Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Тема дня

САРАНСКЯИ ЧЕМПИОНАТС ПУРОМКШНЕСТЬ ПФО-нь СУДЬЯТНЕ

Шуваланяста, 27 сентябрьста, Саранскяйса «Мордовия»   спорткомплексса панжевсь Приволжскяй федеральнай округонь судьятнень ёткса ёмла футболть коряс XI чемпионатсь. Торжественнай мероприятияса примась участия Мордовия Республикань Оцюнясь В.Д.Волков.
Чемпионатса пялькстсть судьянь командатне, конат састь ПФО-нь сембе 14 региоттнень эзда, тяконь лувксса и Мордовиянь командась, конань вятьсы МР-нь Верховнай судть председателенц заместителец И.И.Сюбаев.
Эсь корхтамасонза республикань Оцюнясь отмечазе, што Приволжскяй федеральнай округсь странань фкя и тяка административно-территориальнай единицась, коса лама киза ни ётафневихть судьятнень ёткса ёмла футболть коряс чемпионатт.
В.Д.Волков шарфтсь мяль сянди, што пялькстоматне ётафтовихть 2018 кизонь футболть коряс Миронь чемпионатть ётафтома кизоня, конань матчензон примазь ПФО-нь 4 ошне, тяконь лувксса и Саранскяйсь.
—Миньцонк тиф спортивнай пяк цебярь инфраструктура,—азозе региононь вятись.—Строяфт спортивнай объектт аф аньцек Саранскяйса, но и республикань райоттнень эса.
В.Д.Волков стане жа азозе, што Мордовиясь аф весть лувонтфоль Россиянь   субъекттнень ёткста инь спортивнай регионкс. Республикаса спортса фалу занцихть пря эряйхнень 39 процентсна.
МР-нь Оцюнясь арьсесь чемпионатонь участникненди няфтемс цебярь результатт, а Мордовиянь командати—сувамс пялькстомань призерхнень лувксс.
Меколи В.Д.Волков казсь лятфнембяленди казне Саратовскяй областной судть председателенц заместителенцты О.М.Ляпинонди, конань тя шиня ульсь шачема шиц.
Чемпионатть торжественнай панжемасонза стане жа примасть участия МР-нь Государственнай Собраниянь Социальнай политикать коряс комитетть председателец Р.З.Аширов, Мордовиянь Верховнай судть председателец С.В.Штанов, МР-нь Судьянь советть председателец, республикань Арбитражнай судть председателец С.В.Александров.
О.СЕРГЕЕВА.

04.10.2018 №39
 
 
 

 
НОВОСТИ
 
 
 
 
 
 
 
 

Полафтови пенсиятненди социальнай доплатань максомась

Ня шитнень Мордовия Республикать эзга Россиянь Пенсионнай фондть Отделениясонза ётась пресс-конференция, конань вятезе Управляющайсь В.И.Василькин.
Пуромксть панжемста Владимир Ильич азозе, што аф кунара Россиянь Пенсионнай фондсь тись итокт 2018 кизонь работать коряс ПФР-нь инь цебярь территориальнай органть кочкаманкса конкурсти. Мордовиянь Отделениясь азф инь цебярькс Приволжскяй федеральнай округса и сувафтф ПФР-нь фкя инь цебярь отделениятнень лувксс Российскяй Федерацияса.
Сяда тов пачфтьфоль аф работай пенсионерхненди, конатнень пенсиясна регионца ладяф прожиточнай минимумда кржа, социальнай доплататнень максомаснон полафтоманц и пенсияснонды индексациянь тиемать колга. «Государственнай социальнай лезксть колга» и «Российскяй Федерацияса прожиточнай минимумть колга» федеральнай закоттненди сувафтф полафткснень мяльс сявозь прожиточнай минимумда кржа пенсияти индексациясь тяни тиеви тяфта. Васенда аф работай пенсионерть доходоц пачфтеви прожиточнай минимумть лувксс пенсияти социальнай доплатать вельде (кда сявомс Мордовиять, пенсиясь касфтови 8522 цалковайс) и аньцек тяда меле тиеви индексация пенсияти и эрь ковонь ярмаконь выплататненди (кда тяфтамот пандовихть пенсионерти). Тяфта, индексациять вельде сатф суммась кармай сяда оцю регионца ладяф прожиточнай минимумть коряс. Мордовияса пенсиятнень перерасчетсна тиеви майста ни. Республикаса прибавка получайхть 24 тёжянь пенсионерсь.
30.04.2019  № 17
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин