Поиск по сайту: 
 

Архив
 июнь 
 2019 
пн вт ср чт пт сб вс
     12
3456789
10111213141516
17181920212223
24252627282930

 
 

 

В Госсобрании РМ

МР-нь Госсобраниять Председателец Владимир Чибиркин васетькшнесь Госдумань депутатть Василий Пискаревонь мархта

26 июньцта МР-нь Госсобраниять Председателец Владимир Чибиркин васетькшнесь Госдумань депутатть, коррупциять каршес тюремань и безопасностть коряс Комитетть председателенц Виталий Пискаревонь мархта, кона сась Мордовияв региональнай недялянь етафтомань пингть.
Василий Пискарев азондсь 2018 кизонь федеральнай бюджетти примаф полафткснень колга.
Бюджетть доходонза ульсть касфтфт 1,815 триллион цалковайда—17,073 триллион цалковайти, карьхцне—61,9 миллиард цалковайда, 16,591 триллион цалковайти молемс. Сембе средстватне туйхть разнай социальнай задачань решандамс. Тяконди, максови региоттненди 2,5 миллиардонь цалковай скорай медицинскяй лезксонь максомань машинань и школьнай автобусонь рамамс, а стане жа агропромышленнай комплексть ширенц кирдеманкса.
Рабочай васедемаса стане жа ванондовсть «Единая Россия» ВПП МРО-ть Региональнай политсоветонц,   кона етафтовсь 21 июньцта, итогонза. Владимир Чибиркин азондсь предварительнай вайгялень максомань результаттнень колга, отмечамок, што синь етасть оцю уровеньца, закононь колсемафтома, панжадоста и легетимнайста, и азондсь сай кочкаматненди, конат етафтовихть 2018 кизонь сентябрьста, анокламать колга.
МР-нь Госсобраниять Председателец и Госдумань депутатсь ванондозь футболть коряс Миронь чемпионатонь етафтомань пингть правопорядкать и безопасностть обеспечендаманц коряс кизефксть. Мордовиясь примазень матчнень и сембе синь етасть нарушенияфтома и происшествияфтома, инжихнень и Саранск ошень эряйхнень безопасностьсна ульсь обеспечендаф инь оцю уровеньца.

05.07.2018 №26
 
 
 

 
НОВОСТИ
 
 
 

«Рузаевкаса мольфтевихть анокламатне стекольнай заводть панжеманцты»

Мордовиянь Оцюнясь Владимир Волков:
Мордовиянь Оцюнясь Владимир Волков 29 майста ётафтсь рабочай васедема Рузаевскяй райононь руководительть Вячеслав Кормилицынонь мархта. Ванондовсть территориять социально-экономическяй виияфтоманц коряс кизефксне. Тяконь лувксса корхтамась мольфтевсь социальнай объекттнень строямаснонды анокламать колга: Рузаевкаса Паровознай ульцяса 160 вастонди идень садть, Татаронь Пишляса 250 вастонди школать, фельдшерско-акушерскяй пункттнень.
Ванондовсть районца водоснабжениянь и водоотведениянь систематнень одкстоптомаснон, а стане жа «Безопасные и качественные автомобильные дороги» национальнай проектть эряфс ётафтоманц рамкаса китнень строямаснон и петемаснон коряс кизефксне. Тядде, кода отмечазе Вячеслав Кормилицын, петевихть-одкстоптовихть 13 вайгяльбень кувалмоса кит.
06.06.2019  № 22
 

Аделсеви «Мокшень правдати» сёрматфтомась

Эряскодода!
Кельгома ялгат!
2019 кизоть омбоце пяленцты «Мокшень правдати» сёрматфтомать шумордамс ляткшни аньцек кафта недялят.  И ули тячи мяленьке нинге весть азомс нюрьхкяняста: мес именна «Мокшень правда» эряви тинь семьянтенди.
Кода аф ужяль, мокшэрзятнень лувкссна стаки кири. А «Мокшень правдась» семботь тиендьсы сянкса, штоба аф нолдамс тянь. Кода ванфтомс и виияфтомс кяленьконь, культураньконь, аф юкстамс эсь коеньконь-обуцяньконь—вов мезть колга мольфтеви корхтамась сонь лопанянзон эса. Пцтай эрь номерса макссевихть материалхт мокшэрзятнень историяснон, содаф ломаньцнон колга, азонкшневи народоньконь арьсеманзон и пичефксонзон колга.
«Мокшень правдаса» макссевихть медицинскяй темас советт и рекомендацият, советт перень сёронь касфнихненди и жувата мельге якайхненди. Эрь номерса ули юморонь и сатирань уженя, рузонь кяльса печатлакшневихть недялянди ламоц телевизионнай программатне.
«Мокшень правдась» республиканскяй газетатнень эзда фкя инь интереснай и уцез газетась. Сон нльне сяда уцез ламоц «районкатнень» коряс.
Теенза тяшфтемать питнец:
6 ковонди—336 цалковай,
3 ковонди—168 цалковай.
Газетать индексоц П4719.
 Эряскодода почтав. Тоса учихть эсонт. Пингсь содай ётаманц.
06.06.2019  № 22
 
 
 
 

ВЛАДИМИР ВОЛКОВ примась участия РФ-нь Правительствать вице-премьеронц Виталий Мутконь председательстванц ала совещанияса

14 майста Мордовиянь Оцюнясь Владимир Волков примась участия совещанияса, конань видеоконференциянь лаца ётафтозе РФ-нь Правительствань вице-премьерсь Виталий Мутко. Совещаниянь основной кизефксокс арасть уштомань пингонь ётай кизонь итокне.

 


Виталий Мутко отмечазе: ся региоттнень эса, коса губернаторхне шарфнихть башка мяль тя темати, сезонць ётась тапорксфтома. Но марнек,   ЖКХ-нь объекттнень эса чрезвычайнай ситуациянь лувкссь кассь, и главнай туфталсь—сеттнень таштомомасна. Вице-премьерсь отмечазе, што сай кизоста сявомок арьсекшневи нолдамс коммунальнай инфраструктурать, кона 60 процентта таштомсь, одкстоптоманц коряс федеральнай программать. Сяс региоттненди эряви максомс  РФ-нь Минстрои тяфтама объекттнень и капитальнай вложениятнень размерснон коряс, конат эрявихть тиемс нормативно-техническяй вешфксненди кондястикс, педа-пес кочкаф информация.

24.05.2019
 

Сёрматфтода «Мокшень правда» уцез (льготнай) питнеса

24.05.2019
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин