Поиск по сайту: 
 

Архив
 январь 
 2019 
пн вт ср чт пт сб вс
 123456
78910111213
14151617181920
21222324252627
28293031   

 
 

 

Национальная тематика

Мордовия Республикань Оцюнять Посланияса арьсефть—эряфс!

—Кода содаф, Поволжскяй центрась эсь тевонзон вельде аф фкя киза ни     виияфты кода мокшэрзянь, стане и Российскяй Федерациянь финно-угорскяй лия нароттнень национальнай культураснон эса. Раиса Ивановна, кода тядде мольфтевихть тевонте?
—Финно-угорскяй народонь культурань Поволжскяй центрась, эсь Уставонц коряс, вяти тефт аф аньцек Россиянь финно-угорскяй нароттнень национальнай культураса, но и мероприятиянзон вельде кемокстай федеральнай и региональнай уровеньца российскяй нациянь нароттнень еткса межнациональнай и межконфессиональнай соткснень эса.
Нинге азома: сембе пуромкснень аноклакшнесаськ и етафнесаськ Мордовия Республикань Культурань, национальнай политикань, туризмань и архивнай тевонь, Образованиянь, Печатень и информациянь министерстватнень, Н.П. Огарёвонь лемса Мордовскяй госуниверситетть,   М.Е.Евсевьевонь лемса Мордовскяй педагогическяй институтть   лезксснон вельде. Эрявикс лезкс Поволжскяй центрати фалу макссихть Мокшэрзянь народть Межрегиональнай общественнай организацияц, республикань лия нароттнень общественнай организациясна и национально-культурнай автономиясна, конат сембе сувасть «Мордовия Республикань Народонь ялгаксшинь куд» организацияти.
Федеральнай уровеньца Поволжскяй центрати фалу лезды Национальносттнень тевснон коряс Федеральнай агентствась. Самай сонь и Мордовия Республикань Культурань, национальнай политикань, туризмань и архивнай тевонь министерствать лезксснон вельде Поволжскяй центрась 21 апрельста Мордовияса и Россиянь лия региоттнень эса ветецеда ётафтозе «Мокшень и эрзянь кяльса тотальнай диктант» Всероссийскяй образовательнай акциять. Тяда башка, Агентствать руководителец И.В.Баринов инголивок фалу макссесь эрявикс лезкс Мордовиянь федеральнай уровенень проекттненди.
Кепотьксонди, «Волгась—ялгаксшинь ляй» Международнай этнокультурнай экспедициясь мекольдень пингть фалу аноклакшневсь и ётафневсь И.В.Бариновонь лезксонц вельде. Надиян: тяддевок Международнай этнокультурнай экспедициять анокламста и етафтомста Национальносттнень тевснон коряс Федеральнай агентствась кирдьсы ширеньконь.
Васенце кизефксть коряс ёран нинге азомс вов мезе: тя пингс Поволжскяй центрась ётафтозень «Иттнень мокшень и эрзянь кяльхненди тонафнемаснон коряс инь цебярь воспитательсь», «Лама национальностень Мордовиясь» фотографиянь Республиканскяй конкурснень, кемокстась национальносттнень еткса соткснень азербайджанецнень «Навруз» иласост и «Тядянь-алянь кяльсь—ломанень вайме» праздникса, кона лемтьфоль Мокшэрзянь кяльхнень Всероссийскяй шиснонды.
Удалафста Поволжскяй центрась етафтозе патриотизмань урокть, конань пингста ульсь васедема сембе Мордовияти содаф труженицать, Славань орденонь кавалерть В.Н.Самаровать мархта. Аш кода аф лятфтамс «Мокшэрзянь кяльхне культурань диалогса» Всероссийскяй научно-практическяй конференциять, Арьсян, сон арась тёкшекс Поволжскяй центрать тяда ингольдень сембе пуромксонзонды, конатнень етафтоськ тяддеть ушетксста сявомок.
—Кода содаф, Мордовия Республикань Оцюнясь В.Д.Волков Государственнай Собранияти тяддень Посланиясонза путсь од и оцю вешфкст республикань культурати.
—Кирдемок мяльса Мордовия Республикань Оцюнять Посланияса азф вешфкснень, анокласьк «Мокшэрзянь кяльхне культурань диалогса» Всероссийскяй научно-практическяй конференциять. Пингстонза Мордовия Республикань исполнительнай и законодательнай властень представительхне, мокшэрзянь ученайхне, педагокне, национальнай общественнай организациянь и национальнай культурань деятельхне марса ванозь, кода тонафневихть мокшень и эрзянь кяльхне, мокшэрзянь литературась республикань школатнень и вуснень эса. Конференцияса ванфоль, кода республикань музейса ванфневи мокшэрзянь народть историческяй уликсшиц.
Конференциять Резолюцияса, кона кучфоль властень оргаттненди, участниконза, кирдемок мяльса Мордовия Республикань Оцюнять Посланияса азф вешфкснень, азсть мяльхть, кода синь сяда курок етафтомс эряфс.
Тейнек Мокшэрзянь народть Межрегиональнай общественнай Организациять Исполкомонц заседанияса пара улель нинге весть ваномс, кода сяда цебярьста етафтомс эряфс Посланияса и конференциять резолюцияса азф вешфкснень.
—Мордовия Республикать столицаса курок етайхть футболть коряс Миронь чемпионатть матченза.
—Поволжскяй центрась Мокшэрзянь народть Межрегиональнай общественнай организациянц и республикань национальнай лия организациятнень мархта аноклайхть культурнай козя программа, кона няфтеви болельщикненди и лия инжихненди.
Надиян: сон туй синь мялезост.
—Удалаза арьсефонте, Раиса Ивановна.
—Сюкпря.
                                                                                                                                           В.НЕСТЕРОВ.

10.05.2018 №
 
 
 

 
НОВОСТИ
 

Мордовиянь Оцюнясь Владимир Волков Ётафтсь национальнай проекттнень эряфс етафтомаснон коряс рабочай совещания

17.01.2019  № 2
 
 
 

Ули мезенкса кеняртькшнемс

Монь, кода од ломанень, пяк лад мялезон ся, кода кизоста кизос коль сяда и сяда мазыкс и арукс арси республиканьконь столицац—Саранскяйсь. Тяни ётат сонь ульцянзон, проспектонзон, парконзон, лия вастонзон эзга и седице пяшкоди кенярьдемада, гордостьта и ошть, и марнек Мордовиять инкса. Сембода лама полафткста, конешна, эвондась тяса футболть коряс Миронь чемпионатти анокламста. Ваносте, кодамот тяни ошень китне, вокзалхне! Мяльцень стане жа саласазь «Тавла» гостинично-жилой од комплекссь и Экопарксь. Марнек полафтсь, лиякс арась аэропортсь. Тяни тяста самолетса можна пачкодемс Москуву и Санкт-Петербургу. А мзяра строяф идень садта, школада, гипермаркетта, лама лия пяк эрявикс объектта. А кода аф лятфтамс уникальнай спортивнай объектть—«Мордовия Арена» стадионть. Сон сембоса отвечай тяниень пингонь инь оцю вешфксненди. Аф стак самай тяса меля налхксть миронь инь вии футбольнай командатне. Тя ли аф фантастика, тя ли аф честь сембонди тейнек. А ёфси аф кунара Саранскяйса ётафтфоль эйть лангса конькаса фигурнайста куркснемать коряс Россиянь чемпионатсь. И тяконь лаца спортонь оцю праздникт миньцонк ётафневихть аф шуроста.
Спортсь лихтезе столицаньконь пяк няевикс вастс, тиезе сонь содафокс аф аньцек Россияса, а марнек мирса-масторса. «Саранскяйсь—тя афкуксонь Европейскяй ош, тяса сембось тиф-ладяф оцю уровеньца»,—тяфта азондсазь эсь мяльснон-арьсемаснон столицаньконь колга тяза сашенды инжихне.
Мария Тарасова.
10.01.2019  № 1
 

10 январьста—Мордовиять шачема шиц

Панчфокс панчт, мокшэрзянь краеньке!
Тячи Мордовия Республиканьконь шачема шиц. Топодсь 89 киза, кода теенза максф государственность. 1930 кизонь 10 январьста ВЦИК-ть Президиумоц примась постановления Мордовскяй округть Мордовскяй автономнай областекс тиеманц колга. Тя шись и лувондови мокшэрзянь республикати шачема шикс. А ниле кизода меле тифоль Мордовскяй АССР-сь.
Тянь мархта путфоль цебярь ушеткс касоманди-виияманди. Ётаф пингста ламода кассь республикать экономическяй виец, кеподсь культурась, образованиясь, наукась. Ламоц земляконьке арасть гордостекс аф аньцек Мордовияса, но и сембе Россияса.
Сембода оцю сатфкст миньцонк сатфт мекольдень кизотнень. Мордовиясь путневи примеркс лиятненди, тяза сашендыхть опытонкса, тонафнема. И ули мезти тонафнемс. Республиканьке тячи—странать инь  вишкста вииякшни региононзон эзда фкясь.
10.01.2019  № 1
 

Мордовия Республикань культурань, национальнай политикань, туризмань и архивнай тевонь министрсь А.М.ЧУШКИН: «ЛАДЯМА СЕМЬЯСОНТ И САТФКСТ ТЕВСОНТ!»

28.12.2018
 

Н.П.Огарёвонь лемса Национальнай исследовательскяй Мордовскяй государственнай университетонь ректорсь С.М.ВДОВИН: «КАТК ЁТАФТОВИХТЬ ЭРЯФС СЕМБЕ ВАЛДА МЯЛЕНТЕ И ПЛАНОНТЕ!»

28.12.2018
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин