Поиск по сайту: 
 

Архив
 август 
 2019 
пн вт ср чт пт сб вс
   1234
567891011
12131415161718
19202122232425
262728293031 

 
 

 

Письма из села

Республикань велетнень эса

Нинге кемоньшка кизода инголе Краснослободскяй райононь Мокшень Полянка велеса кржа мезе кеняртьфтсь сельме. Ламось тяса срафтфоль-калафтфоль, ломаттне ащесть тевфтома, велеряйхнень оцю пялькссна тушендсть покодема шири. Тяни картинась няевиста полафни, лама семья кочказь предпринимательскяй тевть—касфнихть жуватат, кудонь нармотть, заняфт перень серонь касфнемаса. Пример сембонди няфни крестьянско-фермерскяй хозяйствань вятись Пётр Богдашкин. Мокшалясь лама киза эрясь и покодсь Саранскяйса, но фкя пингть сонь седиец меки тердезе вели. Тяни рьванц Еленать мархта касфнихть тракст, буканят, тувот, учат, кудонь нармотть. Эрь кизоня Богдашкиттне мишендихть кемотть центнер сиволь, лама лофца, вай. Синь лацост панчсихть фермат и лия велеряйхне, конат тяфта жа лишнай продукцияснон мишендьсазь государствати.
Но сембода кеподи мяль ся, кода сонць велесь полафнесы шамаликонц, срафтф-калафтф куттне одукс петневихть тяниень пингонь материалса, латцевихть од перяфкст, стройсевихть гарашт, банят, пирьфт. Мокшень Полянка велеса лама кудта, конат строяфтольхть 100-120 кизода инголе. Материалсь стройканди аноклакшневсь эсь велеса, кирпицсь тяса ульсь инь цебярсь районца. Вов мес тястонь строениятне тячемс кирдихть одта лац, синь бта аф векта инголе кепотьфт, а строяфт аньцек исяк. Маштсть атянь-атяньке цебярьста работама, семботь тиендезь совестьс коре, лама кизос.
—Тяфтама кудта велесонк ведьгемоньшка,—азонды велеряйсь Пётр Богдашкин.—Инголи синь шавотольхть, кивок кудазорхнень эзда ашезь ляда шиса, а кинь-бди идьсна сявозь мархтост эряма ошу. Но ламоц од ломаттне меки кармасть мртцема тядянь-алянь куду и тефне велеса лаказевсть. Фкя-фкянь лангс ванозь оттне кярьмодсть оцю реконструкциянь тиема, эрь кудса кулят молаткань и узерень чакамат, пиласа вжнамань увф. Монцьке кеветиешка кизода инголе петине тядянь-алянь кудоньконь.
Велеса улихть кутт, конат строяфт тячиень архитектурас коре. Сембе синь лац поладозь ингольдень пингть строяф куттнень мазышиснон, бта васедсть кафта поколеният. Азома и сянь колга, тяса шачф лама велеряй примсихть участия благотворительнай акциянь ётафтомста, мезьса маштыхть кирнесазь велеть ширенц. Синь лезксснон вельде Мокшень Полянкаса строяф Шкаень куд, часовня, петевихть китне. Велеряйхне сюконяйхть синь пара тевснон инкса и колгаст азондыхть шнама валхт.
                                                                                                                                            Н.ЛОБАНОВ.
                                                                                                                                     Фототне авторть.

10.05.2018 №
 
 
 

 
НОВОСТИ
 

Новый благотворительный проект для пенсионеров Саранска!

В Саранске с 1 июля стартует новый благотворительный проект «От грёз к реальности». Проект был разработан Мордовским республиканским отделением Общероссийского благотворительного общественного фонда «Российский фонд милосердия и здоровья», его поддержка осуществлена в рамках конкурса социально­-значимых просветительских проектов для пожилых людей «Серебряный возраст» на средства, предоставленные АО «Райффайзенбанк».
Цель проекта—обучение пожилых людей оказанию психологической и педагогической самопомощи и взаимопомощи с целью сохранения благоприятного психологического самочувствия, развития и активизации их интеллектуальной деятельности и позитивной жизненной позиции.
В рамках проекта предполагается осуществить обучение 50 пожилых людей основам геронтопсихологической и педагогической самопомощи и взаимопомощи. Обучение будет проходить на базе ГБУ РМ «Комплексный центр социального обслуживания по г.о. Саранск» с июля по октябрь 2019 года. В качестве выездных мероприятий по проекту запланированы посещения Мордовского республиканского краеведческого музея им. И.Д.Воронина, библиотеки им. А.С.Пушкина, городского зо-опарка.
19.07.2019
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин