Поиск по сайту: 
 

Архив
 январь 
 2019 
пн вт ср чт пт сб вс
 123456
78910111213
14151617181920
21222324252627
28293031   

 
 

 

В Правительстве РМ

Мордовиянь Оцюнясь ётафтсь рабочай васедема Саранск ошень мэрть Пётр Тултаевонь мархта

Васедемань важнай тематнень эзда фкясь арась «Чистый город» эрь кизонь общегородской акциять етафтомац. Петр Тултаев азондозе республикань Оцюняти, што массовай субботникне Мордовиять столицаса ушедсть 14 апрельста. Етай еткшиста территориянь урядама лисендсть муниципальнай предприятиянь, казеннай учреждениянь  и ошень администрациянь тежятть работник. Васендакиге аруяфтовихть ульцянь и площадень сянгяря зонатне, кварталхнень территориясна и лама квартирань куттнень перьфсна. Шарфтови башка мяль учебнай и спортивнай сооружениянь территориятненди, рынкатненди, мишендемань васттненди и мемориалхненди. Тяфта жа урядавихть вирень посадкатнень, водоемтнень берякса и ломаттненди тиф  ваймама васттнень эса аф санкционированнай свалкатне.
Республикань Оцюнясь китькстазе, што тядде «Чистый город» акцияти шарфтови башка мяль. «Саранскяйсь аноклай мировой футбольнай первенствать етафтоманц пингста лама инжиень примамати. Сяс арушинь тиемань кизефксненди эряви шарфтомс башка оцю мяль, нолдамс тевс дополнительнай вийхнень, штоба тиемс порядка ошень сембе территориятнень эса и штоба улель сембе вастса аруши»,—мярьгсь Владимир Волков.
Ванондовсть «Формирование комфортной городской среды» приоритетнай проектть эряфс етафтомань рамкаса дворхнень территорияснон благоустройстваснон коряс кизефксне.
Стане жа Петр Тултаев азондсь республикань Оцюняти «Народный сквер» ошть сянгярьгофтоманц коряс акциять етафтоманц колга. Главнай территориятне, коса тяддень тунда озафтовихть шуфтонят, кармайхть Старопосадская, Севастопольская, Красная ульцятне, «Мордовия Арена» стадионть территорияц, «Юбилейный» ветеце микрорайонць, Тавла ляйть набережнаец и Ремзавод рабочай поселкась. Эсь дворснон и маластонь скверхнень сянгярьгофтомаснон коряс работатнень тиемаса ули кода лездомс и ошень эряйхненди. Мелянь кизотнень опытсна няфтезь, што тя акциясь тусь Саранскяень эряйхнень мяльс. Лятфтасаськ, 2017 кизоня республикать столицаса ульсь озафтф 6 тежяньда лама шуфта и кусторкс. Ашезь ляда ширеса и Мордовиянь Оцюнясь Владимир Волков—сон примась участия «Юбилейный»  эрямань комплексса келувонь аллеять озафтомаса.

20.04.2018 №
 
 
 

 
НОВОСТИ
 

Мордовиянь Оцюнясь Владимир Волков Ётафтсь национальнай проекттнень эряфс етафтомаснон коряс рабочай совещания

17.01.2019  № 2
 
 
 

Ули мезенкса кеняртькшнемс

Монь, кода од ломанень, пяк лад мялезон ся, кода кизоста кизос коль сяда и сяда мазыкс и арукс арси республиканьконь столицац—Саранскяйсь. Тяни ётат сонь ульцянзон, проспектонзон, парконзон, лия вастонзон эзга и седице пяшкоди кенярьдемада, гордостьта и ошть, и марнек Мордовиять инкса. Сембода лама полафткста, конешна, эвондась тяса футболть коряс Миронь чемпионатти анокламста. Ваносте, кодамот тяни ошень китне, вокзалхне! Мяльцень стане жа саласазь «Тавла» гостинично-жилой од комплекссь и Экопарксь. Марнек полафтсь, лиякс арась аэропортсь. Тяни тяста самолетса можна пачкодемс Москуву и Санкт-Петербургу. А мзяра строяф идень садта, школада, гипермаркетта, лама лия пяк эрявикс объектта. А кода аф лятфтамс уникальнай спортивнай объектть—«Мордовия Арена» стадионть. Сон сембоса отвечай тяниень пингонь инь оцю вешфксненди. Аф стак самай тяса меля налхксть миронь инь вии футбольнай командатне. Тя ли аф фантастика, тя ли аф честь сембонди тейнек. А ёфси аф кунара Саранскяйса ётафтфоль эйть лангса конькаса фигурнайста куркснемать коряс Россиянь чемпионатсь. И тяконь лаца спортонь оцю праздникт миньцонк ётафневихть аф шуроста.
Спортсь лихтезе столицаньконь пяк няевикс вастс, тиезе сонь содафокс аф аньцек Россияса, а марнек мирса-масторса. «Саранскяйсь—тя афкуксонь Европейскяй ош, тяса сембось тиф-ладяф оцю уровеньца»,—тяфта азондсазь эсь мяльснон-арьсемаснон столицаньконь колга тяза сашенды инжихне.
Мария Тарасова.
10.01.2019  № 1
 

10 январьста—Мордовиять шачема шиц

Панчфокс панчт, мокшэрзянь краеньке!
Тячи Мордовия Республиканьконь шачема шиц. Топодсь 89 киза, кода теенза максф государственность. 1930 кизонь 10 январьста ВЦИК-ть Президиумоц примась постановления Мордовскяй округть Мордовскяй автономнай областекс тиеманц колга. Тя шись и лувондови мокшэрзянь республикати шачема шикс. А ниле кизода меле тифоль Мордовскяй АССР-сь.
Тянь мархта путфоль цебярь ушеткс касоманди-виияманди. Ётаф пингста ламода кассь республикать экономическяй виец, кеподсь культурась, образованиясь, наукась. Ламоц земляконьке арасть гордостекс аф аньцек Мордовияса, но и сембе Россияса.
Сембода оцю сатфкст миньцонк сатфт мекольдень кизотнень. Мордовиясь путневи примеркс лиятненди, тяза сашендыхть опытонкса, тонафнема. И ули мезти тонафнемс. Республиканьке тячи—странать инь  вишкста вииякшни региононзон эзда фкясь.
10.01.2019  № 1
 

Мордовия Республикань культурань, национальнай политикань, туризмань и архивнай тевонь министрсь А.М.ЧУШКИН: «ЛАДЯМА СЕМЬЯСОНТ И САТФКСТ ТЕВСОНТ!»

28.12.2018
 

Н.П.Огарёвонь лемса Национальнай исследовательскяй Мордовскяй государственнай университетонь ректорсь С.М.ВДОВИН: «КАТК ЁТАФТОВИХТЬ ЭРЯФС СЕМБЕ ВАЛДА МЯЛЕНТЕ И ПЛАНОНТЕ!»

28.12.2018
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин