Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

ФКЯ-ФКЯНЬ МАРХТА ЛАДЯМАТЬ ПАРОЦ

Мордовия Республикань Пресс-центраса
Мордовия Республикань Социально-экономическяй мониторингонь научнай центрась 2018 кизонь майста «Качество жизни населения Республики Мордовия» лем ала ётафтсь социологическяй оцю исследования, конань коряс кизефневсь Мордовиять столицаса и муниципальнай райоттнень эса 1000 ломанць.
Исследованиять пингста ломаттне тяфта жа макссть ответт ся кизефкснень лангс, конатнень эзда содавсь, мезе синь содайхть Мордовия Республикань Культурань, национальнай политикань, туризмань и архивнай тевонь министерствать работанц квалма.
Социологическяй оцю исследованиять тя пяльксонц итогонзонды лемтьфоль брифингсь, кона 2 октябрьста ётафтовсь республикань Пресс-центраса. Пингстонза республикань государственнай властень и Социально-экономическяй мониторингонь научнай центрань представительхне азондозь журналисттненди эсь мяльснон ня итокнень колга.
Мордовия Республикань культурань, национальнай политикань, туризмань и архивнай тевонь министрть васенце заместителец А.И.Карьгин:
—Межнациональнай и межконфессиональнай соткснень коряс Мордовия Республикаса сатомшка сидеста ётафневихть социологическяй исследованият. Кда корхтамс мекольцеть, кона ётафтовсь тяддень майста, итогонзон колга, эряви азомс, синь минь кеняртьфтемазь. Сяс мес няфтезь: Мордовиянь межнациональнай и межконфессиональнай сфераса сембе ширдень сотксне сядонга кемокстасть. И тя кемокстамась вииякшни кизоста кизос.
2008 кизоста сявомок, мзярда межнациональнай и межконфессиональнай соткснень коряс васенцеда ётафтовсь социологическяй оцю исследования, тяддети самс республикаса министерстваньке тись оцю работа. Сяс сяда товга тяфта жа эрьгавста карматама вятема тефт тя сфераса, кирдемок мяльса сянь, што ладямась межнациональнай и межконфессиональнай сфераса—тя минь стратегическяй ресурсоньке!
Мордовия Республикань Оцюнять Администрацияса внутренняй политикать коряс Управлениянь консультантсь Е.А.Демьянов:
—Кода содаф, социологиясь мекольдень кизотнень арась пяк эрявикс инструментокс эрь тевса, конатнень эса тиихть-вятихть Мордовия Республикань Оцюнять Администрацияц и республикань министерстватне и ведомстватне. Сяс Социально-экономическяй мониторингонь научнай центрать, кона панжевсь кефкие кизода инголе, тевонзон лувкссна кизоста кизос няевиста касы и, койсон, кармай касома сяда товга. Улема, тячи аш ни стама важнай тема, конань коряс республикань эряйхнень ёткса афоль ётафтов опрос. И синь итогсна лездыхть республикань руководствати кеподемс народть эряфонц од серьс.
Социально-экономическяй мониторингонь научнай центрать ведущай научнай сотрудникоц В.Н.Мотькин:
—Корхтамок «Качество жизни населения Мордовии» проектть колга, эряви азомс: сонь эряфс ётафтомстонза минь научнай центраньке кизефнесь ломатть кода Саранскяйса, стане и республикань муниципальнай сембе райоттнень эса. Сяс ули кода азомс,  социологическяй исследованиять итогонза няфнесазь Мордовиянь народть марстонь мяленц.
Эряви отмечамс, тя социологическяй исследованиясь Мордовия Республикаса ётафтф Россиянь Президентть В.В.Путинонь Федеральнай Собранияти Посланиянц и «майскяй» Указонзон вешфксснон коряс, конаса Президентсь кошардозень исполнительнай властень оргаттнень кеподемс народть благосостояниянц.
Социологическяй исследованияньке няфтезе: Мордовия Республикаса 2013 кизоста сявомок, мзярда ётафтфоль тяфтама жа опрос, народть эряфонц качествац и благосостоянияц няевиста кассть.
Социально-экономическяй мониторингонь научнай центрать учёнай секретарец, социологическяй наукань кандидатсь Л.Н.Курышова:
—Лама национальностень и религиознай конфессиянь регионца, кодамкс ащи Мордовия Республикась, эряфть качестванц колга лама азондыхть межнациональнай и межрелигиознай соткснень состояниясна. Сяс эряви азомс, тяда ингольдень и тяниень исследованияньке няфнесазь, што тя сфераса молихть цебярь процесст. Лиякс мярьгомс, республикаса межнациональнай и межрелигиознай сотксне кизоста кизос арсихть сяда кемокс.
Тяфта жа тяда ингольдень и тяниень исследованияньконь итогсна няфнесазь: республикаса кизоста кизос и сатомшка няевиста касы ломаттнень лувкссна, конат сидеста якайхть театрав, музеи, выставкас, концертс и национальнай мероприятияс.
Тя фактсь корхтай сянь колга, што Мордовия Республикань Культурань, национальнай политикань, туризмань и архивнай тевонь министерствась и сонь учреждениянза работайхть цебярьста, тяниень вешфкснень коряс.
В.НЕСТЕРОВ.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022