёвка велеста. Несколька киза работась велень библиотекаса, сяльде кефкие киза школать видеса интернатса воспитателель. И вов ни пцтай комсь киза работай шачема велень Культурань кудса.
«Эряфозень ламошкац сотф «Поюнять» мархта»,—мярьгсь Валентина Егоровна. И тя афкукс тяфта. Мокшэрзянь моротненди, сиде моронятненди, мокшень щапненди-каряпненди кельгомась фалу эряй   мокшавать седиса. Сонь ули кода няемс районнай и республиканскяй ламоц пуромкснень эса кода вяре азф коллективть мархта, стане и ськамонза. Оцю мяльса В.Е.Вельмяйкина морсесыне кунардонь моротнень, конат састь тейнек атяньконь-бабаньконь эзда. Ламотне эздост эвондасть паксяса сокамста-видемста, праздникненди анокламста, стирть рьвакс максомста, церать рьвяяфтомста. И мзярдовок аф нолясы тевс фонограммать, сяс мес аш мялец васькафнемс кулхцондыть. Тяфта тевсь ащи марнек коллективса.
Валентина Егоровна лама тиенди сянкса, штоба «Поюнять» творчестванц колга сотцельхть аф аньцек ширеса, но и эсь велеса. Сяс коллективсь фалу примси участия Масланцяса, Эряфкшу ломанень месячникса, Рузонь келунять праздникса, Велень шиса. Аш месть ни корхтамс Святой Тройцянь Шить колга, эста Мокшень Паёвкав пуромкшнихть и сят, кит шачсть-кассть тя велеса, а тяни эряйхть ширеса. «Ломаттне пяк лажаткшнихть родной уженяснонды, мяльсна корхтамс мокшекс, лятфтамс сянь, мезе ульсь инголи»,—азозе В.Е. Вельмяйкина.
Мокшавать мархта сашендови няендемс Саранскяйса етафневи пуромкснень пингста, мзярда сон «Поюнять» мархта сашенды кштима-морама. Эстокиге сельмозон повондыхть мокшаватнень национальнай щамсна-карямсна: атямъёнгонь сембе тюсса цифтордыхть прянь панчфне, крганятне, бта мака панчфокс палыхть якстерь ожнатне. «Кода и коста кочкасть сембе тя мазышить?»—кизефксть лангс Валентина Егоровна отвечась тяфта: «Сембе щапне-каряпне минцень. Васенцекс вешеськ сянь, мезсь лядсь арзятнень эса тядяньконь, бабаньконь-щаваньконь эзда. Эрь участницась, тяконь   лувксса и мон, кочкась эстеенза мокшень костюм. Виде, ули кой-мезе и тяниень пингонь. Оцю спасиба мялезе азомс Мокшень Паёвкань эряйти, мокшавати, зрнянь кядь мастерицати Л.К.Еськинати, кона лезни тейнек щамоньконь стамаса и одкстоптомаса».
Любовь Кузьминична ульсь мокшаватнень мархта мелянь сентябрьста Сочи ошень Лазаревскяй районца ётафтф «Финно-угорскяй транзит: семьянь питнишитне» искусствань и народнай творчествань Международнай фестивальть Гала-концертсонза.
«Ётафтоме мастер-класс мокшень щамть, ули кода азомс, целайнек культураньконь коряс. Сочи ошу усксеме копшат, пачат, мокшень щамса наряжаф някат. Щафтолеме-каряфтолеме мокшекс. Мастер-классть пингста оцю мяльса пачфтеме коеньконь-обуцяньконь, щамоньконь, ярхцамбяленьконь колга, а стане жа няфтеськ, кода сотови мокшавать пряс руцясь. Ваныхнень еткса мувсь несколька ломань, конат эняльдсть сотфтомс пряснон мокш-авакс»,—лятфни В.Е.Вельмяйкина.
Сон тянемс мяляфтсыне экскурсиятнень тостонь мазы васттнень эзга, тяконь лувксса—Лазаревскяй райононь Этнографическяй музеи. Ульцява мокшаватне якасть мокшень щамса. Валентина Егоровна пачфтезе, што теенза аф весть малаткшнесть ётайхне-потайхне и кизефнезь сонь щамонзон колга. Оцю мяльса пачфнесь мокшавась мокшэрзянь масторть, национальнай культураньконь, Мордовияста саф «Поюня» фольклорнай ансамбльть квалма.
Башка азома В.Е.Вельмяйкинать сиде моронятненди кельгоманц колга. Мокшавась лочазь-лочасыне синь сяшкава весяласта, што ваныхне анокт стямс и ушедомс кштима корязост. Валентина Егоровна пцтай эрь кизоня примси участия «Морак, гармония!» народнай творчествань республиканскяй конкурсса. Тядде сон ульсь февральста-мартста. Февральть кучкаста Кочкурово велеса етась тя конкурсть зональнай туроц. Эсонза прянц няфтезе «Поюнясь». Тяда башка, руководителец весяласта морась сиде моронят мокшень кяльса. В.Е. Вельмяйкина етась финалти и 2 мартста сонь и Мокшень Паёвка велеста кафта гармонисттнень Андрей Тряпкинонь и Николай Маринонь ульсь кода няемс «Морак, гармония!» конкурсть Гала-концертсонза! Мокшавась мрдась куду участниконь Диплом мархта. Сиде моронятне лемтьфтольхть спортти, театрати, лия тематненди.
Цють сяда инголе «Поюня» ансамбльсь ульсь отчетнай концерт мархта Верхняя Лухма шабрань велеса. Выступлениясь пяк тусь тостонь эряйхнень мяльс, синь ламос цяпазь кядьснон. Тя, кода и фалу, ульсь инь оцю шнамакс кода художественнай руководительти, стане и эрь участницати.
Валентина Егоровна пяк цебярь азорава. Пиди-пани сяшкава танцтиста,—кяльцень нильсак. Праздникнень пингста кудоц пяшксе инжида. Эрти мокшавась муй седиста моли пара валхт, васьфтьсы, каванясы. Ётайхть праздникне, ваймама шитне и, ванат, сон тага заняф тевонц мархта. Конань сон фалу лемнесы кельгома тевкс. И тя афкукс тяфта!
Т.АЛЬШИНА.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022