Поиск по сайту: 
 

Архив
 январь 
 2019 
пн вт ср чт пт сб вс
 123456
78910111213
14151617181920
21222324252627
28293031   

 
 

 

События

ВАНФТ региональнай партийнай дискуссияТь ИТОГОНЗА

Васенда дискуссиясь работась дискуссионнай площадкава: «Здоровье и экология», «Социальная сфера», «Городская среда», «Достойная жизнь», «Образование», «Обновление партии «Единая Россия»: от партии власти к Партии путинского большинства».
Ня площадкатнень эса ванонтфтольхть и ся мяльхне-арьсематне, конат азфтольхть Мордовия Республикань Ковылкинскяй, Рузаевскяй, Ичалковскяй муниципальнай райоттнень эса 10 апрельста ётафтф межмуниципальнай дискуссиятнень пингста.
Региональнай площадкатнень работаснонды итокт тифтольхть пленарнай заседанияса. Сон ульсь 11 апрельста дискуссиятнень шумордамдост меле. Пуромфнень инголе вступительнай вал азсь «Единая Россия» Всероссийскяй политическяй партиять Мордовскяй региональнай отделениянц Секретарец В.В.Чибиркин.
—Пцтай ковда инголе странаса ётасть Президентонь кочкаматне, и Мордовиянь эряйхне, кода и марнек Россиянь граждаттне, кочказь Владимир Путинонь. Республикаса кочкайхнень явкасна ульсь 77,86 процент, В.В.Путинонь инкса вайгяльснон максозь кочкайхнень 85,35 процентсна. Тя инь цебярь результатсь ПФО-са, и минь сувсетяма странаса инь цебярь результатонь няфти кемонь региоттнень ёткс,—мярьгсь Владимир Васильевич пленарнай заседаниять панжемстонза.
Тяда башка, сон шарфтсь мяль Россиянь Президентть Посланияса азф конкретнай действиятнень программаснонды, оцю задачатненди, конат вешихть марстонь тефт и вийхть федеральнай и региональнай властень оргаттнень, местнай самоуправлениять и партийнай марнек активть эзда. «Единая Россия» Всероссийскяй политическяй партиять Председателец Д.А. Медведев васенце задачакс азондсыне экономическяй касомать виияфтоманц, инвестициятнень тевс водендамаснон лангса работамать, инфраструктурать одкстоптоманц, тяниень пингонь технологиятнень эряфс сувафтомаснон и социальнай сфераса эрявикс полафтксонь тиемать. Тянь семботь ули кода сатомс партийнай сембе структуратнень маштозь одкстоптомаснон и модернизацияснон вельде.
—Самай тянкса партиять Генеральнай советонц Секретарец Андрей Анатольевич Турчак тердезень странань сембе партиецнень примамс участия Российскяй Федерациянь Президентть Посланиянц и партиять одкстоптоманц  коряс кизефксть ванондомаса,—азозе В.В.Чибиркин.
Валонзон коряс, дискуссионнай площадкатнень эса модераторкс и экспертокс ульсть эсь тевонь содай ломатть.
Эрь регионть эзда получаф мяльхне-арьсематне сембе ширде и крхкаста вановихть партиять Центральнай исполнительнай комитетсонза, а меле максовихть «Единая Россия» Всероссийскяй политическяй партиять Председателенцты Д.А.Медведевонди.  Тя ули «Единая Россия 2026» Федеральнай партийнай конференцияса тяддень майста.
Россияса дискуссиятне кармайхть улема 10-30 апрельста кафта этапса—межмуниципальнай и региональнай. Мордовиясь—странаньконь васенце субъектонзон эзда фкясь, коса дискуссиясь етась тя недялять.
                                                                                                                                           Т.АЛЬШИНА.

20.04.2018 №
 
 
 

 
НОВОСТИ
 

Мордовиянь Оцюнясь Владимир Волков Ётафтсь национальнай проекттнень эряфс етафтомаснон коряс рабочай совещания

17.01.2019  № 2
 
 
 

Ули мезенкса кеняртькшнемс

Монь, кода од ломанень, пяк лад мялезон ся, кода кизоста кизос коль сяда и сяда мазыкс и арукс арси республиканьконь столицац—Саранскяйсь. Тяни ётат сонь ульцянзон, проспектонзон, парконзон, лия вастонзон эзга и седице пяшкоди кенярьдемада, гордостьта и ошть, и марнек Мордовиять инкса. Сембода лама полафткста, конешна, эвондась тяса футболть коряс Миронь чемпионатти анокламста. Ваносте, кодамот тяни ошень китне, вокзалхне! Мяльцень стане жа саласазь «Тавла» гостинично-жилой од комплекссь и Экопарксь. Марнек полафтсь, лиякс арась аэропортсь. Тяни тяста самолетса можна пачкодемс Москуву и Санкт-Петербургу. А мзяра строяф идень садта, школада, гипермаркетта, лама лия пяк эрявикс объектта. А кода аф лятфтамс уникальнай спортивнай объектть—«Мордовия Арена» стадионть. Сон сембоса отвечай тяниень пингонь инь оцю вешфксненди. Аф стак самай тяса меля налхксть миронь инь вии футбольнай командатне. Тя ли аф фантастика, тя ли аф честь сембонди тейнек. А ёфси аф кунара Саранскяйса ётафтфоль эйть лангса конькаса фигурнайста куркснемать коряс Россиянь чемпионатсь. И тяконь лаца спортонь оцю праздникт миньцонк ётафневихть аф шуроста.
Спортсь лихтезе столицаньконь пяк няевикс вастс, тиезе сонь содафокс аф аньцек Россияса, а марнек мирса-масторса. «Саранскяйсь—тя афкуксонь Европейскяй ош, тяса сембось тиф-ладяф оцю уровеньца»,—тяфта азондсазь эсь мяльснон-арьсемаснон столицаньконь колга тяза сашенды инжихне.
Мария Тарасова.
10.01.2019  № 1
 

10 январьста—Мордовиять шачема шиц

Панчфокс панчт, мокшэрзянь краеньке!
Тячи Мордовия Республиканьконь шачема шиц. Топодсь 89 киза, кода теенза максф государственность. 1930 кизонь 10 январьста ВЦИК-ть Президиумоц примась постановления Мордовскяй округть Мордовскяй автономнай областекс тиеманц колга. Тя шись и лувондови мокшэрзянь республикати шачема шикс. А ниле кизода меле тифоль Мордовскяй АССР-сь.
Тянь мархта путфоль цебярь ушеткс касоманди-виияманди. Ётаф пингста ламода кассь республикать экономическяй виец, кеподсь культурась, образованиясь, наукась. Ламоц земляконьке арасть гордостекс аф аньцек Мордовияса, но и сембе Россияса.
Сембода оцю сатфкст миньцонк сатфт мекольдень кизотнень. Мордовиясь путневи примеркс лиятненди, тяза сашендыхть опытонкса, тонафнема. И ули мезти тонафнемс. Республиканьке тячи—странать инь  вишкста вииякшни региононзон эзда фкясь.
10.01.2019  № 1
 

Мордовия Республикань культурань, национальнай политикань, туризмань и архивнай тевонь министрсь А.М.ЧУШКИН: «ЛАДЯМА СЕМЬЯСОНТ И САТФКСТ ТЕВСОНТ!»

28.12.2018
 

Н.П.Огарёвонь лемса Национальнай исследовательскяй Мордовскяй государственнай университетонь ректорсь С.М.ВДОВИН: «КАТК ЁТАФТОВИХТЬ ЭРЯФС СЕМБЕ ВАЛДА МЯЛЕНТЕ И ПЛАНОНТЕ!»

28.12.2018
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин