Поиск по сайту: 
 

Архив
 октябрь 
 2018 
пн вт ср чт пт сб вс
1234567
891011121314
15161718192021
22232425262728
293031    

 
 

 

Тема дня

ПАНЧФТ И КАЗНЕТ— ЦЕБЯРЬ САТФКСОНЬ САТЫХНЕНДИ

27 апрельста МР-нь Государственнай Рузонь Драматическяй театраса етась торжественнай собрания, кона лемтьфоль 1 Маень праздникти. Тяза кочксевсть республикань трудовой коллективонь лама представитель, медицинаса, образованияса, культураса покодихть. Торжественнай собраниять панжемда инголе пуромфненди няфтьфоль аф оцю видеофильма, коса азондовсь Саранскяень мекольце стройкатнень колга. Нят: «Мордовия Арена» стадионць, аэропортсь, ошень од гостиницатне, сеттне, китне. Сембось тя макссь праздничнай атмосфера, нинге сяда кеподезе ломаттнень мяльснон. Тяда меле вал сявсь Мордовия Республикань Правительствать Председателец В.Ф.Сушков.
—Монь пара мялезон, мес праздниконь карша азан тинь лемозонт седиста моли валхт,—мярьгсь Владимир Федорович.—Тинь минь гордостеньке, шнама ломаненьке. Тинь лезксонтень вельде минь строятама од экономика, кочксетяма оцю урожайхть, виияфнесаськ промышленностть и инновационнай технологиятнень. Тяни главнайсь—аф кирьфтамс уликс темпнень, тянкса тейнек эряви улемс марса, работамс фкя направленияса, фкя-фкянь ширень кирдезь. Поздравляндатядязь Тундань, Трудонь и Миронь праздникть мархта, сембоса теенть сатфкст, шумбраши и павазу эряф,—мярьгсь меколи В.Ф.Сушков.
Тяда меле Правительствать Председателец макссь казнет трудса оцю сатфксонь сатоманкса. Но васенцекс сценав серьгятьфоль Атюрьевскяй райононь эряйсь Ольга Стяпина, кона аралазень ваямада 5 кизоса Маша Канинать и 8 кизоса Наташа Канайкинать. Россиянь Президентть Указонц коряс, Ольга Стяпина казьф «За спасение погибавших» медальса. «Электровыпрямитель» заводонь научно-инженернай центрань директорти Г.Н.Шестоперовонди максф «РФ-нь Заслуженнай машиностроитель» почётнай лем. Российскяй Федерациянь Президентть Благодарностец азф Саранск ошень мэрти Петр Тултаевонди. Славань III степенень орденца торжественнай собранияса казьфтольхть М.Е.Евсевьевонь лемса МГПИ-нь ректорсь В.В.Кадакин, Н.П.Огаревонь лемса МГУ-ть видеса Историко-социологический институтонь директорсь Н.М.Арсентьев, 5№ республиканскяй больницянь главнай врачсь А.Н.Пинямаскин, «Эм-кат» ООО-нь генеральнай директорсь Камиль Мангутов. Поэтсь Камиль Тангалычев и спортсменць Александр Суринов тяни каннесазь «МР-нь государственнай премиянь лауреатонь» лемть, ульсть и лия казнет.
Меколи максфтольхть трудовой пялькстомаса сяськиень знамятне. Тядде синь сатсть «Зубово-Полянскяй автотранспортнай предприятияти», «Почта России» региональнай филиалти, Атяшевскяй районнай больницяти, МР-нь А.С.Пушкинонь лемса национальнай библиотекати, «ВКМ-Сталь», «Агрофирма «Новотроицкая», «Ремстрой» и лия коллектифненди.
Аделавсь торжественнай собраниясь праздничнай концертса.
Н.ЛОБАНОВ.

03.05.2018 №
 
 
 

 
НОВОСТИ
 
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

Турчак: В парламенты всех 85 субъектов России внесены законопроекты о сохранении региональных льгот для людей предпенсионного возраста

На сегодняшний день в парламенты всех субъектов Российской Федерации внесены
законопроекты о сохранении региональных льгот для женщин, достигших 55 лет, и для
мужчин 60 лет. Об этом сообщил секретарь Генерального совета «Единой России»
Андрей Турчак.
«На сегодняшний день в парламенты 85 субъектов РФ внесены законопроекты о
сохранении региональных льгот для граждан предпенсионного возраста – женщин 55 лет
и мужчин 60 лет. В 37 регионах законы о сохранении региональных льгот в прежних
возрастных границах уже приняты законодательными собраниями. Из них в 18 субъектах
РФ документы подписаны губернаторами. Еще в трех регионах данные законопроекты
рассмотрены и приняты в первом чтении. В 45 регионах России законопроекты будут
рассмотрены в самое ближайшее время: в большинстве – до конца сентября и в
нескольких – в октябре», – заявил Турчак.
По его словам, сохранение региональных льгот для людей предпенсионного возраста –
один из важнейших вопросов, который поднимался в субъектах РФ при обсуждении
совершенствования пенсионной системы. «Поэтому на совместном заседании
Генерального совета и Совета руководителей фракций мы приняли решение рассмотреть
вопрос о сохранении региональных льгот для людей предпенсионного возраста в
осеннюю сессию. Нашу инициативу в своем обращении поддержал Президент России
Владимир Путин», – напомнил Турчак.
24.09.2018
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин